ਨਵੀਂ ਦਿੱਲੀ, 25 ਮਾਰਚ – ਭਾਰਤ ਵਿੱਚ ਹਰ ਰੋਜ਼ ਹਜ਼ਾਰਾਂ ਵਾਹਨਾਂ ਦੀ ਵਿਕਰੀ ਹੁੰਦੀ ਹੈ। ਇਨ੍ਹਾਂ ਵਾਹਨਾਂ ‘ਤੇ ਲਾਜ਼ਮੀ ਤੌਰ ‘ਤੇ HSRP ਲਗਾਉਣਾ ਹੁੰਦਾ ਹੈ। HSRP ਕੀ ਹੁੰਦੀ ਹੈ ਤੇ ਸਰਕਾਰ ਵੱਲੋਂ ਇਸ ਨੂੰ ਲਾਜ਼ਮੀ ਕਿਉਂ ਕੀਤਾ ਗਿਆ ਹੈ। ਇਸ ਨੂੰ ਬਣਵਾਉਣ ਲਈ ਕਿਹੜੇ ਡਾਕੂਮੈਂਟਸ ਦੀ ਲੋੜ ਹੁੰਦੀ ਹੈ। ਅਸੀਂ ਤੁਹਾਨੂੰ ਇਸ ਖ਼ਬਰ ਵਿਚ ਦੱਸ ਰਹੇ ਹਾਂ।
ਕੀ ਹੈ HSRP
HSRP ਨੂੰ ਹਾਈ ਸਿਕਿਊਰਿਟੀ ਨੰਬਰ ਪਲੇਟ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਪੂਰੇ ਭਾਰਤ ਵਿੱਚ ਵਾਹਨਾਂ ‘ਤੇ ਇਸ ਨੰਬਰ ਪਲੇਟ ਦੀ ਵਰਤੋਂ ਨੂੰ ਲਾਜ਼ਮੀ ਕਰ ਦਿੱਤਾ ਗਿਆ ਹੈ। ਜਿਸ ਵੀ ਗੱਡੀ ‘ਤੇ HSRP ਨਹੀਂ ਹੋਵੇਗੀ, ਟ੍ਰੈਫਿਕ ਪੁਲਿਸ ਅਜਿਹੇ ਵਾਹਨ ਨੂੰ ਰੋਕ ਕੇ ਚਲਾਨ ਕਰ ਸਕਦੀ ਹੈ।
ਕਿਵੇਂ ਹੁੰਦੀ ਹੈ HSRP
ਹਾਈ ਸਿਕਿਊਰਿਟੀ ਨੰਬਰ ਪਲੇਟ ਨੂੰ ਐਲੂਮੀਨੀਅਮ ਨਾਲ ਬਣਾਇਆ ਜਾਂਦਾ ਹੈ। ਪਲੇਟ ਦੇ ਖੱਬੇ ਪਾਸੇ ਇੱਕ ਹੋਲੋਗ੍ਰਾਮ ਲਗਾਇਆ ਜਾਂਦਾ ਹੈ ਇਸ ਤੋਂ ਇਲਾਵਾ ਪਲੇਟ ‘ਤੇ ਇੱਕ ਯੂਨੀਕ ਕੋਡ ਹੁੰਦਾ ਹੈ ਜਿਸ ਨੂੰ ਲੇਜ਼ਰ ਕੋਡ ਕਿਹਾ ਜਾਂਦਾ ਹੈ। ਇਸ ਦੀ ਖ਼ਾਸ ਗੱਲ ਇਹ ਹੈ ਕਿ ਹੋਲੋਗ੍ਰਾਮ ਤੇ ਲੇਜ਼ਰ ਕੋਡ ਰਾਹੀਂ ਉਸ ਗੱਡੀ ਦੀ ਪੂਰੀ ਜਾਣਕਾਰੀ ਕੱਢੀ ਜਾ ਸਕਦੀ ਹੈ। ਇਸ ਦੇ ਨਾਲ ਹੀ ਇਸ ਕੋਡ ਨੂੰ ਪਲੇਟ ਤੋਂ ਹਟਾਇਆ ਵੀ ਨਹੀਂ ਜਾ ਸਕਦਾ।
