Lenovo ਨੇ ਅਧਿਕਾਰਤ ਤੌਰ ‘ਤੇ ਆਪਣੇ ਆਉਣ ਵਾਲੇ Tab M11 ਦੇ ਲਾਂਚ ਦੀ ਪੁਸ਼ਟੀ ਕੀਤੀ ਹੈ। ਇਸ ਟੈਬ ਨੂੰ ਭਾਰਤ ‘ਚ 26 ਮਾਰਚ ਨੂੰ ਲਾਂਚ ਕੀਤਾ ਜਾਵੇਗਾ। ਇਸ ਦੇ ਲਈ ਐਮਾਜ਼ੋਨ ‘ਤੇ ਮਾਈਕ੍ਰੋਸਾਈਟ ਵੀ ਲਾਈਵ ਹੋ ਗਈ ਹੈ ਜਿਸ ‘ਚ ਆਉਣ ਵਾਲੇ ਟੈਬ ਦੇ ਕਈ ਸਪੈਕਸ ਬਾਰੇ ਜਾਣਕਾਰੀ ਮਿਲਦੀ ਹੈ। ਇਸ ਦੀ ਵਿਕਰੀ ਵੀ 26 ਮਾਰਚ ਨੂੰ ਸਵੇਰੇ 11 ਵਜੇ ਤੋਂ ਸ਼ੁਰੂ ਹੋਵੇਗੀ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਟੈਬ ਨੂੰ CES 2024 ਵਿੱਚ ਪੇਸ਼ ਕੀਤਾ ਗਿਆ ਸੀ।ਇਸ ਟੈਬਲੇਟ ਨੂੰ 26 ਮਾਰਚ ਨੂੰ ਲਾਂਚ ਕੀਤਾ ਜਾਵੇਗਾ। ਐਮਾਜ਼ੋਨ ਮਾਈਕ੍ਰੋਸਾਈਟ ਲਾਈਵ ਤੋਂ ਪਤਾ ਚੱਲਦਾ ਹੈ ਕਿ ਇਹ ਐਮਾਜ਼ਾਨ ‘ਤੇ ਵਿਕਰੀ ਲਈ ਉਪਲਬਧ ਹੋਵੇਗਾ। ਇਸ ਟੈਬ ਨੂੰ ਭਾਰਤ ‘ਚ 4GB ਰੈਮ 64GB ਅਤੇ 8GB ਰੈਮ 128GB ਸਟੋਰੇਜ ਵਿਕਲਪਾਂ ਨਾਲ ਲਿਆਂਦਾ ਜਾ ਸਕਦਾ ਹੈ। ਫਿਲਹਾਲ ਇਸ ਦੀਆਂ ਕੀਮਤਾਂ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਹਾਲਾਂਕਿ, ਰਿਪੋਰਟ ਅਨੁਸਾਰ ਇਸਨੂੰ $179 (ਲਗਪਗ 14,963 ਰੁਪਏ) ‘ਚ ਲਾਂਚ ਕੀਤਾ ਜਾ ਸਕਦਾ ਹੈ।
Lenovo Tab M11 ‘ਚ 90Hz ਰਿਫਰੈਸ਼ ਰੇਟ ਨੂੰ ਸਪੋਰਟ ਕਰਨ ਵਾਲੀ 11 ਇੰਚ ਦੀ IPS LCD ਡਿਸਪਲੇਅ ਹੋਵੇਗੀ, ਜਿਸ ਦਾ ਰੈਜ਼ੋਲਿਊਸ਼ਨ 1920 x 1200 ਪਿਕਸਲ ਹੋਵੇਗਾ। ਇਸ ‘ਚ MediaTek Heilo G88 ਚਿਪਸੈੱਟ ਪਰਫਰਮੈਂਸ ਲਈ ਦਿੱਤਾ ਗਿਆ ਹੈ। ਇਸ ਨੂੰ 8GB ਰੈਮ ਅਤੇ 128GB ਸਟੋਰੇਜ ਨਾਲ ਜੋੜਿਆ ਜਾਵੇਗਾ। ਇਹ ਟੈਬ ਐਂਡਰਾਇਡ 13 ‘ਤੇ ਚੱਲਦਾ ਹੈ। ਪਰ ਕੰਪਨੀ ਨੇ ਐਂਡ੍ਰਾਇਡ 14 ਅਤੇ 15 ਡਿਲੀਵਰ ਕਰਨ ਦਾ ਵਾਅਦਾ ਕੀਤਾ ਹੈ। 15 ਵਾਟ ਚਾਰਜਿੰਗ ਨੂੰ ਸਪੋਰਟ ਕਰਨ ਵਾਲੀ 7,040mAh ਦੀ ਬੈਟਰੀ ਦਿੱਤੀ ਗਈ ਹੈ। ਬੈਕ ਪੈਨਲ ‘ਤੇ 13MP 8MP ਡਿਊਲ ਕੈਮਰਾ ਸੈੱਟਅਪ ਦੇਖਿਆ ਜਾ ਸਕਦਾ ਹੈ ਜਦਕਿ ਸੈਲਫੀ ਲਈ 8-ਮੈਗਾਪਿਕਸਲ ਦਾ ਸੈਂਸਰ ਉਪਲਬਧ ਹੋਵੇਗਾ। ਕੁਨੈਕਟੀਵਿਟੀ ਵਿਕਲਪਾਂ ਦੇ ਰੂਪ ‘ਚ ਇਸ ਵਿਚ Wi-Fi 802.11ac, ਬਲੂਟੁੱਥ 5.1 ਅਤੇ USB-C ਹੈ। ਪੋਰਟ ਮਿਲੇਗਾ। ਇਸ ਤੋਂ ਇਲਾਵਾ ਇਸ ‘ਚ Dolby Atmos ਅਤੇ 3.5mm ਆਡੀਓ ਜੈਕ ਦੇ ਨਾਲ ਡਿਊਲ ਸਪੀਕਰ ਸਪੋਰਟ ਹੋਵੇਗਾ।
