ਨਵੀਂ ਦਿੱਲੀ, 10 ਫਰਵਰੀ – ਚੈਂਪੀਅਨਜ਼ ਟਰਾਫੀ 2025 ਦਾ ਆਯੋਜਨ 19 ਫਰਵਰੀ ਤੋਂ ਹੋਣਾ ਹੈ। ਇਸ ਟੂਰਨਾਮੈਂਟ ਵਿੱਚ 8 ਟੀਮਾਂ ਹਿੱਸਾ ਲੈ ਰਹੀਆਂ ਹਨ, ਜਿਨ੍ਹਾਂ ਦੇ ਮੈਚ ਪਾਕਿਸਤਾਨ ਤੇ ਦੁਬਈ ਵਿੱਚ ਹੋਣਗੇ। ਸੁਰੱਖਿਆ ਕਾਰਨਾਂ ਕਰਕੇ ਟੀਮ ਇੰਡੀਆ ਆਪਣੇ ਸਾਰੇ ਮੈਚ ਦੁਬਈ ਵਿੱਚ ਖੇਡੇਗੀ। ਇਸ ਟੂਰਨਾਮੈਂਟ ਦੀ ਸ਼ੁਰੂਆਤ ਵਿੱਚ 9 ਦਿਨ ਬਾਕੀ ਹਨ, ਜਿਸ ਤੋਂ ਪਹਿਲਾਂ ਹੀ ਤਜਰਬੇਕਾਰ ਖਿਡਾਰੀਆਂ ਨੇ ਟੂਰਨਾਮੈਂਟ ਦੀਆਂ ਫਾਈਨਲਿਸਟ ਟੀਮਾਂ ਬਾਰੇ ਭਵਿੱਖਬਾਣੀਆਂ ਕਰਨੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਹਾਲ ਹੀ ਵਿੱਚ ਭਾਰਤੀ ਟੀਮ ਦੇ ਸਾਬਕਾ ਸਪਿਨਰ ਆਰ ਅਸ਼ਵਿਨ ਨੇ ਚੈਂਪੀਅਨਜ਼ ਟਰਾਫੀ ਦੀਆਂ ਦੋ ਮਜ਼ਬੂਤ ਟੀਮਾਂ ਦੇ ਨਾਂ ਚੁਣੇ ਹਨ। ਉਸ ਦਾ ਕਹਿਣਾ ਹੈ ਕਿ ਭਾਰਤ ਤੇ ਨਿਊਜ਼ੀਲੈਂਡ ਦੀਆਂ ਟੀਮਾਂ ਟੂਰਨਾਮੈਂਟ ਵਿੱਚ ਖਿਤਾਬ ਜਿੱਤਣ ਦੀਆਂ ਮਜ਼ਬੂਤ ਦਾਅਵੇਦਾਰ ਹਨ।
ਇਨ੍ਹਾਂ ਦੋਵਾਂ ਟੀਮਾਂ ਨੂੰ ਦੱਸਿਆ ਸਭ ਤੋਂ ਜ਼ਿਆਦਾ ਤਾਕਤਵਰ
ਦਰਅਸਲ ਆਪਣੇ ਯੂਟਿਊਬ ਚੈਨਲ ‘ਤੇ ਆਰ ਅਸ਼ਵਿਨ ਨੇ ਕਿਹਾ ਕਿ ਭਾਰਤ ਨੂੰ ਦੁਬਈ ਵਿੱਚ ਘਰੇਲੂ ਮਾਹੌਲ ਵਰਗੇ ਮੈਦਾਨ ‘ਤੇ ਖੇਡਣ ਦਾ ਫਾਇਦਾ ਮਿਲੇਗਾ। ਭਾਰਤ ਦਾ ਸਾਹਮਣਾ ਕਰਨ ਵਾਲੀਆਂ ਟੀਮਾਂ ਨੂੰ ਮਹਿਸੂਸ ਹੋਵੇਗਾ ਕਿ ਉਹ ਭਾਰਤੀ ਹਾਲਾਤਾਂ ਵਿੱਚ ਖੇਡ ਰਹੀਆਂ ਹਨ। ਇਹ ਵਿਰੋਧੀ ਟੀਮਾਂ ਲਈ ਇੱਕ ਸਮੱਸਿਆ ਰਹੇਗੀ। ਇਹ ਵਿਰੋਧੀ ਟੀਮਾਂ ਲਈ ਸਮੱਸਿਆ ਹੋਵੇਗੀ। ਜ਼ਿਕਰਯੋਗ ਹੈ ਕਿ ਇੰਟਰਨੈਸ਼ਨਲ ਕ੍ਰਿਕਟ ਵਿੱਚ ਕਈ ਸਾਲਾਂ ਬਾਅਦ ਟ੍ਰਾਈ ਸੀਰੀਜ਼ ਦੀ ਵਾਪਸੀ ਹੋਈ ਹੈ ਤੇ ਅਸ਼ਵਿਨ ਦਾ ਮੰਨਣਾ ਹੈ ਕਿ ਭਾਰਤ ਨੂੰ ਚੈਂਪੀਅਨਜ਼ ਟਰਾਫੀ ਲਈ ਬਿਹਤਰ ਤਿਆਰੀ ਲਈ ਇੰਗਲੈਂਡ ਖ਼ਿਲਾਫ਼ ਦੁਵੱਲੀ ਸੀਰੀਜ਼ ਬਜਾਏ ਤਿਕੋਣਾ ਟੂਰਨਾਮੈਂਟ ਵਿੱਚ ਖੇਡਣਾ ਚਾਹੀਦਾ ਸੀ।
