ਨਵੀਂ ਦਿੱਲੀ, 28 ਦਸੰਬਰ – ਇਸ ਸਾਲ ਜੁਲਾਈ ‘ਚ Jio, Airtel ਤੇ Vi ਵਰਗੀਆਂ ਪ੍ਰਾਈਵੇਟ ਟੈਲੀਕਾਮ ਕੰਪਨੀਆਂ ਨੇ ਆਪਣੀਆਂ ਟੈਰਿਫ ਕੀਮਤਾਂ ‘ਚ 25 ਫੀਸਦੀ ਤਕ ਦਾ ਵਾਧਾ ਕੀਤਾ ਸੀ। ਇਸ ਦਾ ਅਸਰ ਇਹ ਹੋਇਆ ਕਿ ਕਈ ਗਾਹਕ ਸਰਕਾਰੀ ਟੈਲੀਕਾਮ ਕੰਪਨੀ BSNL ਨਾਲ ਜੁੜ ਗਏ। ਇਸ ਦਾ ਇੱਕ ਵੱਡਾ ਕਾਰਨ ਇਹ ਹੈ ਕਿ BSNL ਅਜੇ ਵੀ ਕਿਫਾਇਤੀ ਕੀਮਤਾਂ ‘ਤੇ ਪ੍ਰੀਪੇਡ ਪਲਾਨ ਪੇਸ਼ ਕਰਦਾ ਹੈ ਤੇ ਕੰਪਨੀ ਦਾ 4G ਨੈੱਟਵਰਕ ਵੀ ਦੇਸ਼ ਦੇ ਵੱਡੇ ਹਿੱਸਿਆਂ ਵਿੱਚ ਮੌਜੂਦ ਹੈ। ਜੇਕਰ ਤੁਸੀਂ ਵੀ ਆਪਣਾ ਪੁਰਾਣਾ ਨੈੱਟਵਰਕ ਛੱਡ ਕੇ BSNL ‘ਤੇ ਪੋਰਟ ਕਰਨਾ ਚਾਹੁੰਦੇ ਹੋ ਤਾਂ ਅਸੀਂ ਤੁਹਾਨੂੰ ਇਸ ਦਾ ਤਰੀਕਾ ਦੱਸਣ ਜਾ ਰਹੇ ਹਾਂ।
ਇਸ ਤਰ੍ਹਾਂ ਕਰੋ BSNL ‘ਚ ਆਪਣਾ ਨੰਬਰ ਪੋਰਟ
BSNL ਮੋਬਾਈਲ ਨੰਬਰ ਪੋਰਟ ਕਰਨਾ ਆਸਾਨ ਪ੍ਰਕਿਰਿਆ ਹੈ। ਸਭ ਤੋਂ ਪਹਿਲਾਂ ਯੂਜ਼ਰਜ਼ ਨੂੰ ਆਪਣੇ ਮੌਜੂਦਾ ਮੋਬਾਈਲ ਨੰਬਰ ਦੇ ਬਾਅਦ ‘PORT’ ਟੈਕਸਟ ਨਾਲ 1900 ‘ਤੇ ਇੱਕ SMS ਭੇਜ ਕੇ ਇੱਕ ਵਿਲੱਖਣ ਪੋਰਟਿੰਗ ਕੋਡ (UPC) ਬਣਾਉਣ ਦੀ ਲੋੜ ਹੁੰਦੀ ਹੈ। ਪੋਰਟਿੰਗ ਪ੍ਰਕਿਰਿਆ ਸ਼ੁਰੂ ਕਰਨ ਲਈ ਇਹ ਕੋਡ ਬਹੁਤ ਮਹੱਤਵਪੂਰਨ ਹੈ। ਇੱਕ ਵਾਰ ਇਹ ਕੋਡ ਪ੍ਰਾਪਤ ਹੋਣ ਤੋਂ ਬਾਅਦ ਉਪਭੋਗਤਾ ਜਾਂ ਤਾਂ ਨੇੜਲੇ BSNL ਸਟੋਰ ‘ਤੇ ਜਾ ਸਕਦੇ ਹਨ ਜਾਂ ਆਨਲਾਈਨ ਪ੍ਰਕਿਰਿਆ ਨਾਲ ਅੱਗੇ ਵਧ ਸਕਦੇ ਹਨ। ਆਨਲਾਈਨ ਪ੍ਰਕਿਰਿਆ ਕਰਨ ਲਈ ਉਪਭੋਗਤਾਵਾਂ ਨੂੰ BSNL ਦੀ ਅਧਿਕਾਰਤ ਵੈੱਬਸਾਈਟ ‘ਤੇ ਜਾਣਾ ਹੋਵੇਗਾ, ‘MOBILE NUMBER PORTABILITY’ ਸੈਕਸ਼ਨ ‘ਤੇ ਜਾਓ ਤੇ ਲੋੜੀਂਦੇ ਵੇਰਵਿਆਂ ਨਾਲ UPC ਦਾਖ਼ਲ ਕਰੋ। ਇੱਕ ਵਾਰ ਸਮਿੱਟ ਕੀਤੇ ਜਾਣ ‘ਤੇ BSNL ਬੇਨਤੀ ‘ਤੇ ਕਾਰਵਾਈ ਕਰੇਗਾ ਤੇ ਉਪਭੋਗਤਾਵਾਂ ਨੂੰ ਅੱਪਡੇਟ ਦਿੱਤੇ ਜਾਣਗੇ।
BSNL ‘ਚ ਆਨਲਾਈਨ ਮੋਬਾਈਲ ਨੰਬਰ ਪੋਰਟ ਕਰਨ ਲਈ ਜਾਣੋ ਸਟੈੱਪਸ
BSNL ਦੀ ਅਧਿਕਾਰਤ ਵੈੱਬਸਾਈਟ ‘ਤੇ ਜਾਓ। ਫਿਰ ‘ਮੋਬਾਈਲ ਨੰਬਰ ਪੋਰਟੇਬਿਲਟੀ’ ਸੈਕਸ਼ਨ ‘ਤੇ ਜਾਓ। ਆਪਣਾ ਮੌਜੂਦਾ ਮੋਬਾਈਲ ਨੰਬਰ ਤੇ ਜਨਰੇਟ ਕੀਤਾ ਗਿਆ ਪੋਰਟਿੰਗ ਕੋਡ (UPC) ਐਂਟਰ ਕਰੋ। ਫਿਰ ਲੋੜੀਂਦੇ ਨਿੱਜੀ ਤੇ ਪਛਾਣ ਵੇਰਵੇ ਦਾਖਲ ਕਰੋ। ਆਪਣੀ ਪਸੰਦੀਦਾ BSNL ਪਲਾਨ (ਪ੍ਰੀਪੇਡ ਜਾਂ ਪੋਸਟਪੇਡ) ਸਿਲੈਕਟ ਕਰੋ। ਫਿਰ ਫਾਰਮ ਜਮ੍ਹਾਂ ਕਰੋ ਤੇ BSNL ਤੋਂ ਪੁਸ਼ਟੀ ਹੋਣ ਦੀ ਉਡੀਕ ਕਰੋ। ਪੋਰਟਿੰਗ ਪ੍ਰਕਿਰਿਆ ਪੂਰੀ ਹੋਣ ਤੋਂ ਬਾਅਦ BSNL ਸਿਮ ਕਾਰਡ ਆਪਣੇ ਮੋਬਾਈਲ ‘ਚ ਪਾਓ।
