admin

  ਫ਼ਰੀਦਕੋਟ/ ਸੁਰਿੰਦਰ ਮਚਾਕੀ ਇਥੋ ਦੇ ਗੁਰੂ ਗੋਬਿੰਦ ਸਿੰਘ ਹਸਪਤਾਲ ਵਿੱਚ ਮਰੀਜ਼ਾਂ ਦੀ ਖੱਜਲ ਖੁਆਰੀ ਰੋਕਣ ਤੇ ਉਨ੍ਹਾਂ ਨੂੰ ਪੇਸ਼ ਆ ਰਹੀਆਂ ਮੁਸ਼ਕਲਾਂ ਦੂਰ ਕਰਨ ਲਈ ਪ੍ਰਬੰਧਕੀ ਸੁਧਾਰ ਕਰਨ ਲਈ ਸੁਝਾਅ ਦੇਣ ਲਈ  ਡਾਕਟਰੀ ਵਿਦਿਆ ਤੇ ਖ਼ੋਜ  ਮੰਤਰੀ  ਓ. ਪੀ. ਸੋਨੀ ਵੱਲੋਂ ਡਿਪਟੀ ਕਮਿਸ਼ਨਰ ਦੀ ਅਗਵਾਈ ਵਿੱਚ 15 ਮਾਰਚ ਨੂੰ ਬਣਾਈ ਕਮੇਟੀ ਦੀ ਕਾਰਵਾਈ ਵੀ ਠੰਢੇ ਬਸਤੇ ਵਿੱਚ ਪਾ ਦਿੱਤੀ ਗਈ ਜਾਪਦੀ ਹੈ। ਕਮੇਟੀ ਨੇ 20 ਦਿਨਾਂ ਵਿੱਚ ਸਰਕਾਰ ਨੂੰ ਆਪਣੀ ਰਿਪੋਰਟ ਦੇਣੀ ਸੀ ਜਿਸ ਦੀ ਪਲੇਠੀ ਮੀਟਿੰਗ 5 ਅਪ੍ਰੈਲ ਨੂੰ ਹੋਈ ਜਿਸ ਵਿੱਚ ਹਸਪਤਾਲ ਤੋ ਇਲਾਵਾ ਇਸ ਨੂੰ ਚਲਾ ਰਹੀ ਸੰਸਥਾ ਬਾਬਾ ਫ਼ਰੀਦ ਯੂਨੀਵਰਸਟੀ ਆਫ ਹੈੱਲਥ ਸਾਇੰਸਜ਼ ਫ਼ਰੀਦਕੋਟ ਦੇ ਉਚ ਅਧਿਕਾਰੀ , ਵਿਧਾਇਕ ਕੁਸ਼ਲਦੀਪ ਸਿੰਘ ਢਿੱਲੋ ਤੇ ਵਿਧਾਇਕ ਕੁਲਤਾਰ ਸਿੰਘ ਸੰਧਵਾਂ ,ਜਨਤਕ ਜੱਥੇਬੰਦੀਆਂ ਦੇ ਨੁਮਾਇੰਦੇ ਤੇ ਪ੍ਰਸ਼ਾਸਕੀ ਅਧਿਕਾਰੀ ਸ਼ਾਮਲ ਹੋਏ। ਕਈ ਘੰਟੇ ਚਲੀ ਇਸ ਮੀਟਿੰਗ ਵਿੱਚ ਬਹੁਤ ਸਾਰੇ ਮੁੱਦੇ ਵਿਚਾਰੇ ਗਏ ਜਿਨ੍ਹਾਂ ਵਿੱਚੋ ਕੁਝ ਕੁ ਹੱਲ ਵੀ ਕੀਤੇ ਗਏ ਪਰ ਇਸ ਤੋ ਬਾਅਦ ਕੋਰੋਨਾ ਰੁਝੇਵਿਆਂ ਕਾਰਨ ਕੋਈ ਮੀਟਿੰਗ ਨਹੀ ਕੀਤੀ ਗਈ। ਕੋਰੋਨਾ ਪ੍ਰਕੋਪ ਘਟਣ ਤੋ ਬਾਅਦ ਕਮੇਟੀ ਮੈਂਬਰ ਮਨਪ੍ਰੀਤ ਸਿੰਘ ਧਾਲੀਵਾਲ ਤੇ ਗੁਰਪ੍ਰੀਤ ਸਿੰਘ ਚੰਦਬਾਜਾ ਨੇ16 ਜੂਨ,7 ਜੁਲਾਈ ਅਤੇ 9 ਜੁਲਾਈ ਨੂੰ  ਮੀਟਿੰਗ ਬੁਲਾਉਣ ਡਿਪਟੀ ਕਮਿਸ਼ਨਰ ਤੇ ਕਮੇਟੀ ਦੇ ਚੇਅਰਮੈਨ ਨੂੰ ਲਿਖਤੀ ਬੇਨਤੀ ਕਰਨ ਦੇ ਬਾਵਜੂਦ ਮੀਟਿੰਗ ਬੁਲਾਈ ਨਹੀ ਜਾ ਰਹੀ। ਇਸ ਤੋ ਸ਼ੱਕ ਹੋ ਰਿਹਾ ਹੈ ਕਿ ਜਿਲ੍ਹਾ , ਹਸਪਤਾਲ ਤੇ ਯੂਨੀਵਰਸਟੀ  ਪ੍ਰਸ਼ਾਸਨ ਮੀਟਿੰਗ ਕਰਨ ਅਤੇ ਮਸਲੇ  ਹੱਲ ਕਰਨ ਤੋ ਟਾਲਾ ਵੱਟ ਰਿਹਾ ਹੈ। ਕਮੇਟੀ ਮੈਂਬਰ ਧਾਲੀਵਾਲ ਤੇ ਚੰਦਬਾਜਾ ਨੇ ਡਾਕਟਰੀ ਵਿਦਿਆ ਤੇ ਖ਼ੋਜ ਮੰਤਰੀ ਓ ਪੀ ਸੋਨੀ ਨੂੰ ਪੱਤਰ ਲਿਖ ਕੇ ਕਮੇਟੀ ਚੇਅਰਮੈਨ ਨੂੰ ਮੀਟਿੰਗ  ਬੁਲਾਉਣ ਦੀ ਹਦਾਇਤ ਕਰਨ ਦੀ ਮੰੰਗ ਕਰਦਿਆ ਚਤਾਵਨੀ ਦਿਿੱਤੀ ਹੈ ਕਿ ਜੇ ਹਫ਼ਤੇ ਵਿੱਚ ਮੀਟਿੰਗ ਨਾ ਬੁਲਾਈ ਤਾਾਂ ਜਥੇਬੰਦੀਆ ਮੁੜ ਸੰਘਰਸ਼ ਵਿਿੱਢਣਗੀਆਂ ।

