admin

ਨਵੀਂ ਦਿੱਲੀ: ਪੇਗਾਸਸ ਜਾਸੂਸੀ ਮਾਮਲੇ ਵਿਚ ਇਕ ਨਵਾਂ ਖੁਲਾਸਾ ਹੋਇਆ ਹੈ। ਦਰਅਸਲ ਇਜ਼ਰਾਇਲੀ ਕੰਪਨੀ ਐਨਐਸਓ ਦੇ ਜਾਸੂਸੀ ਸਾਫਟਵੇਅਰ ਪੇਗਾਸਸ ਦੀ ਲਿਸਟ ਵਿਚ ਦੋ ਹੋਰ ਵੱਡੀਆਂ ਹਸਤੀਆਂ ਦੇ ਨਾਂਅ ਹੋਣ ਦੀ ਜਾਣਕਾਰੀ ਮਿਲੀ ਹੈ। ਨਿਊਜ਼ ਪੋਰਟਲ ‘ਦ ਵਾਇਰ’ ਮੁਤਾਬਕ ਜਾਜੂਸੀ ਲਿਸਟ ਵਿਚ ਉਦਯੋਗਪਤੀ ਅਨਿਲ ਅੰਬਾਨੀ ਅਤੇ ਸੀਬੀਆਈ ਦੇ ਸਾਬਕਾ ਮੁਖੀ ਆਲੋਕ ਵਰਮਾ ਦਾ ਨਾਂਅ ਵੀ ਸ਼ਾਮਲ ਕੀਤਾ ਗਿਆ ਹੈ। ਪੋਰਟ ਅਨੁਸਾਰ ਆਲੋਕ ਵਰਮਾ ਨੂੰ ਕੇਂਦਰ ਸਰਕਾਰ ਨੇ 2018 ਵਿਚ ਸੀਬੀਆਈ ਦੇ ਮੁਖੀ ਦੇ ਅਹੁਦੇ ਤੋਂ ਬਰਖ਼ਾਸਤ ਕਰ ਦਿੱਤਾ ਸੀ। ਇਸ ਤੋਂ ਬਾਅਦ ਹੀ ਵਰਮਾ ਦਾ ਨਾਂਅ ਪੇਗਾਸਸ ਦੀ ਲਿਸਟ ਵਿਚ ਸ਼ਾਮਲ ਕੀਤਾ ਗਿਆ। ਇਸ  ਦੇ ਨਾਲ ਹੀ ਅਨਿਲ ਅੰਬਾਨੀ ਅਤੇ ਅਨਿਲ ਧੀਰੂਭਾਈ ਅੰਬਾਨੀ ਗਰੁੱਪ ਦੇ ਕਾਰਪੋਰੇਟ ਕੰਮਿਊਨੀਕੇਸ਼ਨ ਅਧਿਕਾਰੀ ਟੋਨੀ ਜੇਸੂਦਾਸਨ ਦੇ ਨਾਲ ਉਹਨਾਂ ਦੀ ਪਤਨੀ ਦਾ ਨਾਂਅ ਵੀ ਇਸ ਲਿਸਟ ਵਿਚ ਸ਼ਾਮਲ ਕੀਤਾ ਗਿਆ ਹੈ। ਹਾਲਾਂਕਿ ਰਿਪੋਰਟ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ ਇਸ ਦੀ ਪੁਸ਼ਟੀ ਨਹੀਂ ਕੀਤੀ ਜਾ ਸਕਦੀ ਹੈ ਕਿ ਅਨਿਲ ਅੰਬਾਨੀ ਮੌਜੂਦਾ ਸਮੇਂ ਵਿਚ ਉਸੇ ਫੋਨ ਨੰਬਰ ਦੀ ਵਰਤੋਂ ਕਰ ਰਹੇ ਹਨ ਜਾਂ ਨਹੀਂ। ਰਿਪੋਰਟ ਅਨੁਸਾਰ ਭਾਰਤ ਵਿਚ ਦਸਾ ਏਵੀਏਸ਼ਨ (ਰਾਫੇਲ ਬਣਾਉਣ ਵਾਲੀ ਕੰਪਨੀ) ਦੇ ਨੁਮਾਇੰਦੇ ਵੈਂਕਟ ਰਾਓ, ਪੋਸਿਨਾ, ਸਾਬ ਇੰਡੀਆ ਦੇ ਮੁਖੀ ਇੰਦਰਜੀਤ ਸਿਆਲ ਅਤੇ ਬੋਇੰਗ ਇੰਡੀਆ ਦੇ ਮੁਖੀ ਪ੍ਰਤਯੂਸ਼ ਕੁਮਾਰ ਦੇ ਨੰਬਰ ਵੀ 2018 ਅਤੇ 2019 ਵਿਚ ਵੱਖ ਵੱਖ ਸਮੇਂ ਦੌਰਾਨ ਲੀਕ ਅੰਕੜੇ ਵਿਚ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਫਰਾਂਸ ਦੀ ਕੰਪਨੀ ਐਨਰਜੀ ਈਡੀਐਫ ਦੇ ਮੁਖੀ ਹਰਮਨਜੀਤ ਨੇਗੀ ਦਾ ਫੋਨ ਵੀ ਲੀਕ ਅੰਕੜੇ ਵਿਚ ਸ਼ਾਮਲ ਹਨ।

