April 7, 2025

ਨਵੀਂ ਦਿੱਲੀ, 7 ਅਪ੍ਰੈਲ – ਭਾਰਤੀ ਮੁੱਕੇਬਾਜ਼ਾਂ ਨੇ ਬ੍ਰਾਜ਼ੀਲ ਵਿੱਚ ਕਰਵਾਏ ਗਏ ਵਿਸ਼ਵ ਮੁੱਕੇਬਾਜ਼ੀ ਕੱਪ ਵਿੱਚ ਆਪਣੀ ਮੁਹਿੰਮ ਦਾ ਅੰਤ ਹਿਤੇਸ਼ ਦੇ ਸੋਨ ਤਗ਼ਮੇ ਸਮੇਤ ਛੇ ਤਗ਼ਮੇ ਜਿੱਤੇ ਹਨ। ਭਾਰਤ ਵਿਸ਼ਵ ਮੁੱਕੇਬਾਜ਼ੀ ਵੱਲੋਂ ਕਰਵਾਏ ਗਏ ਕਿਸੇ ਉੱਚ-ਪੱਧਰੀ ਕੌਮਾਂਤਰੀ ਮੁਕਾਬਲੇ ਵਿੱਚ ਪਹਿਲੀ ਵਾਰ ਹਿੱਸਾ ਲੈ ਰਿਹਾ ਸੀ। ਹਿਤੇਸ਼ ਵਿਸ਼ਵ ਮੁੱਕੇਬਾਜ਼ੀ ਕੱਪ ਵਿੱਚ ਸੋਨ ਤਗ਼ਮਾ ਜਿੱਤਣ ਵਾਲਾ ਪਹਿਲਾ ਭਾਰਤੀ ਮੁੱਕੇਬਾਜ਼ ਬਣ ਗਿਆ ਹੈ। ਉਸ ਦਾ ਵਿਰੋਧੀ ਇੰਗਲੈਂਡ ਦਾ ਓਡੇਲ ਕਮਾਰਾ ਜ਼ਖਮੀ ਹੋਣ ਕਾਰਨ 70 ਕਿਲੋ ਭਾਰ ਵਰਗ ਦੇ ਫਾਈਨਲ ਲਈ ਰਿੰਗ ਵਿੱਚ ਉੱਤਰ ਹੀ ਨਹੀਂ ਸਕਿਆ। ਭਾਰਤੀ ਮੁੱਕੇਬਾਜ਼ ਅਭਿਨਾਸ਼ ਜਾਮਵਾਲ ਨੇ ਵੀ 65 ਕਿਲੋ ਭਾਰ ਵਰਗ ਦੇ ਫਾਈਨਲ ਵਿੱਚ ਜਗ੍ਹਾ ਬਣਾਈ ਸੀ ਪਰ ਸਥਾਨਕ ਦਾਅਵੇਦਾਰ ਯੂਰੀ ਰੀਸ ਨੂੰ ਸਖ਼ਤ ਟੱਕਰ ਦੇਣ ਦੇ ਬਾਵਜੂਦ ਉਸ ਨੂੰ ਚਾਂਦੀ ਦੇ ਤਗਮੇ ਨਾਲ ਸਬਰ ਕਰਨਾ ਪਿਆ। ਇਸ ਤੋਂ ਇਲਾਵਾ ਭਾਰਤ ਦੇ ਜਾਦੂਮਨੀ ਸਿੰਘ (50 ਕਿਲੋ), ਮਨੀਸ਼ ਰਾਠੌਰ (55 ਕਿਲੋ), ਸਚਿਨ (60 ਕਿਲੋ) ਅਤੇ ਵਿਸ਼ਾਲ (90 ਕਿਲੋਗ੍ਰਾਮ) ਨੇ ਕਾਂਸੇ ਦੇ ਤਗ਼ਮੇ ਜਿੱਤੇ।

ਅੰਮ੍ਰਿਤਸਰ, 7 ਅਪ੍ਰੈਲ – ਇਸ ਵੇਲੇ ਅਕਾਲੀ ਦਲ ਨਾਲ ਜੁੜੀ ਵੱਡੀ ਖਬਰ ਸਾਹਮਣੇ ਆ ਰਹੀ ਹੈ, ਹੁਣ ਕਰਨੈਲ ਸਿੰਘ ਪੀਰ ਮੁਹੰਮਦ ਨੇ ਅਕਾਲੀ ਦਲ ਤੋਂ ਅਸਤੀਫ਼ਾ ਦੇ ਦਿੱਤਾ। ਉਨ੍ਹਾਂ ਦੇ ਅਸਤੀਫ਼ੇ ਦੀ ਕਾਪੀ ਵੀ ਸਾਹਮਣੇ ਆਈ ਹੈ। ਕਰਨੈਲ ਸਿੰਘ ਪੀਰ ਮੁਹੰਮਦ ਨੇ ਕਿਹਾ ਹੈ ਕਿ ਸ੍ਰੀ ਅਕਾਲ ਤਖ਼ਤ ਸਾਹਿਬ ਸਾਡੇ ਲਈ ਸਰਬ ਉੱਚ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਅਕਾਲੀ ਦਲ ਦੀ ਸਰਕਾਰ ਸਮੇਂ ਸੌਦਾ ਸਾਧ ਮੁਆਫੀਆਂ ਦਿੱਤੀਆਂ ਹਨ ਅਤੇ ਉਥੇ ਹੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ ਹੋਈ। ਉਨ੍ਹਾਂ ਨੇ ਕਿਹਾ ਹੈ ਸ਼੍ਰੋਮਣੀ ਅਕਾਲੀ ਦਲ ਦੀ ਲੀਡਰਸ਼ਿਪ ਨੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੱਕ ਪਹੁੰਚ ਕੀਤੀ। ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੀ ਫਸੀਲ ਤੋ 2 ਦਸੰਬਰ ਵਾਲੇ ਫੈਸਲੇ ਮੌਕੇ 7ਮੈਂਬਰੀ ਕਮੇਟੀ ਬਣਾਈ ਸੀ ਬਾਅਦ ਵਿੱਚ ਹਰਜਿੰਦਰ ਸਿੰਘ ਧਾਮੀ ਨੇ ਅਸਤੀਫਾ ਦੇ ਦਿੱਤਾ। ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੀ ਫਸੀਲ ਤੋਂ ਬਣੀ 5 ਮੈਂਬਰੀ ਕਮੇਟੀ ਜੋ ਭਰਤੀ ਕਰ ਰਹੀ ਸੀ ਉਸ ਨੂੰ ਅਕਾਲੀ ਦਲ ਮੰਨ ਹੀ ਨਹੀ ਰਿਹਾ। ਉਨ੍ਹਾਂ ਨੇ ਕਿਹਾ ਹੈ ਕਿ ਪੰਥ ਲਈ ਇਕਜੁੱਟ ਹੋ ਕੇ ਕੰਮ ਕਰਨ ਦੀ ਲੋੜ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਮੈਨੂੰ ਨਰਾਜ਼ਗੀ ਸੀ ਕਿ 2 ਦਸੰਬਰ ਦੇ ਫੈਸਲੇ ਤੋਂ ਬਾਅਦ ਜਥੇਦਾਰਾਂ ਨੂੰ ਲਾਂਭੇ ਕਰ ਦਿੱਤਾ ਗਿਆ।

