ਡਾਲਰ ਦੇ ਮੁਕਾਬਲੇ ਰੁਪੱਈਆ ਹੇਠਲੇ ਪੱਧਰ ’ਤੇ ਪਹੁੰਚਿਆ

ਮੁੰਬਈ, 9 ਨਵੰਬਰ – ਅਮਰੀਕੀ ਡਾਲਰ ਦੇ ਮੁਕਾਬਲੇ ਰੁਪੱਈਆ ਅੱਜ ਪੰਜ ਪੈਸੇ ਡਿੱਗ ਕੇ 84.37 ਨਾਲ ਰਿਕਾਰਡ ਹੇਠਲੇ ਪੱਧਰ ’ਤੇ ਪਹੁੰਚ ਗਿਆ। ਉਂਝ ਰੁਪਿਆ ਡਿੱਗਣ ਦਾ ਸਿਲਸਿਲਾ ਦੋ ਦਿਨ ਤੋਂ ਜਾਰੀ ਹੈ। ਰੁਪੱਈਆ ਡਿੱਗਣ ਦੀ ਮੁੱਖ ਵਜ੍ਹਾ ਵਿਦੇਸ਼ੀ ਫੰਡਾਂ ਦੀ ਨਿਕਾਸੀ ਤੇ ਘਰੇਲੂ ਇਕੁਇਟੀਜ਼ ਦੇ ਮੰਦੇ ਰੁਝਾਨ ਨੂੰ ਮੰਨਿਆ ਜਾ ਰਿਹਾ ਹੈ। ਡਾਲਰ ਦੇ ਮੁਕਾਬਲੇ ਰੁਪੱਈਆ ਅੱਜ 84.32 ਦੇ ਪੱਧਰ ਉੱਤੇ ਖੁੱਲ੍ਹਾ ਸੀ। ਦਿਨ ਦੇ ਕਾਰੋਬਾਰ ਦੌਰਾਨ ਸਥਾਨਕ ਕਰੰਸੀ 84.31 ਦੇ ਸਿਖਰਲੇ ਅਤੇ 84.38 ਦੇ ਹੇਠਲੇ ਪੱਧਰ ਤੱਕ ਗਈ, ਪਰ ਅਖੀਰ ਨੂੰ ਪੰਜ ਪੈਸੇ ਦੇ ਨੁਕਸਾਨ ਨਾਲ 84.37 ’ਤੇ ਬੰਦ ਹੋਈ।