ਮੋਹਾਲੀ, 16 ਮਈ – ਪੰਜਾਬ ਬੋਰਡ ਵੱਲੋਂ 10ਵੀਂ ਦਾ ਨਤੀਜਾ ਐਲਾਨ ਦਿੱਤਾ ਗਿਆ ਹੈ। ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੇ ਅਧਿਕਾਰੀਆਂ ਨੇ ਪ੍ਰੈੱਸ ਕਾਨਫਰੰਸ ਰਾਹੀਂ ਇਸ ਸਬੰਧੀ ਜਾਣਕਾਰੀ ਦਿੱਤੀ। ਫਰੀਦਕੋਟ ਦੀ ਅਕਸ਼ਨੂਰ ਕੌਰ ਨੇ 650 ਨੰਬਰ ਲੈ ਕੇ ਟਾਪ ਕੀਤਾ। ਅੰਮ੍ਰਿਤਸਰ ਅੱਵਲ, ਗੁਰਦਾਸਪੁਰ ਦੂਜੇ, ਤਰਨਤਾਰਨ ਤੀਜੇ ਨੰਬਰ ‘ਤੇ ਰਿਹਾ। ਮੈਰਿਟ ‘ਚ 300 ਬੱਚੇ ਜਿਨ੍ਹਾਂ ਵਿਚੋਂ 256 ਲੜਕੀਆਂ ਹਨ। ਮੈਰਿਟ ‘ਚ ਸਭ ਤੋਂ ਜ਼ਿਆਦਾ ਜ਼ਿਲ੍ਹਾ ਲੁਧਿਆਣਾ ਦੇ 52 ਬੱਚੇ ਹਨ। ਤਿੰਨਾਂ ਟਾਪਰਾਂ ਨੇ 650 ‘ਚੋਂ 650 ਨੰਬਰ ਯਾਨੀ ਪੂਰੇ 100 ਫੀਸਦ ਨੰਬਰ ਹਾਸਲ ਕੀਤੇ ਹਨ। 96.85 ਫੀਸਦ ਲੜਕੀਆਂ ਤੇ 94.50 ਲੜਕੇ ਪਾਸ ਹੋਏ ਹਨ। 12ਵੀਂ ਜਮਾਤ ਵਾਂਗ, ਬੋਰਡ ਨੇ ਨਤੀਜਿਆਂ ਦੇ ਜਾਰੀ ਹੋਣ ਸੰਬੰਧੀ ਵੇਰਵੇ ਅਧਿਕਾਰਤ ਵੈੱਬਸਾਈਟ pseb.ac.in ‘ਤੇ ਸਾਂਝੇ ਕਰ ਦਿੱਤੇ ਹਨ। ਇਸ ਲਈ ਵਿਦਿਆਰਥੀਆਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਸਮੇਂ-ਸਮੇਂ ‘ਤੇ ਵੈੱਬਸਾਈਟ ਜਾਂ ਇਸ ਪੰਨੇ ‘ਤੇ ਜਾਣ।
ਨਤੀਜਾ ਤੇ ਟਾਪਰਾਂ ਦੀ ਸੂਚੀ ਜਾਰੀ
ਵਿਦਿਆਰਥੀਆਂ ਤੇ ਉਨ੍ਹਾਂ ਦੇ ਮਾਪਿਆਂ ਨੂੰ ਦੱਸ ਦੇਈਏ ਕਿ ਨਤੀਜਿਆਂ ਦੇ ਐਲਾਨ ਦੇ ਨਾਲ-ਨਾਲ, ਸੂਬੇ ਦੇ ਟਾਪ ਵਿਦਿਆਰਥੀਆਂ ਦੀ ਸੂਚੀ ਵੀ ਜਾਰੀ ਕਰ ਦਿੱਤੀ ਗਈ ਹੈ। ਟਾਪਰ ਸੂਚੀ ‘ਚ ਸਥਾਨ ਪ੍ਰਾਪਤ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਸੂਬਾ ਸਰਕਾਰ ਵੱਲੋਂ ਸਨਮਾਨਿਤ ਕੀਤਾ ਜਾਵੇਗਾ।
ਅਕਸ਼ਨੂਰ ਕੌਰ : 650 ਫਰੀਦਕੋਟ
ਰਤਿੰਦਰਦੀਪ ਕੌਰ : 650 ਮੁਕਤਸਰ
ਅਰਸ਼ਦੀਪ ਕੌਰ : 650 : ਮਾਲੇਰਕੋਟਲਾ
SMS ਤੇ ਵੈੱਬਸਾਈਟ ਰਾਹੀਂ ਇੰਝ ਦੇਖੋ ਨਤੀਜਾ
ਪੰਜਾਬ ਬੋਰਡ ਵੱਲੋਂ ਨਤੀਜੇ ਜਾਰੀ ਹੋਣ ਕਰਨ ਦੇ ਨਾਲ ਹੀ ਡਾਇਰੈਕਟ ਲਿੰਕ ਅਧਿਕਾਰਤ ਵੈੱਬਸਾਈਟ ‘ਤੇ ਐਕਟਿਵ ਹੋ ਗਿਆ ਹੈ। ਵਿਦਿਆਰਥੀ ਰੋਲ ਨੰਬਰ ਜਾਂ ਨਾਂ ਸਬਮਿਟ ਕਰ ਕੇ ਨਤੀਜਾ ਦੇਖ ਸਕਣਗੇ ਤੇ ਮਾਰਕਸ਼ੀਟ ਦੀ ਡਿਜੀਟਲ ਕਾਪੀ ਵੀ ਡਾਊਨਲੋਡ ਕਰਨ ਯੋਗ ਹੋਣਗੇ।
SMS ਰਾਹੀਂ ਕਿਵੇਂ ਚੈੱਕ ਕਰੀਏ ਨਤੀਜਾ
ਜਿਨ੍ਹਾਂ ਮਾਪਿਆਂ ਜਾਂ ਵਿਦਿਆਰਥੀਆਂ ਕੋਲ ਸਮਾਰਟਫੋਨ ਨਹੀਂ ਹੈ, ਉਹ ਵੀ ਖੁਦ ਨਤੀਜੇ ਦੇਖ ਸਕਣਗੇ ਤੇ ਕੈਫੇ ‘ਚ ਵਾਧੂ ਖਰਚੇ ਤੋਂ ਬਚ ਸਕਣਗੇ। SMS ਰਾਹੀਂ ਨਤੀਜਾ ਦੇਖਣ ਲਈ PB10 ਲਿਖ ਕੇ 5676750 ਨੰਬਰ ‘ਤੇ ਭੇਜੋ। ਮੈਸੇਜ ਭੇਜਣ ਤੋਂ ਥੋੜ੍ਹੀ ਦੇਰ ਬਾਅਦ ਤੁਹਾਡਾ ਨਤੀਜਾ ਬੋਰਡ ਵੱਲੋਂ ਤੁਹਾਡੇ ਇਨਬੌਕਸ ‘ਚ ਭੇਜ ਦਿੱਤਾ ਜਾਵੇਗਾ।
