ਲਹਿਰਾਂ ਸਾਗਰ ਦੀਆਂ ਚਲਦੀਆਂ ਨੇ
ਆਰੁਕ ਦਿਨ ਰਾਤ ਜਿਸ ਤਰ੍ਹਾਂ
ਸਿਰਫ ਦਿਸ਼ਾ ਬਦਲ ਦੀਆਂ ਨੇ ਹਵਾਵਾਂ
ਪਰ ਵਗਦੀਆਂ ਨੇ ਹਰ ਪਲ ਜਿਸ ਤਰ੍ਹਾਂ
ਦਿਨ,ਮਹੀਨੇ, ਸਾਲ ਵੀ ਬਣਦੇ ਨੇ
ਸਦੀਆਂ ਉਸ ਤਰ੍ਹਾਂ
ਮੁਨਾਸਿਬ ਨਹੀਂ
ਲਹਿਰਾਂ, ਹਵਾਵਾਂ ਤੇ ਸਦੀਆਂ ਨੂੰ
ਕਹਿਣਾ ਅਲਵਿਦਾ
ਇਹ ਤਾਂ ਹੈ ਕੁਦਰਤੀ ਬਦਲਾਅ
ਆਓ ਅਹਿਦ ਕਰੀਏ
ਕੁਝ ਨਵਾਂ ਕਰਨ ਲਈ ਜੂਝ ਰਹੇ
ਭਾਈ ਲਾਲੋਆਂ ਸੰਗ ਖੜ੍ਹਨ ਦਾ
ਮਲਕ ਭਾਗੋ ਦੇ ਬੇਖੌਫ ਬੋਲਦੇ
ਝੂਠ ਖਿਲਾਫ ਲੜਨ ਦਾ
ਮਜ਼੍ਹਬੀ ਨਫਰਤ ਸਿਖਾਉਂਦੀ ਸਿਆਸਤ
ਅੰਧਵਿਸ਼ਵਾਸੀ ਧੁੰਦ ਫਲਾਉਂਦੀ ਰਿਆਸਤ ਨੂੰ
ਠੀਕ ਸਮਾਂ ਹੈ ਅਲਵਿਦਾ ਕਹਿਣ ਦਾ
ਚਾਹਤ ਨਵੀਂ ਸਵੇਰ ਦੀ ਸਿਰਫ
ਕਾਮਿਆਂ, ਸਾਧਨਹੀਨਾਂ, ਵਾਹੀਕਾਰਾਂ, ਦਲਿਤਾਂ ਤੇ ਪੀੜ੍ਹਾਂ ਹੰਢਾਉਂਦੀ ਜਗਜਨਨੀ ਨੂੰ
ਸਵਾਗਤ ਕਰਾਂਗੇ
ਖੁਸ਼ਆਮਦੀਦ ਵੀ ਕਹਾਂਗੇ
ਬੇਗਮਪੁਰੇ ਵਾਲੀ ਉਸ
ਨਵੀਂ ਸੂਹੀ ਸਵੇਰ ਨੂੰ
(ਸੁਖਦੇਵ ਫਗਵਾੜਾ )
9872636037
