ਦੇਹਰਾਦੂਨ, 4 ਫਰਵਰੀ – ਦੇਮਹਾਰਾਣਾ ਪ੍ਰਤਾਪ ਸਪੋਰਟਸ ਕਾਲਜ ‘ਚ ਰਾਸ਼ਟਰੀ ਖੇਡਾਂ ਦੀ ਵੇਟ ਲਿਫਟਿੰਗ ਚੈਂਪੀਅਨਸ਼ਿਪ ਦਾ ਆਯੋਜਨ ਕੀਤਾ ਗਿਆ। ਜਿਸ ਵਿੱਚ ਪੰਜਾਬ ਦੀ ਮਹਿਕ ਨੇ ਤਿੰਨ ਨਵੇਂ ਰਿਕਾਰਡ ਬਣਾਏ। 38ਵੀਆਂ ਰਾਸ਼ਟਰੀ ਖੇਡਾਂ ‘ਚ ਪੰਜਾਬ ਦੀ ਮਹਿਕ ਸ਼ਰਮਾ ਨੇ ਸੋਮਵਾਰ ਨੂੰ ਵੇਟਲਿਫਟਿੰਗ ‘ਚ ਤਿੰਨ ਨਵੇਂ ਰਿਕਾਰਡ ਬਣਾਏ ਹਨ। ਉਸ ਨੇ ਔਰਤਾਂ ਦੇ 87 ਪਲੱਸ ਕਿਲੋਗ੍ਰਾਮ ਵਰਗ ਵਿੱਚ ਗੋਲਡ ਮੈਡਲ ਜਿੱਤਿਆ। ਪੁਰਸ਼ਾਂ ਦੇ 109 ਪਲੱਸ ਵਰਗ ਵਿੱਚ ਸਰਵਿਸਿਜ਼ ਦੇ ਲਵਪ੍ਰੀਤ ਸਿੰਘ ਨੇ ਗੋਲਡ, ਤਾਮਿਲਨਾਡੂ ਦੇ ਐਸ ਰੁਦਰਮਾਇਣ ਨੇ ਚਾਂਦੀ ਅਤੇ ਉੱਤਰਾਖੰਡ ਦੇ ਵਿਵੇਕ ਪਾਂਡੇ ਨੇ ਕਾਂਸੀ ਦਾ ਤਗ਼ਮਾ ਜਿੱਤਿਆ।
ਤੋੜੇ ਆਪਣੇ ਹੀ ਰਿਕਾਰਡ:
ਦੇਹਰਾਦੂਨ ਦੇ ਰਾਏਪੁਰ ਦੇ ਮਹਾਰਾਣਾ ਪ੍ਰਤਾਪ ਸਪੋਰਟਸ ਕਾਲਜ ਵਿੱਚ ਸੋਮਵਾਰ ਨੂੰ ਪੁਰਸ਼ਾਂ ਅਤੇ ਔਰਤਾਂ ਦੇ ਵੇਟਲਿਫਟਿੰਗ ਮੁਕਾਬਲੇ ਕਰਵਾਏ ਗਏ। ਮਹਿਲਾ ਵਰਗ ਵਿੱਚ ਮਹਿਕ ਨੇ ਫਾਈਨਲ ਕਲੀਨ ਐਂਡ ਜਰਕ ਕੋਸ਼ਿਸ਼ ਵਿੱਚ ਰਿਕਾਰਡ ਤੋੜ 141 ਕਿਲੋਗ੍ਰਾਮ ਭਾਰ ਚੁੱਕਿਆ, ਜੋ ਉਸ ਦੇ ਪਿਛਲੇ ਸਰਵੋਤਮ 140 ਕਿਲੋਗ੍ਰਾਮ ਨਾਲੋਂ ਬਿਹਤਰ ਸੀ। ਉਸ ਨੇ 106 ਕਿਲੋਗ੍ਰਾਮ ਭਾਰ ਚੁੱਕ ਕੇ ਇੱਕ ਨਵਾਂ ਸਨੈਚ ਰਿਕਾਰਡ ਵੀ ਬਣਾਇਆ, ਜੋ ਕਿ ਉਸ ਦੇ 105 ਕਿਲੋਗ੍ਰਾਮ ਦੇ ਪਿਛਲੇ ਰਿਕਾਰਡ ਨਾਲੋਂ ਬਿਹਤਰ ਹੈ। ਕੁੱਲ੍ਹ 247 ਕਿਲੋ ਭਾਰ ਚੁੱਕ ਕੇ ਉਸ ਨੇ 244 ਕਿਲੋਗ੍ਰਾਮ ਦਾ ਆਪਣਾ ਪਿਛਲਾ ਰਿਕਾਰਡ ਤੋੜ ਦਿੱਤਾ। ਚਾਂਦੀ ਦਾ ਤਗ਼ਮਾ ਉੱਤਰ ਪ੍ਰਦੇਸ਼ ਦੀ ਪੂਰਨਿਮਾ ਪਾਂਡੇ ਨੇ ਜਿੱਤਿਆ। ਜਿਸ ਨੇ ਕੁੱਲ 216 ਕਿਲੋ ਭਾਰ ਚੁੱਕ ਕੇ ਕਾਂਸੀ ਦਾ ਤਗ਼ਮਾ ਜਿੱਤਿਆ, ਜਦਕਿ ਕਰਨਾਟਕ ਦੀ ਸੱਤਿਆ ਜੋਤੀ ਨੇ ਕੁੱਲ 201 ਕਿਲੋ ਭਾਰ ਚੁੱਕ ਕੇ ਕਾਂਸੀ ਦਾ ਤਗ਼ਮਾ ਜਿੱਤਿਆ।
ਪੁਰਸ਼ ਵਰਗ ਵਿੱਚ ਤਾਮਿਲਨਾਡੂ ਦੇ ਐਸ ਰੁਦਰਮਾਇਣ ਨੇ ਸਨੈਚ ਵਿੱਚ 175 ਕਿਲੋ ਭਾਰ ਚੁੱਕ ਕੇ ਨਵਾਂ ਰਿਕਾਰਡ ਕਾਇਮ ਕੀਤਾ। ਹਾਲਾਂਕਿ ਉਹ ਕਲੀਨ ਐਂਡ ਜਰਕ ‘ਚ ਆਪਣੀ ਫਾਰਮ ਨੂੰ ਬਰਕਰਾਰ ਨਹੀਂ ਰੱਖ ਸਕੇ। 180 ਕਿਲੋਗ੍ਰਾਮ ਅਤੇ ਕੁੱਲ ਭਾਰ 355 ਕਿਲੋਗ੍ਰਾਮ ਚੁੱਕ ਕੇ ਚਾਂਦੀ ਦਾ ਤਗ਼ਮਾ ਜਿੱਤਿਆ। ਸਰਵਿਸਿਜ਼ ਕੰਟਰੋਲ ਬੋਰਡ ਦੇ ਲਵਪ੍ਰੀਤ ਸਿੰਘ ਨੇ ਸੋਨ ਤਗ਼ਮਾ ਜਿੱਤਿਆ। ਜਿਸ ਨੇ ਸਨੈਚ ਵਿੱਚ 165 ਕਿਲੋ ਅਤੇ ਕਲੀਨ ਐਂਡ ਜਰਕ ਵਿੱਚ 202 ਕਿਲੋਗ੍ਰਾਮ ਭਾਰ ਚੁੱਕਿਆ ਅਤੇ ਕੁੱਲ 367 ਕਿਲੋ ਭਾਰ ਚੁੱਕਿਆ। ਉਤਰਾਖੰਡ ਦੇ ਵਿਵੇਕ ਪਾਂਡੇ ਨੇ ਕੁੱਲ 280 ਕਿਲੋ ਭਾਰ ਚੁੱਕ ਕੇ ਕਾਂਸੀ ਦਾ ਤਗ਼ਮਾ ਜਿੱਤ ਕੇ ਰਾਜ ਦੀਆਂ ਪ੍ਰਾਪਤੀਆਂ ਵਿੱਚ ਵਾਧਾ ਕੀਤਾ।
ਮਹਿਕ ਨੇ ਕੋਚ ਅਤੇ ਪਰਿਵਾਰ ਨੂੰ ਦਿੱਤਾ ਸਿਹਰਾ :
