ਹੁਣ ਵਾਅਟਸੈਅਪ ਰਾਹੀਂ ਬੁੱਕ ਕਰੋ ਮੈਟਰੋ ਦੀਆਂ ਟਿਕਟਾਂ

ਨਵੀਂ ਦਿੱਲੀ, 18 ਅਕਤੂਬਰ – ਜੇ ਤੁਸੀਂ ਮੈਟਰੋ ਸਟੇਸ਼ਨ ‘ਤੇ ਟਿਕਟਾਂ ਲਈ ਲੰਬੀ ਕਤਾਰ ‘ਚ ਨਹੀਂ ਖੜੇ ਹੋਣਾ ਚਾਹੁੰਦੇ ਹੋ ਤਾਂ ਇਹ ਕੰਮ ਵ੍ਹਟਸਐਪ ਰਾਹੀਂ ਵੀ ਕੀਤਾ ਜਾ ਸਕਦਾ ਹੈ। ਇਹ ਸਹੂਲਤ ਦਿੱਲੀ ਅਤੇ ਮੁੰਬਈ ਦੋਵਾਂ ਵਿੱਚ ਉਪਲਬਧ ਹੈ। ਹਾਲ ਹੀ ਵਿੱਚ, ਮਹਾ ਮੁੰਬਈ ਮੈਟਰੋ ਆਪ੍ਰੇਸ਼ਨ ਕਾਰਪੋਰੇਸ਼ਨ ਲਿਮਿਟੇਡ (MMMOCL) ਨੇ ਮੁੰਬਈ ਮੈਟਰੋ ਲਈ WhatsApp ‘ਤੇ ਟਿਕਟ ਬੁਕਿੰਗ ਦੀ ਸੇਵਾ ਸ਼ੁਰੂ ਕੀਤੀ ਹੈ, ਜਦੋਂ ਕਿ ਇਹ ਸਹੂਲਤ ਦਿੱਲੀ ਮੈਟਰੋ ਵਿੱਚ ਪਹਿਲਾਂ ਹੀ ਉਪਲਬਧ ਹੈ। ਵ੍ਹਟਸਐਪ ‘ਤੇ ਟਿਕਟਾਂ ਕਿਵੇਂ ਬੁੱਕ ਕੀਤੀਆਂ ਜਾਣ। ਇੱਥੇ ਅਸੀਂ ਇਸਦੀ ਪੂਰੀ ਪ੍ਰਕਿਰਿਆ ਨੂੰ step by Step ਸਮਝਾਉਣ ਜਾ ਰਹੇ ਹਾਂ।

ਵ੍ਹਟਸਐਪ ਰਾਹੀਂ ਮੈਟਰੋ ਦੀ ਟਿਕਟ ਕਿਵੇਂ ਬੁੱਕ ਕਰੀਏ

ਦਿੱਲੀ ਮੈਟਰੋ ਦੇ ਯਾਤਰੀ ਵ੍ਹਟਸਐਪ ਦੀ ਮਦਦ ਨਾਲ ਆਪਣੇ ਮੋਬਾਈਲ ਫੋਨ ਤੋਂ ਮੈਟਰੋ ਯਾਤਰਾ ਲਈ ਆਸਾਨੀ ਨਾਲ ਟਿਕਟ ਖ਼ਰੀਦ ਸਕਦੇ ਹਨ। ਤੁਹਾਨੂੰ ਮੋਬਾਈਲ ਨੰਬਰ 96508-55800 ‘ਤੇ Hi ਸੁਨੇਹਾ ਭੇਜਣਾ ਹੋਵੇਗਾ। ਇਸ ਤੋਂ ਬਾਅਦ ਤੁਹਾਨੂੰ ਆਪਣੀ ਪਸੰਦ ਦੀ ਭਾਸ਼ਾ ਚੁਣਨੀ ਹੋਵੇਗੀ। ਭਾਸ਼ਾ ਚੁਣਨ ਤੋਂ ਬਾਅਦ, ਤੁਹਾਨੂੰ ‘ਟਿਕਟ ਖਰੀਦੋ’ ਵਿਕਲਪ ‘ਤੇ ਕਲਿੱਕ ਕਰਨਾ ਹੋਵੇਗਾ। ਇਸ ਤੋਂ ਬਾਅਦ ਤੁਹਾਨੂੰ ਉਸ ਸਟੇਸ਼ਨ ਦਾ ਨਾਮ ਚੁਣਨਾ ਹੋਵੇਗਾ ਜਿੱਥੋਂ ਤੁਹਾਨੂੰ ਯਾਤਰਾ ਸ਼ੁਰੂ ਕਰਨੀ ਹੈ। ਅਤੇ ਫਿਰ ਤੁਹਾਨੂੰ ਉਸ ਸਟੇਸ਼ਨ ਦਾ ਨਾਮ ਦਰਜ ਕਰਨਾ ਹੋਵੇਗਾ ਜਿੱਥੇ ਤੁਸੀਂ ਯਾਤਰਾ ਖ਼ਤਮ ਕਰਨੀ ਹੈ। ਇਸ ਤੋਂ ਬਾਅਦ ਭੁਗਤਾਨ ਕਰਨਾ ਹੋਵੇਗਾ।

