ਨਵੀਂ ਦਿੱਲੀ, 26 ਸਤੰਬਰ – ਚੰਗੀ ਸਿਹਤ ਲਈ ਵਰਕਆਊਟ ਤੇ ਕਸਰਤ ਦੀ ਮਹੱਤਤਾ ਹਰ ਕੋਈ ਜਾਣਦਾ ਹੈ। ਪੈਦਲ ਚੱਲਣਾ ਸਭ ਤੋਂ ਸਰਲ ਵਰਕਆਊਟ ਹੈ, ਜਿਸ ਲਈ ਕਿਸੇ ਵਿਸ਼ੇਸ਼ ਮਸ਼ੀਨ ਦੀ ਲੋੜ ਨਹੀਂ ਹੁੰਦੀ ਅਤੇ ਇਹ ਕਿਸੇ ਵੀ ਸਮੇਂ ਕਿਤੇ ਵੀ ਕੀਤੀ ਜਾ ਸਕਦੀ ਹੈ। ਬ੍ਰਿਟਿਸ਼ ਜਰਨਲ ਆਫ ਸਪੋਰਟਸ ਮੈਡੀਸਨ ਵਿਚ ਪ੍ਰਕਾਸ਼ਿਤ ਇਕ ਲੇਖ ਦੇ ਅਨੁਸਾਰ, ਖੋਜਕਰਤਾਵਾਂ ਦਾ ਮੰਨਣਾ ਹੈ ਕਿ ਦਿਨ ਵਿਚ ਸਿਰਫ 11 ਮਿੰਟ ਯਾਨੀ ਹਫਤੇ ਵਿਚ 75 ਮਿੰਟ ਤੇਜ਼ ਸੈਰ ਕਰਨ ਨਾਲ ਦਿਲ ਦੀ ਬਿਮਾਰੀ, ਸਟ੍ਰੋਕ ਅਤੇ ਕੈਂਸਰ ਵਰਗੀਆਂ ਖਤਰਨਾਕ ਬਿਮਾਰੀਆਂ ਦਾ ਖ਼ਤਰਾ ਘੱਟ ਹੋ ਸਕਦਾ ਹੈ ਜਾਓ ਇਹ ਅਧਿਐਨ ਕਰੀਬ 3 ਕਰੋੜ ਲੋਕਾਂ ‘ਤੇ ਕੀਤਾ ਗਿਆ।
ਕੀ ਕਹਿੰਦਾ ਹੈ ਅਧਿਐਨ?
ਇਸ ਅਧਿਐਨ ਵਿੱਚ ਇਹ ਪਾਇਆ ਗਿਆ ਹੈ ਕਿ 11 ਮਿੰਟ ਸੈਰ ਕਰਨ ਨਾਲ ਕਾਰਡੀਓਵੈਸਕੁਲਰ ਰੋਗ ਦਾ ਖ਼ਤਰਾ 17% ਅਤੇ ਕੈਂਸਰ ਦਾ ਖ਼ਤਰਾ 7% ਤੱਕ ਘੱਟ ਜਾਂਦਾ ਹੈ। 9 ਵਿੱਚੋਂ 1 (11%) ਕਾਰਡੀਓਵੈਸਕੁਲਰ ਕੇਸਾਂ ਅਤੇ 20 ਵਿੱਚੋਂ 1 (5%) ਕੈਂਸਰ ਦੇ ਕੇਸਾਂ ਵਿੱਚ ਮੌਤ ਦਰ ਨੂੰ ਘਟਾਇਆ ਜਾ ਸਕਦਾ ਹੈ। ਇਸ ਅਧਿਐਨ ਤੋਂ ਸਪੱਸ਼ਟ ਹੈ ਕਿ ਆਪਣੀਆਂ ਛੋਟੀਆਂ-ਛੋਟੀਆਂ ਗੈਰ-ਸਿਹਤਮੰਦ ਆਦਤਾਂ ਨੂੰ ਸੁਧਾਰ ਕੇ ਅਸੀਂ ਮਾੜੀ ਸਿਹਤ ਦੇ ਮਾੜੇ ਨਤੀਜਿਆਂ ਤੋਂ ਬਚ ਸਕਦੇ ਹਾਂ। ਆਓ ਜਾਣਦੇ ਹਾਂ ਸੈਰ ਦੇ ਕੁਝ ਫ਼ਾਇਦੇ-
ਸੈਰ ਕਰਨ ਦੇ ਫ਼ਾਇਦੇ
