2024 ਦੀਆਂ ਪਾਰਲੀਮੈਂਟ ਚੋਣਾਂ ‘ਚ ਮੁੜ ਸੱਤਾ ਹਥਿਆਉਣ ਲਈ ਮੋਦੀ ਸਰਕਾਰ ਵੱਲੋਂ ਘੜ੍ਹੀ ਜਾ ਰਹੀ ਚੋਣ ਰਣਨੀਤੀ ਤਹਿਤ, ਭਾਰਤੀ ਆਵਾਮ ਦੇ ਰੋਟੀ-ਰੋਜ਼ੀ ਨਾਲ ਜੁੜੇ ਮੂਲ ਮੁੱਦਿਆਂ ਤੋਂ ਧਿਆਨ ਭਟਕਾਉਣ ਲਈ,ਜਿੱਥੇ ਮੰਦਰ -ਮਸਜਿਦ, ਹਿੰਦੂ-ਮੁਸਲਿਮ, 22 ਜਨਵਰੀ ਅਯੋਧਿਆ ‘ਪ੍ਰਾਣ-ਪ੍ਰਤ੍ਰਿਸ਼ਠਾ’,’ਆਜ਼ਾਦੀ ਕਾ ਮਹਾਂ ਉਤਸਵ-ਅੰਮ੍ਰਿਤ ਕਾਲ,’ਵਿਸ਼ਵ-ਗੁਰੂ’ ਵਿਕਸਤ ਭਾਰਤ ਵਰਗੇ ਜਾਲ ਵਿਛਾਏ ਜਾ ਰਹੇ ਹਨ ਉੱਥੇ ਮੁਲਕ ਦੇ ਸਮਾਜਿਕ-ਆਰਥਿਕ ਵਿਕਾਸ ਨੂੰ ਜੀਡੀਪੀ ਵਾਧੇ ਦੇ ਭਰਮਾਊ ਮਾਪਦੰਡ ਰਾਹੀਂ ਇਸ ਪ੍ਰਚਾਰ ਰਾਹੀਂ ਨੌਜਵਾਨਾਂ ਦੀ ‘ਅੰਮ੍ਰਿਤ-ਕਾਲ’ ਪੀੜ੍ਹੀ ਨੂੰ ਭਰਮਾਇਆ ਜਾ ਰਿਹਾ ਹੈ ਕਿ (ਵਿਤ ਮੰਤਰੀ ਦੇ ਬਿਆਨ)”..ਇਸ ਸਮੇਂ ਭਾਰਤ ਦੀ ਜੀਡੀਪੀ 3.7 ਖਰਬ ਡਾਲਰ ਹੈ ਤੇ ਇਹ ਵਿਸ਼ਵ ਦਾ 5ਵਾਂ ਵੱਡਾ ਅਰਥਚਾਰਾ ਹੈ। 2027-28 ਤੱਕ ਵਧ ਕੇ 5 ਖ਼ਰਬ ਡਾਲਰ ਦੀ ਜੀਡੀਪੀ ਨਾਲ ਜਾਪਾਨ ਤੇ ਜਰਮਨੀ ਨੂੰ ਟੱਪ ਕੇ ਤੀਜੇ ਨੰਬਰ ‘ਤੇ ਆ ਜਾਵੇਗਾ ਅਤੇ 2047 ‘ਚ ‘ਅੰਮ੍ਰਿਤ-ਕਾਲ’ ਦੇ ਸਿਖਰ ‘ਤੇ ਘੱਟੋ-ਘੱਟ 30 ਖ਼ਰਬ ਡਾਲਰ ਜੀਡੀਪੀ ਵਾਲਾ ਅਰਥਚਾਰਾ ਬਣ ਜਾਵੇਗਾ।ਤੇ ਭਾਰਤ ਵਿਕਸਤ ਮੁਲਕਾਂ ਦੀ ਕਤਾਰ ‘ਚ ਸ਼ਾਮਲ ਹੋ ਜਾਵੇਗਾ।
