ਨਵੀਂ ਦਿੱਲੀ, 28 ਅਪ੍ਰੈਲ – ਹਰ ਮਹੀਨੇ ਦੀ ਪਹਿਲੀ ਤਰੀਕ ਨੂੰ ਐਲਪੀਜੀ ਗੈਸ ਸਮੇਤ ਕਈ ਵੱਡੇ ਬਦਲਾਅ ਹੁੰਦੇ ਹਨ। ਇਸ ਵਾਰ ਮਈ ‘ਚ ਵੀ ਕਈ ਬਦਲਾਅ ਦੇਖਣ ਨੂੰ ਮਿਲਣਗੇ, ਜੋ ਆਮ ਆਦਮੀ ਦੀ ਜੇਬ ‘ਤੇ ਸਭ ਤੋਂ ਵੱਧ ਅਸਰ ਪਾਉਣਗੇ। ਆਓ, ਇਨ੍ਹਾਂ ਤਬਦੀਲੀਆਂ ਬਾਰੇ ਵਿਸਥਾਰ ਵਿਚ ਜਾਣਕਾਰੀ ਪ੍ਰਾਪਤ ਕਰੀਏ।
1. ATM Withdrawl ਚਾਰਜ ਵਧਣਾ
ਆਰਬੀਆਈ ਨੇ ਇਹ ਐਲਾਨ ਕੀਤਾ ਹੈ ਕਿ ਹੁਣ ਗਾਹਕਾਂ ਨੂੰ ਏਟੀਐਮ ਤੋਂ ਕੈਸ਼ ਕਢਵਾਉਣ ‘ਤੇ ਜ਼ਿਆਦਾ ਚਾਰਜ ਦੇਣਾ ਪਵੇਗਾ। ਪਹਿਲਾਂ ਇਹ ਚਾਰਜ 21 ਰੁਪਏ ਸੀ, ਪਰ ਹੁਣ ਇਸਨੂੰ ਵਧਾ ਕੇ 23 ਰੁਪਏ ਕੀਤਾ ਜਾ ਰਿਹਾ ਹੈ। ਇਹ ਨਵਾਂ ਚਾਰਜ 1 ਮਈ 2025 ਤੋਂ ਲਾਗੂ ਹੋ ਜਾਵੇਗਾ। ਮੀਡੀਆ ਰਿਪੋਰਟਾਂ ਅਨੁਸਾਰ, ਇਹ ਬਦਲਾਅ ਦੇਸ਼ ਦੀ ਕੇਂਦਰੀ ਬੈਂਕ, ਆਰਬੀਆਈ ਅਤੇ ਐਨਪੀਸੀਆਈ (ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ ਇੰਡੀਆ) ਨੇ ਮਿਲ ਕੇ ਕੀਤਾ ਹੈ।
ਹੁਣ ਮੈਟਰੋ ਸ਼ਹਿਰਾਂ ‘ਚ ਤਿੰਨ ਵਾਰੀ ਤਕ ਕੈਸ਼ ਕਢਵਾਉਣਾ ਕਢਵਾਉਣਾ ਮੁਫਤ ਹੈ ਪਰ ਲਿਮਟ ਤੋਂ ਵੱਧ ਨਕਦੀ ਕਢਵਾਉਣ ‘ਤੇ 21 ਰੁਪਏ ਚਾਰਜ ਦੇਣਾ ਪੈਂਦਾ ਹੈ ਜੋ ਤੁਹਾਡੇ ਬੈਂਕ ਖਾਤੇ ‘ਚੋਂ ਆਟੋਮੈਟਿਕ ਕੱਟਿਆ ਜਾਂਦਾ ਹੈ।
2. ਐਲਪੀਜੀ ਗੈਸ ‘ਤੇ ਅਸਰ
ਹਰ ਮਹੀਨੇ ਗੈਸ ਏਜੰਸੀ ਵੱਲੋਂ ਘਰੇਲੂ ਗੈਸ ਤੋਂ ਲੈ ਕੇ ਕਮਰਸ਼ੀਅਲ ਗੈਸ ਤਕ ਦੀਆਂ ਕੀਮਤਾਂ ‘ਚ ਸੋਧ ਕੀਤੀ ਜਾਂਦੀ ਹੈ। ਇਸ ਦਾ ਮਤਲਬ ਹੈ ਕਿ 1 ਤਰੀਕ ਨੂੰ ਇਸ ਦੀਆਂ ਕੀਮਤਾਂ ‘ਚ ਵਾਧਾ ਜਾਂ ਘਾਟਾ ਦੇਖਣ ਨੂੰ ਮਿਲਦਾ ਹੈ। ਇਹ ਗੱਲ ਧਿਆਨ ਦੇਣ ਯੋਗ ਹੈ ਕਿ ਅਪ੍ਰੈਲ ‘ਚ ਹੀ ਸਰਕਾਰ ਨੇ ਸਾਰੇ ਸਿਲੰਡਰਾਂ ਦੇ ਭਾਅ ਲਗਪਗ 50 ਰੁਪਏ ਵਧਾ ਦਿੱਤੇ ਹਨ।