ਪੰਜਾਬ ਦੀ ਰਿਕਾਰਡ ਮੇਕਰ ਮਹਿਕ ਸ਼ਰਮਾ ਨੇ ਆਪਣੀ ਕਾਮਯਾਬੀ ਦਾ ਸਿਹਰਾ ਪਰਿਵਾਰ ਅਤੇ ਕੋਚ ਨੂੰ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਕੋਚ ਦੀ ਮਦਦ ਤੋਂ ਬਿਨਾਂ ਇਸ ਖੇਡ ਵਿੱਚ ਕੁਝ ਵੀ ਹਾਸਲ ਨਹੀਂ ਕੀਤਾ ਜਾ ਸਕਦਾ। ਉਸ ਨੇ ਚੰਗਾ ਅਭਿਆਸ ਕੀਤਾ ਸੀ ਪਰ ਇਹ ਨਹੀਂ ਸੋਚਿਆ ਸੀ ਕਿ ਉਹ ਆਪਣੇ ਤਿੰਨ ਪੁਰਾਣੇ ਰਿਕਾਰਡ ਤੋੜ ਦੇਵੇਗੀ।
ਵਿਵੇਕ ਨੂੰ ਜਿੰਮ ਤੋਂ ਮਿਲੀ ਵੋਟਲਿਫਟਿੰਗ ਦੀ ਪ੍ਰੇਰਨਾ :
ਵੇਟਲਿਫਟਿੰਗ ਵਿੱਚ ਉਤਰਾਖੰਡ ਲਈ ਕਾਂਸੀ ਦਾ ਤਗ਼ਮਾ ਜਿੱਤਣ ਵਾਲੇ ਵਿਵੇਕ ਪਾਂਡੇ ਨੇ ਆਪਣੀ ਇਸ ਪ੍ਰਾਪਤੀ ਦਾ ਸਿਹਰਾ ਆਪਣੇ ਪਰਿਵਾਰ ਅਤੇ ਟ੍ਰੇਨਰਾਂ ਨੂੰ ਦਿੱਤਾ ਹੈ। ਇਹ ਪ੍ਰਾਪਤੀ ਇਸ ਲਈ ਵੀ ਵਿਸ਼ੇਸ਼ ਹੈ ਕਿਉਂਕਿ ਪਿਛਲੇ ਸਾਲ ਉੱਤਰਾਖੰਡ ਨੇ ਇਸ ਵਰਗ ਵਿੱਚ ਹਿੱਸਾ ਨਹੀਂ ਲਿਆ ਸੀ। ਚੰਪਾਵਤ ਜ਼ਿਲ੍ਹੇ ਦੇ ਤਨਕਪੁਰ ਦੇ ਰਹਿਣ ਵਾਲੇ ਵਿਵੇਕ ਨੇ ਦੋ ਸਾਲ ਪਹਿਲਾਂ ਹੀ ਵੇਟਲਿਫਟਿੰਗ ਸ਼ੁਰੂ ਕੀਤੀ ਸੀ। ਉਸ ਨੇ ਕਿਹਾ ਕਿ ਮੇਰੇ ਟ੍ਰੇਨਰਾਂ ਨੇ ਮੇਰੀ ਬਹੁਤ ਮਦਦ ਕੀਤੀ। ਵਿਵੇਕ ਦੀ ਇਸ ਸਫਲਤਾ ਨੇ ਸੂਬੇ ਦੇ ਵੇਟਲਿਫਟਿੰਗ ਸੈਕਟਰ ਨੂੰ ਨਵੀਂ ਪਛਾਣ ਦਿੱਤੀ ਹੈ। ਵਿਵੇਕ ਨੇ ਦੱਸਿਆ ਕਿ ਉਹ ਜਿਮ ਜਾਂਦਾ ਸੀ, ਉਥੋਂ ਹੀ ਉਸ ਨੂੰ ਵੇਟ ਲਿਫਟਿੰਗ ਦੀ ਪ੍ਰੇਰਨਾ ਮਿਲੀ।