ਨਵੀਂ ਦਿੱਲੀ: ਭਾਰਤੀ ਓਲੰਪਿਕ ਐਸੋਸੀਏਸ਼ਨ (ਆਈਓਏ) ਨੇ ਐਲਾਨ ਕੀਤਾ ਕਿ ਉਹ ਟੋਕਿਓ ਓਲੰਪਿਕ ਖੇਡਾਂ ਦੇ ਸੋਨ ਤਮਗਾ ਜੇਤੂਆਂ ਨੂੰ 75 ਲੱਖ ਰੁਪਏ ਦਾ ਨਕਦ ਇਨਾਮ ਦੇਵੇਗੀ। ਇਸ ਤੋਂ ਇਲਾਵਾ ਹਰੇਕ ਭਾਗੀਦਾਰ ਨੈਸ਼ਨਲ ਸਪੋਰਟਸ ਫੈਡਰੇਸ਼ਨ (ਐਨਐਸਐਫ) ਨੂੰ ਬੋਨਸ ਵਜੋਂ 25 ਲੱਖ ਰੁਪਏ ਦੇਵੇਗਾ।ਆਈਓਏ ਦੀ ਸਲਾਹਕਾਰ ਕਮੇਟੀ ਨੇ ਚਾਂਦੀ ਦੇ ਤਗਮਾ ਜੇਤੂਆਂ ਨੂੰ 40 ਲੱਖ ਰੁਪਏ ਅਤੇ ਕਾਂਸੀ ਦੇ ਤਗਮਾ ਜੇਤੂਆਂ ਨੂੰ 25 ਲੱਖ ਰੁਪਏ ਦੇਣ ਦਾ ਐਲਾਨ ਕੀਤਾ ਹੈ। ਆਈਓਏ ਨੇ ਇਕ ਬਿਆਨ ਵਿਚ ਕਿਹਾ, “ਟੋਕਿਓ ਓਲੰਪਿਕ ਖੇਡਾਂ ਵਿਚ ਦੇਸ਼ ਦੀ ਨੁਮਾਇੰਦਗੀ ਕਰਨ ਵਾਲੇ ਹਰੇਕ ਖਿਡਾਰੀ ਨੂੰ ਇਕ ਲੱਖ ਰੁਪਏ ਦੇਣ ਦੀ ਸਿਫਾਰਸ਼ ਕੀਤੀ ਗਈ ਹੈ”। ਆਈਓਏ ਨੇ ਇਸ ਦੇ ਨਾਲ ਹੀ ਹਰੇਕ ਭਾਗੀਦਾਰ ਐਨਐਸਐਫ ਨੂੰ 25 ਲੱਖ ਰੁਪਏ ਅਤੇ ਤਗਮਾ ਜੇਤੂ ਐਨਐਸਐਫ ਨੂੰ 30 ਲੱਖ ਰੁਪਏ ਦਾ ਵਾਧੂ ਸਹਿਯੋਗ ਦੇਣ ਦੇ ਕਮੇਟੀ ਦੇ ਫੈਸਲੇ ਨੂੰ ਵੀ ਸਵੀਕਾਰ ਕੀਤਾ ਹੈ। ਇਸ ਤੋਂ ਇਲਾਵਾ ਹੋਰ ਰਾਸ਼ਟਰੀ ਖੇਡ ਫੈਡਰੇਸ਼ਨ ਵਿਚੋਂ ਹਰੇਕ ਨੂੰ 15 ਲੱਖ ਰੁਪਏ ਦਾ ਸਹਿਯੋਗ ਮਿਲੇਗਾ। ਆਈਓਏ ਦੇ ਸੱਕਤਰ ਜਨਰਲ ਰਾਜੀਵ ਮਹਿਤਾ ਨੇ ਕਿਹਾ, “ਪਹਿਲੀ ਵਾਰ ਆਈਓਏ ਤਗਮਾ ਜੇਤੂਆਂ ਅਤੇ ਉਹਨਾਂ ਦੇ ਐਨਐਸਐਫ ਨੂੰ ਇਨਾਮ ਦੇਣ ਜਾ ਰਿਹਾ ਹੈ।” ਸਲਾਹਕਾਰ ਕਮੇਟੀ ਨੇ ਟੋਕਿਓ ਵਿਚ ਰਹਿਣ ਦੌਰਾਨ ਭਾਰਤੀ ਦਲ ਦੇ ਹਰੇਕ ਮੈਂਬਰ ਲਈ 50 ਡਾਲਰ ਪ੍ਰਤੀ ਦਿਨ ਦੇ ਭੱਤੇ ਦੀ ਸਿਫਾਰਸ਼ ਵੀ ਕੀਤੀ ਹੈ। ਆਈਓਏ ਨੇ ਇਹ ਵੀ ਕਿਹਾ ਕਿ ਮੈਂਬਰ ਰਾਜ ਓਲੰਪਿਕ ਐਸੋਸੀਏਸ਼ਨਾਂ ਵਿਚੋਂ ਹਰੇਕ ਨੂੰ ਰਾਜ ਵਿਚ ਬੁਨਿਆਦੀ ਢਾਂਚਾ ਵਿਕਸਿਤ ਕਰਨ ਅਤੇ ਹੋਰ ਖਿਡਾਰੀਆਂ ਨੂੰ ਖੇਡਾਂ ਨਾਲ ਜੋੜਨ ਲਈ 15 ਲੱਖ ਰੁਪਏ ਦਿੱਤੇ ਜਾਣਗੇ।