ਅਸ਼ਵਿਨ ਨੇ ਅੱਗੇ ਕਿਹਾ,
“ਇੰਗਲੈਂਡ ਖ਼ਿਲਾਫ਼ ਖੇਡ ਕੇ ਕੀ ਚੈਂਪੀਅਨਜ਼ ਟਰਾਫੀ ਲਈ ਭਾਰਤ ਦੀ ਤਿਆਰੀ ਕਾਫ਼ੀ ਹੋਵੇਗੀ? ਕੀ ਸਾਨੂੰ ਤਿਕੋਣੀ ਸੀਰੀਜ਼ ਖੇਡਣੀ ਚਾਹੀਦੀ ਸੀ? ਪਾਕਿਸਤਾਨ, ਨਿਊਜ਼ੀਲੈਂਡ ਤੇ ਦੱਖਣੀ ਅਫਰੀਕਾ ਪਾਕਿਸਤਾਨੀ ਹਾਲਾਤਾਂ ਵਿੱਚ ਖੇਡ ਰਿਹਾ ਹੈ, ਜਿਸ ਨਾਲ ਉਨ੍ਹਾਂ ਨੂੰ ਚੈਂਪੀਅਨਜ਼ ਟਰਾਫੀ ਵਿੱਚ ਮਦਦ ਮਿਲੇਗੀ। ਉਸ ਨੇ ਇਹ ਵੀ ਕਿਹਾ ਕਿ ‘ਭਾਰਤ ਇਸ ਵੱਡੇ ਟੂਰਨਾਮੈਂਟ ਤੋਂ ਪਹਿਲਾਂ ਸਿਰਫ਼ ਇੰਗਲੈਂਡ ਖ਼ਿਲਾਫ਼ ਹੀ ਖੇਡਿਆ ਹੈ। ਦੁਬਈ ਵਿੱਚ ਪਿਛਲੀ ਵਾਰ ਖੇਡੇ ਗਏ ਟੀ-20 ਵਿਸ਼ਵ ਕੱਪ ਵਿੱਚ ਸਾਡੇ ਕੋਲ ਕੁਝ ਖਾਸ ਯਾਦਾਂ ਨਹੀਂ ਹਨ। ਦੁਬਈ ਵਿੱਚ ਟਾਸ ਅਹਿਮ ਰੋਲ ਨਿਭਾਉਂਦੀ ਹੈ। ਮੈਨੂੰ ਲੱਗਦਾ ਹੈ ਕਿ ਟਾਸ ਜਿੱਤਣਾ ਮਹੱਤਵਪੂਰਨ ਹੋਵੇਗਾ।
ਇਸ ਟੀਮ ਨੂੰ ਹਲਕੇ ‘ਚ ਨਹੀਂ ਲੈਣਾ ਚਾਹੀਦਾ
ਸਾਬਕਾ ਭਾਰਤੀ ਸਪਿਨਰ ਨੇ ਕਿਹਾ ਕਿ ਨਿਊਜ਼ੀਲੈਂਡ ਆਪਣੀ ਲੰਬੇ ਸਮੇਂ ਤੋਂ ਸੇਵਾ ਨਿਭਾ ਰਹੀ ਤੇਜ਼ ਗੇਂਦਬਾਜ਼ ਜੋੜੀ ਟ੍ਰੈਂਟ ਬੋਲਟ ਤੇ ਟੀਮ ਸਾਊਦੀ ਦੀ ਗੈਰਹਾਜ਼ਰੀ ਦੇ ਬਾਵਜੂਦ ਭਾਰਤ ਲਈ ਚੁਣੌਤੀ ਪੇਸ਼ ਕਰੇਗਾ, ਜੋ 50 ਓਵਰਾਂ ਦੇ ਫਾਰਮੈਟ ਤੋਂ ਸੰਨਿਆਸ ਲੈ ਚੁੱਕੇ ਹਨ।
ਅਸ਼ਵਿਨ ਨੇ ਕਿਹਾ,
“ਭਾਰਤ ਤੋਂ ਬਾਅਦ ਨਿਊਜ਼ੀਲੈਂਡ ਚੈਂਪੀਅਨਜ਼ ਟਰਾਫੀ ਵਿੱਚ ਸਭ ਤੋਂ ਮਜ਼ਬੂਤ ਟੀਮਾਂ ਵਿੱਚੋਂ ਇੱਕ ਹੈ ਕਿਉਂਕਿ ਸਾਊਦੀ ਤੇ ਬੋਲਟ ਵਰਗੇ ਖਿਡਾਰੀ ਨਹੀਂ ਖੇਡ ਰਹੇ ਹਨ, ਇਸ ਲਈ ਧਿਆਨ ਉਨ੍ਹਾਂ ਦੀ ਗੇਂਦਬਾਜ਼ੀ ‘ਤੇ ਨਜ਼ਰ ਹੈ। ਮੈਟ ਹੈਨਰੀ ਦਾ ਸਾਥ ਕੌਣ ਦੇਵੇਗਾ? ਕੀ ਇਹ ਵਿਲ ਓ’ ਰੂਰਕ ਹੋਵੇਗਾ, ਜਿਸ ਕੋਲ ਅਗਲੀ ਪੀੜ੍ਹੀ ਦੇ ਚੈਂਪੀਅਨ ਬਣਨ ਦੀ ਸਮੱਰਥਾ ਰੱਖਦਾ ਹੈ।
