ਜਨਵਰੀ 2024 ਦਾ ਮਹੀਨਾ ਖਤਮ ਹੋ ਗਿਆ ਹੈ ਅਤੇ ਇਸ ਮਹੀਨੇ ਬਾਜ਼ਾਰ ‘ਚ ਕਈ ਨਵੇਂ ਵਾਹਨ ਲਾਂਚ ਹੋਏ ਹਨ। ਇਸ ਮਹੀਨੇ, ਗਾਹਕਾਂ ਨੇ SUVs ਵਾਹਨਾਂ ਵੱਲ ਬਹੁਤ ਝੁਕਾਅ ਦਿਖਾਇਆ ਹੈ। ਜਨਵਰੀ 2024 ਵਿੱਚ ਕੁਝ SUVs ਹਨ ਜਿਨ੍ਹਾਂ ਦੀ ਗਾਹਕਾਂ ਵਿੱਚ ਭਾਰੀ ਮੰਗ ਹੈ। ਸਭ ਤੋਂ ਵੱਧ ਵਿਕਣ ਵਾਲੇ ਵਾਹਨਾਂ ਵਿੱਚ ਪੰਚ, ਬ੍ਰੇਜ਼ਾ ਸਮੇਤ ਕਈ SUVs ਸ਼ਾਮਲ ਹਨ। ਸੇਲ ਦੇ ਲਿਹਾਜ਼ ਨਾਲ ਟਾਟਾ ਪੰਚ ਨੂੰ ਗਾਹਕਾਂ ਵੱਲੋਂ ਕਾਫੀ ਪਸੰਦ ਕੀਤਾ ਗਿਆ ਹੈ। ਪਿਛਲੇ ਸਾਲ ਇਸੇ ਅਰਸੇ ਦੌਰਾਨ ਪੰਚ ਦੇ 12,006 ਯੂਨਿਟ ਵੇਚੇ ਗਏ ਸਨ, ਜਦੋਂ ਕਿ ਇਸ ਵਾਰ ਇਹ ਅੰਕੜਾ ਵਧ ਕੇ 17,978 ਹੋ ਗਿਆ ਹੈ। ਜੇਕਰ ਇਸ ਹਿਸਾਬ ਨਾਲ ਦੇਖੀਏ ਤਾਂ ਵਾਹਨ ਨਿਰਮਾਤਾ ਕੰਪਨੀ ਨੇ ਵਿਕਰੀ ‘ਚ ਚੰਗਾ ਵਾਧਾ ਦਰਜ ਕੀਤਾ ਹੈ। ਟਾਟਾ ਨੈਕਸਨ ਦਾ ਨਾਂ ਸੂਚੀ ‘ਚ ਦੂਜੇ ਸਥਾਨ ‘ਤੇ ਸ਼ਾਮਲ ਹੈ। ਜਿਸ ਦੀਆਂ 17,182 ਯੂਨਿਟਾਂ ਜਨਵਰੀ 2024 ਦੇ ਮਹੀਨੇ ਵਿਕੀਆਂ। ਜਦੋਂ ਕਿ ਪਿਛਲੇ ਸਾਲ ਇਸੇ ਸਮੇਂ ਇਹ ਅੰਕੜਾ 15,567 ਯੂਨਿਟ ਸੀ। ਸਾਲ ਦਾ ਪਹਿਲਾ ਮਹੀਨਾ ਵਿਕਰੀ ਦੇ ਲਿਹਾਜ਼ ਨਾਲ ਮਹਿੰਦਰਾ ਲਈ ਚੰਗਾ ਸਾਬਤ ਹੋਇਆ ਹੈ। ਇਸ ਮਹੀਨੇ ਮਹਿੰਦਰਾ ਸਕਾਰਪੀਓ ਦੇ 14,294 ਯੂਨਿਟ ਵਿਕ ਚੁੱਕੇ ਹਨ, ਹਾਲਾਂਕਿ ਪਿਛਲੇ ਸਾਲ ਇਹ ਅੰਕੜਾ 8,715 ਸੀ। ਇਸ ਦਾ ਮਤਲਬ ਹੈ ਕਿ ਕੰਪਨੀ ਨੇ ਇਸ ਮਿਆਦ ਦੇ ਦੌਰਾਨ ਵਿਕਰੀ ਦੇ ਮਾਮਲੇ ‘ਚ ਚੰਗਾ ਵਾਧਾ ਹਾਸਲ ਕੀਤਾ ਹੈ।