ਨਵੀਂ ਦਿੱਲੀ, 23 ਜੁਲਾਈ-ਕੌਮਾਂਤਰੀ ਮੀਡੀਆ ਗਰੁੱਪ ਨੇ ਆਪਣੀ ਰਿਪੋਰਟ ’ਚ ਦਾਅਵਾ ਕੀਤਾ ਹੈ ਕਿ ਦਲਾਈਲਾਮਾ ਦੇ ਮੁੱਖ ਸਲਾਹਕਾਰਾਂ ਤੇ ਨੈਸ਼ਨਲ ਸੋਸ਼ਲਿਸਟ ਕੌਂਸਲ ਆਫ ਨਾਗਾਲਿਮ (ਐੱਨਐੱਸਸੀਐੱਨ) ਦੇ ਕਈ ਆਗੂਆਂ ਦੇ ਫੋਨ ਨੰਬਰ ਵੀ ਉਸ ਸੂਚੀ ’ਚ ਸ਼ਾਮਲ ਹਨ ਜਿਨ੍ਹਾਂ ਨੂੰ ਇਜ਼ਰਾਇਲੀ ਸਪਾਈਵੇਅਰ ਪੈਗਾਸਸ ਰਾਹੀਂ ਨਿਸ਼ਾਨਾ ਬਣਾਇਆ ਗਿਆ ਹੈ। ਲਗਾਤਾਰ ਜਾਰੀ ਕੀਤੀਆਂ ਜਾ ਰਹੀਆਂ ਰਿਪੋਰਟਾਂ ਦੀ ਲੜੀ ਦਰਮਿਆਨ ‘ਦਿ ਵਾਇਰ’ ਵੱਲੋਂ ਜਾਰੀ ਰਿਪੋਰਟ ਅਨੁਸਾਰ ਦੁਬਈ ਦੀ ਸ਼ਹਿਜ਼ਾਦੀ ਸ਼ੇਖਾ ਲਤੀਫਾ ਦੇ ਨੇੜਲੇ ਕਈ ਲੋਕਾਂ ਦੇ ਫੋਨ ਨੰਬਰ ਵੀ ਇਸ ਸੂਚੀ ’ਚ ਸ਼ਾਮਲ ਹਨ ਜਿਸ ਨੂੰ 2018 ’ਚ ਭਾਰਤੀ ਫੌਜ ਨੇ ਫੜ ਲਿਆ ਸੀ। ‘ਦਿ ਗਾਰਡੀਅਨ’ ਦੀ ਰਿਪੋਰਟ ਅਨੁਸਾਰ ਪੈਗਾਸਸ ਦੀ ਸੂਚੀ ’ਚ ਦਲਾਈਲਾਮਾ ਦੇ ਮੁੱਖ ਸਲਾਹਕਾਰਾਂ ਦੇ ਨੰਬਰ ਵੀ ਹੋ ਸਕਦੇ ਹਨ। ਇਸ ’ਚ ਦਾਅਵਾ ਕੀਤਾ ਗਿਆ ਹੈ, ‘ਅਧਿਐਨ ਤੋਂ ਇਹ ਮਜ਼ਬੂਤ ਸੰਕੇਤ ਮਿਲੇ ਹਨ ਕਿ ਇਹ ਭਾਰਤ ਸਰਕਾਰ ਦੇ ਸੰਭਾਵੀ ਨਿਸ਼ਾਨੇ ’ਤੇ ਹੋ ਸਕਦੇ ਹਨ। ਇਸ ਸੂਚੀ ’ਚ ਜਲਾਵਤਨ ਸਰਕਾਰ ਦੇ ਰਾਸ਼ਟਰਪਤੀ ਲੋਬਸੈਂਗ ਸਾਂਗੇ, ਇੱਕ ਹੋਰ ਬੋਧੀ ਧਰਮ ਗੁਰੂ ਗਿਆਲਗਾਂਗ ਕਰਮਾਪਾ ਦੇ ਦਫ਼ਤਰ ਦਾ ਅਮਲਾ ਅਤੇ ਭਾਰਤ ’ਚ ਜਲਾਵਤਨ ਭਾਈਚਾਰੇ ਨਾਲ ਸਬੰਧਤ ਕਈ ਕਾਰਕੁਨ ਤੇ ਧਾਰਮਿਕ ਆਗੂਆਂ ਦੇ ਫੋਨ ਨੰਬਰ ਵੀ ਸ਼ਾਮਲ ਹਨ।’ ਦਲਾਈ ਲਾਮਾ ਦੇ ਜਿਨ੍ਹਾਂ ਸੀਨੀਅਰ ਸਲਾਹਕਾਰਾਂ ਦੇ ਫੋਨ ਨੰਬਰ ਮਿਲੇ ਹਨ ਉਨ੍ਹਾਂ ’ਚ ਤੇਂਪਾ ਸ਼ੇਰਿੰਗ, ਸੀਨੀਅਰ ਸਥੀ ਤੈਨਜ਼ਿਨ ਤਕਲਹਾ ਚਿਮੇ ਰਿਗਜ਼ੇਨ ਸ਼ਾਮਲ ਹਨ। ਬੋਧੀ ਟਰੱਸਟ ਦੇ ਮੁਖੀ ਸਮਧੌਂਗ ਰਿਨਪੋਚੇ ਦਾ ਫੋਨ ਨੰਬਰ ਵੀ ਪੈਗਾਸਸ ਦੀ ਸੂਚੀ ’ਚ ਸ਼ਾਮਲ ਹੈ ਜੋ ਦਲਾਈ ਲਾਮਾ ਦੇ ਗੱਦੀਨਸ਼ੀਨ ਦੀ ਚੋਣ ਦੀ ਪ੍ਰਕਿਰਿਆ ਦੀ ਨਿਗਰਾਨੀ ਕਰ ਰਹੇ ਹਨ। ‘ਦਿ ਵਾਇਰ’ ਦੀ ਵੱਖਰੀ ਰਿਪੋਰਟ ’ਚ ਦਾਅਵਾ ਕੀਤਾ ਗਿਆ ਹੈ ਕਿ ਨੈਸ਼ਨਲ ਸੋਸ਼ਲਿਸਟ ਕੌਂਸਲ ਆਫ ਨਾਗਾਲਿਮ, ਐੱਨਐੱਸਸੀਐੱਨ (ਆਈਐੱਮ) ਦੇ ਉੱਚ ਆਗੂਆਂ ਦੇ ਫੋਨ ਨੰਬਰਾਂ ਦੀ ਜਾਸੂਸੀ ਵੀ ਕੀਤੀ ਗਈ ਹੈ। ਇਨ੍ਹਾਂ ਆਗੂਆਂ ’ਚ ਐੱਨਐੱਸਸੀਐੱਨ (ਆਈ-ਐੱਮ) ਦੇ ਆਤੇਮ ਵਾਸ਼ੂਮ, ਆਪਮ ਮੁਈਵਾਹ, ਐਂਥਨੀ ਸ਼ਿਮਰੇ ਤੇ ਫੁਨਥਿੰਗ ਸ਼ਿਮਰਾਂਗ ਅਤੇ ਨਾਗਾ ਨੈਸ਼ਨਲ ਪੋਲੀਟੀਕਲ ਗਰੁੱਪ ਦੇ ਕਨਵੀਨਰ ਐੱਨ ਕਿਤੋਵੀ ਜ਼ਿਮੋਮੀ ਦੇ ਨਾਂ ਸ਼ਾਮਲ ਹਨ।

ਨਵੀਂ ਦਿੱਲੀ: ਕੇਂਦਰੀ ਸ਼ਹਿਰੀ ਹਵਾਬਾਜ਼ੀ ਰਾਜ ਮੰਤਰੀ ਵੀਕੇ ਸਿੰਘ ਨੇ ਵੀਰਵਾਰ ਨੂੰ ਕਿਹਾ ਕਿ ਕੋਰੋਨਾ ਵਾਇਰਸ  ਦੀ ਲਾਗ ਕਾਰਨ 14 ਜੁਲਾਈ ਤੱਕ ਏਅਰ ਇੰਡੀਆ ਦੇ 56 ਕਰਮਚਾਰੀਆਂ ਦੀ ਮੌਤ ਹੋ ਗਈ ਸੀ। ਉਹਨਾਂ ਨੇ ਲੋਕ ਸਭਾ ਵਿੱਚ ਇੱਕ ਪ੍ਰਸ਼ਨ ਦੇ ਲਿਖਤੀ ਜਵਾਬ ਵਿੱਚ  ਇਹ ਜਾਣਕਾਰੀ ਦਿੱਤੀ। ਸਿੰਘ ਨੇ ਕਿਹਾ, “ਕੋਵਿਡ -19 ਨਾਲ ਏਅਰ ਇੰਡੀਆ ਦੇ 3,523 ਕਰਮਚਾਰੀਆਂ ਨੂੰ ਸੰਕਰਮਿਤ ਹੋ ਗਏ ਸਨ। 14 ਜੁਲਾਈ, 2021 ਤੱਕ ਇਨ੍ਹਾਂ ਵਿੱਚੋਂ 56 ਕਰਮਚਾਰੀਆਂ ਦੀ ਮੌਤ ਹੋ  ਗਈ ਸੀ। ਮੰਤਰੀ ਨੇ ਕਿਹਾ ਕਿ ਏਅਰ ਇੰਡੀਆ ਵੱਲੋਂ ਕੋਰੋਨਾ ਪ੍ਰਭਾਵਤ ਕਰਮਚਾਰੀਆਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਦੇ ਹਿੱਤਾਂ ਦੀ ਰਾਖੀ ਲਈ ਕਈ ਕਦਮ ਚੁੱਕੇ ਗਏ। ਉਨ੍ਹਾਂ ਕਿਹਾ ਕਿ ਕੋਵਿਡ ਕਾਰਨ ਹੋਈਆਂ ਮੌਤਾਂ ਦੀ ਸਥਿਤੀ ਵਿੱਚ ਹਰ ਸਥਾਈ ਕਰਮਚਾਰੀ ਦੇ ਪਰਿਵਾਰ ਨੂੰ 10 ਲੱਖ ਰੁਪਏ ਮੁਆਵਜ਼ਾ ਦਿੱਤਾ ਗਿਆ।

ਟੋਕਿਓ: ਖੇਡਾਂ ਦੇ ਮਹਾਂਕੁੰਭ ਕਹੇ ਜਾਣ ਵਾਲੇ ਓਲੰਪਿਕ ਦੀ ਅੱਜ ਤੋਂ ਸ਼ੁਰੂਆਤ ਹੋਣ ਜਾ ਰਹੀ ਹੈ। । ਕੋਰੋਨਾ ਮਹਾਂਮਾਰੀ ਕਾਰਨ ਇਕ ਸਾਲ ਲਈ ਮੁਲਤਵੀ ਕੀਤੇ ਜਾਣ ਤੋਂ ਬਾਅਦ, ਇਹ ਹੁਣ ਆਯੋਜਿਤ ਹੋਣ ਜਾ ਰਿਹਾ ਹੈ। ਇਸ ਦੇ ਲਈ ਦੁਨੀਆ ਭਰ ਦੇ 11 ਹਜ਼ਾਰ ਤੋਂ ਵੱਧ ਖਿਡਾਰੀ ਜਾਪਾਨ ਦੀ ਰਾਜਧਾਨੀ ਟੋਕਿਓ ਪਹੁੰਚੇ ਹਨ।