ਭਾਰਤ ‘ਚ ਜ਼ਿਆਦਾਤਰ ਲੋਕ ਬੋਤਲ ਵਾਲੇ ਪਾਣੀ ਦੀ ਵਰਤੋਂ ਕਰਦੇ ਹਨ। ਜਦੋਂ ਵੀ ਤੁਸੀਂ ਬਾਹਰ ਜਾਂਦੇ ਹੋ ਅਤੇ ਤੁਹਾਨੂੰ ਪਿਆਸ ਲੱਗਦੀ ਹੈ ਤਾਂ ਸਭ ਤੋਂ ਪਹਿਲਾਂ ਤੁਸੀਂ ਬਗੈਰ ਕੁਝ ਸੋਚੇ ਪਾਣੀ ਦੀ ਬੋਤਲ ਖਰੀਦਦੇ ਹੋ। ਇੱਥੋਂ ਤੱਕ ਕਿ ਨੌਜਵਾਨ, ਵਿਦਿਆਰਥੀ ਅਤੇ ਸ਼ਹਿਰਾਂ ‘ਚ ਰਹਿਣ ਵਾਲੇ ਜ਼ਿਆਦਾਤਰ ਲੋਕ ਪੀਣ ਲਈ ਬੋਤਲ ਬੰਦ ਪਾਣੀ ਦੀ ਵਰਤੋਂ ਕਰਦੇ ਹਨ। ਇਹ ਬੋਤਲਬੰਦ ਪਾਣੀ 20 ਤੋਂ 100 ਰੁਪਏ ‘ਚ ਆਉਂਦਾ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਹ ਪਾਣੀ ਤੁਹਾਡੀ ਸਿਹਤ ਲਈ ਕਿੰਨਾ ਖ਼ਤਰਨਾਕ ਹੈ।
ਇੱਕ ਰਿਸਰਚ ‘ਚ ਪਾਇਆ ਗਿਆ ਹੈ ਕਿ ਹਰ ਇੱਕ ਲੀਟਰ ਪਾਣੀ ਦੀ ਬੋਤਲ ‘ਚ ਲਗਭਗ 10 ਪਲਾਸਟਿਕ ਦੇ ਕਣ ਪਾਏ ਜਾਂਦੇ ਹਨ ਅਤੇ ਇਹ ਪਲਾਸਟਿਕ ਦੇ ਕਣ ਇੰਨੇ ਛੋਟੇ ਹੁੰਦੇ ਹਨ ਕਿ ਤੁਸੀਂ ਇਨ੍ਹਾਂ ਨੂੰ ਆਪਣੀਆਂ ਅੱਖਾਂ ਨਾਲ ਨਹੀਂ ਦੇਖ ਸਕਦੇ ਅਤੇ ਜਦੋਂ ਤੁਸੀਂ ਇਹ ਪਾਣੀ ਪੀਂਦੇ ਹੋ ਤਾਂ ਇਹ ਪਲਾਸਟਿਕ ਸਿੱਧੇ ਤੁਹਾਡੇ ਸਰੀਰ ‘ਚ ਦਾਖਲ ਹੋ ਜਾਂਦਾ ਹੈ, ਜੋ ਕੁਝ ਸਮੇਂ ਬਾਅਦ ਤੁਹਾਡੇ ਸਰੀਰ ‘ਚ ਗੰਭੀਰ ਸਮੱਸਿਆਵਾਂ ਦਾ ਕਾਰਨ ਬਣ ਜਾਂਦਾ ਹੈ।
ਕੀ ਕਹਿੰਦੀ ਹੈ ਰਿਸਰਚ?
ਬੀਬੀਸੀ ‘ਚ ਛਪੀ ਇੱਕ ਖ਼ਬਰ ਮੁਤਾਬਕ ਓਰਬ ਮੀਡੀਆ ਨੇ ਦੁਨੀਆ ਦੇ 9 ਦੇਸ਼ਾਂ ‘ਚ ਮਿਲੀਆਂ 250 ਪਾਣੀ ਦੀਆਂ ਬੋਤਲਾਂ ਉੱਤੇ ਇੱਕ ਰਿਸਰਚ ਕੀਤੀ ਅਤੇ ਇਸ ਰਿਸਰਚ ‘ਚ ਜੋ ਸਾਹਮਣੇ ਆਇਆ ਉਸ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਇਸ ਰਿਸਰਚ ‘ਚ ਪਾਇਆ ਗਿਆ ਹੈ ਕਿ ਹਰ ਇੱਕ ਲੀਟਰ ਪਲਾਸਟਿਕ ਦੀ ਪਾਣੀ ਦੀ ਬੋਤਲ ‘ਚ ਔਸਤਨ 10 ਪਲਾਸਟਿਕ ਦੇ ਕਣ ਪਾਏ ਜਾਂਦੇ ਹਨ। ਇਹ ਕਣ ਇੰਨੇ ਛੋਟੇ ਹੁੰਦੇ ਹਨ ਕਿ ਤੁਸੀਂ ਇਨ੍ਹਾਂ ਨੂੰ ਨੰਗੀਆਂ ਅੱਖਾਂ ਨਾਲ ਨਹੀਂ ਦੇਖ ਸਕਦੇ, ਪਰ ਪਾਣੀ ਨਾਲ ਇਹ ਤੁਹਾਡੇ ਸਰੀਰ ‘ਚ ਪਹੁੰਚ ਜਾਂਦੇ ਹਨ ਅਤੇ ਤੁਹਾਡੀ ਸਿਹਤ ਨੂੰ ਖਰਾਬ ਕਰਦੇ ਹਨ। ਇਨ੍ਹਾਂ ਪਲਾਸਟਿਕ ਦੇ ਕਣਾਂ ਦੀ ਚੌੜਾਈ ਤੁਹਾਡੇ ਵਾਲਾਂ ਨਾਲੋਂ ਵੱਡੀ ਹੈ। ਫਰੇਡੋਨੀਆ ਦੀ ਸਟੇਟ ਯੂਨੀਵਰਸਿਟੀ ਆਫ਼ ਨਿਊਯਾਰਕ ਦੇ ਵਿਗਿਆਨੀ ਵੀ ਇਸ ਰਿਸਰਚ ‘ਚ ਸ਼ਾਮਲ ਸਨ।
ਭਾਰਤ ‘ਚ ਪਾਏ ਜਾਣ ਵਾਲੇ ਬਰਾਂਡ ਵੀ ਇਸ ‘ਚ ਸ਼ਾਮਲ
ਭਾਰਤੀ ਬਾਜ਼ਾਰ ‘ਚ ਉਪਲੱਬਧ ਕਈ ਪਾਣੀ ਦੀਆਂ ਬੋਤਲਾਂ ਵੀ ਇਸ ਰਿਸਰਚ ਦੇ ਦਾਇਰੇ ‘ਚ ਸ਼ਾਮਲ ਹਨ। ਮਤਲਬ ਤੁਸੀਂ ਆਪਣੇ ਸ਼ਹਿਰ, ਕਸਬਿਆਂ ‘ਚ ਜਿਹੜੇ ਪਾਣੀ ਦੀਆਂ ਬੋਤਲਾਂ ਖਰੀਦਦੇ ਹੋ, ਉਨ੍ਹਾਂ ‘ਚ ਪਲਾਸਟਿਕ ਦੇ ਕਣ ਹੁੰਦੇ ਹਨ, ਜੋ ਤੁਹਾਨੂੰ ਬਿਮਾਰ ਕਰ ਸਕਦੇ ਹਨ। ਇਸ ਲਈ ਜੇਕਰ ਤੁਸੀਂ ਕਿਤੇ ਵੀ ਜਾਂਦੇ ਹੋ ਤਾਂ ਘਰੋਂ ਪਾਣੀ ਦੀ ਬੋਤਲ ਲੈ ਕੇ ਜਾਓ। ਕੋਸ਼ਿਸ਼ ਕਰੋ ਕਿ ਇਹ ਪਾਣੀ ਦੀ ਬੋਤਲ ਕੱਚ ਦੀ ਹੈ ਜਾਂ ਤਾਂਬੇ ਦੀ। ਕਿਉਂਕਿ ਤੁਸੀਂ ਕਿਸੇ ਵੀ ਪਲਾਸਟਿਕ ਦੀ ਬੋਤਲ ‘ਚ ਪਾਣੀ ਲੈ ਕੇ ਜਾਓਗੇ, ਇਹ ਤੁਹਾਡੇ ਲਈ ਨੁਕਸਾਨਦੇਹ ਹੋਵੇਗਾ।
ਪਾਣੀ ਦੀਆਂ ਬੋਤਲਾਂ ‘ਚ ਕਿਵੇਂ ਆ ਜਾਂਦਾ ਹੈ ਪਲਾਸਟਿਕ?
ਜਿਨ੍ਹਾਂ ਬੋਤਲਾਂ ‘ਚ ਪਾਣੀ ਵੇਚਿਆ ਜਾਂਦਾ ਹੈ ਉਹ ਬਹੁਤ ਉੱਚ ਕੁਆਲਿਟੀ ਦੀਆਂ ਹੁੰਦੀਆਂ ਹਨ। ਹਾਲਾਂਕਿ ਇਨ੍ਹਾਂ ਬੋਤਲਾਂ ‘ਤੇ ਫਿੱਟ ਕੀਤੇ ਢੱਕਣਾਂ ਦੀ ਕੁਆਲਿਟੀ ਚੰਗੀ ਨਹੀਂ ਹੁੰਦੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਸੇ ਢਿੱਕਣ ਕਾਰਨ ਬੋਤਲ ‘ਚ ਪਲਾਸਟਿਕ ਆ ਜਾਂਦੀ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਪਾਣੀ ਦਾ ਕਾਰੋਬਾਰ ਕਰਨ ਵਾਲੇ ਲੋਕਾਂ ਨੂੰ ਇਸ ਸਮੱਸਿਆ ਵੱਲ ਧਿਆਨ ਦੇਣਾ ਚਾਹੀਦਾ ਹੈ ਅਤੇ ਜੇਕਰ ਹੋ ਸਕੇ ਤਾਂ ਇਨ੍ਹਾਂ ਬੋਤਲਾਂ ‘ਚ ਵਰਤੇ ਜਾਣ ਵਾਲੇ ਢੱਕਣ ਦੀ ਕੁਆਲਿਟੀ ‘ਚ ਸੁਧਾਰ ਕਰਨਾ ਚਾਹੀਦਾ ਹੈ।
