ਮੈਟਾ-ਮਾਲਕੀਅਤ ਵਾਲਾ WhatsApp ਅਕਸਰ ਆਪਣੇ ਉਪਭੋਗਤਾਵਾਂ ਦੇ ਉਪਯੋਗ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ ਨਵੇ ਫੀਚਰਜ਼ ਨੂੰ ਰੋਲ ਆਊਟ ਕਰਦਾ ਹੈ। ਹੁਣ Webtainfo ‘ਤੇ ਇੱਕ ਨਵੇ ਫੀਚਰ ਦੇ ਰੋਲਆਊਟ ਬਾਰੇ ਵੇਰਵੇ ਸਾਹਮਣੇ ਆਏ ਹਨ। ਰਿਪੋਰਟ ਮੁਤਾਬਕ ਵ੍ਹਟਸਐਪ ਅਜਿਹਾ ਫੀਚਰ ਲਿਆਉਣ ਜਾ ਰਿਹਾ ਹੈ, ਜਿਸ ਨਾਲ ਯੂਜ਼ਰਜ਼ ਦੀ ਸਟੋਰੇਜ ਦੀ ਸਮੱਸਿਆ ਕਾਫੀ ਹੱਦ ਤੱਕ ਦੂਰ ਹੋ ਜਾਵੇਗੀ। ਆਓ ਜਾਣਦੇ ਹਾਂ ਇਸ ਫੀਚਰ ਬਾਰੇ। ਜਿਸ ਫੀਚਰ ‘ਤੇ ਇਨ੍ਹੀਂ ਦਿਨੀਂ ਕੰਮ ਕੀਤਾ ਜਾ ਰਿਹਾ ਹੈ, ਉਸ ਨੂੰ ਬੀਟਾ ਟੈਸਟਰਾਂ ਲਈ ਐਂਡ੍ਰਾਇਡ ਵਰਜ਼ਨ 2.24.6.16 ਦੇ ਨਾਲ ਉਪਲੱਬਧ ਕਰਾਇਆ ਗਿਆ ਹੈ। ਜੋ ਫੀਚਰ ਪੇਸ਼ ਹੋਣ ਜਾ ਰਿਹਾ ਹੈ, ਉਸ ਦਾ ਨਾਂ ਚੈਟ ਫਿਲਟਰਿੰਗ ਫੀਚਰ ਹੈ। ਇਸ ਫੀਚਰ ਦੇ ਆਉਣ ਤੋਂ ਬਾਅਦ ਯੂਜ਼ਰਜ਼ ਲਈ ਆਪਣੀ ਚੈਟ ਲੋਕੇਟ ਕਰਨ ’ਚ ਆਸਾਨੀ ਹੋਵੇਗੀ। ਇਸ ‘ਚ ਉਹ ਚੈਟ ਫਿਲਟਰ ਲਗਾ ਕੇ ਚੈਟਸ ਨੂੰ ਸਰਚ ਕਰ ਸਕੇਗਾ ਅਤੇ ਸਟੋਰੇਜ ਦਾ ਪ੍ਰਬੰਧਨ ਕਰ ਸਕੇਗਾ।
ਇਸ ਫੀਚਰ ‘ਚ ਤਿੰਨ ਚੈਟ ਫਿਲਟਰ ਉਪਲਬਧ ਹੋਣਗੇ, ਜੋ ਆਲ, ਅਨਰੀਡ ਅਤੇ ਗਰੁੱਪ ਹੋਣਗੇ। ਇਨ੍ਹਾਂ ਰਾਹੀਂ ਤੁਸੀਂ ਚੈਟਸ ਨੂੰ ਛੋਟਾ ਕਰ ਸਕੋਗੇ। ਇਸ ਤੋਂ ਇਲਾਵਾ, ਵ੍ਹਟਸਐਪ ਦੇ ਅੰਦਰ ਇਹ ਫੀਚਰ ਉਪਭੋਗਤਾਵਾਂ ਦੀ ਗੱਲਬਾਤ ਨੂੰ ਵਧਾਉਣ ਦੇ ਹੋਰ ਤਰੀਕਿਆਂ ਦੀ ਖੋਜ ਕਰ ਰਿਹਾ ਹੈ। ਇਹ ਫੀਚਰ ਐਂਡ੍ਰਾਇਡ 2.24.10.8 ਅਪਡੇਟ ਦੇ ਨਾਲ ਉਪਲੱਬਧ ਹੈ। WebBeta ਦੇ ਮੁਤਾਬਕ, WhatsApp ਸਟੋਰੇਜ ਨੂੰ ਮੈਨੇਜ ਕਰਨ ਲਈ ਇੱਕ ਚੈਟ ਫਿਲਟਰਿੰਗ ਫੀਚਰ ਪੇਸ਼ ਕਰ ਰਿਹਾ ਹੈ।ਸਟੋਰੇਜ ਦਾ ਪ੍ਰਬੰਧਨ ਕਰਨ ਲਈ ਚੈਟ ਫਿਲਟਰਿੰਗ ਫੀਚਰ ਬੀਟਾ ਟੈਸਟਰਾਂ ਲਈ ਉਪਲਬਧ ਕਰਵਾਈ ਗਈ ਹੈ। ਤੁਸੀਂ ਇਸਨੂੰ ਗੂਗਲ ਪਲੇ ਸਟੋਰ ਤੋਂ ਇੰਸਟਾਲ ਕਰ ਸਕਦੇ ਹੋ। ਹਾਲਾਂਕਿ ਆਉਣ ਵਾਲੇ ਦਿਨਾਂ ‘ਚ ਇਹ ਫੀਚਰ ਸਾਰੇ ਯੂਜ਼ਰਜ਼ ਲਈ ਰੋਲਆਊਟ ਕੀਤਾ ਜਾ ਸਕਦਾ ਹੈ।
