ਕਾਵਾਸਾਕੀ ਇੰਡੀਆ (Kawasaki India ) ਨੇ ਭਾਰਤ ਵਿੱਚ ਪਹਿਲੀ ਵਾਰ IBW 2023 ਵਿੱਚ ZX-6R ਨੂੰ ਪੇਸ਼ ਕੀਤਾ ਸੀ। ਕੰਪਨੀ ਨੇ ਹੁਣ ਐਲਾਨ ਕੀਤਾ ਹੈ ਕਿ ਉਹ 1 ਜਨਵਰੀ 2024 ਨੂੰ ਭਾਰਤੀ ਬਾਜ਼ਾਰ ਲਈ ਮੋਟਰਸਾਈਕਲ ਲਾਂਚ ਕਰੇਗੀ। ਨਵੀਂ ਕਾਵਾਸਾਕੀ ZX-6R ਨੂੰ ਕੁਝ ਡਿਜ਼ਾਈਨ ਅੱਪਡੇਟ ਪ੍ਰਾਪਤ ਹੋਏ ਹਨ ਅਤੇ ਇੰਜਣ ਨੂੰ ਮੌਜੂਦਾ ਨਿਕਾਸੀ ਨਿਯਮਾਂ ਦੀ ਪਾਲਣਾ ਕਰਨ ਲਈ ਟਿਊਨ ਕੀਤਾ ਗਿਆ ਹੈ। ਆਓ, ਇਸ ਬਾਰੇ ਜਾਣੀਏ।
ਬਾਹਰੀ ਡਿਜ਼ਾਈਨ ਅਤੇ ਸਟਾਈਲਿੰਗ ਦੇ ਮਾਮਲੇ ਵਿੱਚ, ਕਾਵਾਸਾਕੀ ਨਿੰਜਾ ZX-6R (Kawasaki Ninja ZX-6R ) ਆਪਣੇ ਵੱਡੇ ਭਰਾ ਕਾਵਾਸਾਕੀ ZX-10R ਤੋਂ ਪ੍ਰੇਰਿਤ ਹੈ। ਇਸਦੀ ਸੁਪਰਸਪੋਰਟ ਮੋਟਰਸਾਈਕਲ ਪ੍ਰਕਿਰਤੀ ਦੇ ਕਾਰਨ, ਇਸ ਵਿੱਚ ਕਲਿੱਪ-ਆਨ ਹੈਂਡਲਬਾਰ, ਰੀਅਰ-ਸੈੱਟ ਫੁੱਟਪੈਗ ਅਤੇ LED ਲਾਈਟਿੰਗ ਐਲੀਮੈਂਟਸ ਦੇ ਨਾਲ ਇੱਕ ਸਪਲਿਟ ਹੈੱਡਲੈਂਪ ਸੈੱਟਅੱਪ ਸ਼ਾਮਲ ਹੈ।ਹਾਰਡਵੇਅਰ ਦੀ ਗੱਲ ਕਰੀਏ ਤਾਂ Kawasaki Ninja ZX-6R ਸਾਹਮਣੇ ਵਾਲੇ ਪਾਸੇ ਪੂਰੀ ਤਰ੍ਹਾਂ ਨਾਲ ਐਡਜਸਟੇਬਲ 41 ਮਿਲੀਮੀਟਰ ਇਨਵਰਟੇਡ ਫੋਰਕਸ ਅਤੇ ਪਿਛਲੇ ਪਾਸੇ ਪੂਰੀ ਤਰ੍ਹਾਂ ਨਾਲ ਐਡਜਸਟੇਬਲ ਗੈਸ-ਚਾਰਜਡ ਮੋਨੋਸ਼ੌਕ ਨਾਲ ਲੈਸ ਹੈ। ਬ੍ਰੇਕਿੰਗ ਡਿਊਟੀਆਂ ਲਈ, ਇਸ ਦੇ ਸਾਹਮਣੇ 4-ਪਿਸਟਨ ਕੈਲੀਪਰਾਂ ਦੇ ਨਾਲ 310 ਮਿਲੀਮੀਟਰ ਦੀ ਡਿਸਕ ਅਤੇ ਪਿਛਲੇ ਪਾਸੇ 220 ਮਿਲੀਮੀਟਰ ਸਿੰਗਲ ਡਿਸਕ ਹੈ, ਜੋ ਸਿੰਗਲ-ਪਿਸਟਨ ਕੈਲੀਪਰ ਨਾਲ ਵੀ ਲੈਸ ਹੈ । ਇਸ ਤੋਂ ਇਲਾਵਾ, Kawasaki Ninja ZX-6R ਇੱਕ ਐਲੂਮੀਨੀਅਮ ਪੈਰੀਮੀਟਰ ਫਰੇਮ ‘ਤੇ ਬਣਾਇਆ ਗਿਆ ਹੈ। ਫੀਚਰਜ਼ ਦੀ ਗੱਲ ਕਰੀਏ ਤਾਂ ਇਸ ‘ਚ ਸਮਾਰਟਫੋਨ ਕਨੈਕਟੀਵਿਟੀ, ਟ੍ਰੈਕਸ਼ਨ ਕੰਟਰੋਲ, ਪਾਵਰ ਮੋਡ ਤੇ ਐਂਟੀ-ਲਾਕ ਬ੍ਰੇਕਿੰਗ ਸਿਸਟਮ ਦੇ ਨਾਲ 4.3-ਇੰਚ ਕਲਰ ਟੀਐੱਫਟੀ ਇੰਸਟਰੂਮੈਂਟ ਡਿਸਪਲੇਅ ਹੈ । ਪ੍ਰਦਰਸ਼ਨ ਦੇ ਰੂਪ ਵਿੱਚ, ZX-6R ਇੱਕ 636 cc, ਇਨ-ਲਾਈਨ ਚਾਰ-ਸਿਲੰਡਰ ਇੰਜਣ ਦੁਆਰਾ ਸੰਚਾਲਿਤ ਹੈ, ਜੋ 129 bhp ਦੀ ਪਾਵਰ ਆਉਟਪੁੱਟ ਅਤੇ 69 Nm ਪੀਕ ਟਾਰਕ ਪੈਦਾ ਕਰਨ ਦੇ ਸਮਰੱਥ ਹੈ। ਇਹ 6-ਸਪੀਡ ਗਿਅਰਬਾਕਸ ਨਾਲ ਮੇਲ ਖਾਂਦਾ ਹੈ ਜਿਸ ਵਿੱਚ ਕਵਿੱਕਸ਼ਿਫਟਰ ਅਤੇ ਸਲਿਪ-ਐਂਡ-ਅਸਿਸਟ ਕਲਚ ਹੈ। ਇਸ ਨੂੰ ਲਗਭਗ 11 ਲੱਖ ਰੁਪਏ ਦੀ ਸ਼ੁਰੂਆਤੀ ਐਕਸ-ਸ਼ੋਰੂਮ ਕੀਮਤ ‘ਤੇ ਲਾਂਚ ਕੀਤਾ ਜਾ ਸਕਦਾ ਹੈ।