ਸ਼ੁੱਕਰਵਾਰ ਨੂੰ, ਇਸ ਵਿਸ਼ਾਲ ਵਿਸ਼ਵ ਪੱਧਰੀ ਟੂਰਨਾਮੈਂਟ ਦਾ ਉਦਘਾਟਨ ਸਮਾਰੋਹ ਇੱਕ ਸੀਮਤ ਅਤੇ ਬਹੁਤ ਸਾਰੀਆਂ ਪਾਬੰਦੀਆਂ ਦੇ ਅਧੀਨ ਆਯੋਜਿਤ ਕੀਤਾ ਜਾਵੇਗਾ। ਭਾਰਤ ਤੋਂ ਸਿਰਫ 18 ਖਿਡਾਰੀ ਓਲੰਪਿਕ ਉਦਘਾਟਨੀ ਸਮਾਰੋਹ ਵਿੱਚ ਰਹਿਣਗੇ। ਜਾਪਾਨ ਦੇ ਸ਼ਹਿਨਸ਼ਾਹ ਨਰੂਹੀਤੋ ਵੀ ਅੱਜ ਸ਼ਾਮ 4.30 ਵਜੇ ਹੋਣ ਵਾਲੇ ਟੋਕਿਓ ਓਲੰਪਿਕ ਦੇ ਉਦਘਾਟਨੀ ਸਮਾਰੋਹ ਵਿੱਚ ਸ਼ਾਮਲ ਹੋਣਗੇ।ਟੋਕਿਓ 2020 ਓਲੰਪਿਕ ਦੇ ਉਦਘਾਟਨੀ ਸਮਾਰੋਹ ਲਈ ਮਾਰਚ ਪਾਸਟ ਵਿਚ ਭਾਰਤੀ ਦਲ 21 ਵੇਂ ਨੰਬਰ ‘ਤੇ ਰਹੇਗਾ। ਇਹ ਪ੍ਰੋਗਰਾਮ ਸੋਨੀ ਸਪੋਰਟਸ ਨੈਟਵਰਕ ਤੇ ਸਿੱਧਾ ਪ੍ਰਸਾਰਿਤ ਕੀਤਾ ਜਾਵੇਗਾ, ਜਿੱਥੇ ਪ੍ਰਸ਼ੰਸਕ ਅੰਗਰੇਜ਼ੀ ਅਤੇ ਹਿੰਦੀ ਦੋਵਾਂ ਭਾਸ਼ਾਵਾਂ ਵਿੱਚ ਲਾਈਵ ਐਕਸ਼ਨ ਦਾ ਆਨੰਦ ਲੈ ਸਕਦੇ ਹਨ। ਇਸ ਤੋਂ ਇਲਾਵਾ ਪ੍ਰਸ਼ੰਸਕ ਇਸ ਨੂੰ ਡੀਡੀ ਸਪੋਰਟਸ ‘ਤੇ ਵੀ ਵੇਖ ਸਕਣਗੇ। ਡਿਜੀਟਲ ਮਾਧਿਅਮ ਵਿੱਚ ਲਾਈਵ ਸਟ੍ਰੀਮਿੰਗ ਸੋਨੀ ਲਾਈਵ ਐਪ ਤੇ ਉਪਲਬਧ ਹੋਵੇਗੀ। 11 ਹਜ਼ਾਰ ਐਥਲੀਟ, ਹੋਣਗੀਆਂ 33 ਖੇਡਾਂ  205 ਦੇਸ਼ਾਂ ਦੇ 11,000 ਐਥਲੀਟ ਟੋਕਿਓ ਓਲੰਪਿਕ ਵਿੱਚ ਹਿੱਸਾ ਲੈਣ ਲਈ ਜਾਪਾਨ ਪਹੁੰਚੇ ਹਨ। 17 ਦਿਨਾਂ ਤੱਕ, 33 ਵੱਖ-ਵੱਖ ਖੇਡਾਂ ਦੇ 339 ਈਵੈਂਟ ਹੋਣਗੇ। ਇਸ ਵਾਰ ਮੈਡੀਸਨ ਸਾਈਕਲਿੰਗ, ਬੇਸਬਾਲ ਅਤੇ ਸਾੱਫਟਬਾਲ ਦੀ  ਓਲੰਪਿਕ ਵਿਚ ਵਾਪਸੀ ਹੋਈ ਹੈ। ਉਸੇ ਸਮੇਂ, 3 ਐਕਸ 3 ਬਾਸਕਟਬਾਲ ਅਤੇ ਫ੍ਰੀ ਸਟਾਈਲ ਬੀਐਮਐਕਸ ਨੂੰ ਇਸ ਵਿਚ ਸ਼ਾਮਲ ਕੀਤਾ ਗਿਆ। ਓਲੰਪਿਕ ਖੇਡਾਂ  ਇੱਕ ਸਾਲ ਦੇਰੀ ਨਾਲ ਹੋ ਰਹੀ ਹੈ। ਇਸ ਕਰਕੇ, ਭਾਰਤੀ ਖਿਡਾਰੀਆਂ ਨੂੰ ਤਿਆਰੀ ਲਈ  ਇਕ ਸਾਲ ਵੱਧ ਮਿਲਿਆ ਹੈ, ਜਿਸ ਕਾਰਨ ਉਨ੍ਹਾਂ ਦਾ ਉਤਸ਼ਾਹ ਵਧੇਰੇ ਹੈ। ਭਾਰਤ ਦੇ 119 ਐਥਲੀਟ ਵੱਖ-ਵੱਖ ਖੇਡਾਂ ਵਿਚ ਹਿੱਸਾ ਲੈਣਗੇ।

Election Hour || ਲੋਕਾਂ ਨੂੰ ਪ੍ਰਦਰਸ਼ਨ ਦਾ ਅਧਿਕਾਰ ,ਜਨਤਾ ਮੰਗ ਰਹੀ ਹੈ ਰੁਜ਼ਗਾਰ ਬਦਲੇ ‘ਚ ਮਿਲ ਕੀ ਰਿਹਾ, ਪਾਣੀ ਦੀਆਂ ਬੁਛਾੜਾਂ ਤੇ ਲਾਠੀਆਂ ਦੀ ਮਾਰ।

