ਨਵੀਂ ਦਿੱਲੀ, 15 ਮਾਰਚ – ਕਣਕ ਦੇ ਆਟੇ ਦੀ ਰੋਟੀ ਲਈ ਕਿਹਾ ਜਾਂਦਾ ਹੈ ਕਿ ਇਹ ਬਲੱਡ ਸ਼ੂਗਰ ਦੇ ਮਰੀਜ਼ਾਂ ਲਈ ਨੁਕਸਾਨਦੇਹ ਹੈ। ਇਸ ਦੇ ਨਾਲ ਹੀ ਮੋਟਾਪੇ ਤੋਂ ਪਰੇਸ਼ਾਨ ਲੋਕਾਂ ਨੂੰ ਵੀ ਡਾਕਟਰ ਹਦਾਇਤ ਦਿੰਦੇ ਹਨ ਕਿ ਉਹ ਕਣਕ ਦੀ ਰੋਟੀ ਨਾ ਖਾਣ। ਬਾਵਜੂਦ ਇਸਦੇ ਤੁਹਾਨੂੰ ਕਣਕ ਦੀ ਰੋਟੀ ਖਾਣੀ ਪਸੰਦ ਹੈ ਤਾਂ ਅਸੀਂ ਤੁਹਾਨੂੰ ਕੁਝ ਅਜਿਹੇ ਦੇਸੀ ਨੁਸਖੇ ਦੱਸਣ ਜਾ ਰਹੇ ਹਾਂ ਜਿਨ੍ਹਾਂ ਨੂੰ ਅਪਣਾ ਕੇ ਤੁਸੀਂ ਕਣਕ ਦੀ ਰੋਟੀ ਟੈਂਸ਼ਨ ਫ੍ਰੀ ਹੋ ਕੇ ਖਾ ਸਕਦੇ ਹੋ।
1. ਮੇਥੀ ਦਾਣੇ ਪੀਹ ਕੇ ਆਟੇ ‘ਚ ਮਿਲਾਓ
ਮੇਥੀ ਦਾਣੇ ਕੁਦਰਤੀ ਔਸ਼ਧੀ ਹਨ ਜੋ ਸ਼ੂਗਰ ਕੰਟਰੋਲ ਕਰਨ ਵਿਚ ਮਦਦ ਕਰਦੇ ਹਨ। ਇਸ ਵਿਚ ਫਾਈਬਰ ਤੇ ਪ੍ਰੋਟੀਨ ਹੁੰਦਾ ਹੈ ਜੋ ਖ਼ੂਨ ਵਿਚ ਸ਼ੂਗਰ ਦੇ ਲੈਵਲ ਨੂੰ ਕੰਟਰੋਲ ਕਰਨ ਵਿਚ ਮਦਦ ਕਰਦਾ ਹੈ। ਜੇਕਰ ਤੁਸੀਂ ਮੇਥੀ ਦਾਣਾ ਪੀਹ ਕੇ ਇਸ ਨੂੰ ਕਣਕ ਦੇ ਆਟੇ ‘ਚ ਮਿਲਾ ਕੇ ਇਸ ਦੀ ਰੋਟੀ ਖਾਂਦੇ ਹੋ ਤਾਂ ਇਹ ਕਾਫੀ ਹੱਦ ਤਕ ਤੁਹਾਡੀ ਸ਼ੂਗਰ ਨੂੰ ਕੰਟਰੋਲ ਕਰਨ ਵਿਚ ਮਦਦ ਕਰਦਾ ਹੈ।
2. ਅਜਵਾਇਨ ਵੀ ਹੈ ਫਾਇਦੇਮੰਦ
ਅਜਵਾਇਨ ਇਕ ਕੁਦਰਤੀ ਔਸ਼ਧੀ ਹੈ ਜੋ ਸ਼ੂਗਰ ਨੂੰ ਕੰਟਰੋਲ ਕਰਦੀ ਹੈ। ਦੱਸ ਦੇਈਏ ਕਿ ਅਜਵਾਇਨ ‘ਚ ਫਾਈਬਰ ਤੇ ਪ੍ਰੋਟੀਨ ਹੁੰਦਾ ਹੈ ਜੋ ਖ਼ੂਨ ਵਿਚ ਸ਼ੂਗਰ ਲੈਵਲ ਨੂੰ ਕੰਟੋਰਲ ਕਰਨ ਵਿਚ ਮਦਦ ਕਰਦਾ ਹੈ। ਅਜਿਹੇ ਵਿਚ ਅਜਵਾਇਨ ਦੇ ਬੀਜਾਂ ਨੂੰ ਕਣਕ ਨਾਲ ਪੀਹ ਕੇ ਤੁਸੀਂ ਇਸ ਦੀ ਰੋਟੀ ਖਾ ਸਕਦੇ ਹੋ।
3. ਅਲਸੀ ਹੈ ਰਾਮਬਾਣ ਬੀਜ
ਅਲਸੀ ਵੀ ਅਜਿਹਾ ਬੀਜ ਹੈ ਜੋ ਸ਼ੂਗਰ ਕੰਟਰੋਲ ਕਰਨ ਵਿਚ ਮਦਦ ਕਰਦਾ ਹੈ। ਇਸ ਵਿਚ ਫਾਈਬਰ ਤੇ ਪ੍ਰੋਟੀਨ ਹੁੰਦਾ ਹੈ ਜੋ ਖ਼ੂਨ ਵਿਚ ਸ਼ੂਗਰ ਲੈਵਲ ਨੂੰ ਕੰਟਰੋਲ ਕਰਨ ਵਿਚ ਕਾਫੀ ਮਦਦਗਾਰ ਸਾਬਿਤ ਹੁੰਦਾ ਹੈ। ਇਨ੍ਹਾਂ ਤਿੰਨ ਚੀਜ਼ਾਂ ਨੂੰ ਕਣਕ ਦੇ ਆਟੇ ਵਿਚ ਮਿਲਾ ਕੇ ਸ਼ੂਗਰ ਨੂੰ ਕੰਟਰੋਲ ਕਰਨ ਵਿਚ ਮਦਦ ਮਿਲ ਸਕਦੀ ਹੈ।
4. ਕਣਕ ਪਿਸਵਾਉਣ ਦੌਰਾਨ ਮਿਲਾਓ ਇਹ ਤਿੰਨ ਚੀਜ਼ਾਂ
ਕਣਕ ਪਿਸਵਾਉਣ ਦੌਰਾਨ ਤੁਸੀਂ ਇਹ ਤਿੰਨ ਚੀਜ਼ਾਂ ਕਣਕ ਦੇ ਆਟੇ ਵਿਚ ਪਿਸਵਾ ਸਕਦੇ ਹੋ। ਕਣਕ ਦੇ ਹਿਸਾਬ ਨਾਲ ਇਹ ਤਿੰਨਾਂ ਦਾ ਮਿਸ਼ਰਨ ਬਣਾ ਕੇ ਇਨ੍ਹਾਂ ਨੂੰ ਵੀ ਨਾਲ ਹੀ ਪਿਸਵਾ ਸਕਦੇ ਹੋ। ਇਸ ਦੇ ਨਾਲ ਹੀ ਜੇਕਰ ਤੁਸੀਂ ਘਰ ਵਿਚ ਵੀ ਇਨ੍ਹਾਂ ਤਿੰਨਾਂ ਚੀਜ਼ਾਂ ਨੂੰ ਪੀਸ ਕੇ ਰੱਖ ਲੈਂਦੇ ਹੋ ਤੇ ਆਟਾ ਗੁੰਨ੍ਹਣ ਦੌਰਾਨ ਇਨ੍ਹਾਂ ਨੂੰ ਇਸ ਵਿਚ ਮਿਲਾ ਲੈਂਦੇ ਹੋ ਤਾਂ ਵੀ ਇਹ ਤੁਹਾਡੇ ਲਈ ਕਾਫੀ ਠੀਕ ਹੈ।