ਵ੍ਹਟਸਐਪ ਰਾਹੀਂ ਮੁੰਬਈ ਮੈਟਰੋ ਦੀ ਟਿਕਟ ਕਿਵੇਂ ਬੁੱਕ ਕੀਤੀ ਜਾਵੇ

ਵ੍ਹਟਸਐਪ ਮੈਟਰੋ ਲਈ ਟਿਕਟਾਂ ਬੁੱਕ ਕਰਨ ਲਈ ਯਾਤਰੀਆਂ ਨੂੰ ਆਪਣੇ ਵ੍ਹਟਸਐਪ ਰਾਹੀਂ 86526 35500 ਨੰਬਰ ‘ਤੇ ‘Hi’ ਸੁਨੇਹਾ ਭੇਜਣਾ ਹੋਵੇਗਾ। ਇਸ ਦੇ ਨਾਲ ਹੀ ਯਾਤਰੀ ਮੈਟਰੋ ਸਟੇਸ਼ਨ ‘ਤੇ ਲਗਾਏ ਗਏ QR ਕੋਡ ਨੂੰ ਸਕੈਨ ਕਰ ਕੇ ਵੀ ਮੈਟਰੋ ਟਿਕਟ ਬੁੱਕ ਕਰ ਸਕਦੇ ਹਨ। ਇਸ ਨਾਲ ਲੱਖਾਂ ਮੈਟਰੋ ਯਾਤਰੀਆਂ ਨੂੰ ਸਹੂਲਤ ਮਿਲੇਗੀ।

ਵ੍ਹਟਸਐਪ ਟਿਕਟਿੰਗ ਸੇਵਾ ਦੀਆਂ ਵਿਸ਼ੇਸ਼ਤਾਵਾਂ

ਵ੍ਹਟਸਐਪ ਟਿਕਟਿੰਗ ਦੀ ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਯਾਤਰੀਆਂ ਨੂੰ ਟਿਕਟਾਂ ਲਈ ਲੰਬੀਆਂ ਕਤਾਰਾਂ ‘ਚ ਨਹੀਂ ਖੜਨਾ ਪਵੇਗਾ। ਇਸ ਨਾਲ ਉਨ੍ਹਾਂ ਦਾ ਸਮਾਂ ਬਚੇਗਾ। ਉਹ QR ਕੋਡ ਨੂੰ ਸਕੈਨ ਕਰ ਕੇ ਜਾਂ WhatsApp ਨੰਬਰ 86526 35500 (ਮੁੰਬਈ ਮੈਟਰੋ ਲਈ) ‘ਤੇ Hi ਸੁਨੇਹਾ ਭੇਜ ਕੇ ਸਿੱਧੇ ਆਪਣੀਆਂ ਟਿਕਟਾਂ ਖਰੀਦ ਸਕਦੇ ਹਨ। ਵ੍ਹਟਸਐਪ ਟਿਕਟਿੰਗ ਦੀ ਮਦਦ ਨਾਲ ਯਾਤਰੀ ਇੱਕੋ ਸਮੇਂ 6 ਟਿਕਟਾਂ ਖਰੀਦ ਸਕਦੇ ਹਨ। ਮਤਲਬ ਜੇ ਕੋਈ ਗਰੁੱਪ ‘ਚ ਯਾਤਰਾ ਕਰ ਰਿਹਾ ਹੈ ਤਾਂ ਉਹ ਆਸਾਨੀ ਨਾਲ ਆਪਣੇ ਲਈ ਟਿਕਟ ਖਰੀਦ ਸਕਦਾ ਹੈ। ਵ੍ਹਟਸਐਪ ਰਾਹੀਂ ਟਿਕਟਾਂ ਖਰੀਦਣ ਨਾਲ ਵਾਤਾਵਰਨ ਸੁਰੱਖਿਆ ‘ਚ ਵੀ ਮਦਦ ਮਿਲੇਗੀ। ਇਸ ਦਾ ਮਤਲਬ ਹੈ ਕਿ ਟਿਕਟਾਂ ਦੀ ਛਪਾਈ ਲਈ ਕਾਗਜ਼ ਦੀ ਲੋੜ ਖ਼ਤਮ ਹੋ ਜਾਵੇਗੀ।

ਤੁਹਾਨੂੰ WhatsApp ਟਿਕਟ ਲਈ ਕਿੰਨਾ ਭੁਗਤਾਨ ਕਰਨਾ ਪਵੇਗਾ

ਜੇ ਤੁਸੀਂ ਵ੍ਹਟਸਐਪ ਰਾਹੀਂ ਮੁੰਬਈ ਮੈਟਰੋ ਦੀਆਂ ਟਿਕਟਾਂ ਖਰੀਦ ਰਹੇ ਹੋ ਤਾਂ ਤੁਹਾਨੂੰ UPI ਭੁਗਤਾਨ ਰਾਹੀਂ ਭੁਗਤਾਨ ਕਰ ਕੇ ਕੋਈ ਵਾਧੂ ਫ਼ੀਸ ਨਹੀਂ ਦੇਣੀ ਪਵੇਗੀ। ਹਾਲਾਂਕਿ, ਜੇ ਤੁਸੀਂ ਡੈਬਿਟ ਕਾਰਡ ਜਾਂ ਕ੍ਰੈਡਿਟ ਕਾਰਡ ਰਾਹੀਂ ਭੁਗਤਾਨ ਕਰਦੇ ਹੋ ਤਾਂ ਤੁਹਾਨੂੰ ਇਸਦੇ ਲਈ ਕੁਝ ਫ਼ੀਸ ਅਦਾ ਕਰਨੀ ਪਵੇਗੀ।