ਨਵੀਂ ਦਿੱਲੀ, 25 ਨਵੰਬਰ – EPFO ਨਿਵੇਸ਼ ਲਈ ਬਹੁਤ ਵਧੀਆ ਆਪਸ਼ਨ ਹੈ। ਇਸ ਵਿੱਚ ਕਰਮਚਾਰੀ ਦੇ ਨਾਲ-ਨਾਲ ਮਾਲਕ ਦੁਆਰਾ ਯੋਗਦਾਨ ਪਾਇਆ ਜਾਂਦਾ ਹੈ। ਕਰਮਚਾਰੀ ਆਪਣੀ ਮੂਲ ਤਨਖਾਹ ਦਾ 12 ਫੀਸਦੀ ਇਸ ਵਿੱਚ ਨਿਵੇਸ਼ ਕਰਦਾ ਹੈ। ਰੁਜ਼ਗਾਰਦਾਤਾ ਵੀ ਉਸੇ ਰਕਮ ਦਾ ਯੋਗਦਾਨ ਪਾਉਂਦਾ ਹੈ। ਸੇਵਾਮੁਕਤੀ ਤੋਂ ਬਾਅਦ ਇਸ ਦਾ ਇਕ ਹਿੱਸਾ ਮੁਲਾਜ਼ਮ ਨੂੰ ਇੱਕੋ ਟਾਈਮ ਤੇ ਦੂਜਾ ਹਿੱਸਾ ਪੈਨਸ਼ਨ ਵਜੋਂ ਦਿੱਤਾ ਜਾਂਦਾ ਹੈ।EPFO ਸਕੀਮ ਵਿੱਚ ਸਰਕਾਰ ਵੱਲੋਂ ਵਿਆਜ ਦਿੱਤਾ ਜਾਂਦਾ ਹੈ। ਫਿਲਹਾਲ EPFO 8.25 ਫੀਸਦੀ ਵਿਆਜ ਦੀ ਪੇਸ਼ਕਸ਼ ਕਰਦਾ ਹੈ। ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (EPFO) ਸਾਲਾਨਾ ਵਿਆਜ ਦਾ ਭੁਗਤਾਨ ਕਰਦਾ ਹੈ। ਵਿਆਜ ਦੀ ਰਕਮ EPF ਖਾਤੇ ਵਿੱਚ ਜਮ੍ਹਾ ਕੀਤੀ ਜਾਂਦੀ ਹੈ। ਈਪੀਐਫਓ ਦੇ ਮੈਂਬਰ ਲੰਬੇ ਸਮੇਂ ਤੋਂ ਵਿਆਜ ਦੀ ਰਕਮ ਦਾ ਇੰਤਜ਼ਾਰ ਕਰ ਰਹੇ ਸਨ। ਹੁਣ ਇਹ ਉਡੀਕ ਖਤਮ ਹੋ ਗਈ ਹੈ। ਦਰਅਸਲ ਈਪੀਐਫ ਨੇ ਵਿਆਜ ਦੀ ਰਕਮ ਜਮ੍ਹਾ ਕਰ ਦਿੱਤੀ ਹੈ।
ਅਸੀਂ ਤੁਹਾਨੂੰ ਕੁਝ ਆਸਾਨ ਤਰੀਕੇ ਦੱਸਾਂਗੇ ਜਿਨ੍ਹਾਂ ਰਾਹੀਂ ਤੁਸੀਂ ਪੀਐੱਫ ਖਾਤੇ ਦਾ ਬੈਲੇਂਸ ਚੈੱਕ ਕਰ ਸਕਦੇ ਹੋ..
UMANG App
ਆਪਣੇ ਸਮਾਰਟਫੋਨ ਵਿੱਚ UMANG ਐਪ ਇੰਸਟਾਲ ਕਰੋ। ਹੁਣ ਯੂਜ਼ਰ ਆਈਡੀ ਤੇ ਪਾਸਵਰਡ ਦੀ ਮਦਦ ਨਾਲ ਲੌਗਇਨ ਕਰੋ। ਇਸ ਤੋਂ ਬਾਅਦ ‘ਵਿਊ ਪਾਸਬੁੱਕ’ ਦਾ ਆਪਸ਼ਨ ਚੁਣੋ। ਹੁਣ ਤੁਹਾਡੇ ਪੀਐਫ ਖਾਤੇ ਦਾ ਬੈਲੇਂਸ ਸਕਰੀਨ ‘ਤੇ ਦਿਖਾਈ ਦੇਵੇਗਾ। ਇੱਥੇ ਤੁਸੀਂ ਜਮ੍ਹਾਂ ਰਕਮ ਅਤੇ ਮਿਤੀ ਦੇਖ ਸਕਦੇ ਹੋ।
EPFO ਪੋਰਟਲ
EPFO ਦੇ ਅਧਿਕਾਰਤ ਪੋਰਟਲ ‘ਤੇ ਜਾਓ। ਇੱਥੇ ਜਾਓ ਅਤੇ Employees ਸੈਕਸ਼ਨ ਚੁਣੋ। ਇਸ ਤੋਂ ਬਾਅਦ ਤੁਹਾਨੂੰ UAN ਨੰਬਰ ਤੇ ਪਾਸਵਰਡ ਦੀ ਮਦਦ ਨਾਲ ਲੌਗਇਨ ਕਰਨਾ ਹੋਵੇਗਾ। ਲੌਗਇਨ ਕਰਨ ਤੋਂ ਬਾਅਦ ਤੁਹਾਨੂੰ ‘ਮੈਂਬਰ ਪਾਸਬੁੱਕ’ ਦਾ ਆਪਸ਼ਨ ਚੁਣਨਾ ਹੋਵੇਗਾ। ਖਾਤਾ ਪਾਸਬੁੱਕ ਦੇਖਣ ਲਈ ਤੁਹਾਨੂੰ ਦੁਬਾਰਾ UAN ਨੰਬਰ ਤੇ ਪਾਸਵਰਡ ਦਾਖਲ ਕਰਨਾ ਹੋਵੇਗਾ। ਇਸ ਤੋਂ ਬਾਅਦ ਸਕਰੀਨ ‘ਤੇ ਮੈਂਬਰ ਪਾਸਬੁੱਕ ਦਿਖਾਈ ਦੇਵੇਗੀ।
ਮਿਸਡ ਕਾਲ
EPFO ਨੇ ਮਿਸਡ ਕਾਲ ਰਾਹੀਂ ਬੈਲੇਂਸ ਚੈੱਕ ਕਰਨ ਦੀ ਸਹੂਲਤ ਵੀ ਪ੍ਰਦਾਨ ਕੀਤੀ ਹੈ। ਬੈਲੇਂਸ ਚੈੱਕ ਕਰਨ ਲਈ, ਤੁਹਾਨੂੰ UAN ਰਜਿਸਟਰਡ ਮੋਬਾਈਲ ਨੰਬਰ ਤੋਂ 9966044425 ‘ਤੇ ਮਿਸ ਕਾਲ ਕਰਨੀ ਪਵੇਗੀ। ਹੁਣ ਮੋਬਾਈਲ ਨੰਬਰ ‘ਤੇ ਇਕ ਮੈਸੇਜ ਆਵੇਗਾ ਜਿਸ ‘ਚ ਖਾਤੇ ਦੇ ਬੈਲੇਂਸ ਦੀ ਜਾਣਕਾਰੀ ਦਿੱਤੀ ਜਾਵੇਗੀ।
ਮੈਸੇਜ
EPFO ਮੈਂਬਰ ਮੈਸੇਜ ਰਾਹੀਂ ਵੀ ਨਵੀ ਦਰਾਂ ਦੀ ਜਾਂਚ ਕਰ ਸਕਦੇ ਹਨ। ਇਸ ਦੇ ਲਈ ਉਨ੍ਹਾਂ ਨੂੰ ‘UAN EPFOHO ENG’ ਲਿਖ ਕੇ 7738299899 ‘ਤੇ ਮੈਸੇਜ ਕਰਨਾ ਹੋਵੇਗਾ। ਮੈਸੇਜ ਭੇਜਣ ਤੋਂ ਬਾਅਦ ਉਨ੍ਹਾਂ ਨੂੰ ਜਵਾਬ ਵਿੱਚ ਪੀਐਫ ਖਾਤੇ ਦਾ ਬੈਲੇਂਸ ਪਤਾ ਲੱਗ ਜਾਵੇਗਾ।
