ਨਵੀਂ ਦਿੱਲੀ, 25 ਮਾਰਚ – ਜੇਕਰ ਤੁਸੀਂ ਵੀ ਬੱਚੇ ਦੇ ਨਾਂ ‘ਤੇ ਐੱਸਆਈਪੀ ਸ਼ੁਰੂ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਕੁਝ ਗੱਲਾਂ ਦਾ ਖਾਸ ਤੌਰ ‘ਤੇ ਖ਼ਿਆਲ ਰੱਖਣਾ ਪਵੇਗਾ। ਕਈ ਮਾਤਾ-ਪਿਤਾ ਬੱਚੇ ਦੇ ਭਵਿੱਖ ਲਈ ਪਹਿਲਾਂ ਤੋਂ ਹੀ ਸੇਵਿੰਗ ਕਰਨਾ ਸ਼ੁਰੂ ਕਰ ਦਿੰਦੇ ਹੋ। ਜੇਕਰ ਤੁਸੀਂ ਬੱਚੇ ਲਈ ਮਿਊਚਲ ਫੰਡ ਐੱਸਆਈਪੀ ਸ਼ੁਰੂ ਕਰ ਰਹੇ ਹੋ ਤਾਂ ਕੁਝ ਗੱਲਾਂ ਦਾ ਖਾਸ ਖ਼ਿਆਲ ਰੱਖਿਓ।
ਬੱਚੇ ਦੇ ਨਾਂ ‘ਤੇ ਐੱਸਆਈਪੀ ਖੋਲ੍ਹਣ ਦੇ ਕੀ ਹਨ ਨਿਯਮ
ਮਾਤਾ-ਪਿਤਾ ਬਿਨਾ ਕਿਸੇ ਪਰੇਸ਼ਾਨੀ ਦੇ ਬੱਚੇ ਲਈ ਐੱਸਆਈਪੀ ਸ਼ੁਰੂ ਕਰ ਸਕਦੇ ਹਨ। ਹਰੇਕ ਮਿਊਚਲ ਫੰਡ ਬੱਚੇ ਦੇ ਨਾਂ ‘ਤੇ ਐੱਸਆਈਪੀ ਸ਼ੁਰੂ ਕਰਨ ਦੀ ਇਜਾਜ਼ਤ ਦਿੰਦਾ ਹੈ। ਉੱਥੇ ਹੀ ਨਿਵੇਸ਼ ਰਕਮ ‘ਚ ਵੀ ਕੋਈ ਲਿਮਟ ਨਹੀਂ ਰੱਖੀ ਗਈ ਹੈ। ਇਸ ਗੱਲ ਦਾ ਧਿਆਨ ਰੱਖੋ ਕਿ ਪੋਰਟਫੋਲੀਓ ‘ਚ ਬੱਚਾ ਇੱਕੋ-ਇੱਕ ਹੋਲਡਰ ਹੋਣਾ ਚਾਹੀਦਾ। ਬੱਚੇ ਦੇ ਨਾਂ ‘ਤੇ 3-ਇਨ-1 ਅਕਾਊਂਟ (ਬੈਂਕ+ਟ੍ਰੇਡਿੰਗ+ਡੀਮੈਟ) ਸ਼ੁਰੂ ਕਰ ਸਕਦੇ ਹੋ। ਇਸ ਦੇ ਨਾਲ ਹੀ 18 ਸਾਲ ਤੋਂ ਘੱਟ ਉਮਰ ਦੇ ਬੱਚੇ ਸ਼ੇਅਰ ਬਾਜ਼ਾਰ ‘ਚ ਵੀ ਨਿਵੇਸ਼ ਕਰ ਸਕਦੇ ਹਨ। ਹਾਲਾਂਕਿ ਇਸ ਵਿਚ ਮਾਤਾ-ਪਿਤਾ ਦੀ ਜ਼ਿੰਮੇਵਾਰੀ ਰਹਿੰਦੀ ਹੈ।
ਕਿਹੜੇ ਦਸਤਾਵੇਜ਼ਾਂ ਦੀ ਹੈ ਲੋੜ ?
ਜੇਕਰ ਤੁਸੀਂ ਬੱਚੇ ਦੇ ਨਾਂ ‘ਤੇ ਮਿਊਚਲ ਫੰਡ ਸ਼ੁਰੂ ਕਰਦੇ ਹੋ ਤਾਂ ਤੁਹਾਨੂੰ ਕੁਝ ਜ਼ਰੂਰੀ ਦਸਤਾਵੇਜਡ਼ ਦੇਣੇ ਹੋਣਗੇ। ਸਭ ਤੋਂ ਪਹਿਲਾਂ ਤੁਹਾਨੂੰ ਪਰੂਫ ਲਈ ਉਮਰ ਦਾ ਸਰਟੀਫਿਕੇਟ ਦੇਣਾ ਪਵੇਗਾ। ਇਸ ਲਈ ਤੁਸੀਂ ਬਰਥ ਸਰਟੀਫਿਕੇਟ ਜਾਂ ਪਾਸਪੋਰਟ ਦੇ ਸਕਦੇ ਹੋ। ਇਸ ਤੋਂ ਇਲਾਵਾ ਇਹ ਵੀ ਦੱਸਣਾ ਹੋਵੇਗਾ ਕਿ ਬੱਚੇ ਦੇ ਨਾਲ ਤੁਹਾਡਾ ਕੀ ਸੰਬੰਧ ਹੈ। ਉੱਥੇ ਹੀ ਮਾਤਾ-ਪਿਤਾ ਦਾ ਕੇਵਾਈਸੀ ਨਿਯਮ ਮੰਨਣਾ ਜ਼ਰੂਰੀ ਹੈ। ਬੱਚੇ ਦੇ 18 ਸਾਲ ਦੇ ਹੋਣ ਤਕ ਮਾਤਾ-ਪਿਤਾ ਦੇ ਖਾਤੇ ‘ਚੋਂ ਪੈਸਾ ਕੱਟੇ ਜਾਂਦੇ ਹਨ, ਇਸ ਲਈ ਥਰਡ ਪਾਰਟੀ ਡੈਕਲਾਰੇਸ਼ਨ ਫਾਰਮ ਭਰਨਾ ਪਵੇਗਾ। ਮਾਤਾ-ਪਿਤਾ ਨੂੰ ਆਪਣੇ ਜ਼ਰੂਰੀ ਦਸਤਾਵੇਜ਼ ਜਿਵੇਂ ਬੈਂਕ ਡਿਟੇਲਜ਼, ਪੈਨ ਕਾਰਡ ਆਦਿ ਦੇਣਾ ਪਵੇਗਾ।
