ਨਵੀਂ ਦਿੱਲੀ : ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ ਨੇ ਮੰਗਲਵਾਰ ਨੂੰ 2024-25 ਦੇ ਸੀਜ਼ਨ ਲਈ ਟੀਮ ਇੰਡੀਆ ਦੇ ਆਗਾਮੀ ਘਰੇਲੂ ਸੀਜ਼ਨ ਲਈ ਸੋਧੇ ਹੋਏ ਪ੍ਰੋਗਰਾਮ ਦਾ ਐਲਾਨ ਕੀਤਾ। ਬੋਰਡ ਨੇ ਦੋ ਵੱਡੀਆਂ ਸੀਰੀਜ਼ਾਂ ‘ਚ ਅਹਿਮ ਬਦਲਾਅ ਕੀਤੇ ਹਨ।ਭਾਰਤ-ਬੰਗਲਾਦੇਸ਼ ਅਤੇ ਭਾਰਤ-ਇੰਗਲੈਂਡ ਸੀਰੀਜ਼ ‘ਚ ਵੱਡੇ ਬਦਲਾਅ ਕੀਤੇ ਗਏ ਹਨ। ਭਾਰਤ ਅਤੇ ਬੰਗਲਾਦੇਸ਼ ਵਿਚਕਾਰ ਪਹਿਲਾ ਟੀ-20, ਜੋ ਪਹਿਲਾਂ 6 ਅਕਤੂਬਰ 2024 ਨੂੰ ਧਰਮਸ਼ਾਲਾ ਵਿੱਚ ਹੋਣਾ ਸੀ, ਹੁਣ ਗਵਾਲੀਅਰ ਵਿੱਚ ਹੋਵੇਗਾ। ਹਿਮਾਚਲ ਪ੍ਰਦੇਸ਼ ਕ੍ਰਿਕਟ ਐਸੋਸੀਏਸ਼ਨ ਦੇ ਡਰੈਸਿੰਗ ਰੂਮ ਦੀ ਮੁਰੰਮਤ ਕੀਤੀ ਜਾ ਰਹੀ ਹੈ।
