ਮਾਂ ਦੇ ਅੰਦਰ ਕਹਿੰਦੇ ਰੱਬ ਆਪ ਹੈ ਵੱਸਦਾ
ਮਾਵਾਂ ਨੂੰ ਕਿਉਂ ਲੈ ਜਾਵੇ ਰੱਬਾ ਫਿਰ ਇਹ ਨੀ ਦੱਸਦਾ
ਹਿਜ਼ਰ ਦੇ ਛਮ ਛਮ ਵਰਦੇ ਬੱਦਲਾਂ ਵਿੱਚ
ਨਾ ਫੜਦਾ ਕੋਈ ਬਾਂਹ ਓ ਦੁਨੀਆਂ ਵਾਲਿਓ।।
ਮਾਂ ਹੁੰਦੀ ਏ ਮਾਂ ਓ ਦੁਨੀਆਂ ਵਾਲਿਓ
ਮਾਂ ਹੈ ਰੱਬ ਦਾ ਦੂਜਾ ਸੋਹਣਾ ਨਾਂ ਓ ਦੁਨੀਆਂ ਵਾਲਿਓ ,,,,
ਛੋਟੀ ਉਮਰੇ ਤੁਰ ਜਾਣ ਜਿਨ੍ਹਾਂ ਦੀਆਂ ਮਾਵਾਂ
ਨਾ ਖੁਸ਼ੀਆਂ ਨਾ ਬੁੱਲੀਆਂ ਉੱਤੇ ਕਦੇ ਹਾਸਾ ਆਵੇ
ਦਿਲ ਦੇ ਦਿਲ ਵਿੱਚ ਚਾਅ ਮਰ ਜਾਂਦੇ ਸਾਰੇ
ਮੱਲੋ ਮੱਲੀ ਨਿਕਲਦੇ ਹੰਝੂ ਮੂੰਹ ਵਿੱਚ ਜਦ ਬੁਰਕੀ ਪਾਵੇ
ਵਿਹੜੇ ਦੇ ਵਿੱਚ ਲੱਗਿਆ ਰੁੱਖ ਹੈ ਪੁੱਟਿਆ ਜਾਂਦਾ
ਤੁਰ ਜਾਂਦੀ ਕਿਧਰੇ ਸੰਘਣੀ ਛਾਂ ਓ ਦੁਨੀਆਂ ਵਾਲਿਓ।
ਮਾਂ ਹੁੰਦੀ ਏ ਮਾਂ ਓ ਦੁਨੀਆਂ ਵਾਲਿਓ
ਮਾਂ ਹੈ ਰੱਬ ਦਾ ਦੂਜਾ ਸੋਹਣਾ ਨਾਂ ਓ ਦੁਨੀਆਂ ਵਾਲਿਓ,,,,
ਲੱਖ ਚਾਚੀਆਂ ਤਾਈਆਂ ਜਾ ਹੋਵਣ ਸੌਕਣ ਮਾਵਾਂ
ਸਕੀਆਂ ਮਾਵਾਂ ਜਿੰਨ੍ਹੇ ਨਾਂ ਕੋਈ ਲਾਡ ਲਡਾਉਂਦਾ
ਗਲਤੀ ਕਰਨ ਤੇ ਭਾਵੇਂ ਆਪੇ ਲੱਖ ਵਾਰੀ ਮਾਰੇ ਝਿੜਕਾਂ
ਨਾ ਮਾਂ ਬਿਨਾਂ ਘੁੱਟ ਘੁੱਟ ਕੇ ਕੋਈ ਗਲ ਨਾਲ ਲਾਉਂਦਾ
ਨਾ ਰਹਿੰਦੇ ਘਰ ਘਰ ਵਿੱਚ ਖੁਸ਼ੀਆਂ ਖੇੜੇ
ਨਾ ਹਾਂ ਵਿੱਚ ਮਿਲਦੀ ਹਾਂ ਓ ਦੁਨੀਆਂ ਵਾਲਿਓ।
ਮਾਂ ਹੁੰਦੀ ਏ ਮਾਂ ਓ ਦੁਨੀਆਂ ਵਾਲਿਓ
ਮਾਂ ਹੈ ਰੱਬ ਦਾ ਸੋਹਣਾ ਨਾਂ ਓ ਦੁਨੀਆਂ ਵਾਲਿਓ,,,,
ਹੱਥ ਜੋੜ ਰੱਬਾ ਤੇਰੇ ਅੱਗੇ ਇੱਕੋ ਅਰਜ਼ੋਈ
ਤੇ ਬੁਰਜ ਵਾਲੇ ਦਾ ਸੰਧੂ ਬਲਤੇਜ ਕਰੇ ਦੁਆਵਾਂ
ਵਿਹੜੇ ਵਿੱਚੋਂ ਕਦੇ ਰੁੱਸ ਕੇ ਬਹਿਣ ਨਾ ਹਾਸੇ ਠੱਠੇ
ਛੋਟੇ ਛੋਟੇ ਬੱਚਿਆਂ ਦੀਆਂ ਕਦੇ ਮਰਨ ਨਾ ਮਾਵਾਂ
ਮਾਂ ਦੀ ਕੋਈ ਹੋਰ ਲੈ ਨੀ ਸਕਦਾ ਥਾਂ ਉਹ ਦੁਨੀਆਂ ਵਾਲਿਓ ।।
ਮਾਂ ਹੁੰਦੀ ਏ ਮਾਂ ਓ ਦੁਨੀਆਂ ਵਾਲਿਓ
ਮਾਂ ਹੈ ਰੱਬ ਦਾ ਸੋਹਣਾ ਨਾਂ ਓ ਦੁਨੀਆਂ ਵਾਲਿਓ,,,,,
ਬਲਤੇਜ ਸੰਧੂ ਬੁਰਜ ਵਾਲਾ
ਪਿੰਡ ਬੁਰਜ ਲੱਧਾ ਬਠਿੰਡਾ
9465818158