ਬਿਆਸ, 7 ਅਪ੍ਰੈਲ – ਕੈਬਨਿਟ ਮੰਤਰੀ ਬਿਜਲੀ ਅਤੇ ਲੋਕ ਨਿਰਮਾਣ ਵਿਭਾਗ ਸ ਹਰਭਜਨ ਸਿੰਘ ਈਟੀਓ ਨੇ ਸਰਕਾਰੀ ਸੀਨੀਅਰ ਸੈਕੈਂਡਰੀ ਸਕੂਲ ਵਡਾਲਾ ਜੌਹਲ ਦੇ ਸਮਾਗਮ ਵਿੱਚ ਬੱਚਿਆਂ ਅਤੇ ਪਤਵੰਤਿਆਂ ਨੂੰ ਸੰਬੋਧਨ ਕਰਦਿਆਂ ਆਪਣੇ ਜੀਵਨ ਅਤੇ ਨਿਸ਼ਾਨੇ ਦੀ ਪ੍ਰਾਪਤੀ ਲਈ ਕੀਤੇ ਸੰਘਰਸ਼ ਦੀ ਦਾਸਤਾਨ ਸੁਣਾਉਂਦਿਆਂ ਕਿਹਾ ਕਿ ਜੇਕਰ ਆਦਮੀ ਕੁਝ ਕਰਨਾ ਠਾਣ ਲਵੇ ਤਾਂ ਉਸ ਨੂੰ ਦੁਨੀਆਂ ਦੀ ਕੋਈ ਤਾਕਤ ਰੋਕ ਨਹੀਂ ਸਕਦੀ। ਉਹਨਾਂ ਕਿਹਾ ਕਿ ਤੁਹਾਡੇ ਪਿਆਰ ਅਤੇ ਅਸ਼ੀਰਵਾਦ ਨਾਲ ਮੈਨੂੰ ਸ ਭਗਵੰਤ ਸਿੰਘ ਮਾਨ ਨੇ ਮਹੱਤਵਪੂਰਨ ਮਹਿਕਮਿਆਂ ਦੀ ਜਿੰਮੇਵਾਰੀ ਸੌਂਪੀ ਅਤੇ ਮੈਂ ਉਹਨਾਂ ਲਈ ਦਿਨ ਰਾਤ ਕੰਮ ਕਰਦੇ ਹੋਏ ਅੱਜ ਇਸ ਪੱਧਰ ਉੱਤੇ ਬਿਜਲੀ ਵਿਭਾਗ ਨੂੰ ਲਿਆਂਦਾ ਹੈ ਕਿ ਲੋਕਾਂ ਨੂੰ 600 ਯੂਨਿਟ ਬਿਜਲੀ ਮੁਆਫੀ ਦੇਣ ਦੇ ਬਾਵਜੂਦ ਵੀ ਵਿਭਾਗ 311 ਕਰੋੜ ਰੁਪਏ ਦੇ ਮੁਨਾਫੇ ਵਿੱਚ ਹੈ। ਸਰਦਾਰ ਭਗਵੰਤ ਸਿੰਘ ਮਾਨ ਵੱਲੋਂ ਘਰ ਘਰ ਦਿੱਤੀਆਂ ਜਾ ਰਹੀਆਂ ਸਰਕਾਰੀ ਨੌਕਰੀਆਂ ਦਾ ਜ਼ਿਕਰ ਕਰਦੇ ਉਹਨਾਂ ਦੱਸਿਆ ਕਿ ਹੁਣ ਤੱਕ 53206 ਵਾਸੀਆਂ ਨੂੰ ਸਰਕਾਰੀ ਨੌਕਰੀਆਂ ਦਿੱਤੀਆਂ ਜਾ ਚੁੱਕੀਆਂ ਹਨ, ਜਿਨਾਂ ਵਿੱਚੋਂ ਅੱਠ ਬੱਚੇ ਇਸ ਪਿੰਡ ਦੇ ਵੀ ਸ਼ਾਮਿਲ ਹਨ। ਉਹਨਾਂ ਕਿਹਾ ਕਿ ਸਾਡੀ ਸਰਕਾਰ ਲੋਕਾਂ ਦੇ ਦੁੱਖ ਸੁੱਖ ਦੀ ਭਾਈਵਾਲ ਹੈ, ਕਿਸੇ ਮਾਫੀਏ ਦੀ ਨਹੀਂ, ਜਿਸ ਸਦਕਾ ਅਸੀਂ ਲੋਕਾਂ ਦੇ ਦੁੱਖ ਨੂੰ ਸਮਝਦੇ ਹੋਏ ਕੰਮ ਕਰ ਰਹੇ ਹਾਂ। ਉਹਨਾਂ ਕਿਹਾ ਕਿ ਸਰਦਾਰ ਭਗਤ ਸਿੰਘ ਵੱਲੋਂ ਲਏ ਸੁਪਨਿਆਂ ਦੀ ਆਜ਼ਾਦੀ ਅਜੇ ਨਹੀਂ ਆਈ ਇਸ ਆਰਥਿਕ ਆਜ਼ਾਦੀ ਲਈ ਅਜੇ ਹੋਰ ਕੰਮ ਕਰਨ ਦੀ ਲੋੜ ਹੈ ਤਾਂ ਜੋ ਅਮੀਰੀ ਅਤੇ ਗਰੀਬੀ ਦਾ ਪਾੜਾ ਮਿਟੇ। ਉਹਨਾਂ ਬੱਚਿਆਂ ਨੂੰ ਮੁਖ਼ਾਤਿਬ ਹੁੰਦੇ ਕਿਹਾ ਕਿ ਤਰੱਕੀ ਦਾ ਇੱਕੋ ਇੱਕ ਹਥਿਆਰ ਸਿੱਖਿਆ ਹੈ, ਇਸ ਲਈ ਸਿੱਖਿਆ ਲੈ ਕੇ ਸਮੇਂ ਦੇ ਹਾਣੀ ਬਣੋ ਤਾਂ ਹੀ ਤੁਹਾਡੇ ਪਰਿਵਾਰਾਂ ਦੀ ਤਰੱਕੀ ਹੋ ਸਕੇਗੀ। ਉਹਨਾਂ ਪੰਜਾਬ ਦੇ ਬਦਲਦੇ ਸਕੂਲਾਂ ਦੀ ਗੱਲ ਕਰਦੇ ਕਿਹਾ ਕਿ ਪੰਜਾਬ ਵਿੱਚ ਸਿੱਖਿਆ ਕ੍ਰਾਂਤੀ ਦਾ ਆਗਾਜ਼ ਹੋ ਚੁੱਕਾ ਹੈ, ਸਕੂਲਾਂ ਦੀ ਤਸਵੀਰ ਬਦਲੀ ਹੈ ਅਤੇ ਬੱਚਿਆਂ ਦੀ ਤਕਦੀਰ ਬਦਲ ਰਹੀ ਹੈ। ਉਹਨਾਂ ਕਿਹਾ ਕਿ ਹੁਣ ਸਰਕਾਰੀ ਸਕੂਲਾਂ ਦੇ ਬੱਚੇ ਮੈਰਿਟ ਵਿੱਚ ਆਉਂਦੇ ਹਨ, ਸਰਕਾਰੀ ਨੌਕਰੀਆਂ ਵਿੱਚੋਂ ਹੀ ਆਪਣਾ ਹਿੱਸਾ ਲੈਂਦੇ ਹਨ। ਉਹਨਾਂ ਅਧਿਆਪਕਾਂ ਨੂੰ ਦਿਲੋਂ ਜਾਨ ਨਾਲ ਮਿਹਨਤ ਕਰਨ ਦੀ ਲੋੜ ਉੱਤੇ ਜ਼ੋਰ ਦਿੱਤਾ। ਉਹਨਾਂ ਕਿਹਾ ਕਿ ਸਾਡੀ ਸਰਕਾਰ ਕੋਲ ਸਿਹਤ ਅਤੇ ਸਿੱਖਿਆ ਲਈ ਫੰਡਾਂ ਦੀ ਕੋਈ ਕਮੀ ਨਹੀਂ, ਤੁਸੀਂ ਜੋ ਵੀ ਹੁਕਮ ਸਕੂਲਾਂ ਤੇ ਹਸਪਤਾਲਾਂ ਲਈ ਮੈਨੂੰ ਲਗਾਓਗੇ ਮੈਂ ਹਾਜ਼ਰ ਹਾਂ।

7, ਅਪ੍ਰੈਲ – ਖੇਡ ਜਗਤ ਤੋਂ ਦੁਖ਼ਦਾਈ ਖਬਰ ਸਾਹਮਣੇ ਆਈ ਹੈ, ਇਥੇ ਉੱਘੇ ਕਬੱਡੀ ਖਿਡਾਰੀ ਰਿਟਾਇਰਡ ਏ. ਐਸ. ਆਈ. ਸੁਖਜੀਤ ਸਿੰਘ ਕਾਲਾ ਦਾ ਅੱਜ ਸਵੇਰੇ ਅਚਾਨਕ ਦਿਹਾਂਤ ਹੋ ਗਿਆ। ਸੰਗਰੂਰ ਜ਼ਿਲ੍ਹੇ ਦੇ ਪਿੰਡ ਟਿੱਬਾ ਦੇ ਰਹਿਣ ਵਾਲੇ ਸਨ। ਉਨ੍ਹਾਂ ਨੇ 55 ਸਾਲ ਦੀ ਉਮਰ ਵਿਚ ਆਖ਼ਰੀ ਸਾਹ ਲਏ।। ਉਹ ਕਬੱਡੀ ਦੇ ਮਹਾਨ ਖਿਡਾਰੀ ਰਤਨ ਸਿੰਘ ਰੱਤੂ ਦੇ ਸਪੁੱਤਰ ਸਨ ਤੇ ਕਾਫ਼ੀ ਸਮਾਂ ਪੰਜਾਬ ਪੁਲਿਸ ਦੀ ਟੀਮ ਵਲੋਂ ਖੇਡਦੇ ਰਹੇ ਸਨ।