3. ਐਫਡੀ ਤੇ ਸੇਵਿੰਗ ਅਕਾਊਂਟ ‘ਚ ਬਦਲਾਅ
ਆਰਬੀਆਈ ਨੇ ਇਸ ਸਾਲ ਲਗਾਤਾਰ ਦੋ ਵਾਰੀ ਰੇਪੋ ਰੇਟ ‘ਚ ਕਟੌਤੀ ਕੀਤੀ ਹੈ, ਜਿਸਦਾ ਅਸਰ ਬੈਂਕ ਦੇ ਐਫਡੀ ਖਾਤਿਆਂ ਤੋਂ ਲੈ ਕੇ ਕਰਜ਼ ਤਕ ਦੀਆਂ ਵਿਆਜ ਦਰਾਂ ‘ਤੇ ਪਿਆ। ਕਈ ਸਰਕਾਰੀ ਤੇ ਪ੍ਰਾਈਵੇਟ ਬੈਂਕਾਂ ਨੇ ਆਪਣੀਆਂ ਵਿਆਜ ਦਰਾਂ ‘ਚ ਬਦਲਾਅ ਕਰ ਲਿਆ ਹੈ। ਆਉਣ ਵਾਲੇ ਸਮੇਂ ‘ਚ ਵੀ ਕਈ ਬੈਂਕ ਵਿਆਜ ਦਰਾਂ ‘ਚ ਬਦਲਾਅ ਕਰ ਸਕਦੇ ਹਨ।
4. ਲੋਕਲ ਬੈਂਕ ‘ਚ ਬਦਲਾਅ
1 ਮਈ ਤੋਂ ਪਿੰਡਾਂ ਦੇ ਬੈਂਕਾਂ ‘ਚ ਵੱਡਾ ਬਦਲਾਅ ਹੋ ਸਕਦਾ ਹੈ। ਹਰ ਸੂਬੇ ਦੇ ਸਾਰੇ ਗ੍ਰਾਮੀਣ ਬੈਂਕਾਂ ਨੂੰ ਮਿਲਾ ਕੇ ਇਕ ਵੱਡਾ ਬੈਂਕ ਬਣਾਉਣ ਦੀ ਯੋਜਨਾ ਹੈ। ਇਹ ਕੰਮ “ਇਕ ਰਾਜ, ਇਕ ਆਰਆਰਬੀ” ਯੋਜਨਾ ਤਹਿਤ ਕੀਤਾ ਜਾਵੇਗਾ। ਇਹ ਬਦਲਾਅ ਪਹਿਲਾਂ 11 ਸੂਬਿਆਂ ‘ਚ ਦੇਖਣ ਨੂੰ ਮਿਲੇਗਾ, ਜਿਨ੍ਹਾਂ ਵਿਚ ਪੱਛਮੀ ਬੰਗਾਲ, ਆਂਧ੍ਰ ਪ੍ਰਦੇਸ਼, ਉੱਤਰ ਪ੍ਰਦੇਸ਼, ਬਿਹਾਰ, ਜੰਮੂ-ਕਸ਼ਮੀਰ, ਕਰਨਾਟਕ, ਗੁਜਰਾਤ, ਮੱਧ ਪ੍ਰਦੇਸ਼, ਓਡੀਸ਼ਾ, ਰਾਜਸਥਾਨ ਅਤੇ ਮੱਧ ਪ੍ਰਦੇਸ਼ ਸ਼ਾਮਲ ਹਨ।
5. ਰੇਲਵੇ ‘ਚ ਕੀ ਹੋਵੇਗਾ ਬਦਲਾਅ?
1 ਮਈ ਤੋਂ ਰੇਲਵੇ ਦੀ ਟਿਕਟ ਬੁਕਿੰਗ ਨਾਲ ਜੁੜੇ ਵੱਡੇ ਬਦਲਾਅ ਹੋਣ ਜਾ ਰਹੇ ਹਨ। ਹੁਣ ਯਾਤਰੀ ਵੇਟਿੰਗ ਟਿਕਟ ‘ਤੇ ਸਲੀਪਰ ਅਤੇ ਏਸੀ ਕੋਚ ‘ਚ ਯਾਤਰਾ ਨਹੀਂ ਕਰ ਸਕਣਗੇ।