ਨਵੀਂ ਦਿੱਲੀ –  ਸੰਸਦ ਵਿਚ ਕੇਂਦਰੀ ਮੰਤਰੀ ਮੀਨਾਕਸ਼ੀ ਲੇਖੀ ਨੇ ਕਿਸਾਨ ਅੰਦੋਲਨ ਵਿਚ ਸ਼ਾਮਲ ਪ੍ਰਦਰਸ਼ਨਕਾਰੀਆਂ ਲਈ ਭੱਦੀ ਸ਼ਬਦਾਵਲੀ ਦੀ ਵਰਤੋਂ ਕੀਤੀ ਹੈ। ਉਹਨਾਂ ਨੇ ਕਿਹਾ ਕਿ ਜੋ ਕੁੱਝ 26 ਜਨਵਰੀ ਨੂੰ ਹੋਇਆ ਉਹ ਸ਼ਰਮਨਾਕ ਸੀ। ਉਹ ਅਪਰਾਧਿਕ ਗਤੀਵਿਧੀਆਂ ਸਨ ਉਸ ਨੂੰ ਵਿਰੋਧੀਆਂ ਨੇ ਸ਼ੈਅ ਦਿੱਤੀ ਸੀ। ਸੰਸਦ ਵਿਚ ਇਕ ਸਵਾਲ ਦੇ ਜਵਾਬ ਵਿਚ ਮੀਨਾਕਸ਼ੀ ਲੇਖੀ ਨੇ ਕਿਹਾ ਕਿ ਸਭ ਤੋਂ ਪਹਿਲਾਂ ਤਾਂ ਉਹਨਾਂ ਨੂੰ ਕਿਸਾਨ ਕਹਿਣਾ ਬੰਦ ਕਰੋ, ਕਿਉਂਕਿ ਉਹ ਕਿਸਾਨ ਨਹੀਂ ਮਵਾਲੀ ਹਨ। ਉਹ ਸ਼ਾਜਿਸ਼ਕਰਤਾਵਾਂ ਦੇ ਹੱਥੀਂ ਚੜ੍ਹੇ ਹੋਏ ਕੁੱਝ ਲੋਕ ਹਨ, ਜੋ ਲਗਾਤਾਰ ਕਿਸਾਨਾਂ ਦੇ ਨਾਮ ‘ਤੇ ਹਰਕਤਾਂ ਕਰ ਰਹੇ ਹਨ। ਇਸ ਸਭ ਦੀ ਜਾਂਚ ਹੋਣੀ ਚਾਹੀਦੀ ਹੈ। ਇਸ ਦੇ ਨਾਲ ਹੀ ਦੱਸ ਦਈਏ ਕਿ ਮੀਨਾਕਸ਼ੀ ਲੇਖੀ ਦੇ ਇਸ ਬਿਆਨ ਦਾ ਕਿਸਾਨ ਆਗੂ ਰਾਕੇਸ਼ ਟਿਕੈਤ ਨੇ ਵੀ ਜਵਾਬ ਦਿੱਤਾ ਹੈ। ਉਹਨਾਂ ਕਿਹਾ ਹੈ ਕਿ ਕਿਸਾਨਾਂ ਦੇ ਬਾਰੇ ਅਜਿਹੀ ਗੱਲ ਨਹੀਂ ਕਰਨੀ ਚਾਹੀਦੀ ਅਸੀਂ ਕਿਸਾਨ ਹਾਂ ਮਵਾਲੀ ਨਹੀਂ। ਅਸੀਂ ਸ਼ਾਂਤੀ ਪੂਰਨ ਪ੍ਰਦਰਸ਼ਨ ਕਰ ਰਹੇ ਹਾਂ ਅਤੇ ਜਦੋਂ ਤੱਕ ਸੰਸਦ ਚੱਲੇਗੀ ਅਸੀਂ ਵੀ ਸੰਸਦ ਦੇ ਬਾਹਰ ਆਉਂਦੇ ਰਹਾਂਗੇ। ਜੇ ਸਰਕਾਰ ਗੱਲਬਾਤ ਕਰਨਾ ਚਾਹੁੰਦੀ ਹੈ ਤਾਂ ਗੱਲਬਾਤ ਵੀ ਸ਼ੁਰੂ ਹੋਵੇਗੀ ਪਰ ਸ਼ਰਤਾਂ ਉਹੀ ਹਨ ਕਿ ਖੇਤੀ ਕਾਨੂੰਨ ਰੱਦ ਕੀਤੇ ਜਾਣ। ਵਿਰੋਧ ਤੋਂ ਬਾਅਦ ਕੇਂਦਰੀ ਮੰਤਰੀ ਮੀਨਾਕਸ਼ੀ ਲੇਖੀ ਨੇ ਅੱਜ ਮੁਆਫੀ ਮੰਗ ਲਈ। ਮੀਨਾਕਸ਼ੀ ਲੇਖੀ ਨੇ ਖਬਰ ਏਜੰਸੀ ਏ ਐਨ ਆਈ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਮੇਰੇ ਸ਼ਬਦਾਂ ਨੁੰ ਗਲਤ ਸਮਝਿਆ ਗਿਆ। ਜੇਕਰ ਮੇਰੇ ਸ਼ਬਦਾਂ ਨਾਲ ਕਿਸਾਨਾਂ ਜਾਂ ਕਿਸੇ ਦਾ ਮਨ ਦੁਖਿਆ ਹੈ ਤਾਂ ਮੈਂ ਮੁਆਫੀ ਮੰਗਦੀ ਹਾਂ ਤੇ ਆਪਣੇ ਸ਼ਬਦ ਵਾਪਸ ਲੈਂਦੀ ਹਾਂ।  

