MG ਮੋਟਰ ਨੇ ਫਰਵਰੀ 2024 ਵਿੱਚ 18 ਪ੍ਰਤੀਸ਼ਤ ਤੋਂ ਵੱਧ ਦਾ ਵਾਧਾ ਦਰਜ ਕੀਤਾ ਹੈ। ਕਾਰ ਨਿਰਮਾਤਾ ਨੇ ਪਿਛਲੇ ਮਹੀਨੇ 4,532 ਕਾਰਾਂ ਵੇਚੀਆਂ, ਜੋ ਇਸ ਸਾਲ ਜਨਵਰੀ ਵਿੱਚ ਵਿਕੀਆਂ 3,825 ਕਾਰਾਂ ਦੀ ਗਿਣਤੀ ਨਾਲੋਂ ਵੱਧ ਹਨ। MG ਮੋਟਰ ਦੀ ਵਿਕਰੀ ਦਾ ਵੱਡਾ ਹਿੱਸਾ ਹੈਕਟਰ SUV ਤੋਂ ਆ ਰਿਹਾ ਹੈ, ਜੋ ਭਾਰਤ ਵਿੱਚ ਇਸਦੀ ਸਭ ਤੋਂ ਵੱਧ ਵਿਕਣ ਵਾਲੀ ਕਾਰ ਹੈ। ਹਾਲਾਂਕਿ ਕੰਪਨੀ ਨੇ ਵੱਖ-ਵੱਖ ਮਾਡਲਾਂ ਦੀ ਸੇਲ ਰਿਪੋਰਟ ਸ਼ੇਅਰ ਨਹੀਂ ਕੀਤੀ ਹੈ। ਐਮਜੀ ਮੋਟਰ ਦੀ ਕੁੱਲ ਵਿਕਰੀ ਵਿੱਚ ਇਲੈਕਟ੍ਰਿਕ ਵਾਹਨਾਂ ਦਾ ਵੀ ਵੱਡਾ ਯੋਗਦਾਨ ਹੈ। ਐਮਜੀ ਮੋਟਰ ਨੇ ਕਿਹਾ ਕਿ ਪਿਛਲੇ ਮਹੀਨੇ ਉਸਦੀ ਕੁੱਲ ਵਿਕਰੀ ਵਿੱਚ ਈਵੀ ਦੀ ਹਿੱਸੇਦਾਰੀ ਲਗਭਗ 33 ਪ੍ਰਤੀਸ਼ਤ ਸੀ। ਇਸ ਦਾ ਮਤਲਬ ਹੈ ਕਿ MG ਮੋਟਰ ਨੇ ਫਰਵਰੀ ‘ਚ ਇਲੈਕਟ੍ਰਿਕ ਕਾਰਾਂ ਦੇ 1,400 ਤੋਂ ਜ਼ਿਆਦਾ ਯੂਨਿਟ ਵੇਚੇ ਹਨ। ਕੰਪਨੀ ਨੇ ZS EV ਅਤੇ Comet EV ਵਰਗੀਆਂ ਪੇਸ਼ਕਸ਼ਾਂ ਨਾਲ ਇਲੈਕਟ੍ਰਿਕ ਕਾਰ ਬਾਜ਼ਾਰ ਵਿੱਚ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। MG ਮੋਟਰ ਨੇ ਪਿਛਲੇ ਸਾਲ ਜਨਵਰੀ ‘ਚ Hector SUV ਦਾ ਫੇਸਲਿਫਟ ਵਰਜ਼ਨ ਲਾਂਚ ਕੀਤਾ ਸੀ। Hyundai Creta, Kia Seltos ਅਤੇ Maruti Suzuki Grand Vitara ਨਾਲ ਮੁਕਾਬਲਾ ਕਰਨ ਵਾਲੀ ਇਸ SUV ਦੀ ਸ਼ੁਰੂਆਤੀ ਐਕਸ-ਸ਼ੋਰੂਮ ਕੀਮਤ 14.95 ਲੱਖ ਰੁਪਏ ਹੈ। ਇਸ ਦੇ ਨਾਲ ਹੀ ਇਸ ਦਾ ਟਾਪ ਐਂਡ ਵੇਰੀਐਂਟ 21.95 ਲੱਖ ਰੁਪਏ (ਐਕਸ-ਸ਼ੋਰੂਮ) ਤੱਕ ਜਾਂਦਾ ਹੈ। ਹੈਕਟਰ ਤੋਂ ਇਲਾਵਾ, MG ਭਾਰਤ ਵਿੱਚ ਐਸਟੋਰ ਅਤੇ ਗਲੋਸਟਰ ਵਰਗੀਆਂ SUV ਵੀ ਵੇਚਦਾ ਹੈ, ਜੋ ਕਿ ICE ਨਾਲ ਉਪਲਬਧ ਹਨ। MG ਮੋਟਰ ਫਿਲਹਾਲ ਇਲੈਕਟ੍ਰਿਕ ਵ੍ਹੀਕਲ ਸੈਗਮੈਂਟ ‘ਤੇ ਫੋਕਸ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਇਸਦੇ ਲਈ, ਨਵੇਂ ਮਾਡਲਾਂ ਨੂੰ ਲਾਂਚ ਕਰਨ ਤੋਂ ਇਲਾਵਾ, ਆਟੋਮੇਕਰ ਆਪਣੀ ਈਵੀ ਲਾਈਨਅਪ ਨੂੰ ਵੀ ਵਧਾ ਰਿਹਾ ਹੈ। MG ਦਾ ਟੀਚਾ 2028 ਤੱਕ ਭਾਰਤ ਵਿੱਚ 5 ਨਵੀਆਂ ਕਾਰਾਂ ਲਾਂਚ ਕਰਨ ਦਾ ਹੈ ਅਤੇ ਇਨ੍ਹਾਂ ਵਿੱਚੋਂ ਜ਼ਿਆਦਾਤਰ ਇਲੈਕਟ੍ਰਿਕ ਵਾਹਨ ਹੋਣਗੀਆਂ।