ਨੈਸ਼ਨਲ ਇੰਸਟੀਚਿਊਟ ਆਫ਼ ਹੈਲਥ ਅਨੁਸਾਰ ਰੋਜ਼ਾਨਾ ਸੈਰ ਕਰਨ ਨਾਲ ਤਣਾਅ ਦਾ ਪੱਧਰ ਘੱਟ ਹੁੰਦਾ ਹੈ, ਬਲੱਡ ਪ੍ਰੈਸ਼ਰ ਕੰਟਰੋਲ ‘ਚ ਰਹਿੰਦਾ ਹੈ, ਸਟ੍ਰੋਕ ਦਾ ਖਤਰਾ ਘੱਟ ਹੁੰਦਾ ਹੈ, ਕਾਰਡੀਓਵੈਸਕੁਲਰ ਸਿਹਤ ਚੰਗੀ ਰਹਿੰਦੀ ਹੈ, ਨੀਂਦ ਚੰਗੀ ਰਹਿੰਦੀ ਹੈ, ਹੱਡੀਆਂ ਮਜ਼ਬੂਤ ਹੁੰਦੀਆਂ ਹਨ ਅਤੇ ਮੋਟਾਪਾ ਵੀ ਕੰਟਰੋਲ ‘ਚ ਰਹਿੰਦਾ ਹੈ। ਇਸ ਦੇ ਹੋਰ ਫ਼ਾਇਦੇ ਇਸ ਪ੍ਰਕਾਰ ਹਨ-
ਪੈਦਲ ਚੱਲਣਾ ਕ੍ਰਿਏਟਿਵ ਥਿੰਕਿੰਗ ਖੁੱਲ੍ਹ ਸਕਦੀ ਹੈ ਅਤੇ ਕਈ ਮੁਸ਼ਕਲ ਸਮੱਸਿਆਵਾਂ ਦੇ ਹੱਲ ਲੱਭਣ ਵਿੱਚ ਤੁਹਾਡੀ ਮਦਦ ਕਰ ਸਕਦਾ ਹੈ। ਰੋਜ਼ਾਨਾ 11 ਮਿੰਟ ਸੈਰ ਕਰਨ ਨਾਲ ਤੁਸੀਂ ਵਾਧੂ ਕੈਲੋਰੀ ਬਰਨ ਕਰ ਸਕਦੇ ਹੋ। ਜੇ ਤੁਸੀਂ ਰੋਜ਼ਾਨਾ ਘੰਟਿਆਂ ਤੱਕ ਕਸਰਤ ਨਹੀਂ ਕਰ ਸਕਦੇ ਤਾਂ ਰੋਜ਼ਾਨਾ 11 ਮਿੰਟ ਸੈਰ ਕਰਨਾ ਵੀ ਫ਼ਾਇਦੇਮੰਦ ਹੋ ਸਕਦਾ ਹੈ। NHS UK ਦੇ ਅਨੁਸਾਰ, ਇੱਕ ਦਿਨ ਵਿੱਚ 11 ਮਿੰਟ ਦੀ ਤੇਜ਼ ਸੈਰ ਦੇ ਬਹੁਤ ਸਾਰੇ ਸਿਹਤ ਲਾਭ ਹਨ। ਭਾਵੇਂ ਤੁਸੀਂ ਕਿੰਨੀ ਦੇਰ ਤੱਕ ਚੱਲੋ, ਪੈਦਲ ਚੱਲਣਾ ਤਣਾਅ ਨੂੰ ਦੂਰ ਕਰਨ ਦਾ ਵਧੀਆ ਤਰੀਕਾ ਹੈ। ਇਹ ਮੂਡ ਨੂੰ ਸੁਧਾਰਦਾ ਹੈ ਅਤੇ ਤਣਾਅ ਨੂੰ ਦੂਰ ਕਰਨ ਵਿੱਚ ਮਦਦ ਕਰਦਾ ਹੈ। ਰੋਜ਼ਾਨਾ 11 ਮਿੰਟ ਸੈਰ ਕਰਨਾ ਤੁਹਾਡੇ ਗੋਡਿਆਂ ਲਈ ਬਹੁਤ ਫ਼ਾਇਦੇਮੰਦ ਸਾਬਤ ਹੋ ਸਕਦਾ ਹੈ। ਸਵੇਰ ਦੀ ਸੈਰ ਨੂੰ ਨਿਯਮਿਤ ਤੌਰ ‘ਤੇ ਕਰਨ ਨਾਲ ਤੁਹਾਨੂੰ ਕਈ ਪੁਰਾਣੀਆਂ ਦਰਦਾਂ ਅਤੇ ਜੋੜਾਂ ਦੀਆਂ ਸਮੱਸਿਆਵਾਂ ਨਾਲ ਨਜਿੱਠਣ ਵਿੱਚ ਮਦਦ ਮਿਲ ਸਕਦੀ ਹੈ।