ਜਲੰਧਰ : ਸਿੱਖਿਆ ਵਿਭਾਗ ਵੱਲੋਂ ਪ੍ਰਾਇਮਰੀ ਸਕੂਲਾਂ ਦੇ ਬਲਾਕ ਪੱਧਰ ਦਾ ਕਾਰਜਭਾਰ ਅਤੇ ਪ੍ਰਬੰਧ ਦੇਖਣ ਲਈ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫਸਰਾਂ ਦੀਆਂ ਖਾਲੀ ਪੋਸਟਾਂ ਭਰਨੀਆਂ ਸ਼ੁਰੂ ਕਰ ਦਿੱਤੀਆਂ ਹਨ,ਜਿਸ ਤਹਿਤ ਪ੍ਰਾਇਮਰੀ ਸਕੂਲਾਂ ਵਿਚ ਕੰਮ ਕਰ ਰਹੇ ਸੈਂਟਰ ਹੈਡ ਟੀਚਰ ਨੂੰ ਬਤੌਰ ਬੀਪੀਈਓ ਪ੍ਰਮੋਟ ਕਰ ਦਿੱਤਾ ਗਿਆ ਹੈ, ਜਿਸ ਨੂੰ ਲੈ ਕੇ ਡਾਇਰੈਕਟਰ ਸਿੱਖਿਆ ਵਿਭਾਗ ਐਲੀਮੈਂਟਰੀ ਪੰਜਾਬ ਜਗਤਾਰ ਸਿੰਘ ਵੱਲੋਂ 15 ਸੀਐਚਟੀ ਦੇ ਬੀਪੀਈਓ ਪ੍ਰਮੋਟ ਕਰਨ ਦੀ ਲਿਸਟ ਜਾਰੀ ਕਰ ਦਿੱਤੀ ਹੈ। ਸਾਰੇ ਜ਼ਿਲ੍ਹਾ ਸਿੱਖਿਆ ਅਧਿਕਾਰੀਆਂ ਨੂੰ ਆਦੇਸ਼ ਜਾਰੀ ਕਰ ਦਿੱਤੇ ਗਏ ਹਨ ਤਾਂ ਜੋ ਉਹ ਪੂਰੀ ਜਾਂਚ ਪਰਖ ਕਰਕੇ ਹੀ ਬੀਪੀਈਓਜ਼ ਦੀ ਜੁਆਈਨਿੰਗ ਦੀ ਪ੍ਰਕਿਰਿਆ ਪੂਰੀ ਕਰਵਾਉਣ। ਜੇ ਕੋਈ ਸਮੇਂ ’ਤੇ ਰਿਪੋਰਟ ਨਹੀਂ ਕਰਦਾ ਤਾਂ ਉਸ ਦੇ ਕੇਸ ਨੂੰ ਵੀ ਨਹੀਂ ਵਿਚਾਰਿਆ ਜਾਵੇਗਾ। ਦੱਸ ਦੇਈਏ ਕਿ ਜਲੰਧਰ ਜ਼ਿਲ੍ਹੇ ਵਿੱਚ ਇੱਕ ਹੀ ਬੀਪੀਈਓ ਮਿਲਿਆ ਹੈ। ਇਸ ਸਮੇਂ, ਹਰ ਜ਼ਿਲ੍ਹੇ ਵਿਚ ਇਕ ਬੀਪੀਈਓ ਚਾਰ ਤੋਂ ਪੰਜ ਬਲਾਕਾਂ ਦੇ ਕੰਮ ਦਾ ਭਾਰ ਦੇਖ ਰਿਹਾ ਹੈ। ਜਿਸ ਕਾਰਨ ਹਰ ਕੋਈ ਮੁਸ਼ਕਲਾਂ ਦਾ ਸਾਹਮਣਾ ਕਰ ਰਿਹਾ ਹੈ। ਸਰਕਾਰੀ ਪ੍ਰਾਇਮਰੀ ਸਕੂਲ ਭਾਨਾ ਫਿਰੋਜ਼ਪੁਰ ਦੀ ਹਰਜੀਤ ਕੌਰ ਨੂੰ ਜਲੰਧਰ ਦੇ ਨਕੋਦਰ -1 ਬਲਾਕ ਵਿੱਚ ਬੀ.ਪੀ.ਈ.ਓ. ਲਾਇਆ ਗਿਆ ਹੈ। ਇਸੇ ਤਰ੍ਹਾਂ ਮਥਰਾ ਦੇਵੀ ਨੂੰ ਤਰਨਤਾਰਨ, ਸੰਜੀਵ ਕੁਮਾਰ, ਅੰਜਲੀ, ਭੁਪਿੰਦਰ ਸਿੰਘ, ਰਾਜੇਸ਼ ਕੁਮਾਰ ਨੂੰ ਕਪੂਰਥਲਾ, ਦੇਵੀ ਪ੍ਰਸ਼ਾਦ ਨੂੰ ਮੋਗਾ, ਯਸ਼ਪਾਲ ਤੋਂ ਮੁਕਤਸਰ, ਪਰਲੋਕ ਸਿੰਘ, ਲਖਵਿੰਦਰ ਸਿੰਘ, ਸੁਦੇਸ਼ ਖੰਨਾ, ਰਾਕੇਸ਼ ਕੁਮਾਰ ਨੂੰ ਗੁਰਦਾਸਪੁਰ, ਪੰਕਜ ਅਰੋੜਾ, ਨਰੇਸ਼ ਕੁਮਾਰ ਨਾਮਜ਼ਦ ਕੀਤਾ ਗਿਆ ਹੈ ਅਤੇ ਪਠਾਨਕੋਟ ਵਿਖੇ ਗੁਰਮੇਲ ਸਿੰਘ ਨੂੰ ਬੀਪੀਈਓ ਵਜੋਂ ਤਾਇਨਾਤ ਕੀਤਾ ਗਿਆ ਹੈ।

