ਨਵੀਂ ਦਿੱਲੀ 2 ਅਗਸਤ ਫੂਡ ਡਿਲੀਵਰੀ ਪਲੇਟਫਾਰਮ ਜ਼ੋਮੈਟੋ ਆਪਣੇ ਕਾਰੋਬਾਰ ਨੂੰ ਵਧਾਉਣ ਦੀ ਯੋਜਨਾ ਬਣਾ ਰਿਹਾ ਹੈ। ਕੰਪਨੀ ਹੁਣ ਜਲਦ ਹੀ ‘District’ ਐਪ ਲਾਂਚ ਕਰਨ ਜਾ ਰਹੀ ਹੈ। ਨਵੀਂ ਐਪ ਬਾਰੇ ਜਾਣਕਾਰੀ ਜ਼ੋਮੈਟੋ ਦੇ ਸੀਈਓ ਦੀਪਇੰਦਰ ਗੋਇਲ ਨੇ ਦਿੱਤੀ ਹੈ। ਉਸਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ ‘ਤੇ ਇਸ ਨਾਲ ਸਬੰਧਤ ਪੋਸਟ ਕੀਤਾ ਹੈ। Zomato ਇਸ ਐਪ ਰਾਹੀਂ ਯੂਜ਼ਰਜ਼ ਨੂੰ ਮੂਵੀ ਟਿਕਟਾਂ ਅਤੇ ਸ਼ਾਪਿੰਗ ਆਦਿ ਦੀ ਸਹੂਲਤ ਪ੍ਰਦਾਨ ਕਰੇਗਾ। ਕੰਪਨੀ ਦੇ ਸੀਈਓ ਦੀਪਇੰਦਰ ਗੋਇਲ ਨੇ ਕਿਹਾ ਕਿ ਉਹ ਇਸ ਐਪ ਰਾਹੀਂ ਲਾਈਫਸਟਾਇਲ ਸੇਗਮੈਂਟ ਵਿੱਚ ਪ੍ਰਵੇਸ਼ ਕਰੇਗੀ। ਇਸ ਐਪ ਵਿੱਚ, ਯੂਜ਼ਰਜ਼ ਸਟੇਕੇਸ਼ਨ ਦੇ ਨਾਲ-ਨਾਲ ਸ਼ਾਪਿੰਗ ਵਰਗੀਆਂ ਸੇਵਾਵਾਂ ਦਾ ਲਾਭ ਲੈ ਸਕਣਗੇ। ਇਸ ਐਪ ਵਿੱਚ ਡਾਇਨਿੰਗ, ਮੂਵੀ ਟਿਕਟ ਬੁਕਿੰਗ, ਇਵੈਂਟ ਬੁਕਿੰਗ ਆਦਿ ਵਰਗੀਆਂ ਸੇਵਾਵਾਂ ਸ਼ਾਮਲ ਹਨ। District App ਬਾਰੇ, ਜ਼ੋਮੈਟੋ ਦੇ ਸੀਈਓ ਦੀਪਇੰਦਰ ਗੋਇਲ ਨੇ ਸ਼ੇਅਰਧਾਰਕਾਂ ਨੂੰ ਲਿਖੇ ਪੱਤਰ ਵਿੱਚ ਕਿਹਾ ਕਿ ਖਾਣਾ ਖਾਣ, ਖੇਡਾਂ ਦੀ ਟਿਕਟਿੰਗ, ਲਾਈਵ ਪ੍ਰਦਰਸ਼ਨ, ਖਰੀਦਦਾਰੀ, ਸਟੇਕੇਸ਼ਨ ਵਰਗੀਆਂ ਸੇਵਾਵਾਂ ਨੂੰ ਇੱਕ ਪਲੇਟਫਾਰਮ ‘ਤੇ ਜੋੜਿਆ ਜਾਵੇਗਾ। ਹੁਣ ਤੱਕ ਯੂਜ਼ਰਜ਼ ਨੂੰ Zomato ਐਪ ‘ਤੇ ਖਾਣੇ ਦੀ ਸਹੂਲਤ ਮਿਲ ਰਹੀ ਸੀ। District App ਦੇ ਲਾਂਚ ਹੋਣ ਤੋਂ ਬਾਅਦ, ਡਾਇਨਿੰਗ ਸੇਵਾ ਨੂੰ ਜ਼ੋਮੈਟੋ ਤੋਂ ਹਟਾ ਦਿੱਤਾ ਜਾਵੇਗਾ ਅਤੇ District App ਵਿੱਚ ਸ਼ਿਫਟ ਕਰ ਦਿੱਤਾ ਜਾਵੇਗਾ।
District App ਨੂੰ ਅਜੇ ਤੱਕ ਰੋਲਆਊਟ ਨਹੀਂ ਕੀਤਾ ਗਿਆ ਹੈ। ਇਸ ਦੇ ਰੋਲ-ਆਊਟ ਨੂੰ ਲੈ ਕੇ ਕੰਪਨੀ ਵੱਲੋਂ ਕੋਈ ਅਧਿਕਾਰਤ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਹਾਲਾਂਕਿ, ਕੰਪਨੀ ਨੇ ਸਪੱਸ਼ਟ ਤੌਰ ‘ਤੇ ਕਿਹਾ ਹੈ ਕਿ ਉਹ ਆਪਣੇ ਕਾਰੋਬਾਰ ਨੂੰ ਵਧਾਉਣ ਲਈ ਲਾਈਫਸਟਾਈਲ ਸੈਗਮੈਂਟ ਵਿੱਚ ਦਾਖਲ ਹੋਣ ਜਾ ਰਹੀ ਹੈ। District App BookMyShow ਵਰਗੀਆਂ ਸੇਵਾ ਐਪਾਂ ਨੂੰ ਚੁਣੌਤੀ ਦੇਵੇਗੀ। ਵਰਤਮਾਨ ਵਿੱਚ, ਬਹੁਤ ਸਾਰੇ ਉਪਭੋਗਤਾ ਮੂਵੀ ਟਿਕਟਾਂ, ਫਲਾਈਟ ਬੁਕਿੰਗ, ਇਵੈਂਟ ਬੁਕਿੰਗ ਜਾਂ ਸਟੇਕੇਸ਼ਨ ਲਈ BookMyShow ਐਪ ਦੀ ਵਰਤੋਂ ਕਰਦੇ ਹਨ। ਅਜਿਹੇ ‘ਚ ਉਮੀਦ ਕੀਤੀ ਜਾ ਰਹੀ ਹੈ ਕਿ ਜ਼ੋਮੈਟੋ ਦੀ ਨਵੀਂ ਐਪ ਯਾਨੀ ਡਿਸਟ੍ਰਿਕਟ ਐਪ ਬੁੱਕ ਮਾਈ ਸ਼ੋਅ ਵਰਗੀਆਂ ਐਪਸ ਨਾਲ ਮੁਕਾਬਲਾ ਕਰੇਗੀ।