ਨਵੀਂ ਦਿੱਲੀ, 7 ਅਪ੍ਰੈਲ – ਜੇਕਰ ਤੁਹਾਡਾ ਪੰਜਾਬ ਨੈਸ਼ਨਲ ਬੈਂਕ ਵਿੱਚ ਖਾਤਾ ਹੈ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਮਹੱਤਵਪੂਰਨ ਹੈ। ਬੈਂਕ ਨੇ ਆਪਣੇ ਗਾਹਕਾਂ ਨੂੰ 10 ਅਪ੍ਰੈਲ, 2025 ਤੱਕ ‘ਆਪਣੇ ਗਾਹਕ ਨੂੰ ਜਾਣੋ (KYC) ਅਪਡੇਟ ਕਰਨ ਦੀ ਅਪੀਲ ਕੀਤੀ ਹੈ। ਇਹ ਪ੍ਰਕਿਰਿਆ ਭਾਰਤੀ ਰਿਜ਼ਰਵ ਬੈਂਕ (RBI) ਦੇ ਨਿਰਦੇਸ਼ਾਂ ਅਨੁਸਾਰ ਕੀਤੀ ਜਾ ਰਹੀ ਹੈ ਅਤੇ ਇਹ ਉਨ੍ਹਾਂ ਖਾਤਾ ਧਾਰਕਾਂ ਲਈ ਲਾਜ਼ਮੀ ਹੈ ਜਿਨ੍ਹਾਂ ਦੇ KYC 31 ਮਾਰਚ, 2025 ਤੱਕ ਅਪਡੇਟ ਨਹੀਂ ਹੋਏ ਹਨ। KYC ਨੂੰ ਕਿਵੇਂ ਅਪਡੇਟ ਕਰੀਏ? (How To Update KYC) ਜੇਕਰ ਤੁਹਾਨੂੰ ਆਪਣਾ KYC ਅੱਪਡੇਟ ਕਰਨ ਦੀ ਲੋੜ ਹੈ, ਤਾਂ ਤੁਸੀਂ ਹੇਠਾਂ ਦਿੱਤੇ ਤਰੀਕਿਆਂ ਦੀ ਵਰਤੋਂ ਕਰ ਸਕਦੇ ਹੋ ਬੈਂਕ ਸ਼ਾਖਾ ਜਾਣਾ – ਆਪਣੇ ਪਛਾਣ ਸਬੂਤ, ਪਤੇ ਦੇ ਸਬੂਤ, ਹਾਲੀਆ ਫੋਟੋ, ਪੈਨ ਕਾਰਡ/ਫਾਰਮ 60, ਆਮਦਨ ਸਬੂਤ ਅਤੇ ਮੋਬਾਈਲ ਨੰਬਰ (ਜੇਕਰ ਪਹਿਲਾਂ ਨਹੀਂ ਦਿੱਤਾ ਗਿਆ ਹੈ) ਦੇ ਨਾਲ ਆਪਣੀ ਨਜ਼ਦੀਕੀ ਪੀਐਨਬੀ ਸ਼ਾਖਾ ਵਿੱਚ ਜਾਓ ਅਤੇ ਆਪਣਾ ਕੇਵਾਈਸੀ ਅਪਡੇਟ ਕਰਵਾਓ। PNB ONE ਐਪ ਰਾਹੀਂ – ਤੁਸੀਂ ਘਰ ਬੈਠੇ KYC ਨੂੰ ਔਨਲਾਈਨ ਅਪਡੇਟ ਕਰ ਸਕਦੇ ਹੋ। ਇੰਟਰਨੈੱਟ ਬੈਂਕਿੰਗ (IBS) ਰਾਹੀਂ – PNB ਦੀ ਔਨਲਾਈਨ ਬੈਂਕਿੰਗ ਵਿੱਚ ਲੌਗਇਨ ਕਰੋ ਅਤੇ KYC ਅਪਡੇਟ ਵਿਕਲਪ ਚੁਣੋ। ਤੁਸੀਂ ਕੇਵਾਈਸੀ ਦਸਤਾਵੇਜ਼ ਆਪਣੀ ਹੋਮ ਬ੍ਰਾਂਚ ਨੂੰ ਰਜਿਸਟਰਡ ਈਮੇਲ ਜਾਂ ਡਾਕ ਰਾਹੀਂ ਭੇਜ ਸਕਦੇ ਹੋ। ਜੇਕਰ KYC ਅੱਪਡੇਟ ਨਹੀਂ ਕੀਤਾ ਜਾਂਦਾ ਤਾਂ ਕੀ ਹੋਵੇਗਾ? ਜੇਕਰ ਗਾਹਕ 10 ਅਪ੍ਰੈਲ, 2025 ਤੱਕ ਕੇਵਾਈਸੀ ਅਪਡੇਟ ਨਹੀਂ ਕਰਵਾਉਂਦੇ ਹਨ, ਤਾਂ ਉਹ ਆਪਣੇ ਖਾਤੇ ਤੋਂ ਕੋਈ ਵੀ ਲੈਣ-ਦੇਣ ਨਹੀਂ ਕਰ ਸਕਣਗੇ। ਤੁਹਾਡੇ ਬੈਂਕ ਖਾਤੇ ‘ਤੇ ਇੱਕ ਅਸਥਾਈ ਰੋਕ ਲਗਾ ਦਿੱਤੀ ਜਾਵੇਗੀ, ਜਿਸ ਨਾਲ ਤੁਸੀਂ ਪੈਸੇ ਜਮ੍ਹਾ ਜਾਂ ਕਢਵਾ ਨਹੀਂ ਸਕੋਗੇ। ਕੇਵਾਈਸੀ ਸਥਿਤੀ ਦੀ ਜਾਂਚ ਕਿਵੇਂ ਕਰੀਏ? ਜੇਕਰ ਤੁਸੀਂ ਜਾਣਨਾ ਚਾਹੁੰਦੇ ਹੋ ਕਿ ਤੁਹਾਡਾ ਕੇਵਾਈਸੀ ਅੱਪਡੇਟ ਹੋਇਆ ਹੈ ਜਾਂ ਨਹੀਂ, ਤਾਂ ਇਨ੍ਹਾਂ ਕਦਮਾਂ ਦੀ ਪਾਲਣਾ ਕਰੋ— ਪੀਐਨਬੀ ਔਨਲਾਈਨ ਬੈਂਕਿੰਗ ਵਿੱਚ ਲੌਗਇਨ ਕਰੋ। ਨਿੱਜੀ ਸੈਟਿੰਗਾਂ ‘ਤੇ ਜਾਓ ਅਤੇ ਕੇਵਾਈਸੀ ਸਥਿਤੀ ਦੀ ਜਾਂਚ ਕਰੋ। ਜੇਕਰ ਅੱਪਡੇਟ ਦੀ ਲੋੜ ਹੈ, ਤਾਂ ਸਕ੍ਰੀਨ ‘ਤੇ ਇੱਕ ਸੁਨੇਹਾ ਦਿਖਾਈ ਦੇਵੇਗਾ। PNB ONE ਐਪ ਤੋਂ eKYC ਕਿਵੇਂ ਕਰੀਏ? PNB ONE ਐਪ ਵਿੱਚ ਲੌਗਇਨ ਕਰੋ। ਕੇਵਾਈਸੀ ਸਥਿਤੀ ਦੀ ਜਾਂਚ ਕਰੋ। ਜੇਕਰ ਅੱਪਡੇਟ ਦੀ ਲੋੜ ਹੈ, ਤਾਂ ਦਿੱਤੇ ਗਏ ਨਿਰਦੇਸ਼ਾਂ ਦੀ ਪਾਲਣਾ ਕਰਕੇ KYC ਨੂੰ ਅੱਪਡੇਟ ਕਰੋ।

ਨਵੀਂ ਦਿੱਲੀ, 7 ਅਪ੍ਰੈਲ – ਬੈਂਕ ਆਫ ਬੜੌਦਾ ਇੱਕ ਸਰਕਾਰੀ ਬੈਂਕ ਹੈ। ਮਾਰਕੀਟ ਕੈਪ ਦੇ ਮਾਮਲੇ ਵਿੱਚ, ਇਹ ਦੇਸ਼ ਦਾ ਦੂਜਾ ਸਭ ਤੋਂ ਵੱਡਾ ਸਰਕਾਰੀ ਬੈਂਕ ਹੈ। ਬੈਂਕ ਆਫ ਬੜੌਦਾ ਆਪਣੇ ਗਾਹਕਾਂ ਨੂੰ ਬਿਹਤਰ ਰਿਟਰਨ ਦੇਣ ਲਈ ਕਈ ਤਰ੍ਹਾਂ ਦੀਆਂ ਬੱਚਤ ਯੋਜਨਾਵਾਂ ਚਲਾ ਰਿਹਾ ਹੈ, ਜਿੱਥੇ ਨਿਵੇਸ਼ ਕਰਕੇ ਤੁਸੀਂ ਵਧੀਆ ਰਿਟਰਨ ਪ੍ਰਾਪਤ ਕਰ ਸਕਦੇ ਹੋ। ਇੱਥੇ ਅਸੀਂ ਤੁਹਾਨੂੰ ਬੈਂਕ ਆਫ ਬੜੌਦਾ ਦੀ ਇੱਕ ਅਜਿਹੀ ਸਕੀਮ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਸ ਵਿੱਚ ਤੁਸੀਂ 2,00,000 ਰੁਪਏ ਦਾ ਨਿਵੇਸ਼ ਕਰਕੇ 17,668 ਰੁਪਏ ਦਾ ਸਥਿਰ ਅਤੇ ਗਾਰੰਟੀਸ਼ੁਦਾ ਰਿਟਰਨ ਪ੍ਰਾਪਤ ਕਰ ਸਕਦੇ ਹੋ। 400 ਦਿਨਾਂ ਦੀ FD ‘ਤੇ 7.90 ਪ੍ਰਤੀਸ਼ਤ ਤੱਕ ਵਿਆਜ ਮਿਲੇਗਾ ਬੈਂਕ ਆਫ ਬੜੌਦਾ ਦੀ 400 ਦਿਨਾਂ ਦੀ ਵਿਸ਼ੇਸ਼ ਐਫਡੀ ਸਕੀਮ ਬੈਂਕ ਆਫ ਬੜੌਦਾ ਉਤਸਵ ਡਿਪਾਜ਼ਿਟ ਸਕੀਮ ‘ਤੇ ਗਾਹਕਾਂ ਨੂੰ ਸਭ ਤੋਂ ਵੱਧ ਵਿਆਜ ਮਿਲ ਰਿਹਾ ਹੈ। ਬੈਂਕ ਆਫ ਬੜੌਦਾ ਦੀ ਕਿਸੇ ਹੋਰ ਐਫਡੀ ਸਕੀਮ ‘ਤੇ ਗਾਹਕਾਂ ਨੂੰ ਇੰਨਾ ਵਿਆਜ ਨਹੀਂ ਮਿਲ ਰਿਹਾ। ਜੀ ਹਾਂ, ਇਹ ਸਰਕਾਰੀ ਬੈਂਕ 400 ਦਿਨਾਂ ਦੀ ਇਸ ਵਿਸ਼ੇਸ਼ ਐਫਡੀ ਸਕੀਮ ‘ਤੇ ਆਮ ਲੋਕਾਂ ਨੂੰ 7.30 ਪ੍ਰਤੀਸ਼ਤ ਵਿਆਜ ਦੇ ਰਿਹਾ ਹੈ। ਇੰਨਾ ਹੀ ਨਹੀਂ, BOB ਇਸ ਸਕੀਮ ‘ਤੇ ਸੀਨੀਅਰ ਸਿਟੀਜ਼ਨ ਨੂੰ 7.80 ਪ੍ਰਤੀਸ਼ਤ ਅਤੇ ਸੁਪਰ ਸੀਨੀਅਰ ਸਿਟੀਜ਼ਨ ਨੂੰ 7.90 ਪ੍ਰਤੀਸ਼ਤ ਵਿਆਜ ਦੇ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸੁਪਰ ਸੀਨੀਅਰ ਸਿਟੀਜ਼ਨ ਉਹ ਨਾਗਰਿਕ ਹੁੰਦੇ ਹਨ ਜਿਨ੍ਹਾਂ ਦੀ ਉਮਰ 80 ਸਾਲ ਜਾਂ ਇਸ ਤੋਂ ਵੱਧ ਹੁੰਦੀ ਹੈ। ਜਾਣੋ ਕਿੰਨਾ ਮਿਲੇਗਾ ਵਿਆਜ ਜੇਕਰ ਬੈਂਕ ਆਫ ਬੜੌਦਾ ਦੀ 400 ਦਿਨਾਂ ਦੀ ਐਫਡੀ ਵਿੱਚ 2 ਲੱਖ ਰੁਪਏ ਜਮ੍ਹਾ ਕੀਤੇ ਜਾਂਦੇ ਹਨ, ਤਾਂ ਆਮ ਨਾਗਰਿਕਾਂ ਨੂੰ ਮਿਆਦ ਪੂਰੀ ਹੋਣ ‘ਤੇ ਕੁੱਲ 2,16,268 ਰੁਪਏ ਮਿਲਣਗੇ, ਜਿਸ ਵਿੱਚ 16,268 ਰੁਪਏ ਦਾ ਸਥਿਰ ਵਿਆਜ ਸ਼ਾਮਲ ਹੈ। ਜੇਕਰ ਤੁਸੀਂ ਇੱਕ ਸੀਨੀਅਰ ਸਿਟੀਜ਼ਨ ਹੋ, ਤਾਂ ਤੁਹਾਨੂੰ ਮੈਚਿਓਰਿਟੀ ‘ਤੇ ਕੁੱਲ 2,17,668 ਰੁਪਏ ਮਿਲਣਗੇ, ਜਿਸ ਵਿੱਚ 17,668 ਰੁਪਏ ਦਾ ਸਥਿਰ ਵਿਆਜ ਸ਼ਾਮਲ ਹੈ। ਅਤੇ ਜੇਕਰ ਤੁਸੀਂ ਇੱਕ ਸੁਪਰ ਸੀਨੀਅਰ ਸਿਟੀਜ਼ਨ ਹੋ, ਤਾਂ ਤੁਹਾਨੂੰ ਮੈਚਿਓਰਿਟੀ ‘ਤੇ ਕੁੱਲ 2,17,902 ਰੁਪਏ ਮਿਲਣਗੇ, ਜਿਸ ਵਿੱਚ 17,902 ਰੁਪਏ ਦਾ ਸਥਿਰ ਵਿਆਜ ਸ਼ਾਮਲ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਕਿਸੇ ਵੀ FD ਖਾਤੇ ‘ਤੇ ਤੁਹਾਨੂੰ ਇੱਕ ਨਿਸ਼ਚਿਤ ਸਮੇਂ ਵਿੱਚ ਸਥਿਰ ਅਤੇ ਗਾਰੰਟੀਸ਼ੁਦਾ ਵਿਆਜ ਮਿਲਦਾ ਹੈ।

*ਅਜਨਾਲਾ ਦੇ ਸਰਵਪੱਖੀ ਵਿਕਾਸ ਲਈ ਪੂਰੀ ਤਰ੍ਹਾਂ ਵਚਨਬੱਧ ਹਾਂ: ਧਾਲੀਵਾਲ ਅਜਨਾਲਾ, 7 ਅਪ੍ਰੈਲ (ਗਿਆਨ ਸਿੰਘ/ਏ.ਡੀ.