  ਫ਼ਰੀਦਕੋਟ/ ਸੁਰਿੰਦਰ ਮਚਾਕੀ ਪੰਜਾਬ ਸਰਕਾਰ ਵੱਲੋ ਛੇਵੇ ਤਨਖ਼ਾਹ ਕਮਿਸ਼ਨ ਦੀ ਸਿਫਾਰਸ਼ ਦੇ ਹਵਾਲੇ ਨਾਲ  ਸਰਕਾਰੀ  ਡਾਕਟਰ ਤੇ ਮੈਡੀਕਲ ਅਧਿਆਪਕਾਂ ਦਾ ਐਨ ਪੀ ਏ 25ਤੋ ਘਟਾਕੇ 20 ਫੀਸਦ ਕਰਨ ਤੇ ਇਸ ਨੂੰ ਵੀ ਮੁੱਢਲੀ ਤਨਖ਼ਾਹ ਨਾਲੋ ਤੋੜਨ ਦੇ  ਜਾਰੀ ਨੋਟੀਫਿਕੇਸ਼ਨ ਤੋ ਖਫ਼ਾ ਸੂਬੇ ਦੇ ਸਰਕਾਰੀ ਮੈਡੀਕਲ, ਆਯੂਰਵੈਦਿਕ ਤੇ ਡੈਟਲ ਕਾਲਜ ਦੇ ਅਧਿਆਪਕਾਂ ਦੇ ਨਾਲ ਨਾਲ ਇਥੋ ਦੇ ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਕਾਲਜ ਅਤੇ ਹਸਪਤਾਲ ਦੇ ਡਾਕਟਰ ਅਧਿਆਪਕ ਵੀ ਨਿਰੰਤਰ ਹੜਤਾਲ ‘ਤੇ ਹਨ। ਇਸ ਕਾਰਨ ਮਰੀਜ਼ਾਂ ਦੇ ਇਲਾਜ ਲਈ ਓ  ਪੀ ਡੀ ਸੇਵਾਵਾਂ ਮੁਕੰਮਲ ਬੰਦ ਹਨ  ਤੇ ਐਮ ਬੀ ਬੀ ਐਸ ਅਤੇ ਪੋਸਟ ਗ੍ਰੈਜੂਏਟ ਵਿਦਿਆਰਥੀਆਂ ਦੀਆਂ ਕਲਾਸਾਂ ਵੀ ਨਹੀ ਲਗਾਈਆਂ ਜਾ ਰਹੀਆਂ। ਮੈਡੀਕਲ ਟੀਚਰਜ਼ ਐਸੋਸੀਏਸ਼ਨ ਵੱਲੋ ਇਸ ਸਬੰਧੀ ਪ੍ਰੈੱਸ ਕਾਨਫਰੰਸ ਵੀ ਕੀਤੀ ਗਈ ਜਿਸ ਨੂੰ ਸੰਬੋਧਨ ਕਰਦਿਆ ਐਸੋਸੀਏਸ਼ਨ ਪ੍ਰਧਾਨ ਪ੍ਰੋ ਡਾ ਚੰਦਨਪ੍ਰੀਤ ਕੌਰ  ਨੇ ਕਿਹਾ ਐਨ ਪੀ ਏ ਉਨ੍ਹਾਂ ਲਈ ਜਰੂੂੂਰੀ ਪਰ ਇਸ ਲਈ ਹੜਤਾਲ ਕਰਨੀ ਉਨ੍ਹਾਂ ਦੀ   ਮਜ਼ਬੂਰੀ  ਬਣ ਗਈ ਹੈ। ਵਾਰ ਵਾਰ ਯਤਨ ਕਰਨ ਦੇ ਬਾਵਜੂਦ ਸਰਕਾਰ   ਕਿਸੇ  ਸਟੇਜ ‘ਤੇ ਵੀ ਉਨ੍ਹਾਂ ਦੀ ਸੁਣਵਾਈ ਨਹੀ ਕਰ ਰਹੀ । ਇਸ ਕਰਕੇ ਨਾ ਚਾਹੁੰਦਿਆ ਉਨ੍ਹਾਂ ਨੂੰ ਮਰੀਜਾਂ ਦਾ ਇਲਾਜ ਛੱਡ ਕੇ ਹੜਤਾਲ ‘ਤੇ ਜਾਣਾ ਪਿਆ ਹੈ।  ਉਨ੍ਹਾਂ ਐਨ ਪੀ ਏ ਬਾਰੇ ਖੜ੍ਹੇ ਕੀਤੇ ਜਾ ਰਹੇ ਭਰਮ ਭੁਲੇਖੇ ਦੂਰ ਕਰਦਿਆ ਆਖਿਆ ਕਿ ਇਹ ਮਹਿਜ ਨਿਜੀ ਪ੍ਰੈਕਟਿਸ ਨਾ ਕਰਨ ਦੇ ਇਵਜਾਨੇ ਵਿੱਚ ਮਿਲਿਆ ਭੱਤਾ ਹੀ  ਨਹੀ ਸਗੋ ਇਸ ਦਾ ਘੇਰਾ ਤੇ ਅਰਥ ਬੜੇ ਵਸੀਹ ਹਨ। ਉਨ੍ਹਾਂ ਜ਼ੋਰ ਦੇ ਕਿ ਕਿਹਾ ਕਿ ਡਾਕਟਰ ਬਣਨ ਲਈ ਉਮਰ ਦੇ ਗਿਆਰਾਂ ਬਾਰ੍ਹਾਂ ਵਰ੍ਹੇ ਗਾਲਣ ਤੇ ਹਫ਼ਤੇ ਦੇ ਸੱਤੇ ਦਿਨ ਚੌਵੀ ਘੰਟੇ ਡਿਊਟੀ ਕਰਨ ਤੇ ਨਿਰਧਰਤ ਜ਼ੁੰਮੇਵਾਰੀਆਂ ਤੋ ਇਲਾਵਾ ਬਹੁਤ ਸਾਰੀਆਂ ਹੋਰ ਵਿਭਾਗੀ ਜ਼ੁੰਮੇਵਾਰੀਆਂ ਹੁੰਦਿਆਂ ਹਨ ਜਿਹੜੀਆਂ ਉਹ ਨਿਭਾਉਦੇ ਹਨ। ਉਨ੍ਹਾਂ ਦੇ ਇਵਜਾਨੇ ਤੇ ਹੌਸਲਾਅਫਜਾਈ ਵਜੋ ਇਹ ਭੱਤਾ ਦਿਤਾ ਜਾਂਦਾ ਹੈ। ਜਨਰਲ ਸਕੱਤਰ  ਡਾ ਅਮਰਦੀਪ ਬੋਪਾਰਾਏ ਨੇ  ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ ਮੋਹਾਲੀ   , ਮਲੇਰਕੋਟਲੇ  ਸਮੇਤ ਪੰਜਾਬ ਵਿੱਚ 4 ਮੈਡੀਕਲ ਕਾਲਜ ਖੋਲ੍ਹਣ ਦਾ  ਸੁਆਗਤ ਕਰਦਿਆ ਸੁਆਲ ਉਠਾਇਆ ਕਿ ਪੰਜਾਬ ਦੇ ਸਰਕਾਰੀ ਕਾਲਜ ਤਾਂ ਪਹਿਲਾ ਹੀ ਫੈਕਲਟੀ ਦੇ ਗੰਭੀਰ ਸੰਕਟ ਚੋ ਲੰਘ ਰਹੇ ਹਨ  ਤਾਂ ਇਨ੍ਹਾਂ ਕਾਲਜਾਂ ਵਾਸਤੇ ਸਰਕਾਰ ਫੈਕਲਟੀ  ਕਿਥੋ ਆਏਗੀ ? ਉਨ੍ਹਾਂ ਜਲੰਧਰ ਦੇ ਕਾਲਜ ਦੀ ਮਿਸਾਲ ਦਿੰਦਿਆ ਕਿਹਾ ਕਿ ਵਖ ਵਖ ਸਰਕਾਰੀ ਤਜਰਬਿਆ ਦੇ ਬਾਵਜੂਦ ਇਹ ਕਾਲਜ ਗੰਭੀਰ ਸੰਕਟ ਵਿੱਚ ਹੈ।  ਉਨ੍ਹਾਂ ਸਪਸ਼ਟ ਦੋਸ਼ ਲਾਇਆ ਕਿ ਐਨ ਪੀ ਏ ਦੇ ਨਵੇ ਫਾਰਮੂਲੇ ਨਾਲ ਮੈਡੀਕਲ ਅਫਸਰ ਦੀ 15ਤੋ 20 ਹਜ਼ਾਰ ਮਹੀਨਾ ਤਨਖ਼ਾਹ ਘਟਦੀ ਹੈ ਦਰਜਾ ਬ ਦਰਜਾ ਇਹ ਸਭ ਦੀ ਘਟਦੀ ਹੈ। ਇਸ ਨੇ ਫੈਕਲਟੀ ਦੀ ਉਪਲੰਬਧਾ ਹੋਰ ਘਟਾਉਣੀ ਹੈ। ਉਨ੍ਹਾਂ ਡਾਕਟਰਾਂ,  ਸਿਹਤ ਵਿਗਿਆਨੀਆਂ ਸਮੇਤ ਮੁਲਕ ਤੇ ਵਿਸ਼ੇਸ਼ ਕਰਕੇ ਪੰਜਾਬ ਵਿੱਚੋ ਬ੍ਰੇਨ ਡ੍ਰੇਨ ਨੂੰ ਇਸ ਨਾਲ ਜੋੜਦਿਆ ਸੁਆਲ ਉਠਾਇਆ ਜਦੋ ਹੁਨਰ ਮੁਤਾਬਕ ਆਰਥਕ ਪੈਕੇਜ ਨਾ ਮਿਲੇ ਚੇਬਣਦਾ ਮਾਣ ਤਾਣ ਵੀ ਨਾ ਮਿਲੇ ਫਿਰ ਬ੍ਰੇਨ ਡ੍ਰੇਨ ਕਿਉ ਨਾ ਹੋਵੇਗਾ ? ਉਨ੍ਹਾਂ ਕਿਹਾ ਕਿ ਅਸੀਂ ਸਰਕਾਰ ਨੂੰ ਮੁੜ ਅਪੀਲ ਕਰਦੇ ਹਾਂ ਕਿ ਐੱਨਪੀਏ ਵਧਾ ਕੇ 25 ਫੀਸਦ ਕੀਤਾ ਜਾਵੇ ਅਤੇ ਉਸ ਨੂੰ ਬੇਸਿਕ ਪੇ ਨਾਲ ਜੋੜਿਆ    ਜਾਵੇ ਨਹੀਂ ਤਾਂ ਅਸੀਂ ਆਪਣਾ ਸੰਘਰਸ਼ ਹੋਰ ਤੇਜ਼ ਕਰਾਂਗੇ  ।   