iQOO Neo 9 Pro ਲਈ ਯੂਜ਼ਰਜ਼ ਦਾ ਇੰਤਜ਼ਾਰ ਆਖਿਰਕਾਰ ਖਤਮ ਹੋ ਗਿਆ ਹੈ। ਕੰਪਨੀ ਨੇ Snapdragon 8 Gen 1 ਮੋਬਾਈਲ ਪ੍ਰੋਸੈਸਰ ਨਾਲ ਲੈਸ ਇੱਕ ਨਵਾਂ ਫ਼ੋਨ ਲਾਂਚ ਕੀਤਾ ਹੈ। ਆਓ ਜਲਦੀ ਹੀ ਨਵੇਂ ਫੋਨ ਦੀ ਕੀਮਤ, ਸਪੈਸਿਫਿਸ਼ਨ ਤੇ ਸੇਲ ਡਿਟੇਲਜ਼ ‘ਤੇ ਇੱਕ ਨਜ਼ਰ ਮਾਰੀਏ- ਕੰਪਨੀ iQOO Neo 9 Pro 5G ਨੂੰ Qualcomm Snapdragon 8 Gen 2 ਚਿਪਸੈੱਟ ਦੇ ਨਾਲ ਲੈ ਕੇ ਆਈ ਹੈ। ਨਵਾਂ ਫੋਨ 6.78 ਇੰਚ LTPO AMOLED ਡਿਸਪਲੇਅ ਤੇ 144Hz ਰਿਫਰੈਸ਼ ਰੇਟ ਸਪੋਰਟ ਦੇ ਨਾਲ ਲਿਆਂਦਾ ਗਿਆ ਹੈ। iQOO ਦੇ ਇਸ ਫੋਨ ਨੂੰ 8GB 256GB ਅਤੇ 12GB 256GB ਵੇਰੀਐਂਟ ‘ਚ ਖਰੀਦਿਆ ਜਾ ਸਕਦਾ ਹੈ। ਦੋਵੇਂ ਵੇਰੀਐਂਟ ਐਕਸਟੈਂਡਡ ਰੈਮ ਸਪੋਰਟ ਦੇ ਨਾਲ ਆਉਂਦੇ ਹਨ। iQOO ਦਾ ਨਵਾਂ ਫੋਨ 5,160mAh ਬੈਟਰੀ ਨਾਲ ਲਾਂਚ ਕੀਤਾ ਗਿਆ ਹੈ। ਫੋਨ ਨੂੰ 120W ਫਾਸਟ ਚਾਰਜਿੰਗ ਫੀਚਰ ਨਾਲ ਲਿਆਂਦਾ ਗਿਆ ਹੈ ਕੰਪਨੀ 50MP IMX 920 ਪ੍ਰਾਇਮਰੀ ਸੈਂਸਰ ਅਤੇ OIS ਸਪੋਰਟ ਦੇ ਨਾਲ iQOO Neo 9 Pro ਲੈ ਕੇ ਆਈ ਹੈ। ਫ਼ੋਨ ਇੱਕ 8MP ਅਲਟਰਾ-ਵਾਈਡ ਐਂਗਲ ਕੈਮਰਾ ਅਤੇ ਸੈਲਫੀ ਲਈ ਇੱਕ 16MP ਫਰੰਟ ਕੈਮਰਾ ਦੇ ਨਾਲ ਆਉਂਦਾ ਹੈ। iQOO Neo 9 Pro ਦਾ 8GB ਰੈਮ ਅਤੇ 256GB ਸਟੋਰੇਜ ਵੇਰੀਐਂਟ 37999 ਰੁਪਏ ‘ਚ ਲਾਂਚ ਕੀਤਾ ਗਿਆ ਹੈ ਅਤੇ 12GB ਰੈਮ ਅਤੇ 256GB ਸਟੋਰੇਜ ਵੇਰੀਐਂਟ ਨੂੰ 39,999 ਰੁਪਏ ‘ਚ ਲਾਂਚ ਕੀਤਾ ਗਿਆ ਹੈ। ਹਾਲਾਂਕਿ, ਕੰਪਨੀ ਆਪਣੇ ਗਾਹਕਾਂ ਨੂੰ ਲਾਂਚ ਆਫਰ ਦੇ ਨਾਲ ਘੱਟ ਕੀਮਤ ‘ਤੇ ਫੋਨ ਖਰੀਦਣ ਦਾ ਮੌਕਾ ਵੀ ਦੇ ਰਹੀ ਹੈ। HDFC ਅਤੇ ICICI ਬੈਂਕ ਕਾਰਡ ਯੂਜ਼ਰ ਇਸ ਫੋਨ ਦੀ ਖਰੀਦ ‘ਤੇ 2000 ਰੁਪਏ ਬਚਾ ਸਕਦੇ ਹਨ। iQOO Neo 9 Pro ਦੀ ਪਹਿਲੀ ਸੇਲ ਕੱਲ ਯਾਨੀ 23 ਫਰਵਰੀ ਤੋਂ ਲਾਈਵ ਹੋਣ ਜਾ ਰਹੀ ਹੈ। ਤੁਸੀਂ ਇਸ ਫੋਨ ਨੂੰ Amazon ਅਤੇ iQOO ਦੀ ਅਧਿਕਾਰਤ ਵੈੱਬਸਾਈਟ ਤੋਂ ਖਰੀਦ ਸਕੋਗੇ।