ਪੀ ਨਿਊਜ਼) – ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਵਿਧਾਨ ਸਭਾ ਹਲਕਾ ਅਜਨਾਲਾ ਅਧੀਨ ਆਉਂਦੇ ਪਿੰਡਾਂ, ਕਸਬਿਆਂ ਅਤੇ ਸ਼ਹਿਰਾਂ ਦੇ ਨਾਗਰਿਕਾਂ ਨੂੰ ਸਰਕਾਰੀ ਯੋਜਨਾਵਾਂ ਦਾ ਲਾਭ ਜਮੀਨੀ ਪੱਧਰ ‘ਤੇ ਪਹੁੰਚਾਉਣ ਲਈ ਅਤੇ ਸਮੱਸਿਆਵਾਂ ਦਾ ਉਚਿਤ ਹੱਲ ਕਰਨ ਲਈ ਅਸੀਂ ਪੂਰੀ ਤਰ੍ਹਾਂ ਵਚਨਬੱਧ ਹਾਂ। ਇਹ ਪ੍ਰਗਟਾਵਾ ਪੰਜਾਬ ਦੇ ਕੈਬਨਿਟ ਮੰਤਰੀ ਸ ਕੁਲਦੀਪ ਸਿੰਘ ਧਾਲੀਵਾਲ ਨੇ ਅੱਜ ਅਜਨਾਲਾ ਵਿਖੇ ਵੱਖ-ਵੱਖ ਗ੍ਰਾਮ ਪੰਚਾਇਤਾਂ, ਵਾਰਡ ਨਿਵਾਸੀਆਂ, ਵੱਖ-ਵੱਖ ਵਰਗਾਂ ਦੇ ਨੁਮਾਇੰਦਿਆਂ ਨੂੰ ਦਰਪੇਸ਼ ਮੁਸ਼ਕਲਾਂ ਦਾ ਨਾਲ ਨਾਲੋ ਨਿਪਟਾਰਾ ਕਰਦਿਆਂ ਕੀਤਾ। ਉਹਨਾਂ ਕਿਹਾ ਕਿ ਮੈਂ ਹਰ ਹਫਤੇ ਅਜਨਾਲਾ ਪਹੁੰਚ ਕੇ ਲੋਕਾਂ ਦੀਆਂ ਸਮੱਸਿਆਵਾਂ ਸੁਣ ਕੇ ਹੱਲ ਕਰਨ ਦੀ ਯਤਨ ਕਰਦਾ ਹਾਂ, ਜੇਕਰ ਕਿਸੇ ਦੀ ਕੋਈ ਸਮੱਸਿਆ ਹੋਵੇ ਤਾਂ ਉਹ ਮੇਰੇ ਤੱਕ ਜਰੂਰ ਪਹੁੰਚਾਵੇ, ਤਾਂ ਜੋ ਉਸਦਾ ਹੱਲ ਕੀਤਾ ਜਾ ਸਕੇ। ਸ. ਧਾਲੀਵਾਲ ਨੇ ਦੱਸਿਆ ਕਿ ਹਰੇਕ ਸਰਕਾਰੀ ਵਿਭਾਗ ਦੇ ਅਧਿਕਾਰੀਆਂ ਨੂੰ ਹਦਾਇਤ ਕੀਤੀ ਗਈ ਹੈ ਕਿ ਉਹ ਲੋਕਾਂ ਨੂੰ ਸਰਵੋਤਮ ਪ੍ਰਸ਼ਾਸਨਿਕ ਸੇਵਾਵਾਂ ਉਪਲਬਧ ਕਰਵਾਉਣ ਵਿੱਚ ਬੇਵਜ੍ਹਾ ਦੇਰੀ ਨਾ ਕਰਨ। ਕੈਬਨਿਟ ਮੰਤਰੀ ਨੇ ਕਿਹਾ ਕਿ ਪੰਜਾਬ ਸਰਕਾਰ ਵੱਲੋਂ ਹਰ ਵਰਗ ਦੀ ਸਹੂਲਤ ਦਾ ਵਿਸ਼ੇਸ਼ ਧਿਆਨ ਰੱਖਦੇ ਹੋਏ ਵੱਡੀ ਗਿਣਤੀ ਵਿੱਚ ਭਲਾਈ ਯੋਜਨਾਵਾਂ ਲਾਗੂ ਕੀਤੀਆਂ ਗਈਆਂ ਹਨ ਜਿਨਾਂ ਨੂੰ ਜਮੀਨੀ ਪੱਧਰ ਉੱਤੇ ਪਹੁੰਚਾਉਣ ਲਈ ਅਧਿਕਾਰੀਆਂ ਨੂੰ ਹਦਾਇਤ ਕੀਤੀ ਗਈ ਹੈ ਪਰ ਫਿਰ ਵੀ ਜੇਕਰ ਹਲਕੇ ਦਾ ਕੋਈ ਵਸਨੀਕ ਸੁਵਿਧਾਵਾਂ ਹਾਸਲ ਕਰਨ ਵਿੱਚ ਦਿੱਕਤ ਮਹਿਸੂਸ ਕਰਦਾ ਹੈ ਤਾਂ ਉਹ ਉਨ੍ਹਾਂ ਨਾਲ ਸੰਪਰਕ ਕਰ ਸਕਦਾ ਹੈ।

ਮੁੰਬਈ, 7 ਅਪ੍ਰੈਲ – ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਵੱਲੋਂ ਲਾਏ ਜਵਾਬੀ ਟੈਕਸ ਕਰਕੇ ਖੜ੍ਹੇ ਹੋਏ ਖਦਸ਼ਿਆਂ ਤੇ ਅਮਰੀਕੀ ਬਾਜ਼ਾਰ ਵਿਚ ਰਿਕਾਰਡ ਨਿਘਾਰ ਮਗਰੋਂ ਘਰੇਲੂ ਭਾਰਤੀ ਸ਼ੇਅਰ ਬਾਜ਼ਾਰ ਵਿਚ ਸੋਮਵਾਰ ਨੂੰ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲੀ। ਬੰਬੇ ਸਟਾਕ ਐਕਸਚੇਂਜ (BSE) ਦਾ ਸੂਚਕ ਅੰਕ ਸੈਂਸੈਕਸ ਤੇ ਐੱਨਐੱਸਈ (NSE) ਦਾ ਨਿਫਟੀ ਮੂਧੇ ਮੂੰਹ ਹੋ ਗਏ। ਸੈਂਸੈਕਸ ਸ਼ੁਰੂਆਤੀ ਕਾਰੋਬਾਰ ਵਿਚ 3,939.68 ਨੁਕਤਿਆਂ ਦੇ ਨਿਘਾਰ ਨਾਲ 71,425.01 ਤੇ ਨਿਫਟੀ 1,160.8 ਅੰਕ ਡਿੱਗ ਕੇ 21,743.65 ਨੁਕਤਿਆਂ ਦੇ ਪੱਧਰ ਨੂੰ ਪਹੁੰਚ ਗਏ।

ਅੰਮ੍ਰਿਤਸਰ, 7 ਅਪ੍ਰੈਲ – ਵਾਰਿਸ ਸ਼ਾਹ ਫ਼ਾਉਂਡੇਸ਼ਨ ਵੱਲੋਂ   ਪµਜਾਬੀ ਦੇ ਹਰਮਨ ਪਿਆਰੇ ਅਧਿਆਪਕ, ਕਵੀ, ਆਲੋਚਕ ਤੇ ਸਮਾਜਸੇਵੀ    ਡਾ. ਹਰਜਿੰਦਰ ਸਿੰਘ ਅਟਵਾਲ ਦੀ ਬੇਵਕਤੀ ਮੌਤੇ ‘ਤੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਗਿਆ ਹੈ। ਫ਼ਾਉਂਡੇਸ਼ਨ ਦੇ ਪ੍ਰਧਾਨ ਡਾ. ਬਿਕਰਮ ਸਿੰਘ ਘੁੰਮਣ, ਜਨਰਲ ਸਕੱਤਰ  ਡਾ. ਚਰਨਜੀਤ ਸਿੰਘ ਗੁਮਟਾਲਾ ,ਪ੍ਰੈਸ ਸਕੱਤਰ ਅੰਮ੍ਰਿਤ ਲਾਲ ਮੰਨਣ , ਡਾ. ਬ੍ਰਿਜਪਾਲ ਸਿੰਘ, ਡਾ. ਇਕਬਾਲ ਕੌਰ ਸੌਦ , ਇਕਬਾਲ ਸਿੰਘ ਬਮਰਾਅ ਤੇ ਸਮੂਹ ਮੈਂਬਰਾਨ ਵਲੋਂ ਜਾਰੀ ਇੱਕ ਸਾਂਝੇ ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਉਨ੍ਹਾਂ ਦੇ ਅਕਾਲ ਚਲਾਣੇ ਨਾਲ ਕਦੇ ਵੀ ਨਾ ਪੂਰਾ ਕੀਤਾ ਜਾਣ ਵਾਲਾ ਘਾਟਾ ਪਿਆ ਹੈ। ਉਨ੍ਹਾਂ ਨੇ ਲਾਇਲਪੁਰ ਖ਼ਾਲਸਾ ਕਾਲਜ ਜਲੰਧਰ ਅਤੇ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਜਲੰਧਰ ਵਾਲੇ ਰਿਜਨਲ ਸੈਂਟਰ ਵਿਚ ਬਤੌਰ  ਪੰਜਾਬੀ ਲੈਕਚਰਾਰ ਸੇਵਾ ਕੀਤੀ। ਉਨ੍ਹਾਂ ਨੇ ਨਵਾਂ ਜਮਾਨਾਂ ਵਿਚ ਵੀ ਬਤੌਰ ਸਾਹਿਤਕ ਸੰਪਾਦਕ ਕੰਮ ਕੀਤਾ।