ਟਾਟਾ ਭਾਰਤੀ ਬਾਜ਼ਾਰ ਵਿੱਚ ਸਭ ਤੋਂ ਵੱਡੀਆਂ ਕਾਰਾਂ ਵੇਚਣ ਵਾਲੀਆਂ ਕੰਪਨੀਆਂ ਵਿੱਚੋਂ ਇੱਕ ਹੈ। ਜੇਕਰ ਤੁਸੀਂ ਦਸੰਬਰ ‘ਚ Tata ਦੀ Altroz ਹੈਚਬੈਕ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਤੁਹਾਨੂੰ ਦੱਸ ਦੇਈਏ ਕਿ ਕੰਪਨੀ ਇਸ ਕਾਰ ‘ਤੇ ਸਾਲ ਦੇ ਅੰਤ ‘ਚ 45 ਹਜ਼ਾਰ ਰੁਪਏ ਤੱਕ ਦਾ ਡਿਸਕਾਊਂਟ ਦੇ ਰਹੀ ਹੈ। ਪਰ ਕੀਮਤ ਵਿੱਚ ਵੀ ਥੋੜ੍ਹਾ ਵਾਧਾ ਹੋਇਆ ਹੈ। ਕੰਪਨੀ ਨੇ ਕੁਝ ਵੇਰੀਐਂਟਸ ਨੂੰ ਵੀ ਬੰਦ ਕਰ ਦਿੱਤਾ ਹੈ। ਅੱਜ ਅਸੀਂ ਤੁਹਾਨੂੰ Altroz ਦੇ ਉਨ੍ਹਾਂ ਵੇਰੀਐਂਟਸ ਬਾਰੇ ਦੱਸਣ ਜਾ ਰਹੇ ਹਾਂ ਜਿਨ੍ਹਾਂ ਦੀ ਕੀਮਤ ਵਧ ਗਈ ਹੈ। ਇਨ੍ਹਾਂ ਵੇਰੀਐਂਟਸ ਲਈ ਤੁਹਾਨੂੰ 10,000 ਰੁਪਏ ਹੋਰ ਖਰਚ ਕਰਨੇ ਪੈਣਗੇ। ਆਓ ਅਸੀਂ ਤੁਹਾਨੂੰ ਇਸ ਬਾਰੇ ਹੋਰ ਜਾਣਕਾਰੀ ਦੇਈਏ।ਜੇਕਰ ਤੁਸੀਂ Tata Altroz Racer ਨੂੰ ਖਰੀਦਣਾ ਚਾਹੁੰਦੇ ਹੋ ਤਾਂ ਕੰਪਨੀ ਨੇ ਇਸ ‘ਚ ਨਵੇਂ ਫੀਚਰਸ ਨੂੰ ਜੋੜਿਆ ਹੈ। ਇਸ ਵਿਚ 10.25-ਇੰਚ ਟੱਚਸਕ੍ਰੀਨ ਇੰਫੋਟੇਨਮੈਂਟ ਸਿਸਟਮ, ਹਵਾਦਾਰ ਫਰੰਟ ਸੀਟਾਂ, ਵੌਇਸ ਇਨੇਬਲਡ ਸਨਰੂਫ ਅਤੇ 7-ਇੰਚ ਡਿਜੀਟਲ ਡਰਾਈਵਰ ਡਿਸਪਲੇ, ਵਾਇਰਲੈੱਸ ਫੋਨ ਚਾਰਜਰ, ਲੇਥਰੇਟ ਸੀਟਾਂ, ਪ੍ਰੋਜੈਕਟਰ ਹੈੱਡਲਾਈਟਸ, 6 ਏਅਰਬੈਗ ਵੀ ਹਨ।ਇਸ ਵਿੱਚ ਬਲੈਕ ਰੈੱਡ ਥੀਮ ਵਾਲਾ ਇੰਟੀਰੀਅਰ ਵੀ ਹੈ। ਇਸ ਦੇ ਨਾਲ ਹੀ ਇਸ ‘ਚ ਪਾਵਰਫੁੱਲ ਇੰਜਣ ਵੀ ਹੈ। ਇਸ ‘ਚ 1.2 ਲੀਟਰ ਟਰਬੋ ਪੈਟਰੋਲ ਇੰਜਣ ਦਿੱਤਾ ਗਿਆ ਹੈ। ਜੋ 120Ps ਦੀ ਪਾਵਰ ਅਤੇ 170Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਇਸ ‘ਚ 6 ਸਪੀਡ ਮੈਨੂਅਲ ਗਿਅਰਬਾਕਸ ਹੈ।Tata Altroz 1.2L ਸਾਧਾਰਨ ਪੈਟਰੋਲ ਦੀ ਕੀਮਤ ‘ਚ 10 ਹਜ਼ਾਰ ਰੁਪਏ ਤੱਕ ਦਾ ਫਰਕ ਆਇਆ ਹੈ। XM ਪਲੱਸ ਮੈਨੂਅਲ ਵੇਰੀਐਂਟ ਦੀ ਕੀਮਤ ‘ਚ ਸਭ ਤੋਂ ਵੱਡਾ ਬਦਲਾਅ ਕੀਤਾ ਗਿਆ ਹੈ। Altroz 1.2L ਨਾਰਮਲ ਪੈਟਰੋਲ ਲਈ XM Plus ਮੈਨੂਅਲ ਦੀ ਕੀਮਤ ‘ਚ ਮਾਮੂਲੀ ਵਾਧਾ ਕੀਤਾ ਗਿਆ ਹੈ। Altroz Turbo ਪੈਟਰੋਲ ਦੀ ਕੀਮਤ ‘ਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ, ਜਦਕਿ Tata ਨੇ Altroz ਦੇ XE Plus ਡੀਜ਼ਲ-ਮੈਨੁਅਲ ਵੇਰੀਐਂਟ ਨੂੰ ਬੰਦ ਕਰ ਦਿੱਤਾ ਹੈ। ਇਸ ਬਦਲਾਅ ਤੋਂ ਇਲਾਵਾ ਟਾਟਾ ਨੇ ਅਲਟਰੋਜ਼ ਡੀਜ਼ਲ ਦੇ ਕਿਸੇ ਹੋਰ ਵੇਰੀਐਂਟ ਦੀਆਂ ਕੀਮਤਾਂ ‘ਚ ਕੋਈ ਬਦਲਾਅ ਨਹੀਂ ਕੀਤਾ ਹੈ।