ਡਾ ਸੰਜੇ ਗੁਪਤਾ  ਨੇ ਕਿਹਾ ਬਾਕੀ ਸਾਡਾ ਐੱਨਪੀਏ ਘਟਾ ਕੇ ਸਰਕਾਰ ਨੇ ਸਾਡੀ  ਪਿੱਠ ਚ ਛੁਰਾ ਘੋਪਿਆ ਹੈ , ਜੋ ਕਿ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ  ਕਿਉਂਕਿ ਇਸ ਵਿੱਚ ਆਰਥਕ ਘਾਟਾ ਬਹੁਤ ਜ਼ਿਆਦਾ ਪੈਦਾ ਹੈ ਅਤੇ ਆਉਣ ਵਾਲੀਆਂ ਪੀਡ਼੍ਹੀਆਂ ਇਸ ਨਾਲ ਖਰਾਬ ਹੋਣਗੀਆਂ  । ਡਾ ਪ੍ਰਦੀਪ ਗਰਗ ਐੱਚ ਓ ਡੀ ਰੇਡੀਓਥੈਰੇਪੀ ਨੇ ਕਿਹਾ ਕਿ ਸਰਕਾਰ ਹਮੇਸ਼ਾ ਹੀ ਮੁਲਾਜ਼ਮਾਂ ਨਾਲ ਧੱਕਾ ਕਰਦੀ ਆਈ ਹੈ ਪਰ ਐੱਨ ਪੀ ਏ ਘਟਾ ਕੇ  ਕੇ ਉਸ ਨੇ ਮਰੀਜ਼ਾਂ ਦਾ ਬਾਰੇ ਕੁਝ ਵੀ ਨਹੀਂ ਸੋਚਿਆ ਹੈ । ਸਾਰੀ ਉਮਰ ਡਾਕਟਰਾਂ ਦੀ ਪੜ੍ਹਾਈ ਵਿੱਚ ਨਿਕਲ ਜਾਂਦੀ ਹੈ ਅਤੇ ਜਦੋਂ ਸੁਫਨੇ ਸਾਕਾਰ ਹੋਣ ਦਾ ਵੇਲਾ ਆਉਂਦਾ ਹੈ ਤਾਂ ਸਰਕਾਰਾਂ ਹਕੀ ਤਨਖ਼ਾਹ ਦੇਣ ਵੀ ਆਪਣਾ ਹੱਥ ਘੁੱਟ ਲੈਂਦੀਆਂ ਹਨ    । ਡਾ  ਸਰਿਤਾ ਜੋ ਕੇ ਪੈਥਾਲੋਜੀ ਦੇ ਪ੍ਰੋਸੈਸਰ ਐਂਡ ਹੈੱਡ ਹਨ ਨੇ ਪੈਨਸ਼ਨ ਦਾ ਮਹਤੱਵਪੂਰਨ ਮੁੱਦਾ ਉਠਾਉਦਿਆ ਕਿਹਾ ਕਿ 1 ਜਨਵਰੀ2004 ਤੋ ਬਾਅਦ ਭਰਤੀ ਡਾਕਟਰ ਤੇ ਫੈਕਲਟੀ ਅਧਿਆਪਕਾਂ ‘ਤੇ  ਪੁਰਾਣੀ ਪੈਨਸ਼ਨ ਲਾਗੂ ਨਾ ਹੋਣ ਕਰਕੇ ਉਨ੍ਹਾਂ ਦਾ ਬੁਢਾਪਾ ਪਹਿਲਾ ਹੀ ਆਰਥਕ ਤੌਰ ‘ਤੇ ਸੁਰੱਖਅਤ ਨਹੀ ਰਿਹਾ ਤੇ ਐਨ ਪੀ ਏ ਘਟਾ ਕੇ ਤੇ ਇਸ ਨੂੰ ਮੁੱਢਲੀ ਤਨਖ਼ਾਹ ਨਾਲੋ ਤੋੜਨ ਕੇ ਸਰਕਾਰ ਨੇ ਵੱਡੀ ਆਰਥਕ ਸੱਟ ਮਾਰੀ ਹੈ।  ਉਨ੍ਹਾਂ ਕਿਹਾ ਕਿ ਇਸ ਨਾਲ ਸਪੈਸ਼ਲਿਸਟ ਤੇਸੁਪਰ ਸਪੈਸ਼ਲਿਸਟ ਫੈਕਲਟੀ ਦੀ ਘਾਟ ਦਾ ਨਾਲ ਜੂਝ  ਰਹੇ ਮੈਡੀਕਲ ਕਾਲਜਾਂ ਦਾ ਸੰਕਟ ਹੋਰ ਡੂੰਘਾ ਹੋਵੇਗਾ। ਇਸ ਦਾ   ਡਾਕਟਰੀ ਵਿਦਿਆ ਦੇ ਮਿਆਰ ‘ਤੇ ਮਾੜਾ ਅਸਰ ਹੋਵੇਗਾ।  ਕੌਮੀ ਤੇ ਕੌਮਾਂਤਰੀ ਮੈਡੀਕਲ ਜੌਬ ਮਾਰਕੀਟ ਵਿੱਚ ਪੰਜਾਬ ਦੇ ਡਾਕਟਰ ਵਿਦਿਆਰਥੀਆਂ ਦੇ ਮੌਕੇ ਹੋਰ ਘਟਣਗੇ। ਇਸ ਮੌਕੇ ਡਾਕਟਰ ਰਾਜੀਵ ਜੋਸ਼ੀ ਸਾਬਕਾ ਮੈਡੀਕਲ ਸੁਪਰਡੈਂਟ,  ਡਾ ਰਾਜ ਕੁਮਾਰ,  ਡਾ ਗੁਰਬਖਸ਼ ਸਿੰਘ,  ਡਾ ਨਵਦੀਪ ਸਿੰਘ ਸਿੱਧੂ ਤੇ ਡਾ ਸ਼ਮੀਮ ਵੀ ਮੌਜੂਦ ਸਨ।

