ਜੇ ਤੁਸੀਂ ਲੈਪਟਾਪ ਜਾਂ ਸਮਾਰਟਫੋਨ ਦੀ ਵਰਤੋਂ ਕਰਦੇ ਹੋ, ਤਾਂ ਤੁਸੀਂ ਕਿਸੇ ਨਾ ਕਿਸੇ ਸਮੇਂ ਗੂਗਲ ਕਰੋਮ ਦੀ ਵਰਤੋਂ ਜ਼ਰੂਰ ਕੀਤੀ ਹੋਵੇਗੀ। ਜਦੋਂ ਵੀ ਸਾਨੂੰ ਕੋਈ ਚੀਜ਼ ਦੀ ਜਾਣਕਾਰੀ ਚਾਹੀਦੀ ਹੁੰਦੀ ਹੈ ਤਾਂ ਸਭ ਤੋਂ ਪਹਿਲਾਂ ਅਸੀਂ ਗੂਗਲ ਕਰੋਮ ‘ਤੇ ਜਾਂਦੇ ਹਾਂ ਤੇ ਉਸ ਨੂੰ ਉਥੇ ਸਰਚ ਕਰਦੇ ਹਾਂ। ਹਾਲਾਂਕਿ ਕਈ ਵਾਰ ਸਾਨੂੰ ਕਈ ਤਰ੍ਹਾਂ ਦੇ ਐਰਰ ਵੀ ਵੇਖਣ ਨੂੰ ਮਿਲਦੇ ਹਨ। ਇਨ੍ਹਾਂ ਵਿੱਚੋਂ ਇੱਕ ਸਭ ਤੋਂ ਕਾਮਨ ‘404 Error’ ਹੈ। ਕੀ ਤੁਹਾਨੂੰ ਇਸ ਦੇ ਬਾਰੇ ਜਾਣਕਾਰੀ ਹੈ। ਜੇ ਤੁਸੀਂ ਵੀ ਨਹੀਂ ਜਾਣਦੇ ਹੋ ਅਸੀਂ ਤੁਹਾਨੂੰ ਦੱਸਣ ਵਾਲੇ ਹਾਂ ਕਿ ਆਖਿਰ ਇਹ ਕਿਉਂ ਦਿਖਾਈ ਦਿੰਦਾ ਹੈ ਅਤੇ ਇਸ 404 Error ਦਾ ਮਤਲਬ ਕੀ ਹੈ। 404 ਗਲਤੀ ਗੂਗਲ ਸਰਚ ‘ਤੇ ਹੋਣ ਵਾਲੀ ਸਭ ਤੋਂ ਆਮ ਐਰਰ ਹੈ। ਹਾਲਾਂਕਿ, ਜ਼ਿਆਦਾਤਰ ਲੋਕਾਂ ਨੂੰ ਇਹ ਨਹੀਂ ਪਤਾ ਕਿ ਇਹ ਕਿਸ ਸਥਿਤੀ ਵਿੱਚ ਦਿਖਾਈ ਦੇ ਰਿਹਾ ਹੈ। ਇਹ ਸਿਰਫ ਇਹ ਨਹੀਂ ਹੈ ਕਿ ਗੂਗਲ ਇਸ ਨੂੰ ਬਿਨਾਂ ਵਜ੍ਹਾ ਵਿਖਾਉਂਦਾ ਹੈ। ਇਸਦਾ ਇੱਕ ਮਤਲਬ ਹੈ। ਇਹ ਐਰਰ ਕਈ ਵਾਰ 404 Page Not Found ਦੇ ਰੂਪ ਵਿੱਚ ਵੀ ਦਿਖਾਈ ਦਿੰਦੀ ਹੈ। ਜੇ ਤੁਸੀਂ ਇਸ ਬਾਰੇ ਨਹੀਂ ਜਾਣਦੇ ਤਾਂ ਤੁਹਾਨੂੰ ਦੱਸ ਦੇਈਏ ਕਿ 404 ਇੱਕ HTTP ਸਟੇਟਸ ਕੋਡ ਹੈ। ਇਹ ਵੈੱਬ ਸਰਵਰ ਦੁਆਰਾ ਭੇਜਿਆ ਜਾਂਦਾ ਹੈ। ਅਸਲ ਵਿੱਚ ਜਦੋਂ ਵੀ ਕੋਈ ਵਿਅਕਤੀ ਇੰਟਰਨੈਟ ਦੀ ਦੁਨੀਆ ਵਿੱਚ ਕਿਸੇ ਵੀ ਸਮੱਗਰੀ ਦੀ ਖੋਜ ਕਰਦਾ ਹੈ, ਤਾਂ ਉਸ ਦੀ ਬੇਨਤੀ ਗੂਗਲ ਦੇ ਸਰਵਰਾਂ ਨੂੰ ਭੇਜੀ ਜਾਂਦੀ ਹੈ ਅਤੇ ਯੂਜ਼ਰਸ ਨੂੰ ਉਸ ਸਮੱਗਰੀ ਨਾਲ ਸਬੰਧਤ ਜਾਂ ਇਸ ਨਾਲ ਮਿਲਦੇ-ਜੁਲਦੇ ਜਵਾਬ ਦਿੱਤੇ ਜਾਂਦੇ ਹਨ। ਪਰ ਜਦੋਂ ਗੂਗਲ ਜਵਾਬ ਲੱਭਣ ਵਿੱਚ ਅਸਮਰੱਥ ਹੁੰਦਾ ਹੈ, ਤਾਂ ਡਿਸਪਲੇ ‘ਤੇ ਇੱਕ 404 ਐਰਰ ਦਿਖਾਈ ਦਿੰਦੀ ਹੈ। 404 ਐਰਰ ਜਾਂ Pave Not Found ਦੇ ਕਈ ਕਾਰਨ ਹੋ ਸਕਦੇ ਹਨ। ਤੁਹਾਡੇ ਵੱਲੋਂ ਖੋਜ ਕੀਤੀ ਸਮੱਗਰੀ ਵਾਲਾ ਪੰਨਾ ਸ਼ਾਇਦ ਹਟਾ ਦਿੱਤਾ ਗਿਆ ਹੈ। ਇਹ ਵੀ ਸੰਭਾਵਨਾ ਹੈ ਕਿ ਤੁਹਾਡੇ ਦੁਆਰਾ ਦਾਖਲ ਕੀਤੇ URL ਵਿੱਚ ਕਿਸੇ ਕਿਸਮ ਦੀ ਗਲਤੀ ਹੋ ਸਕਦੀ ਹੈ। ਜਾਂ ਜੇ ਤੁਸੀਂ ਕੁਝ ਸਮੱਗਰੀ ਦੀ ਖੋਜ ਕਰ ਰਹੇ ਹੋ ਜਿਸਦੀ ਤੁਹਾਡਾ ਸਰਵਰ ਇਜਾਜ਼ਤ ਨਹੀਂ ਦਿੰਦਾ ਤਾਂ ਤੁਸੀਂ ਇਸ ਕਿਸਮ ਦੀ ਐਰਰ ਦੇਖ ਸਕਦੇ ਹੋ। ਤੁਹਾਨੂੰ ਦੱਸ ਦੇਈਏ ਕਿ 404 ਐਰਰ ਇੱਕ ਨੈੱਟਵਰਕ ਕਮਿਊਨੀਕੇਸ਼ਨ ਪ੍ਰੋਟੋਕੋਲ ਐਰਰ ਹੈ। ਹੁਣ ਸਭ ਤੋਂ ਵੱਡਾ ਸਵਾਲ ਇਹ ਹੈ ਕਿ ਇਸ ਤਰ੍ਹਾਂ ਦੀ ਐਰਰ ਲਈ ਸਿਰਫ 404 ਨੰਬਰ ਕਿਉਂ ਵਰਤਿਆ ਗਿਆ। ਕੋਈ ਹੋਰ ਨੰਬਰ ਕਿਉਂ ਨਹੀਂ ਚੁਣਿਆ ਗਿਆ? ਤਾਂ ਅਸੀਂ ਤੁਹਾਨੂੰ ਦੱਸ ਦੇਈਏ ਕਿ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ ਪਰ ਇਸ ਬਾਰੇ ਕੁਝ ਜਾਣਕਾਰੀ ਇੱਕ ਥਿਊਰੀ ਵਿੱਚ ਮਿਲਦੀ ਹੈ। CERN (ਯੂਰੋਪੀਅਨ ਆਰਗੇਨਾਈਜ਼ੇਸ਼ਨ ਫਾਰ ਨਿਊਕਲੀਅਰ ਰਿਸਰਚ) ਥਿਊਰੀ ਨੂੰ ਵੈੱਬ ਸਰਵਰ ਦਾ ਘਰ ਕਿਹਾ ਜਾਂਦਾ ਹੈ। ਇਸ ਘਰ ਵਿੱਚ ਇੱਕ ਕਮਰਾ ਨੰਬਰ 404 ਸੀ। ਕਿਹਾ ਜਾਂਦਾ ਹੈ ਕਿ ਇਸੇ ਦੇ ਨਾਂ ‘ਤੇ ਇਸ ਐਰਰ ਦਾ ਨਾਂ ਰਖਿਆ ਗਿਆ ਹੈ। ਹਾਲਾਂਕਿ ਬਹੁਤ ਸਾਰੇ ਮਾਹਰਾਂ ਨੇ ਇਸ ਸਿਧਾਂਤ ਨੂੰ ਰੱਦ ਕਰ ਦਿੱਤਾ ਹੈ।