ਉਹ ਬਹੁਤ ਸਾਰੀਆਂ ਸਾਹਿਤਕ ਸੰਸਥਾਵਾਂ ਵਿਚ ਕਈ ਆਹੁਦਿਆਂ ‘ਤੇ ਰਹੇ।ਉਹ ਕੇਂਦਰੀ ਸਾਹਿਤ ਸਭਾ ਦੀਆਂ 2023 ਵਿਚ ਹੋਈਆਂ ਚੋਣਾਂ ਵਿਚ ਸੀਨੀਅਰ ਮੀਤ ਪ੍ਰਧਾਨ ਚੁਣੇ ਗਏ। ਉਹ ਪੰਜਾਬੀ ਰਾਈਟਰਜ਼ ਕੋ-ਆਪਰੇਟਿਵ ਸੁਸਾਇਟੀ ਲਿਿਮਟਿਡ ਲੁਧਿਆਣਾ ਦੇ ਸਕੱਤਰ ਸਨ।ਉਨ੍ਹਾਂ ਨੇ ਬਹਤ ਸਾਰੀਆਂ ਪੁਸਤਕਾਂ ਪੰਜਾਬੀ ਸਾਇਤ ਦੀ ਝੋਲੀ ਪਾਈਆਂ।  ੳੇੁਹ ਅੱਜ ਭਾਵੇਂ ਸਾਡੇ ਵਿੱਚ ਨਹੀਂ ਰਹਿ ਪਰ ਉਨ੍ਹਾਂ  ਵੱਲੋਂ ਪੰਜਾਬੀ ਸਾਹਿਤ ਲਈ ਪਾਏ ਵੱਡਮੁੱਲੇ ਯੋਗਦਾਨ ਲਈ  ਉਨ੍ਹਾਂ ਨੂੰ ਹਮੇਸ਼ਾਂ ਯਾਦ ਕੀਤਾ ਜਾਂਦਾ ਰਹੇਗਾ ।

ਬੀਤੇ ਸ਼ੁੱਕਰਵਾਰ ਨੂੰ ਬੈਂਕਾਕ ਵਿੱਚ ਬਿਮਸਟੈੱਕ ਸੰਮੇਲਨ ਮੌਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਬੰਗਲਾਦੇਸ਼ ਦੇ ਮੁੱਖ ਸਲਾਹਕਾਰ ਮੁਹੰਮਦ ਯੂਨਸ ਵਿਚਕਾਰ ਮੁਲਾਕਾਤ ਦਾ ਸਬੱਬ ਦੋ ਘਟਨਾਵਾਂ ਬਣੀਆਂ ਹਨ। ਪਹਿਲੀ ਸੀ ਲੰਘੀ 5 ਅਗਸਤ, 2024 ਨੂੰ ਵਾਪਰੀ ਘਟਨਾ ਜਦੋਂ ਭੜਕੀ ਹੋਈ ਭੀੜ ਨੇ ਬੰਗਬੰਧੂ ਸ਼ੇਖ ਮੁਜੀਬੁਰ ਰਹਿਮਾਨ ਦੇ ਘਰ ਨੂੰ ਅੱਗ ਹਵਾਲੇ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ। ਇਸ ਦੇ ਨਾਲ ਹੀ ਬੰਗਲਾਦੇਸ਼ ਵਿੱਚ ਹਕੂਮਤ ਦਾ ਤਖ਼ਤ ਡਾਵਾਂਡੋਲ ਹੋ ਗਿਆ ਸੀ ਤੇ ਕੁਝ ਪਲਾਂ ਬਾਅਦ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ ਭੱਜ ਕੇ ਦਿੱਲੀ ਆ ਗਈ ਸੀ ਅਤੇ ਕਥਿਤ ਵਿਦਿਆਰਥੀ ਕ੍ਰਾਂਤੀ ਨੇ ਅਮਰੀਕਾ ਤੋਂ ਸਿਖਲਾਈਯਾਫ਼ਤਾ ਇੱਕ ਅਰਥਸ਼ਾਸਤਰੀ ਨੂੰ ਦੇਸ਼ ਦੇ ਸਰਬਉੱਚ ਅਹੁਦੇ ’ਤੇ ਬਿਠਾ ਦਿੱਤਾ ਸੀ। ਉਸ ਤੋਂ ਪੂਰੇ ਦੋ ਮਹੀਨੇ ਬਾਅਦ 5 ਫਰਵਰੀ ਨੂੰ ਯੂਨਸ ਦੀ ਨਿਗਾਹਬਾਨੀ ਹੇਠ ਉਸ ਘਰ ਨੂੰ ਸਾੜ ਦਿੱਤਾ ਗਿਆ ਸੀ। ਦੂਜੀ ਸੀ, ਇਸ ਤੋਂ ਹਫ਼ਤਾ ਪਹਿਲਾਂ ਪੇਈਚਿੰਗ ਵਿੱਚ ਯੂਨਸ ਅਤੇ ਚੀਨੀ ਕਾਰੋਬਾਰੀਆਂ ਵਿਚਕਾਰ ਹੋਈ ਮੀਟਿੰਗ, ਜਿੱਥੇ ਉਨ੍ਹਾਂ ਨੇ ਭਾਰਤ ਦੇ ਉੱਤਰ ਪੂਰਬੀ ਰਾਜਾਂ ਜਿਨ੍ਹਾਂ ਨੂੰ ਪਿਆਰ ਨਾਲ ‘ਸੱਤ ਭੈਣਾਂ’ ਵੀ ਆਖਿਆ ਜਾਂਦਾ ਹੈ, ਬਾਬਤ ਕੁਝ ਟਿੱਪਣੀਆਂ ਕੀਤੀਆਂ ਸਨ ਜੋ ਹੁਣ ਕੜਵਾਹਟ ਦਾ ਸਬੱਬ ਬਣੀਆਂ ਹੋਈਆਂ ਹਨ। ਯੂਨਸ ਨੇ ਚੀਨੀਆਂ ਨੂੰ ਦੱਸਿਆ ‘‘ਭਾਰਤ ਦੀਆਂ ਸੱਤ ਭੈਣਾਂ ਵਾਲੇ ਖ਼ਿੱਤੇ ਕੋਲ ਸਮੁੰਦਰ ਤੱਕ ਪਹੁੰਚ ਬਣਾਉਣ ਦਾ ਹੋਰ ਕੋਈ ਰਾਹ ਨਹੀਂ ਹੈ। ਇਸ ਸਮੁੱਚੇ ਖ਼ਿੱਤੇ ਲਈ ਸਮੁੰਦਰ ਤੱਕ ਰਸਾਈ ਦਾ ਇਕਮਾਤਰ ਰਾਹ ਅਸੀਂ ਹੀ ਹਾਂ… ਬੰਗਲਾਦੇਸ਼ ਤੋਂ ਤੁਸੀਂ ਕਿਤੇ ਮਰਜ਼ੀ ਜਾ ਸਕਦੇ ਹੋ। ਇਸ ਲਈ ਇਹ ਤੁਹਾਡੇ ਬਹੁਤ ਕੰਮ ਆਉਣ ਵਾਲਾ ਮੌਕਾ ਹੈ। ਸ਼ਾਇਦ, ਇਹ ਬੰਗਲਾਦੇਸ਼ੀ ਬਹੁਤ ਸਿੱਧਾ ਸ਼ਖ਼ਸ ਹੈ। ਸ਼ਾਇਦ, ਉਨ੍ਹਾਂ ਜੋ ਕੁਝ ਕਿਹਾ ਸੀ, ਉਸ ਦਾ ਸਹੀ ਢੰਗ ਨਾਲ ਤਰਜਮਾ ਨਾ ਹੋਇਆ ਹੋਵੇ। ਸ਼ਾਇਦ, ਭਾਰਤੀ ਸਿਆਸੀ ਜਮਾਤ, ਜਿਸ ਵਿੱਚ ਐੱਸ ਜੈਸ਼ੰਕਰ ਤੋਂ ਲੈ ਕੇ ਹਿਮੰਤਾ ਬਿਸਵਾ ਸਰਮਾ ਤੇ ਪ੍ਰਦਿਓਤ ਮਾਨਿਕਯ ਬਰਮਨ ਸ਼ਾਮਿਲ ਹਨ, ਦੀ ਪ੍ਰਤੀਕਿਰਿਆ ਕੁਝ ਜ਼ਿਆਦਾ ਹੀ ਤਿੱਖੀ ਰਹੀ ਹੋਵੇ। ਉਂਝ, ਤੱਥ ਇਹ ਹੈ ਕਿ ਪ੍ਰਧਾਨ ਮੰਤਰੀ ਨਾਲ ਉਨ੍ਹਾਂ ਦੀ ਮੁਲਾਕਾਤ ਤੋਂ ਪੂਰਬਲੀ ਸ਼ਾਮ ਬੰਗਲਾਦੇਸ਼ੀ ਆਗੂ ਦੀਆਂ ਟਿੱਪਣੀਆਂ, ਜਿਨ੍ਹਾਂ ਵਿੱਚ ਭਾਰਤ ਦੇ ਨਰਮਗੋਸ਼ੇ ਦਾ ਹਵਾਲਾ ਦਿੱਤਾ ਗਿਆ ਸੀ, ਉਹ ਕਹਿਣ ਲਾਇਕ ਸ਼ਾਇਦ ਬਹੁਤ ਜ਼ਿਆਦਾ ਕੂਟਨੀਤਕ ਗੱਲ ਨਹੀਂ ਸੀ ਕਿਉਂਕਿ ਇਹ ਖ਼ਿੱਤਾ 2001-06 ਤੱਕ ਖਾਲਿਦਾ ਜ਼ਿਆ ਦੀ ਬੀਐੱਨਪੀ ਹਕੂਮਤ ਹੇਠ ਲੰਮੇ ਅਰਸੇ ਤੋਂ ਬਗ਼ਾਵਤ, ਹਥਿਆਰਾਂ ਦੀ ਤਸਕਰੀ ਨਾਲ ਜੂਝਦਾ ਰਿਹਾ ਹੈ। ਉਨ੍ਹਾਂ ਦੀ ਟਿੱਪਣੀ ਨੇ ਭਾਰਤ ਦੀ ਦੁਖਦੀ ਰਗ਼ ਛੇੜ ਦਿੱਤੀ ਹੈ, ਸ਼ਾਇਦ ਇਸ ਲਈ ਕਿ ਇਹ ਸੱਚ ਵੀ ਹੈ। ਇੱਕ ਹੋਰ ਤੱਥ ਵੀ ਹੈ। ਤਾਕਤ ਦੇ ਇਸਤੇਮਾਲ ਦੇ ਲਿਹਾਜ਼ ਤੋਂ ਭਾਰਤ ਉੱਤਰ-ਪੂਰਬ ਵਿੱਚ ਆਪਣੀ ਕਮਜ਼ੋਰੀ ’ਤੇ ਕਾਬੂ ਪਾਉਣ ਅਤੇ ਕਿਸੇ ਹੋਰ ਜਗ੍ਹਾ, ਜਿੱਥੇ ਇਹ ਮੰਨਦਾ ਹੈ ਕਿ ਉਸ ਨੂੰ ਗ਼ੈਰ-ਵਾਜਬ ਢੰਗ ਨਾਲ ਧੱਕਿਆ ਜਾ ਰਿਹਾ ਹੈ, ਹਮਲਾ ਕਰਨ ਦੀ ਸਮੱਰਥਾ ਵੀ ਰੱਖਦਾ ਹੈ। ਇਸੇ ਕਰ ਕੇ ਭਾਰਤ ਦੇ ਛੋਟੇ ਗੁਆਂਢੀ ਮੁਲਕ ਜਦੋਂ ਇਹ ਮਹਿਸੂਸ ਕਰਦੇ ਹਨ ਕਿ ਉਨ੍ਹਾਂ ਨੂੰ ਭਾਰਤ ਵੱਲੋਂ ਕੋਈ ਅਹਿਮੀਅਤ ਨਹੀਂ ਦਿੱਤੀ ਜਾ ਰਹੀ ਤਾਂ ਉਹ ਚੀਨ ਵੱਲ ਤੱਕਦੇ ਹਨ, ਬਹੁਤੇ ਕੇਸਾਂ ਵਿੱਚ ਇਹ ਅਪਵਾਦ ਹੈ ਪਰ ਬੰਗਲਾਦੇਸ਼ ਦੇ ਮਾਮਲੇ ਵਿੱਚ ਚੀਨ ਬਹੁਤ ਦੂਰ ਦੀ ਗੱਲ ਹੈ। ਜੇ ਭਾਰਤ ਦੀਆਂ ‘ਸੱਤ ਭੈਣਾਂ’ ਬੰਗਲਾਦੇਸ਼ ਨਾਲ ਘਿਰੀਆਂ ਹੋਈਆਂ ਹਨ ਤਾਂ ਅਸਲ ਵਿੱਚ ਬੰਗਲਾਦੇਸ਼ ਦਾ ਜ਼ਮੀਨੀ ਖੇਤਰ ਵੀ ਭਾਰਤੀ ਖੇਤਰ ਨਾਲ ਜੁੜਿਆ ਹੋਇਆ ਹੈ। ਸਿਆਸਤਦਾਨ ਅਤੇ ਭੂਗੋਲ-ਸ਼ਾਸਤਰੀ ਦੋਵੇਂ ਇਸ ਬੁਨਿਆਦੀ ਤੱਥ ਨੂੰ ਸਮਝਦੇ ਹਨ ਕਿ ਭੂਗੋਲ ਮਹਿਜ਼ ਇਤਿਹਾਸ ਨਹੀਂ ਹੁੰਦਾ ਸਗੋਂ ਵਰਤਮਾਨ ਰਾਜਨੀਤੀ ਤੇ ਕੂਟਨੀਤੀ ਵੀ ਹੁੰਦਾ ਹੈ। ਵਿੰਸਟਨ ਚਰਚਿਲ ਉਦੋਂ ਗ਼ਲਤ ਨਹੀਂ ਸਨ ਜਦੋਂ ਉਨ੍ਹਾਂ ਇਹ ਫ਼ੈਸਲਾ ਕੀਤਾ ਸੀ ਕਿ ਉਹ ਸਾਮਰਾਜ ਦੇ ਮੁਕਟ ਦਾ ਤਾਜ ਗੁਆ ਲੈਣ ਵਾਲਾ ਪ੍ਰਧਾਨ ਮੰਤਰੀ ਨਹੀਂ ਬਣਨਗੇ। ਵੰਡ ਦੇ ਸਾਲਾਂ ਦੀ ਖੁਦਾਈ-ਦਰ-ਖੁਦਾਈ ਤੋਂ ਸਾਨੂੰ ਪਤਾ ਚੱਲਿਆ ਹੈ ਕਿ ਅੰਤ ਨੂੰ 1947 ਵਿੱਚ ਜਦੋਂ ਅੰਗਰੇਜ਼ ਛੱਡ ਕੇ ਗਏ ਸਨ ਤਾਂ ਉਹ ਸਾਡੇ ਲਈ ਠਾਠਾਂ ਮਾਰਦਾ ਅਣਵੰਡਿਆ ਉਪ ਮਹਾਂਦੀਪ ਛੱਡ ਕੇ ਨਹੀਂ ਜਾਣਾ ਚਾਹੁੰਦੇ ਸਨ। ਹੁਣ ਸਿੱਧੇ 2025 ਵਿੱਚ ਆਉਂਦੇ ਹਾਂ, ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ ਐੱਸ ਜੈਸ਼ੰਕਰ ਨੇ ਸੱਤ ਭੈਣਾਂ ਬਾਬਤ ਯੂਨਸ ਦੀਆਂ ਬਚਗਾਨਾ ਟਿੱਪਣੀਆਂ ਦਾ ਝਟਪਟ ਜਵਾਬ ਦਿੰਦਿਆਂ ਧਿਆਨ ਦਿਵਾਇਆ ਹੈ ਕਿ ਭਾਰਤ ਕੋਲ ਕਰੀਬ 6500 ਕਿਲੋਮੀਟਰ ਲੰਮਾ ਇੱਕ ਪੂਰਬੀ ਸਮੁੰਦਰੀ ਤੱਟ ਹੀ ਨਹੀਂ ਹੈ ਸਗੋਂ ਬੰਗਾਲ ਦੀ ਖਾੜੀ ਵਿੱਚ ਇਸ ਦੀ ਪੰਜ ਦੇਸ਼ਾਂ ਨਾਲ ਸਰਹੱਦ ਸਾਂਝੀ ਹੈ ਜੋ ਭਾਰਤੀ ਉਪ ਮਹਾਂਦੀਪ ਤੇ ਆਸੀਅਨ ਵਿਚਕਾਰ ਸਾਂਝ ਦਾ ਤੰਦ ਬਣਦੀ ਹੈ। ਯਕੀਨਨ ਤੇ ਖ਼ਾਸਕਰ ਆਪਣੇ ਆਂਢ-ਗੁਆਂਢ ਵਿੱਚ ਭਾਰਤ ਦੀ ਲਾਮਿਸਾਲ ਸ਼ਕਤੀ ਨੂੰ ਨਾ 1971 ਵਿੱਚ ਕੋਈ ਅੱਖੋ-ਪਰੋਖੇ ਕਰ ਸਕਦਾ ਸੀ ਤੇ ਤੇ ਨਾ ਹੀ 2025 ਵਿੱਚ ਕਰ ਸਕਦਾ ਹੈ। ਇਹ ਵੱਖਰੀ ਗੱਲ ਹੈ ਕਿ ਸ਼ੇਖ ਹਸੀਨਾ ਨੇ ਪਿਛਲੇ ਕੁਝ ਸਾਲਾਂ ਵਿੱਚ ਆਪਣੇ ਪੈਰਾਂ ’ਤੇ ਕੁਹਾੜੀ ਚਲਾਉਣ ਦੀ ਨੀਤੀ ਅਪਣਾ ਲਈ ਸੀ ਤੇ ਇਹ ਗੱਲ ਵੀ ਓਨੀ ਹੀ ਸੱਚ ਹੈ ਕਿ ਨਵੀਂ ਦਿੱਲੀ ਨੇ ਉਨ੍ਹਾਂ ਦੀਆਂ ਕਈ ਪੇਸ਼ਕਦਮੀਆਂ ਦੀ ਪ੍ਰੋੜਤਾ ਨਹੀਂ ਕੀਤੀ ਸੀ, ਖ਼ਾਸਕਰ ਉਸ ਵੱਲੋਂ ਬੰਗਲਾਦੇਸ਼ ਵਿੱਚ ਸ਼ਾਂਤੀ ਕਾਇਮ ਕਰਨ ਲਈ ਦੇਸ਼ ਦੀ ਦੂਜੀ ਬੇਗਮ ਖ਼ਾਲਿਦਾ ਜ਼ਿਆ ਨਾਲ ਰਾਬਤਾ ਕਰਨ ਤੋਂ ਉਸ ਦੀ ਦੋ ਟੁੱਕ ਨਾਂਹ ਕਰਨੀ। ਭਾਰਤ ਨੇ ਹਸੀਨਾ ਦੀ ਇਸ ਲਈ ਹਮਾਇਤ ਕੀਤੀ ਸੀ ਕਿਉਂਕਿ ਉਹ ਜਾਣਦਾ ਸੀ ਕਿ ਦੂਜੇ ਬਦਲ ਬਹੁਤ ਬਦਤਰ ਸਾਬਿਤ ਹੋ ਸਕਦੇ ਹਨ। ਉਹ ਸਿਆਹ ਡਰ ਸਾਹਮਣੇ ਆ ਹੀ ਗਏ। ਪੰਜ ਅਗਸਤ ਨੂੰ ਬੰਗਲਾਦੇਸ਼ ਵਿੱਚ ਹੋਈ ਸੱਤਾ ਦੀ ਤਬਦੀਲੀ ਨੇ ਨਾ ਕੇਵਲ ਬੰਗਬੰਧੂ ਦੀ ਵਿਰਾਸਤ ਹੂੰਝ ਕੇ ਰੱਖ ਦਿੱਤੀ ਸਗੋਂ ਇਸ ਨੇ ਬੰਗਲਾਦੇਸ਼ ਵਿੱਚ ਪਾਕਿਸਤਾਨ ਦੀ ਆਈਐੱਸਆਈ ਲਈ ਬੂਹੇ ਵੀ ਖੋਲ੍ਹ ਦਿੱਤੇ। 26 ਮਾਰਚ, 1971 ਨੂੰ ਮੁਜੀਬ ਵੱਲੋਂ ਪਾਕਿਸਤਾਨ ਤੋਂ ਆਜ਼ਾਦੀ ਦਾ ਐਲਾਨ ਕਰਨ ਤੋਂ ਕੁਝ ਘੰਟਿਆਂ ਬਾਅਦ ਹੀ ਪਾਕਿਸਤਾਨੀ ਫ਼ੌਜ ਨੇ ‘ਅਪਰੇਸ਼ਨ ਸਰਚਲਾਈਟ’ ਸ਼ੁਰੂ ਕਰ ਕੇ ਸੈਂਕੜੇ ਬੁੱਧੀਜੀਵੀਆਂ, ਸਿਵਲੀਅਨਾਂ ਤੇ ਵਿਦਿਆਰਥੀਆਂ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ ਸੀ। ਅੱਜ ਪਾਕਿਸਤਾਨੀ ਫ਼ੌਜ ਦੇ ਦਸਤੇ ਤੇ ਖੁਫ਼ੀਆ ਏਜੰਸੀ ਆਈਐੱਸਆਈ ਢਾਕਾ, ਚਿਟਗਾਂਗ ਦੀਆਂ ਗਲੀਆਂ ਤੇ ਹੋਰਨਾਂ ਥਾਵਾਂ ’ਤੇ ਵਾਪਸ ਆ ਗਈ ਹੈ। ਇਹ ਚੱਕਰ ਹੁਣ ਪੂਰਾ ਹੋ ਗਿਆ ਹੈ। ਇਹ ਗੱਲ ਵੀ ਭੁੱਲਣੀ ਨਹੀਂ ਚਾਹੀਦੀ ਕਿ ਪਿਛਲੇ ਸਾਲ ਢਾਕਾ ਵਿੱਚ ਚੋਟੀ ਦੇ ਅਹੁਦੇ ’ਤੇ ਮੁੱਖ ਸਲਾਹਕਾਰ ਯੂਨਸ ਨੂੰ ਬਿਠਾਉਣ ਵਿੱਚ ਅਮਰੀਕੀ ਖੁਫ਼ੀਆ ਤੰਤਰ ਦੀ ਸੰਭਾਵੀ ਭੂਮਿਕਾ ਕਿਹੋ ਜਿਹੀ ਰਹੀ ਸੀ। ਕੁਝ ਲੋਕ ਕਹਿਣਗੇ ਕਿ ਘੋੜੇ ਐਨੇ ਤੇਜ਼ ਨਹੀਂ ਦੁੜਾਉਣੇ ਚਾਹੀਦੇ। ਸੱਜਰੀ ਸੱਤਾ ਤਬਦੀਲੀ ਦਾ ਅਧਿਆਏ ਹਾਲੇ ਖ਼ਤਮ ਨਹੀਂ ਹੋਇਆ। ਸ਼ੇਖ ਹਸੀਨਾ ਦੇ ਕਾਰਜਕਾਲ ਵੇਲੇ ਦਾ ਬੰਗਲਾਦੇਸ਼ ਫ਼ੌਜ ਦਾ ਮੁਖੀ ਜਨਰਲ ਵਾਕਰ-ਉਜ਼-ਜ਼ਮਾਂ ਹਾਲੇ ਵੀ ਇੱਕ ਤਾਕਤ ਬਣੇ ਹੋਏ ਹਨ। ਬੰਗਲਾਦੇਸ਼ ਫ਼ੌਜ ਦੇ ਬਹੁਤ ਸਾਰੇ ਅਫ਼ਸਰ ਜੋ 1971 ਵਿੱਚ ਪਾਕਿਸਤਾਨ ਖ਼ਿਲਾਫ਼ ਯੁੱਧ ਵਿੱਚ ‘ਮੁਕਤੀ ਯੋਧਿਆਂ’ ਵਜੋਂ ਲੜਨ ਵਾਲਿਆਂ ਦੀਆਂ ਕਹਾਣੀਆਂ ਸੁਣ-ਸੁਣ ਕੇ ਵੱਡੇ ਹੋਏ ਹਨ, ਛੇਤੀ ਕੀਤਿਆਂ ਆਪਣਾ ਅਸਰ-ਰਸੂਖ ਨਹੀਂ ਛੱਡਣਗੇ। ਸਵਾਲ ਇਹ ਹੈ ਕਿ ਹੁਣ ਕੀ ਕੀਤਾ ਜਾਵੇ? ਕੀ ਯੂਨਸ ਛੇਤੀ ਚੋਣਾਂ ਕਰਾਉਣਗੇ ਅਤੇ ਕੀ ਬੀਐੱਨਪੀ ਸੱਤਾ ਵਿੱਚ ਵਾਪਸੀ ਕਰ ਸਕੇਗੀ ਅਤੇ ਇਸ ਦੇ ਨਾਲ ਹੀ ਖਾਲਿਦਾ ਜ਼ਿਆ ਦਾ ਪੁੱਤਰ ਤਾਰਿਕ ਰਹਿਮਾਨ ਜੋ 2006 ਵਿੱਚ ਉਸ ਦੇ ਚੋਣਾਂ ਹਾਰ ਜਾਣ ਤੋਂ ਬਾਅਦ ਲੰਡਨ ਵਿੱਚ ਰਹਿ ਰਿਹਾ ਹੈ, ਪਰਤ ਆਵੇਗਾ। ਸ਼ਾਇਦ ਇਹ ਭਵਿੱਖ ਦੀਆਂ ਗੱਲਾਂ ਹਨ, ਸ਼ਾਇਦ ਇਸ ਲਈ ਕਿਉਂਕਿ ਸ਼ੇਖ ਹਸੀਨਾ