  ਮੁਲਾਜ਼ਮ ਵੰਗਾਰ : ਤੈਨੂੰ ਦੱਸ ਮੁਲਾਜ਼ਮਾਂ ਨੇ ਦੇਣਾ 22 ਨਾ ਹੁਣ ਦੂਰ ਰਾਜਿਆ  ਫ਼ਰੀਦਕੋਟ/ ਸੁਰਿੰਦਰ ਮਚਾਕੀ , 17 ਜੁਲਾਈ ਪੰਜਾਬ ਤੇ ਯੂ ਟੀ ਮੁਲਾਜ਼ਮ ਪੈਨਸ਼ਨਰ ਸਾਂਝਾ ਫਰੰਟ ਦੀਆਂ ਅਗਵਾਈ ਵਿੱਚ ਮੁਲਾਜ਼ਮ ਤੇ ਪੈਨਸ਼ਨਰ ਜੱਥੇਬੰਦੀਆਂ ਅੱਜ ਪੰਜਾਬ ਦੇ ਕੈਬਨਿਟ ਮੰਤਰੀਆਂ ਦੇ ਘਰਾਂ ਨੂੰ ਮਾਰਚ ਕਰਨਗੀਆਂ ਜਿਥੇ ਉਹ ਛੇਵੇ ਤਨਖ਼ਾਹ ਕਮਿਸ਼ਨ ਦੀਆਂ ਸਿਫਾਰਸ਼ਾਂ ਕਾਟ ਛਾਟ ਕਰਕੇ ਵਿੱਤ ਵਿਭਾਗ ਵੱਲੋ ਲਾਗੂ ਕਰਨ ਅਤੇ ਪੰਜਾਬ ਸਰਕਾਰ ਵੱਲੋ ਨਿਰੰਤਰ ਮੁਲਾਜ਼ਮਾਂ ਤੇ ਪੈਨਸ਼ਨਰਾਂ ਦੀ ਕਦਰ ਘਟਾਈ ਲਈ ਜੁਆਬ ਮੰਗਣਗੀਆਂ। 29 ਨੂੰ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੇ ਜੱਦੀ ਸ਼ਹਿਰ ਪਟਿਆਲੇ ਵੱਡੀ ਰੈਲੀ ਕਰਕੇ ਸਰਕਾਰ ਨੂੰ ਮੁਲਾਜ਼ਮ ਪੈਨਸ਼ਨਰ ਦੋਖ਼ੀ ਨੀਅਤ ਤੇ ਨੀਤੀ ਛੱਡ ਕੇ ਫਰੰਟ ਨਾਲ ਗੱਲਬਾਤ ਕਰਕੇ ਸੋਧ ਕੇ ਤਨਖ਼ਾਹ ਰਿਪੋਰਟ ਲਾਗੂ ਕਰਨ ਲਈ ਕਿਹਾ ਜਾਵੇਗਾ, ਨਹੀ ਤਾਂ 2022 ਦੀ ਵਿਧਾਨ ਸਭਾ ਚੋਣਾਂ ਵਿੱਚ ਮੁਲਾਜ਼ਮ ਪੈਨਸ਼ਨਰ ਦੇ ਰੋਹੀਲੇ ਪ੍ਰਤੀਕਰਮ ਦਾ ਸਾਹਮਣਾ ਕਰਨ ਦੀ  ਚੇਤਾਵਨੀ ਦਿੱਤੀ ਜਾਵੇਗੀ। ਕਨਵੀਨਰ  ਪ੍ਰੇਮ ਸਾਗਰ ਸ਼ਰਮਾ, ਸਤੀਸ਼ ਰਾਣਾ, ਜਗਦੀਸ਼ ਸਿੰਘ ਚਾਹਲ, ਸੁਖਚੈਨ ਸਿੰਘ ਖਹਿਰਾ, ਠਾਕੁਰ ਸਿੰਘ, ਕਰਮ ਸਿੰਘ ਧਨੋਆ, ਜਰਮਨਜੀਤ ਸਿੰਘ, ਸੁਖਦੇਵ ਸਿੰਘ ਸੈਣੀ,ਸਤਨਾਮ ਸਿੰਘ , ਅਵਿਨਾਸ਼ ਚੰਦਰ ਸ਼ਰਮਾ, ਕੁੁਲਵਰਨ ਸਿੰਘ ਨੇ ਜਾਣਕਾਰੀ ਦਿੰਦਿਆ ਪੰਜਾਬ ਸਰਕਾਰ ਦੀ ਦੋਗਲੀ ਨੀਅਤ ਤੇ ਨੀਤੀ ਬਾਰੇ ਸਖ਼ਤ ਨਰਾਜ਼ਗੀ ਵਿਖਾਉਦਿਆ ਕਿਹਾ ਕਿ ਇਕ ਪਾਸੇ ਸਰਕਾਰ   ਮੰਤਰੀਆਂ ਤੇ ਅਫ਼ੀਸਰ ਕਮੇਟੀਆਂ ਰਾਹੀ ਮੁਲਾਜ਼ਮ ਪੈਨਸ਼ਨਰ ਦੇ ਮਸਲੇ ਮੰਗਾਂ ਹੱਲ ਕਰਨ ਲਈ ਜੱਥੇਬੰਦੀਆਂ  ਦੀ ਸੁਣਵਾਈ ਕਰ ਰਹੀ ਹੈ ਤੇ ਦੂਜੇ ਪਾਸੇ ਮੁਲਾਜ਼ਮ ਮਾਰੂ ਤਨਖਾਹ ਕਮਿਸ਼ਨ ਲਾਗੂ ਕਰਨ ਤੇ ਆਪਸ਼ਨ ਮੰਗਣ  ਦਾ ਨੋਟੀਫਿਕੇਸ਼ਨ ਵੀ ਜਾਰੀ ਕਰ ਰਹੀ ਹੈ,। ਤਨਖਾਹ ਕਮਿਸ਼ਨ ਸਿਫਾਰਸ਼ਾਂ ਨੂੰ ਮੁੜ ਇਕ ਵਾਢਿਓ ਰੱਦ ਕਰਦਿਆ  ਫਰੰਟ ਕਨਵੀਨਰਾਂ ਨੇ ਫਰੰਟ   ਮੰਗ ਕਰਦਾ ਹੈ ਕਿ ਘੱਟੋ ਘੱਟ ਤਨਖ਼ਾਹ  26000/ਰੁਪਏ  ਮਹੀਨਾ ਦਿੱਤੀ ਜਾਵੇ ਅਤੇ ਤਨਖਾਹ ਤੈਅ ਕਰਨ ਲਈ ਗੁਣਾਂਕ ਫਾਰਮੂਲਾ ਸਭ ਲਈ 3.74 ਤੈਅ ਕੀਤਾ ਜਾਵੇ । , ਮੈਡੀਕਲ ਬੱਝਵਾਂ ਭੱਤਾ 2000/ ਰੁਪਏ  ਮਹੀਨਾ ਕੀਤਾ ਜਾਵੇ ਅਤੇ ਬਾਕੀ ਸਾਰੇ  ਭੱਤੇ ਬਹਾਲ ਕਰਨ ਦੇ ਨਾਲ-ਨਾਲ ਉਨ੍ਹਾਂ ਵਿੱਚ 2.25 ਨਾਲ ਵਾਧਾ ਕੀਤਾ ਜਾਵੇ। , ਰਹਿ ਗਏ ਮੁਲਾਜ਼ਮਾਂ ਦੀ ਵੀ ਅਨਾਮਲੀ ਦੂੁਰ ਕੀਤੀ ਜਾਵੇ ਅਤੇ ਸਭ ਨੂੰ 01.ਜਨਵਰੀ .2006 ਤੋਂ ਬਣਦਾ ਲਾਭ ਦਿੱਤਾ ਜਾਵੇ। ਉਨ੍ਹਾਂ ਪੰਜਾਬ ਸਰਕਾਰ ਵੱਲੋਂ ਕੱਚੇ ਮੁਲਾਜ਼ਮ ਪੱਕੇ ਕਰਨ ਸਬੰਧੀ ਗਠਿਤ ਕੀਤੀ ਕੈਬਨਿਟ ਸਬ ਕਮੇਟੀ ਵੱਲੋਂ 30 ਜੂਨ ਨੂੰ ਸਰਕਾਰ ਨੂੰ ਸੌਪੇ  ਖਰੜੇ ਦੀ ਵੀ ਸਖ਼ਤ ਨਿਖੇਧੀ ਕੀਤੀ ਤੇ ਮੰਗ ਕੀਤੀ  ਕਿ ਹਰ ਤਰ੍ਹਾਂ ਦਾ ਕੱਚਾ ਮੁਲਾਜ਼ਮ ਬਿਨਾਂ ਸ਼ਰਤ ਪੱਕਾ ਕੀਤਾ ਜਾਵੇ। ਆਊਟਸੋਰਸਿੰਗ ਮੁਲਾਜ਼ਮ ਨੂੰ ਸਰਕਾਰ ਅਧੀਨ ਲਿਆ ਜਾਵੇ ਤੇ ਉਨ੍ਹਾਂ ਨੂੰ ਘੱਟੋ-ਘੱਟ ਤਨਖਾਹ  ਦਿੱਤੀ ਜਾਵੇ। ਆਸ਼ਾ ਵਰਕਰ ਤੇ ਫੈਸੀਲੇਟਟਰ,  ਮਿਡ ਡੇਅ ਮੀਲ ਵਰਕਰ ਤੇ ਆਂਗਣਵਾੜੀ ਵਰਕਰ ਤੇ ਹੈਲਪਰ ਸਮੇਤ ਕੇਂਦਰ ਤੇ ਰਾਜ ਸਰਕਾਰ ਦੇ ਵਖ ਵਖ ਸਕੀਮਾਂ ਤਹਿਤ ਮਾਣ ਭੱਤੇ ‘ਤੇ ਕੰਮ ਕਰ ਰਹੇ ਵਰਕਰਾਂ ਨੂੰ ਘੱਟੋ ਘੱਟ 26000 ਰੁਪਏ ਮਹੀਨਾ ਦਿੱਤਾ ਜਾਵੇ1ਜਨਵਰੀ2004 ਤੋ ਬਾਅਦ ਭਰਤੀ ਮੁਲਾਜ਼ਮਾਂ ‘ਤੇ ਵੀ ਪੁਰਾਣੀ ਪੈਨਸ਼ਨ ਸਕੀਮ ਕੀਤੀ ਜਾਵੇ। ਪੈਨਸ਼ਨਰਾਂ ਨੂੰ ਪੰਜ ਵਰ੍ਹੇ ਬਾਅਦ ਦਿੱਤਾ ਜਾਣ ਵਾਲਾ ਬੁਢਾਪਾ ਭੱਤਾ ਹਰ ਵਰ੍ਹੇ ਤੇ ਘੱਟੋ ਘੱਟ 3ਫੀਸਦ ਸਾਲਨਾ ਦਿੱਤਾ ਜਾਵੇ। ਸੋਧ ਕੇ ਕੈਸ਼ਲੈੱਸ ਹੈਲਥ ਇਲਾਜ ਸਕੀਮ ਲਾਗੂ ਕੀਤੀ ਜਾਵੇ। ਕਨਵੀਨਰਾਂ ਨੇ ਇਹ ਵੀ ਕਿਹਾ ਕਿ ਕੋਈ ਵੀ ਮੁਲਾਜ਼ਮ ਤੇ ਪੈਨਸ਼ਨਰ ਮੌਜੂਦਾ ਤਨਖਾਹ ਕਮਿਸ਼ਨ ਸਿਫਾਰਸ਼ਾਂ  ਲਾਗੂ ਕਰਨ ਲਈ ਜਾਰੀ  ਨੋਟੀਫਿਕੇਸ਼ਨ  ਲਾਗੂ ਕਰਾਉਣ ਲਈ ਆਪਸ਼ਨ ਨਹੀਂ ਦੇਵੇਗਾ  ਤੇ ਇਸ ਦੇ ਰੱਦ ਕਰਨ  ਲਈਲਿਖ ਕੇ ਦਿੱਤਾ ਜਾਵੇਗਾ । ਅੱਜ ਹੀ 18  ਸਾਂਝੇ ਅਧਿਆਪਕ ਮੋਰਚੇ ਵੱਲੋ ਕੈਬਨਿਟ  ਮੰਤਰੀਆਂ ਦੇ ਘਰਾਂ ਵੱਲ ਕੀਤੇ ਜਾ ਰਹੇ ਮਾਰਚ ਨਾਲ ਸਾਂਝਾ ਮਾਰਚ ਕੀਤਾ ਜਾਵੇਗਾ। ਜ਼ਿਕਰਯੋਗ ਹੈ ਪਹਿਲਾ ਪੰਜਾਬ ਤੇ ਯੂ ਟੀ ਸਾਂਝਾ ਮੁਲਾਜ਼ਮ ਮੋਰਚਾ ਤੇ ਉਸ ਨਾਲ ਜੁੜੀਆਂ ਜੱਥੇਬੰਦੀਆਂ ਫਰੰਟ ਨਾਲ ਜੁੜੇ ਤੇ ਹੁਣ ਪੰਜਾਬ ਸਟੇਟ ਕਰਮਚਾਰੀ ਦਲ( ਟੌਹੜਾ) , ਪੰਜਾਬ ਨਾਨ  ਗਜ਼ਟਿਡ ਫੋਰੈਸਟ ਆਫੀਸਰ ਯੂਨੀਅਨ,  ਪੰਜਾਬ ਰਾਜ ਫਾਰਮੇਸੀ ਆਫੀਸਰਜ ਐਸੋਸੀਏਸ਼ਨ,  ਪੰਜਾਬ ਨਰਸਿੰਗ ਐਸੋਸੀਏਸ਼ਨ,  ਆਲ ਪੰਜਾਬ ਸੁੁਪਰਵਾਈਜ਼ਰ ਯੂਨੀਅਨ,  ਬੀ ਈ ਐਡ  ਅਧਿਆਪਕ ਫਰੰਟ ਸਾਂਝੇ ਫਰੰਟ ਦੇ ਕਾਫ਼ਲੇ ‘ਚ ਆ ਰਲੇ। ਕਨਵੀਨਰਾਂ ਦੇ ਨਾਲ ਨਾਲ ਮਨਦੀਪ ਸਿੰਘ ਬੈਂਸ,  ਰਣਜੀਤ ਸਿੰਘ ਰਾਣਵਾਂ, ਕਰਮਜੀਤ ਸਿੰਘ ਬੀਹਲਾ ,ਰਵਿੰਦਰ ਲੂਥਰਾ , ਤਰਸੇਮ ਸਿੰਘ ਭੱਠਲ,  ਧਨਵੰਤ ਸਿੰਘ ਭੱਠਲ,  ਹਰਦੀਪ ਟੋਡਰਪੁਰ,  ਹਰਜੀਤ ਸਿੰਘ,  ਕਰਮ ਚੰਦ ਭਾਰਦਵਾਜ, ਕੁਲਬੀਰ ਸਿੰਘ ਸੈਦਖੇੜੀ  ਰਣਜੀਤ ਸਿੰਘ ਉਪਲ ਨਰਿੰਦਰ ਮੋਹਨ ਸ਼ਰਮਾ, ਪਰਮਜੀਤ ਕੌਰ,  ਬਲਵਿੰਦਰ ਲਹਿਲ, ਸਤਵਿੰਦਰ ਕੌਰ,  ਪਰਮਿੰਦਰ ਕੌਰ,  ਕੁੁੁਲਦੀਪ ਸਿੰਘ ਦੌੜਕਾ , ਜੰਗ ਜਸਬੀਰ ਸਿੰਘ ਗਿੱਲ , ਹਰਵਿੰਦਰ ਬਿਲਗਾ,ਅਜੀਤ ਪਾਲ ਸਿੰਘ, ਰਾਧੇ ਸ਼ਾਮ,  ਗੁਰਮੇਲ ਮੈਲਡੇ ਭਜਨ ਸਿੰਘ ਗਿੱਲ, ਨਛੱਤਰ ਸਿੰਘ, ਪ੍ਰਮੋਦ ਕੁਮਾਰ ਤੇ ਬਿਕਰਮਜੀਤ ਸਿੰਘ ਕੱਦੋ ਨੇ ਵੀ ਆਪੋ ਆਪਣੀ ਜੱਥੇਬੰਦੀਆਂ ਵੱਲੋ ਸਾਂਝੇ ਫਰੰਟ ਦੀ ਅਗਵਾਈ ਵਿੱਚ ਸਮਰਪਿਤ ਤੇ ਵਚਨਬੱਧ ਸੰਘਰਸ਼ ਲੜਨ ਦਾ ਐਲਾਨ ਕਰਦਿਆ ਅੱਜ ਮੰਤਰੀਆਂ ਦੇ ਘਰਾਂ ਵੱਲ ਕੂਚ ਮਾਰਚ ਵਿੱਚ ਅਤੇ 29ਨੂੰ ਪਟਿਆਲੇ ਰੈਲੀ ਵਿੱਚ ਸ਼ਾਮਲ ਹੋਣ ਦਾ ਐਲਾਨ ਕੀਤਾ।  

  ਐਸ.ਏ.ਐਸ.ਨਗਰ (ਮੁਹਾਲੀ), 17 ਜੁਲਾਈ- ਪੰਚਾਇਤ ਵਿਭਾਗ ਦੇ ਜ਼ਿਲ੍ਹਾ, ਡਿਵੀਜ਼ਨਲ ਅਤੇ ਮੁੱਖ ਦਫ਼ਤਰ ਵਿੱਚ ਤਾਇਨਾਤ ਅਧਿਕਾਰੀਆਂ ਦੀ ਹੜਤਾਲ ਅੱਜ ਚੌਥੇ ਦਿਨ ਤੇ ਵਿਭਾਗ ਦੇ ਬਲਾਕ ਵਿਕਾਸ ਅਤੇ ਪੰਚਾਇਤ ਅਫ਼ਸਰਾਂ ਦੀ ਹੜਤਾਲ ਅੱਠਵੇਂ ਦਿਨ ਵੀ ਜਾਰੀ ਰਹੀ। ਪੰਚਾਇਤ ਮੰਤਰੀ ਤ੍ਰਿਪਤ ਰਾਜਿੰਦਰ ਸਿੰਘ ਬਾਜਵਾ ਨੇ ਵਿਭਾਗ ਦੇ ਅਧਿਕਾਰੀਆਂ ਨਾਲ ਮੀਟਿੰਗ ਕਰ ਕੇ ਉਨ੍ਹਾਂ ਨੂੰ ਹੜਤਾਲ ਖਤਮ ਕਰਨ ਲਈ ਮਨਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਅਧਿਕਾਰੀ ਨਹੀਂ ਮੰਨੇ। ਧਰਨਾਕਾਰੀ ਅਧਿਕਾਰੀਆਂ ਨੇ ਪੰਚਾਇਤ ਵਿਭਾਗ ਦੇ ਫੇਜ਼ ਅੱਠ ਵਿਚਲੇ ਮੁੱਖ ਦਫ਼ਤਰ ਵਿਕਾਸ ਭਵਨ ਵਿੱਚ ਧਰਨਾ ਦਿੱਤਾ ਅਤੇ ਪੰਜਾਬ ਸਰਕਾਰ ਤੇ ਛੇਵੇਂ ਤਨਖਾਹ ਕਮਿਸ਼ਨ ਖ਼ਿਲਾਫ਼ ਨਾਅਰੇਬਾਜ਼ੀ ਕੀਤੀ। ਧਰਨੇ ਨੂੰ ਸੰਬੋਧਨ ਕਰਦਿਆਂ ਵਿਭਾਗ ਦੇ ਵਧੀਕ ਡਾਇਰੈਕਟਰ ਰਮਿੰਦਰ ਕੌਰ ਬੁੱਟਰ, ਜੁਆਇੰਟ ਡਾਇਰੈਕਟਰ ਅਵਤਾਰ ਸਿੰਘ ਭੁੱਲਰ, ਡਿਵੀਜ਼ਨ ਡਾਇਰੈਕਟਰ ਜਗਵਿੰਦਰਜੀਤ ਸਿੰਘ, ਏਡੀਸੀ (ਡੀ) ਅੰਮ੍ਰਿਤਸਰ ਰਣਬੀਰ ਸਿੰਘ ਮੂਧਲ, ਏਡੀਸੀ (ਡੀ) ਫ਼ਿਰੋਜ਼ਪੁਰ ਅਰੁਣ ਸ਼ਰਮਾ, ਏਡੀਸੀ (ਡੀ) ਨਵਾਂ ਸ਼ਹਿਰ ਅਮਰਦੀਪ ਸਿੰਘ ਬੈਂਸ, ਡੀਡੀਪੀਓ ਮਾਲੇਰਕੋਟਲਾ ਡਾ. ਰਿੰਪੀ ਗਰਗ, ਬੁੱਧੀ ਰਾਮ ਅਤੇ ਮੁਹਾਲੀ ਦੇ ਡੀਡੀਪੀਓ ਸੁਖਚੈਨ ਸਿੰਘ ਨੇ ਮੰਗਾਂ ਪੂਰੀਆਂ ਨਾ ਹੋਣ ’ਤੇ ਸੰਘਰਸ਼ ਤੇਜ਼ ਕਰਨ ਦੀ ਚਿਤਾਵਨੀ ਦਿੱਤੀ। ਬੀਡੀਪੀਓ ਐਸੋਸੀਏਸ਼ਨ ਦੀ ਪ੍ਰਧਾਨ ਨਵਦੀਪ ਕੌਰ, ਸੀਨੀਅਰ ਮੀਤ ਪ੍ਰਧਾਨ ਧਨਵੰਤ ਸਿੰਘ ਰੰਧਾਵਾ ਅਤੇ ਮੀਤ ਪ੍ਰਧਾਨ ਪ੍ਰਨੀਤ ਕੌਰ ਸਿੱਧੂ ਨੇ ਦੱਸਿਆ ਕਿ ਸੂਬੇ ਦੇ ਸਮੁੱਚੇ ਬਲਾਕਾਂ ਵਿੱਚ ਬੀਡੀਪੀਓਜ਼ ਦੀ ਮੁਕੰਮਲ ਹੜਤਾਲ ਸੱਤਵੇਂ ਦਿਨ ਵਿੱਚ ਦਾਖ਼ਲ ਹੋ ਗਈ ਹੈ। ਅਧਿਕਾਰੀਆਂ ਦੀ ਹੜਤਾਲ ਕਾਰਨ ਵਿਕਾਸ ਕਾਰਜ ਠੱਪ ਪੰਚਾਇਤ ਵਿਭਾਗ ਦੇ ਬਲਾਕ ਅਤੇ ਜ਼ਿਲ੍ਹਾ ਅਧਿਕਾਰੀਆਂ ਦੀ ਹੜਤਾਲ ਕਾਰਨ ਸੂਬੇ ਦੇ ਪਿੰਡਾਂ ਦੇ ਸਮੁੱਚੇ ਵਿਕਾਸ ਕੰਮ ਠੱਪ ਹੋ ਗਏ ਹਨ। ਕਈ ਸਰਪੰਚਾਂ ਨੇ ਦੱਸਿਆ ਕਿ ਉਹ ਵਿਕਾਸ ਕੰਮਾਂ ਲਈ ਗਰਾਂਟ ਰਾਸ਼ੀਆਂ ਦੇ ਚੈੱਕਾਂ ਉੱਤੇ ਬੀਡੀਪੀਓਜ਼ ਦੇ ਹਸਤਾਖ਼ਰ ਕਰਾਉਣ ਲਈ ਬਲਾਕ ਦਫ਼ਤਰਾਂ ਵਿੱਚ ਗੇੜੇ ਮਾਰ ਰਹੇ ਹਨ ਪਰ ਕੋਈ ਅਧਿਕਾਰੀ ਕੰਮ ਨਹੀਂ ਕਰ ਰਿਹਾ। ਸਰਪੰਚਾਂ ਨੇ ਪੰਜਾਬ ਸਰਕਾਰ ਤੋਂ ਪੰਚਾਇਤੀ ਅਧਿਕਾਰੀਆਂ ਦੀ ਹੜਤਾਲ ਜਲਦੀ ਖੁਲ੍ਹਵਾਉਣ ਦੀ ਮੰਗ ਕੀਤੀ ਹੈ