ਆਧਾਰ ਕਾਰਡ ਤੁਹਾਡੀ ਪਛਾਣ ਨਾਲ ਸਬੰਧਤ ਇੱਕ ਮਹੱਤਵਪੂਰਨ ਦਸਤਾਵੇਜ਼ ਹੈ। ਹਾਲਾਂਕਿ ਜੇਕਰ ਤੁਸੀਂ ਅਜੇ ਵੀ ਕਾਗਜ਼ ਵਾਲਾ ਆਧਾਰ ਕਾਰਡ ਲੈਮੀਨੇਟ ਕਰ ਵਰਤੋਂ ਕਰ ਰਹੇ ਹੋ ਤਾਂ ਇਹ ਜਾਣਕਾਰੀ ਤੁਹਾਡੇ ਲਈ ਲਾਭਦਾਇਕ ਹੋਵੇਗੀ।
ਕੀ ਤੁਸੀਂ ਜਾਣਦੇ ਹੋ ਕਿ ATM ਅਤੇ ਕ੍ਰੈਡਿਟ ਕਾਰਡ ਦੀ ਤਰ੍ਹਾਂ ਹੀ ਮਜ਼ਬੂਤਆਧਾਰ ਕਾਰਡ ਦੀ ਸਹੂਲਤ ਵੀ ਉਪਲਬਧ ਹੈ। ਜੀ ਹਾਂ, ਇਹ ਆਧਾਰ ਕਾਰਡ 50 ਰੁਪਏ ਦੀ ਮਾਮੂਲੀ ਫੀਸ ਨਾਲ ਤਿਆਰ ਕੀਤਾ ਜਾ ਸਕਦਾ ਹੈ।
ਦਰਅਸਲ, ਇੱਥੇ ਅਸੀਂ PVC ਯਾਨੀ ਪਾਲੀਵਿਨਾਇਲ ਕਲੋਰਾਈਡ ਕਾਰਡ ਦੀ ਗੱਲ ਕਰ ਰਹੇ ਹਾਂ। ਲੈਮੀਨੇਟਡ ਆਧਾਰ ਕਾਰਡਾਂ ਦੇ ਉਲਟ, ਪੀਵੀਸੀ ਆਧਾਰ ਕਾਰਡ ਨੂੰ ਹੋਰ ਕਾਰਡਾਂ ਦੇ ਨਾਲ ਬਟੂਏ ਅਤੇ ਜੇਬਾਂ ਵਿੱਚ ਲਿਜਾਇਆ ਅਤੇ ਵਰਤਿਆ ਜਾ ਸਕਦਾ ਹੈ।
ਪੀਵੀਸੀ ਆਧਾਰ ਕਾਰਡ ਲਈ ਆਨਲਾਈਨ ਅਪਲਾਈ ਕੀਤਾ ਜਾ ਸਕਦਾ ਹੈ। ਤੁਸੀਂ ਆਪਣੇ ਲੈਪਟਾਪ ਜਾਂ ਫ਼ੋਨ ਦੀ ਮਦਦ ਨਾਲ ਪੀਵੀਸੀ ਆਧਾਰ ਕਾਰਡ ਲਈ ਆਰਡਰ ਪਲੇਸ ਕਰ ਸਕਦੇ ਹੋ।
ਭੁਗਤਾਨ ਕਰਨ ਤੋਂ ਬਾਅਦ, ਇਹ ਆਧਾਰ ਕਾਰਡ ਸਪੀਡ ਪੋਸਟ ਰਾਹੀਂ ਤੁਹਾਡੇ ਪਤੇ ‘ਤੇ ਪਹੁੰਚਾਇਆ ਜਾਂਦਾ ਹੈ। ਇਸ ਪ੍ਰਕਿਰਿਆ ਵਿੱਚ 15 ਦਿਨ ਲੱਗਦੇ ਹਨ।
ਸਭ ਤੋਂ ਪਹਿਲਾਂ ਤੁਹਾਨੂੰ UIDAI ਦੀ ਵੈੱਬਸਾਈਟ (https://uidai.gov.in) ‘ਤੇ ਜਾਣਾ ਹੋਵੇਗਾ।
ਹੁਣ ‘My Aadhaar Section’ ਵਿੱਚ ਤੁਹਾਨੂੰ ‘Order Aadhaar PVC Card’ ‘ਤੇ ਕਲਿੱਕ ਕਰਨਾ ਹੋਵੇਗਾ।
ਇੱਥੇ 12 ਅੰਕਾਂ ਦਾ ਆਧਾਰ ਨੰਬਰ ਦੇਣਾ ਹੋਵੇਗਾ।
ਆਧਾਰ ਨੰਬਰ ਦਰਜ ਕਰਨ ਤੋਂ ਬਾਅਦ ਕੈਪਚਾ ਕੋਡ ਦਰਜ ਕਰਨਾ
ਹੁਣ ਤੁਹਾਨੂੰ Send OTP ‘ਤੇ ਕਲਿੱਕ ਕਰਨਾ ਹੋਵੇਗਾ।
ਤੁਹਾਨੂੰ ਰਜਿਸਟਰਡ ਮੋਬਾਈਲ ਨੰਬਰ ‘ਤੇ ਪ੍ਰਾਪਤ ਹੋਇਆ OTP ਦਰਜ ਕਰਨਾ ਹੋਵੇਗਾ ਅਤੇ ਸਬਮਿਟ ‘ਤੇ ਕਲਿੱਕ ਕਰਨਾ ਹੋਵੇਗਾ।
ਹੁਣ ਤੁਸੀਂ ਸਕਰੀਨ ‘ਤੇ PVC Card ਦੀ ਪ੍ਰੀਵਿਊ ਕਾਪੀ ਦੇਖ ਸਕਦੇ ਹੋ।
ਹੁਣ ਸਾਰੀ ਜਾਣਕਾਰੀ ਨੂੰ ਚੰਗੀ ਤਰ੍ਹਾਂ ਚੈੱਕ ਕਰਨਾ ਹੋਵੇਗਾ।
ਜੇਕਰ ਸਾਰੀ ਜਾਣਕਾਰੀ ਸਹੀ ਹੈ ਤਾਂ ਆਰਡਰ ਦੇਣਾ ਹੋਵੇਗਾ।
ਇਸ ਦੇ ਲਈ ਤੁਹਾਨੂੰ ਪੇਮੈਂਟ ਆਪਸ਼ਨ ਰਾਹੀਂ 50 ਰੁਪਏ ਦਾ ਭੁਗਤਾਨ ਕਰਨਾ ਹੋਵੇਗਾ।
ਜਿਵੇਂ ਹੀ ਭੁਗਤਾਨ ਕੀਤਾ ਜਾਂਦਾ ਹੈ, ਤੁਹਾਡਾ ਪੀਵੀਸੀ ਆਧਾਰ ਕਾਰਡ ਲਈ ਆਰਡਰ ਪਲੇਸ ਹੋ ਜਾਂਦਾ ਹੈ।
