ਨਵੀਂ ਦਿੱਲੀ, 7 ਨਵੰਬਰ – ਅੱਜ ਦੇ ਦਿਨ ਬੀਤੇ ਮਹੀਨੇ 6 ਅਕਤੂਬਰ ਨੂੰ ਸਲਮਾਨ ਖਾਨ ਦਾ ਰਿਐਲਟੀ ਸ਼ੋਅ ਬਿੱਗ ਬੌਸ ਸੀਜ਼ਨ 18 ਸ਼ੁਰੂ ਹੋਇਆ ਸੀ। ਇਸ ਆਧਾਰ ‘ਤੇ ਹੁਣ ਬਿੱਗ ਬੌਸ ਦਾ ਇਹ ਨਵਾਂ ਸੀਜ਼ਨ 1 ਮਹੀਨਾ ਪੂਰਾ ਕਰ ਚੁੱਕਾ ਹੈ। ਇਸ ਦੌਰਾਨ ਬਿੱਗ ਬੌਸ ਦੇ ਘਰ ‘ਚ ਕਈ ਉਤਰਾਅ-ਚੜ੍ਹਾਅ ਦੇਖਣ ਨੂੰ ਮਿਲੇ ਹਨ। ਇਸ ਤੋਂ ਇਲਾਵਾ ਕਈ ਕੰਟੈਸਟੈਂਟਸ ਇਸ ਸ਼ੋਅ ਨੂੰ ਅਲਵਿਦਾ ਵੀ ਕਹਿ ਗਏ ਹਨ।ਇਸ ਵਿਚਕਾਰ ਬਿੱਗ ਬੌਸ 18 ਦੇ 4 ਕੰਟੈਸਟੈਂਟਸ ‘ਤੇ ਨੋਮੀਨੇਸ਼ਨ ਦੀ ਤਲਵਾਰ ਲਟਕ ਗਈ ਹੈ। ਜਿਨ੍ਹਾਂ ‘ਚੋਂ ਕੋਈ ਇਕ ਅਪਕਮਿੰਗ ਵੀਕੈਂਡ ‘ਤੇ ਟਾਟਾ-ਬਾਏ ਕਹਿ ਸਕਦਾ ਹੈ। ਉਹ ਇਨ੍ਹਾਂ 4 ਨੋਮੀਨੇਸ਼ਨ ਮੈਂਬਰਾਂ ਬਾਰੇ ਜਾਣਦੇ ਹਾਂ।
ਇਹ 4 ਮੈਂਬਰ ਹੋਏ Nominate
ਇਸ ਹਫ਼ਤੇ ਬਿੱਗ ਬੌਸ 18 ਦੇ ਜੋ 4 ਮੈਂਬਰ Nominate ਹੋਏ ਹਨ, ਉਨ੍ਹਾਂ ਦੇ ਨਾਂ ਪਤਾ ਲੱਗਣ ‘ਤੇ ਤੁਹਾਨੂੰ ਹੈਰਾਨੀ ਹੋਵੇਗੀ। ਇਨ੍ਹਾਂ ‘ਚ ਚਾਹਤ ਪਾਂਡੇ, ਸਾਰਾ ਅਰਫਿਨ ਖਾਨ ਤੇ ਉਸ ਦੇ ਪਤੀ ਤੋਂ ਇਲਾਵਾ ਰਾਜਨੇਤਾ ਤਜਿੰਦਰ ਸਿੰਘ ਬੱਗਾ ਦਾ ਨਾਂ ਸ਼ਾਮਲ ਹੈ। ਬਿਗ ਬੌਸ ਦੇ ਇਨ੍ਹਾਂ 4 ਮੈਂਬਰਾਂ ‘ਤੇ ਇਸ ਵਾਰ ਐਲੀਮੇਸ਼ਨ ਦਾ ਖ਼ਤਰਾ ਮੰਡਰਾ ਰਿਹਾ ਹੈ। ਚਾਹਤ ਪਾਂਡੇ, ਤਜਿੰਦਰ ਬੱਗਾ, ਸਾਰਾ ਅਰਫੀਨ ਖਾਨ, ਅਰਫੀਨ ਖਾਨ। ਇਸ ਸੂਚੀ ‘ਚ ਟੀਵੀ ਅਦਾਕਾਰਾ ਚਾਹਤ ਪਾਂਡੇ ਦਾ ਨਾਂ ਥੋੜ੍ਹਾ ਸਰਪ੍ਰਾਇਜ਼ ਹੈ, ਕਿਉਂਕਿ ਹੁਣ ਤਕ ਵਿਵਿਅਨ ਡੇਸਨ ਤੇ ਰਜਤ ਦਲਾਲ ਤੋਂ ਇਲਾਵਾ ਜੇ ਕੋਈ ਮੈਂਬਰ ਬਿੱਗ ਬੌਸ 18 ‘ਚ ਜਾਨ ਫੂਕਣ ਦਾ ਕੰਮ ਕਰ ਰਿਹਾ ਹੈ ਤਾਂ ਉਹ ਕੋਈ ਹੋਰ ਨਹੀਂ ਚਾਹਤ ਪਾਂਡੇ ਹੈ। ਇਹ ਹੀ ਨਹੀਂ ਦਰਸ਼ਕ ਵੀ ਉਸ ਦੀ ਖੇਡ ਨੂੰ ਕਾਫ਼ੀ ਪਸੰਦ ਕਰ ਰਹੇ ਹਨ। ਉਮੀਦ ਹੈ ਕਿ ਚਾਹਤ ਇਸ ਵਾਰ ਸੇਫ ਹੋ ਜਾਵੇ ਤੇ ਬਾਕੀ ਤਿੰਨਾਂ ‘ਚੋਂ ਕੋਈ ਇਕ ਬਾਹਰ ਹੋ ਜਾਵੇਗਾ। ਹਾਲਾਂਕਿ ਆਉਣ ਵਾਲੇ ਵੀਕੈਂਡ ਦੇ ਵਾਰ ‘ਚ ਸ਼ੋਅ ਦੇ ਹੋਸਟ ਸਲਮਾਨ ਖਾਨ ਇਸ ਗੱਲ ਦਾ ਪਲਾਨ ਕਰਨਗੇ ਕਿ ਬਿੱਗ ਬੌਸ 18 ‘ਚ ਇਨ੍ਹਾਂ 4 ‘ਚੋਂ ਕਿਹੜੇ ਮੈਂਬਰ ਦਾ ਸਫ਼ਰ ਖ਼ਤਮ ਹੋ ਜਾਵੇਗਾ। ਦੱਸ ਦਈਏ ਕਿ ਹਾਲ ‘ਚ ਸ਼ਹਿਜ਼ਾਦਾ ਧਾਮੀ ਬਿੱਗ ਬੌਸ ਦੇ ਘਰ ‘ਚੋਂ ਬੇਘਰ ਹੋਇਆ ਹੈ।
ਵੀਕੈਂਡ ਦੇ ਵਾਰ ‘ਚ ਆਏਗਾ ਨਵਾਂ ਮਹਿਮਾਨ
ਦੀਵਾਲੀ ਤਿਉਹਾਰਾਂ ਦੇ ਸੀਜ਼ਨ ਦੇ ਆਧਾਰ ‘ਤੇ ਬਿੱਗ ਬੌਸ ਮੰਚ ‘ਤੇ ਅਜੇ ਦੇਵਗਨ ਤੇ ਅਰਸ਼ਦ ਵਾਸੀ ਵਰਗੇ ਕਈ ਕਲਾਕਾਰ ਮਹਿਮਾਨ ਵਜੋਂ ਨਜ਼ਰ ਆਏ ਸਨ। ਇਹ ਸਿਲਸਿਲਾ ਆਉਣ ਵਾਲੇ ਸਮੇਂ ‘ਚ ਵੀ ਜਾਰੀ ਰਹੇਗਾ ਤੇ ਅਪਕਮਿੰਗ ਵੀਕੈਂਡ ਦਾ ਵਾਰ ਹਿੰਦੀ ਸਿਨੇਮਾ ਦੇ ਦਿੱਗਜ ਫ਼ਿਲਮ ਮੇਕਰ ਏਕਤਾ ਕਪੂਰ ਤੇ ਰੋਹਿਤ ਸ਼ੈੱਟੀ ਸਲਮਾਨ ਨਾਲ ਨਜ਼ਰ ਆਉਣਗੇ। ਇਸ ਖ਼ਾਸ ਮਹਿਮਾਨ ਨਾਲ ਸਲਮਾਨ ਖਾਨ ਸ਼ੋਅ ਨੂੰ ਹੋਸਟ ਕਰਨਗੇ।