ਕੀ ਹੈ ਖਾਸੀਅਤ
ਇਸ ਤਰ੍ਹਾਂ ਦੀ ਨੰਬਰ ਪਲੇਟ ਦੀ ਸਭ ਤੋਂ ਵੱਡੀ ਖਾਸੀਅਤ ਇਹ ਹੁੰਦੀ ਹੈ ਕਿ ਚੋਰੀ ਹੋਣ ਦੇ ਬਾਅਦ ਵਾਹਨ ‘ਤੇ ਇਸ ਤਰ੍ਹਾਂ ਦੀ ਪਲੇਟ ਨਹੀਂ ਲਗਾਈ ਜਾ ਸਕਦੀ। ਇਸ ਤੋਂ ਇਲਾਵਾ ਜੇ ਵਾਹਨ ਹਾਦਸੇ ਦਾ ਸ਼ਿਕਾਰ ਹੋ ਜਾਵੇ ਤਾਂ ਫਿਰ ਵਾਹਨ ਨਾਲ ਜੁੜੀ ਸਾਰੀ ਜਾਣਕਾਰੀ ਪ੍ਰਾਪਤ ਕੀਤੀ ਜਾ ਸਕਦੀ ਹੈ।
ਨੰਬਰ ਪਲੇਟ ਹੋਣ ਦੇ ਬਾਵਜੂਦ ਵੀ ਕਟ ਸਕਦਾ ਹੈ ਚਲਾਨ
ਜੇ ਤੁਹਾਡੇ ਵਾਹਨ ‘ਤੇ HSRP ਨੰਬਰ ਪਲੇਟ ਲੱਗੀ ਹੋਈ ਹੈ ਤਾਂ ਵੀ ਟ੍ਰੈਫਿਕ ਪੁਲਿਸ ਵੱਲੋਂ ਚਲਾਨ ਕੀਤਾ ਜਾ ਸਕਦਾ ਹੈ। ਦਰਅਸਲ ਇਸ ਪਲੇਟ ਨੂੰ ਰਿਵਿਟ ਦੀ ਮਦਦ ਨਾਲ ਗੱਡੀ ‘ਤੇ ਲਗਾਇਆ ਜਾਂਦਾ ਹੈ, ਜਿਸ ਨਾਲ ਰਿਵਿਟ ਤੋੜਨ ਦੀ ਕੋਸ਼ਿਸ਼ ਕਰਦੇ ਹੋਏ ਇਹ ਨੰਬਰ ਪਲੇਟ ਵੀ ਖਰਾਬ ਹੋ ਜਾਂਦੀ ਹੈ ਫਿਰ ਇਸ ਦੀ ਵਰਤੋਂ ਕਿਸੇ ਹੋਰ ਵਾਹਨ ‘ਤੇ ਨਹੀਂ ਕੀਤਾ ਜਾ ਸਕਦਾ ਪਰ ਕਈ ਲੋਕ ਰਿਵਿਟ ਦੀ ਥਾਂ ਸਧਾਰਨ ਨੱਟ ਦਾ ਵਰਤੋਂ ਕਰਕੇ HSRP ਨੂੰ ਆਪਣੇ ਵਾਹਨ ‘ਤੇ ਲਗਾਉਂਦੇ ਹਨ। ਇਸ ਤਰ੍ਹਾਂ ਦੀ ਸਥਿਤੀ ਵਿੱਚ ਟ੍ਰੈਫਿਕ ਪੁਲਿਸ ਵੱਲੋਂ ਤੁਹਾਡਾ ਚਲਾਨ ਕੀਤਾ ਜਾ ਸਕਦਾ ਹੈ।
