ਕੰਪਨੀ ਨੇ Galaxy S24 ਸੀਰੀਜ਼ ਨੂੰ 79,999 ਰੁਪਏ ਦੀ ਸ਼ੁਰੂਆਤੀ ਕੀਮਤ ‘ਤੇ ਪੇਸ਼ ਕੀਤਾ ਹੈ। Galaxy S24 ਦਾ 8GB ਰੈਮ ਅਤੇ 256GB ਸਟੋਰੇਜ ਵੇਰੀਐਂਟ ਇਸ ਕੀਮਤ ‘ਤੇ ਖਰੀਦਿਆ ਜਾ ਸਕਦਾ ਹੈ। ਇਸ ਸੀਰੀਜ਼ ਦੇ ਟਾਪ ਮਾਡਲ ਦੀ ਕੀਮਤ 1,59,999 ਰੁਪਏ ਰੱਖੀ ਗਈ ਹੈ। ਇਸ ਕੀਮਤ ‘ਤੇ ਅਲਟਰਾ ਮਾਡਲ ਦਾ 12GB ਰੈਮ ਤੇ 1TB ਸਟੋਰੇਜ ਵੇਰੀਐਂਟ ਉਪਲਬਧ ਹੈ। ਹਾਲਾਂਕਿ ਪ੍ਰੀ-ਬੁਕਿੰਗ ਦੇ ਨਾਲ ਫੋਨ ਦੀ ਇਸ ਕੀਮਤ ਨੂੰ ਘੱਟ ਕਰਨ ਦਾ ਮੌਕਾ ਹੈ। Galaxy S24 Ultra ਤੇ Galaxy S24+ ਦੀ ਪ੍ਰੀ-ਬੁਕਿੰਗ ‘ਤੇ 22,000 ਰੁਪਏ ਤੱਕ ਦੇ ਫਾਇਦੇ ਉਪਲਬਧ ਹਨ। Galaxy S24 ਦੀ ਪ੍ਰੀ-ਬੁਕਿੰਗ ‘ਤੇ 15,000 ਰੁਪਏ ਦਾ ਫਾਇਦਾ ਮਿਲਦਾ ਹੈ। ਕਦੋਂ ਤੇ ਕਿਵੇਂ ਕਰਨਾ ਹੈ Galaxy S24 ਸੀਰੀਜ਼ ਦੀ ਪ੍ਰੀ-ਬੁਕਿੰਗ ਭਾਰਤੀ ਗਾਹਕ Galaxy S24 ਸੀਰੀਜ਼ ਦੀ ਪ੍ਰੀ-ਬੁਕਿੰਗ ਅੱਜ ਯਾਨੀ 18 ਜਨਵਰੀ ਨੂੰ ਦੁਪਹਿਰ 12 ਵਜੇ ਤੋਂ ਕਰ ਸਕਦੇ ਹਨ। Galaxy S24 ਸੀਰੀਜ਼ ਦੀ ਪ੍ਰੀ-ਬੁਕਿੰਗ https://www.samsung.com/in/live-offers/ ‘ਤੇ ਕੀਤੀ ਜਾ ਸਕਦੀ ਹੈ। ਇਸ ਦੇ ਨਾਲ ਹੀ ਕੰਪਨੀ ਗਾਹਕਾਂ ਨੂੰ 4999 ਰੁਪਏ ਦਾ ਇੱਕ ਵਾਇਰਲੈੱਸ ਚਾਰਜਰ ਵੀ ਵਿਸ਼ੇਸ਼ ਤੋਹਫੇ ਵਜੋਂ ਦੇ ਰਹੀ ਹੈ। ਇਸ ਤੋਂ ਇਲਾਵਾ ਸੈਮਸੰਗ ਗਲੈਕਸੀ S24 ਸੀਰੀਜ਼ ਦੀ ਪ੍ਰੀ-ਬੁਕਿੰਗ ਆਫਲਾਈਨ ਰਿਟੇਲ ਆਊਟਲੈਟਸ ਤੋਂ ਵੀ ਕੀਤੀ ਜਾ ਸਕਦੀ ਹੈ। ਜੇਕਰ ਤੁਸੀਂ Galaxy S24 Ultra ਤੇ S24 Plus ਦੀ ਪ੍ਰੀ-ਬੁਕਿੰਗ ਕਰਦੇ ਹੋ ਤਾਂ ਤੁਹਾਨੂੰ 12,000 ਰੁਪਏ ਦਾ ਅੱਪਗ੍ਰੇਡ ਬੋਨਸ ਅਤੇ 10,000 ਰੁਪਏ ਦਾ ਸਟੋਰੇਜ ਅੱਪਗ੍ਰੇਡ ਮਿਲੇਗਾ। ਜੇਕਰ ਤੁਸੀਂ 256GB ਵੇਰੀਐਂਟ ਨੂੰ ਪ੍ਰੀ-ਬੁੱਕ ਕਰਦੇ ਹੋ, ਤਾਂ ਤੁਹਾਨੂੰ 512GB ਵੇਰੀਐਂਟ ਮਿਲੇਗਾ। ਜਾਂ ਗਾਹਕ 5,000 ਰੁਪਏ ਦੇ ਅਪਗ੍ਰੇਡ ਬੋਨਸ ਦੇ ਨਾਲ 5,000 ਰੁਪਏ ਦਾ HDFC ਕੈਸ਼ਬੈਕ ਪ੍ਰਾਪਤ ਕਰ ਸਕਦੇ ਹਨ। Galaxy S24 ਦੀ ਪ੍ਰੀ-ਬੁਕਿੰਗ ‘ਤੇ 15,000 ਰੁਪਏ ਦਾ ਅਪਗ੍ਰੇਡ ਬੋਨਸ ਹੈ। ਜਾਂ ਗਾਹਕ 8,000 ਰੁਪਏ ਦੇ ਅਪਗ੍ਰੇਡ ਬੋਨਸ ਦੇ ਨਾਲ 5,000 ਰੁਪਏ ਦਾ HDFC ਕੈਸ਼ਬੈਕ ਪ੍ਰਾਪਤ ਕਰ ਸਕਦੇ ਹਨ। ਸੈਮਸੰਗ ਫਾਈਨਾਂਸ ਦੇ ਨਾਲ ਗਾਹਕਾਂ ਨੂੰ 11 ਮਹੀਨਿਆਂ ਦੀ ਬਿਨਾਂ ਕਿਸੇ ਕੀਮਤ ਦੀ EMI ਸਹੂਲਤ ਵੀ ਦੇ ਰਿਹਾ ਹੈ।