ਸ਼ਾਹਬਾਜ਼ਪੁਰ : ਆਮ ਆਦਮੀ ਪਾਰਟੀ ਦੇ ਖਡੂਰ ਸਾਹਿਬ ਹਲਕੇ ਤੋਂ ਸੀਨੀਅਰ ਆਗੂ ਗੁਰਸੇਵਕ ਸਿੰਘ ਔਲਖ ਵਾਂ ਨੇ  ਪਿੰਡ ਸ਼ਾਹਬਾਜਪੁਰ ਵਿਖੇ ਸਾਹਿਬ ਸਿੰਘ ਦੇ ਘਰ ਵਿਸ਼ਾਲ ਮੀਟਿੰਗ ਕੀਤੀ। ਜਿਸ ਦੌਰਾਨ ਪਿੰਡ ਕੁਹਾੜਕਾ ਤੇ ਪਿੰਡ ਡਿਆਲ ਦੇ ਵੱਡੀ ਗਿਣਤੀ ਲੋਕਾਂ ਨੇ ਗੁਰਸੇਵਕ ਸਿੰਘ ਔਲਖ ਦੀ ਅਗਵਾਈ ਹੇਠ ਆਮ ਆਦਮੀ ਪਾਰਟੀ ਨਾਲ ਚੱਲਣ ਦਾ ਪ੍ਰਣ ਲਿਆ ਅਤੇ ਸੈਂਕੜੇ ਲੋਕਾਂ ਨੇ ਅਕਾਲੀ ਦਲ ਤੇ ਕਾਂਗਰਸ ਛੱਡ ਕੇ ਆਪ ਵਿਚ ਸ਼ਮੂਲੀਅਤ ਕੀਤੀ। ਇਲਾਕੇ ਦੇ ਕਈ ਮੋਹਤਬਰਾਂ ਨੇ ਇਸ ਮੌਕੇ ਗੁਰਸੇਵਕ ਸਿੰਘ ਔਲਖ ਦੇ ਨਾਲ ਵਿਚਾਰ ਵਿਟਾਂਦਰਾ ਕੀਤਾ ਤੇ ਕਿਹਾ ਕਿ ਮੌਜੂਦਾ ਕਾਂਗਰਸੀ ਵਿਧਾਇਕ ਰਮਨਜੀਤ ਸਿੰਘ ਸਿੱਕੀ ਨੇ ਲੋਕਾਂ ਦੇ ਨਾਲ ਵਿਸ਼ਵਾਸਘਾਤ ਕੀਤਾ ਹੈ। ਲੋਕਾਂ ਦੀਆਂ ਵੋਟਾਂ ਲੈ ਕੇ ਮੁੜ ਉਨਾਂ ਦੀ ਬਾਤ ਤਕ ਨਹੀਂ ਪੁੱਛੀ, ਜਿਸਦਾ ਹਿਸਾਬ ਖਡੂਰ ਸਾਹਿਬ ਹਲਕੇ ਦੇ ਲੋਕ 2022 ਦੀਆਂ ਚੋਣਾਂ ਵਿਚ ਜ਼ਰੂਰ ਲੈਣਗੇ।

ਨਵੀਂ ਦਿੱਲੀ : 15 ਅਗਸਤ ਤੋਂ ਪਹਿਲਾਂ ਰਾਜਧਾਨੀ ਦਿੱਲੀ ‘ਚ  ਅੱਤਵਾਦੀ ਡਰੋਨ ਨਾਲ ਹਮਲਾ ਕਰ ਸਕਦੇ ਹਨ। ਇੰਟੀਲੀਜੈਂਸ ਬਿਊਰੋ ਨੇ ਦਿੱਲੀ ਪੁਲਿਸ ਨੂੰ ਅਲਰਟ ਜਾਰੀ ਕਰ ਪੂਰੀ ਤਰ੍ਹਾਂ ਨਾਲ ਚੌਕਸੀ ਵਰਤਣ ਨੂੰ ਕਿਹਾ ਹੈ, ਜਿਸ ਤੋਂ ਬਾਅਦ ਪੁਲਿਸ ਨੇ ਸੁਰੱਖਿਆ ਵਧਾ ਦਿੱਤੀ ਹੈ। ਅਲਰਟ ‘ਚ ਕਿਹਾ ਗਿਆ ਹੈ ਕਿ ਜੰਮੂ-ਕਸ਼ਮੀਰ ਤੋਂ ਧਾਰਾ 370 ਹਟਾਉਣ ਤੋਂ ਬਾਅਦ ਅੱਤਵਾਦੀ ਡਰੋਨ, ਪੈਰਾਗਲਾਈਡਰ ਦੇ ਇਸਤੇਮਾਲ ਨਾਲ ਆਮ ਜਨਤਾ, ਮਾਣਮੱਤੀਆਂ ਤੇ ਮਹੱਤਵਪੂਰਨ ਅਦਾਰਿਆਂ ਨੂੰ ਖ਼ਤਰਾ ਪਹੁੰਚਾ ਸਕਦੇ ਹਨ। ਉਹ ਹੈਂਗ ਗਲਾਈਡਰ, ਮਾਈਕ੍ਰੋਲਾਈਟ ਜਹਾਜ਼, ਗਰਮ ਹਵਾ ਦੇ ਗੁੱਬਾਰੇ ਇੱਥੇ ਤਕ ਕਿ ਪੈਰਾਜਪਿੰਗ ਰਾਹੀਂ ਹਮਲੇ ਦੀ ਕੋਸ਼ਿਸ਼ ਕਰ ਸਕਦੇ ਹਨ। ਅਲਰਟ ਤੋਂ ਬਾਅਦ ਪੁਲਿਸ ਕਮਿਸ਼ਨਰ ਬਾਲਾਜੀ ਸ੍ਰੀਵਾਸਤਵ ਨੇ ਪੂਰੀ ਦਿੱਲੀ ‘ਚ ਧਾਰਾ 144 ਲਾਗੂ ਕਰਦਿਆਂ ਸਾਰੇ ਹਵਾਈ ਪਲੇਟਫਾਰਮਾਂ ਦੀ ਉਡਾਨਾਂ ‘ਤੇ ਪਾਬੰਦੀ ਲਾ ਦਿੱਤੀ ਹੈ।