ਸ਼ਹਿਰ ਵਿੱਚ ਸਾਡਾ ਕੋਈ ਵਾਕਿਫ਼ ਨਹੀਂ,
ਸਾਡਾ ਸੌਖਾ ਲੰਘਣਾ ਜੀਵਨ ਨਹੀਂ।
ਉਸ ਨੂੰ ਦੇਵੇ ਧੁੱਪ ਧਨਵਾਨਾਂ ਸਮਾਨ,
ਫਰਕ ਕਰਦਾ ਕਾਮੇ ਨਾ’ ਸੂਰਜ ਨਹੀਂ।
ਇਸ ਦੇ ਵਿੱਚ ਵੀ ਸੋਹਣਾ ਕੰਵਲ ਖਿੜ ਪਵੇ,
ਹੁੰਦਾ ਏਨਾ ਮਾੜਾ ਵੀ ਚਿੱਕੜ ਨਹੀਂ।
ਉਹ ਤਰੱਕੀ ਕਰ ਨਹੀਂ ਸਕਦਾ ਕਦੇ,
ਜਿਸ ਦਾ ਯਾਰੋ ਕੋਈ ਵੀ ਦੁਸ਼ਮਣ ਨਹੀਂ।
ਯਾਦ ਤੈਨੂੰ ਨਾ ਕਦੇ ਕੀਤਾ ਹੋਵੇ,
ਮੇਰਾ ਦਿਲ ਯਾਰਾ! ਏਨਾ ਪੱਥਰ ਨਹੀਂ।
ਬੈਠਾ ਬੈਠਾ ਪਹੁੰਚ ਜਾਵੇ ਦੂਰ ਤੱਕ,
ਯਾਰੋ, ਦਿਲ ਲਈ ਕੁੱਝ ਵੀ ਮੁਸ਼ਕਿਲ ਨਹੀਂ।
ਖਾ ਲਿਆ ਹੁੰਦਾ ਕਦੋਂ ਦਾ ਬਿਰਹਾ ਨੇ,
ਮੈਂ ਜੇ ਕੀਤਾ ਹੁੰਦਾ ਦਿਲ ਪੱਥਰ ਨਹੀਂ।
ਸ਼ਾਂਤ ਹੋਵੇ ਨਾ ਜੇ ਕਰ ਦਿਲ ਦੀ ਨਦੀ,
ਉਸ ਸਮੇਂ ਫੁਰਦੀ ਕੋਈ ਕਵਿਤਾ ਨਹੀਂ।
ਮਹਿੰਦਰ ਸਿੰਘ ਮਾਨ
ਸਲੋਹ ਰੋਡ
ਚੈਨਲਾਂ ਵਾਲੀ ਕੋਠੀ
ਨਵਾਂ ਸ਼ਹਿਰ-9915803554
