2, ਜਨਵਰੀ – ਅਮਰੀਕੀ ਕਾਰੋਬਾਰੀ ਐਲੋਨ ਮਸਕ ਨੇ ਨਵੇਂ ਸਾਲ ਤੋਂ ਪਹਿਲਾਂ ਵੱਡਾ ਸਰਪ੍ਰਾਈਜ਼ ਦਿੱਤਾ ਹੈ। ਮਸਕ ਅਕਸਰ ਅਜਿਹੇ ਕੰਮ ਕਰਦੇ ਦੇਖੇ ਜਾਂਦੇ ਹਨ, ਜਿਨ੍ਹਾਂ ਦੀ ਚਰਚਾ ਤੁਰੰਤ ਹੋਣ ਲੱਗ ਜਾਂਦੀ ਹੈ। ਨਵੇਂ ਸਾਲ 2025 ਤੋਂ ਪਹਿਲਾਂ ਹੀ ਉਨ੍ਹਾਂ ਨੇ ਅਜਿਹਾ ਕੰਮ ਕੀਤਾ ਸੀ ਕਿ ਦੇਖ ਕੇ ਹਰ ਕੋਈ ਹੈਰਾਨ ਰਹਿ ਗਿਆ ਸੀ। ਟੈਕ ਅਰਬਪਤੀ ਮਸਕ ਨੇ ਪ੍ਰਸਿੱਧ ਮਾਈਕ੍ਰੋਬਲਾਗਿੰਗ ਪਲੇਟਫਾਰਮ X (ਪਹਿਲਾਂ ਟਵਿੱਟਰ) ‘ਤੇ ਨਾਮ ਬਦਲਿਆ ਹੈ। X ‘ਤੇ ਉਨ੍ਹਾਂ ਦਾ ਨਵਾਂ ਨਾਮ ਕੇਕੀਅਸ ਮੈਕਸਿਮਸ Kekius Maximus ਹੈ। ਇੰਨਾ ਹੀ ਨਹੀਂ ਉਨ੍ਹਾਂ ਨੇ ਆਪਣੀ ਪ੍ਰੋਫਾਈਲ ਤਸਵੀਰ ਵੀ ਬਦਲ ਲਈ ਹੈ, ਜਿਸ ‘ਚ ਇਕ ਡੱਡੂ ਨਜ਼ਰ ਆ ਰਿਹਾ ਹੈ।
ਇੱਥੋਂ ਤੱਕ ਕਿ ਐਕਸ ‘ਤੇ ਉਨ੍ਹਾਂ ਦੇ ਪ੍ਰਸ਼ੰਸਕ ਵੀ ਐਲੋਨ ਮਸਕ ਦੀ ਇਸ ਹਰਕਤ ਤੋਂ ਹੈਰਾਨ ਹਨ। ਮਸਕ ਲਗਾਤਾਰ ਖਬਰਾਂ ‘ਚ ਬਣੇ ਰਹਿੰਦੇ ਹਨ ਪਰ ਨਾਂ ਬਦਲਣ ਦਾ ਅੰਦਾਜ਼ ਬਿਲਕੁਲ ਵੱਖਰਾ ਹੈ। ਮਸਕ ਅਜੀਬੋ-ਗਰੀਬ ਫੈਸਲੇ ਲੈਣ ਲਈ ਮਸ਼ਹੂਰ ਹੈ, ਅਤੇ ਉਨ੍ਹਾਂ ਦਾ ਤਾਜ਼ਾ ਕਦਮ ਇਸ ਗੱਲ ਨੂੰ ਸਾਬਤ ਕਰਦਾ ਹੈ। ਆਓ ਜਾਣਦੇ ਹਾਂ ਐਲੋਨ ਮਸਕ ਦੇ ਨਵੇਂ ਨਾਮ ਦਾ ਕੀ ਮਤਲਬ ਹੈ ਅਤੇ ਉਨ੍ਹਾਂ ਨੇ ਅਜਿਹਾ ਕਿਉਂ ਕੀਤਾ।
ਐਲੋਨ ਮਸਕ ਦਾ ਨਵਾਂ ਨਾਮ
‘ਕੇਕੀਅਸ ਮੈਕਸਿਮਸ’ ਇੱਕ ਮੀਮ-ਪ੍ਰੇਰਿਤ ਕ੍ਰਿਪਟੋਕਰੰਸੀ ਟੋਕਨ ਹੈ, ਜਿਸਨੂੰ ਕ੍ਰਿਪਟੋ ਐਕਸਚੇਂਜਾਂ ‘ਤੇ KEKIUS ਵਜੋਂ ਜਾਣਿਆ ਜਾਂਦਾ ਹੈ। ਇਹ ਇੱਕ ਨਵਾਂ ਮੀਮਕੋਇਨ ਹੈ ਅਤੇ ਜਦੋਂ ਤੋਂ ਮਸਕ ਨੇ X ‘ਤੇ ਆਪਣਾ ਨਾਮ ਅਤੇ ਪ੍ਰੋਫਾਈਲ ਤਸਵੀਰ ਬਦਲੀ ਹੈ, ਇਸਦੀ ਪ੍ਰਸਿੱਧੀ 500 ਪ੍ਰਤੀਸ਼ਤ ਤੋਂ ਵੱਧ ਵਧ ਗਈ ਹੈ। ਇਸ ਤੋਂ ਇਲਾਵਾ ਮਸਕ ਨੇ ਆਪਣੀ ਪ੍ਰੋਫਾਈਲ ਤਸਵੀਰ ਲਈ ਡੱਡੂ ਦੀ ਮਦਦ ਲਈ ਹੈ।
ਪ੍ਰੋਫਾਈਲ ਤਸਵੀਰ ਵਿੱਚ ‘ਡੱਡੂ’
Kekius Maximus ਨਾਮ ਫਿਲਮ ਗਲੇਡੀਏਟਰ ਦੇ ਪੇਪੇ ਦ ਫਰੌਗ (Pepe The Frog) ਅਤੇ ਮੈਕਸਿਮਸ ਦੇ ਕਿਰਦਾਰ ਦਾ ਮਿਸ਼ਰਣ ਹੈ। ਇਹ ਡੱਡੂ ਇੱਕ ਪ੍ਰਸਿੱਧ ਮੀਮ ‘ਪੇਪੇ ਦ ਫਰੌਗ’ ਹੈ। ਇਹ ਮੀਮ ਪਿਛਲੇ ਕਈ ਸਾਲਾਂ ਤੋਂ ਕਾਫੀ ਵਾਇਰਲ ਹੋ ਰਿਹਾ ਹੈ ਅਤੇ ਮੀਮ ਪੇਜ ਦੇ ਨਾਲ-ਨਾਲ ਮਸਕ ਖੁਦ ਵੀ ਇਸ ਦੀ ਵਰਤੋਂ ਵਾਰ-ਵਾਰ ਕਰਦੇ ਹਨ। ਹਾਲਾਂਕਿ, ਪੇਪੇ ਦ ਫਰੌਗ ਦੇ ਇਸ ਅਵਤਾਰ ਨੇ ਇੱਕ ਸੁਨਹਿਰੀ ਢਾਲ ਪਹਿਨੀ ਹੋਈ ਹੈ ਅਤੇ ਇੱਕ ਵੀਡੀਓ ਗੇਮ ਕੰਟਰੋਲਰ ਫੜੀ ਹੋਈ ਹੈ।
