ਰਾਜ ਨਹੀਂ ਸੇਵਾ/ਬਲਤੇਜ ਸੰਧੂ

ਸਾਹਿਤ ਮੰਚ, ਕਾਵਿ ਜਗਤ, ਖ਼ਬਰਾਂ, ਮੁੱਖ ਖ਼ਬਰਾਂ
April 4, 2022

ਹੋ ਗਈ ਯਾਰੋ ਕਮਾਲ ਲੋਕੀਂ ਲੀਡਰਾਂ ਨੂੰ ਐਤਕੀਂ ਕਰਨ ਸੁਆਲ
ਕਈ ਨਵੇਂ ਚਿਹਰੇ ਜਿੱਤ ਗਏ ਕਈ ਦਿੱਗਜ ਹਾਰੀ ਜਾਂਦੇ ਆ।
ਹੋਈ ਸੱਤਰਾਂ ਸਾਲਾਂ ਬਾਅਦ ਸਫਾਈ
80,80 ਹਜ਼ਾਰ ਲੈਣ ਵਾਲੇ ਹੁਣ ਚੀਕਾਂ ਮਾਰੀ ਜਾਂਦੇ ਆ,,,

ਜਿਹੜੇ ਕਹਿੰਦੇ ਸੀ ਰਾਜ ਨਹੀਂ ਕਰਨੀ ਏ ਸੇਵਾ
ਰਹਿ ਗਈ ਕੱਲੀ ਲੱਸੀ ਲਾਹ ਕੇ ਲੈ ਗਏ ਮੇਵਾ
60 ਹਜ਼ਾਰ ਤੋਂ ਲੈ ਕੇ 6 ਲੱਖ ਵੀ ਸੀ ਕਈ ਲੈਂਦੇ
ਹੁਣ ਕਰਦੇ ਤਰਲੇ ਬਣੀ ਭਿਖਾਰੀ ਜਾਂਦੇ ਆ।
ਹੋਈ ਸੱਤਰਾਂ ਸਾਲਾਂ ਬਾਅਦ ਸਫਾਈ
80,80 ਹਜ਼ਾਰ ਲੈਣ ਵਾਲੇ ਹੁਣ ਚੀਕਾਂ ਮਾਰੀ ਜਾਂਦੇ ਆ,,

ਇੱਕ ਸੀ ਤੱਕੜੀ, ਝਾੜੂ ਤੇ ਚੋਣ ਨਿਸ਼ਾਨ ਕਾਂਗਰਸ ਦਾ ਪੰਜਾ
ਖਿੱਦੋ ਖੂੰਡੀ ਰੁੱਲਗੀ ਫੁੱਲ ਗੁਲਾਬ ਦਾ ਮਿੱਧਿਆ ਨਾਲੇ ਠੋਕਤਾ ਮੰਜਾ
ਸੀਤਾਫਲ,ਚੀਕੂ,ਬੱਕਰੀ ਚੋਣ ਵਾਲੇ ਦੀ ਲੋਕੀਂ ਨਕਲ ਉਤਾਰੀ ਜਾਂਦੇ ਆ।
ਹੋਈ ਸੱਤਰਾਂ ਸਾਲਾਂ ਬਾਅਦ ਸਫਾਈ
80,80 ਹਜ਼ਾਰ ਲੈਣ ਵਾਲੇ ਹੁਣ ਚੀਕਾਂ ਮਾਰੀ ਜਾਂਦੇ ਆ,,

ਕਈ ਰਲ ਮਿਲ ਚੇਲੇ ਚਪਟੇ ਭ੍ਰਿਸ਼ਟਾਚਾਰ ਨੇ ਕਰਦੇ
ਜੋ ਕਰਨ ਸਿਆਸਤ ਗੰਧਲੀ ਉਹੀ ਐਥੇਂ ਤਰਦੇ
ਜਿਸ ਨੂੰ ਜਿੱਦਾ ਮਿਲਿਆ ਮੌਕਾ ਉਵੇਂ ਛਿੱਲ ਉਤਾਰੀ ਜਾਂਦੇ ਆ।
ਹੋਈ ਸੱਤਰਾਂ ਸਾਲਾਂ ਬਾਅਦ ਸਫਾਈ
80,80 ਹਜ਼ਾਰ ਲੈਣ ਵਾਲੇ ਹੁਣ ਚੀਕਾਂ ਮਾਰੀ ਜਾਂਦੇ ਆ,,

ਪੰਜਾਬ ਤਿੰਨ ਲੱਖ ਕਰੋੜ ਦਾ ਕਰਜ਼ਾਈ ਕਰਤਾ
ਅੱਧਾ ਪ੍ਰਾਈਵੇਟ ਤੇ ਰਹਿੰਦਾ ਸੇਵਾਦਾਰਾਂ ਨੇ ਗਹਿਣੇ ਧਰਤਾ
ਕਹਿਣ ਭਾਸ਼ਣਾਂ ਵਿੱਚ ਪੰਜਾਬ ਨੇ ਕਰੀ ਤਰੱਕੀ
ਪੰਜ ਪੰਜ ਮਿੰਟ ਲਈ ਵੀ ਜਹਾਜਾਂ ਦੀ ਕਰੀ ਸਵਾਰੀ ਜਾਂਦੇ ਆ।
ਹੋਈ ਸੱਤਰਾਂ ਸਾਲਾਂ ਬਾਅਦ ਸਫਾਈ
80,80 ਹਜ਼ਾਰ ਲੈਣ ਵਾਲੇ ਹੁਣ ਚੀਕਾਂ ਮਾਰੀ ਜਾਂਦੇ ਆ,,

ਰੇਤੇ ਦੀਆਂ ਸੰਧੂਆਂ ਖਾ ਗਏ ਵੱਡੀਆ ਵੱਡੀਆ ਖੱਡਾਂ
ਜਿਸ ਹੱਥ ਪਾਵਰ ਕਹਿੰਦਾ ਕੁੱਝ ਨਾ ਹੁਣ ਮੈਂ ਛੱਡਾ
ਭਵਿੱਖ ਪੰਜਾਬ ਦੀ ਆਉਣ ਵਾਲੀ ਪੀੜ੍ਹੀ ਦਾ ਕਰਕੇ ਧੁੰਦਲਾ
ਆਪਣੇ ਧੀਆਂ ਪੁੱਤਾਂ ਦਾ ਭਵਿੱਖ ਸੁਆਰੀ ਜਾਂਦੇ ਆ।
ਬੁਰਜ ਵਾਲਿਆਂ ਹੋਈ ਸੱਤਰਾਂ ਸਾਲਾਂ ਬਾਅਦ ਸਫਾਈ
80,80 ਹਜ਼ਾਰ ਲੈਣ ਵਾਲੇ ਹੁਣ ਚੀਕਾਂ ਮਾਰੀ ਜਾਂਦੇ ਆ,,