ਨਵੀਂ ਦਿੱਲੀ, 10 ਮਾਰਚ – ਸੋਸ਼ਲ ਮੀਡੀਆ ਪਲੇਟਫਾਰਮ X (ਪਹਿਲਾਂ ਟਵਿੱਟਰ) ਦੀਆਂ ਸੇਵਾਵਾਂ ਸੋਮਵਾਰ ਨੂੰ ਅਮਰੀਕਾ ਤੇ ਯੂਕੇ ‘ਚ ਕੁਝ ਸਮੇਂ ਲਈ ਠੱਪ ਰਹੀਆਂ। ਇੰਟਰਨੈਟ ਸੇਵਾਵਾਂ ਦੇ ਆਉਟੇਜ ਨੂੰ ਟ੍ਰੈਕ ਕਰਨ ਵਾਲੀ ਵੈਬਸਾਈਟ Downdetector.com ਅਨੁਸਾਰ, X ਦੇ ਆਉਟੇਜ ਨੂੰ ਲੈ ਕੇ ਅਮਰੀਕਾ ‘ਚ 21,000 ਤੋਂ ਵੱਧ ਅਤੇ ਯੂਕੇ ‘ਚ 10,800 ਤੋਂ ਵੱਧ ਯੂਜ਼ਰਜ਼ ਨੇ ਰਿਪੋਰਟ ਕੀਤਾ ਹੈ। ਰਿਪੋਰਟਾਂ ਅਨੁਸਾਰ, ਯੂਜ਼ਰਜ਼ ਨੂੰ X ‘ਤੇ ਮੈਸੇਜ ਭੇਜਣ, ਟਵੀਟ ਪੋਸਟ ਕਰਨ ਤੇ ਟਾਈਮਲਾਈਨ ਰਿਫਰੈਸ਼ ਕਰਨ ਦੌਰਾਨ ਮੁਸ਼ਕਲਾਂ ਆ ਰਹੀਆਂ ਸਨ।
X ਵੱਲੋਂ ਕੋਈ ਅਧਿਕਾਰਤ ਪ੍ਰਤੀਕਿਰਿਆ ਨਹੀਂ
ਇਸ ਆਉਟੇਜ ਨੂੰ ਲੈ ਕੇ ਸੋਸ਼ਲ ਮੀਡੀਆ ਪਲੇਟਫਾਰਮ X ਵੱਲੋਂ ਕੋਈ ਵੀ ਅਧਿਕਾਰਤ ਬਿਆਨ ਨਹੀਂ ਆਇਆ ਹੈ। ਹਾਲਾਂਕਿ, Downdetector ਦੀ ਰਿਪੋਰਟ ਦੱਸਦੀ ਹੈ ਕਿ ਇਹ ਸਮੱਸਿਆ ਗਲੋਬਲ ਹੋ ਸਕਦੀ ਹੈ। ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ X ‘ਚ ਇਸ ਤਰ੍ਹਾਂ ਦਾ ਆਉਟੇਜ ਦੇਖਣ ਨੂੰ ਮਿਲਿਆ ਹੋਵੇ। ਇਸ ਤੋਂ ਪਹਿਲਾਂ ਵੀ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਤੇ ਤਕਨੀਕੀ ਖਾਮੀਆਂ ਕਾਰਨ ਯੂਜ਼ਰਜ਼ ਨੂੰ ਆਉਟੇਜ ਦਾ ਸਾਹਮਣਾ ਕਰਨਾ ਪਿਆ ਹੈ।
