ਕੀ ਇਹ ਹੋਮ ਲੋਨ ਲੈਣ ਦਾ ਸਭ ਤੋਂ ਸਹੀ ਸਮਾਂ ਹੈ?

ਆਰਬੀਆਈ ਨੇ ਆਪਣੀ ਫਰਵਰੀ ਦੀ ਐਮਪੀਸੀ ਮੀਟਿੰਗ ਵਿੱਚ ਰੈਪੋ ਰੇਟ ਨੂੰ 6.50 ਫੀਸਦੀ ਤੋਂ 25 ਬੀਪੀਐਸ ਘਟਾ ਕੇ 6.25 ਫੀਸਦੀ ਕਰ ਦਿੱਤਾ। ਬੇਸਿਕ ਹੋਮ ਲੋਨ ਦੇ ਕੋ-ਫਾਊਂਡਰ ਤੇ ਸੀਈਓ ਅਤੁਲ ਮੋਂਗਾ ਦਾ ਕਹਿਣਾ ਹੈ ਕਿ ਮੁਦਰਾ ਨੀਤੀ ਕਮੇਟੀ ਨੇ ਪੰਜ ਸਾਲਾਂ ਵਿੱਚ ਪਹਿਲੀ ਵਾਰ ਰੇਟ ਵਿੱਚ ਕਟੌਤੀ ਕੀਤੀ ਹੈ। ਇਸ ਆਧਾਰ ‘ਤੇ ਵਿੱਤੀ ਸੰਸਥਾਵਾਂ ਨੇ ਹੋਮ ਲੋਨ ਦੀ ਵਿਆਜ ਦਰ ਵੀ ਘਟਾਈ ਹੈ। ਇਹ ਉਨ੍ਹਾਂ ਲੋਕਾਂ ਲਈ ਵੱਡੀ ਰਾਹਤ ਹੈ, ਜੋ ਹੋਮ ਲੋਨ ਲੈਣਾ ਚਾਹੁੰਦੇ ਹਨ।

EMI ‘ਤੇ ਛੋਟੀ ਤੇ ਲਗਾਤਾਰ ਬੱਚਤ

ਅਤੁਲ ਮੋਂਗਾ ਅਨੁਸਾਰ ਆਰਬੀਆਈ ਦੇ ਫੈਸਲੇ ਨਾਲ ਹੋਮ ਲੋਨ ਲੈਣ ਵਾਲੇ ਉੁਪਭੋਗਤਾਵਾਂ ਨੂੰ ਫਾਇਦਾ ਹੋਇਆ ਹੈ। ਇਸ ਨਾਲ ਉਨ੍ਹਾਂ ਦੀ ਲੋਨ ਦੀ ਲਾਗਤ ਘੱਟ ਹੋ ਜਾਵੇਗੀ ਤੇ ਘਰ ਖਰੀਦਣਾ ਥੋੜ੍ਹਾ ਆਸਾਨ ਹੋ ਜਾਵੇਗਾ। ਵਿਆਜ ਦਰ ਘੱਟ ਹੋਣ ਨਾਲ ਉਨ੍ਹਾਂ ਦੀ EMI ਘੱਟ ਹੋਵੇਗੀ, ਇਸ ਤਰ੍ਹਾਂ ਘਰ ਖਰੀਦਣ ਵਾਲਿਆਂ ‘ਤੇ ਆਰਥਿਕ ਬੋਝ ਘੱਟ ਹੋਵੇਗਾ। ਆਓ ਇਸ ਦੀ ਕੈਲਕੁਲੇਸ਼ਨ ਸਮਝਦੇ ਹਾਂ। ਉਦਾਹਰਣ ਵਜੋਂ ਮੰਨ ਲਓ ਤੁਸੀਂ 30 ਸਾਲਾਂ ਲਈ 8.75 ਫੀਸਦੀ ਦਰ ਨਾਲ 30 ਲੱਖ ਰੁਪਏ ਦਾ ਲੋਨ ਲਿਆ ਹੈ। ਪਹਿਲਾਂ ਤੁਹਾਡੀ ਮਹੀਨਾ EMI ਲਗਪਗ 23,601 ਰੁਪਏ ਹੁੰਦੇ ਸੀ। ਹਾਲਾਂਕਿ ਹੁਣ ਵਿਆਜ ਦਰ ਵਿੱਚ ਬਦਲਾਅ ਕਾਰਨ ਉਸ ਦੀ EMI ਘੱਟ ਹੋ ਕੇ 23,067 ਰੁਪਏ ਹੋ ਜਾਵੇਗੀ।

ਇਸ ਤਰ੍ਹਾਂ ਕੁੱਲ 1,92,098 ਰੁਪਏ ਦੀ ਬੱਚਤ ਹੋਵੇਗੀ। ਜੇ ਤੁਸੀਂ ਪਿਛਲੀ ਰਕਮ ਵਾਲੀ ਰਾਸ਼ੀ ਦੇ ਬਰਾਬਰ EMI ਚੁਕਾਉਂਦੇ ਹਨ ਤਾਂ ਤੁਹਾਡਾ ਲੋਨ ਜਲਦੀ ਖ਼ਤਮ ਹੋ ਜਾਵੇਗਾ। ਅਜਿਹੀ ਸਥਿਤੀ ਵਿੱਚ ਇਹ ਉਨ੍ਹਾਂ ਲੋਕਾਂ ਲਈ ਹੋਮ ਲੋਨ ਦਾ ਸਹੀ ਸਮਾਂ ਹੈ ਜੋ ਉੱਚੀ ਵਿਆਜ ਦਰ ਤੇ ਪ੍ਰੋਪਟੀ ਦੀ ਆਸਾਨ ਜਾਇਦਾਦ ਦੀਆਂ ਕੀਮਤਾਂ ਕਾਰਨ ਘਰ ਖਰੀਦਣ ਤੋਂ ਝਿਜਕ ਰਹੇ ਸਨ। ਹੁਣ ਉਹ ਮੌਜੂਦਾ ਸਥਿਤੀ ਦਾ ਫਾਇਦਾ ਉਠਾ ਕੇ ਆਪਣੇ ਮਨਪਸੰਦ ਰਿਹਾਇਸ਼ੀ ਪ੍ਰੋਜੈਕਟ ਵਿੱਚ ਨਿਵੇਸ਼ ਕਰ ਸਕਦੇ ਹਨ। ਹਾਲਾਂਕਿ ਕੋਈ ਵੀ ਫੈਸਲਾ ਲੈਣ ਤੋਂ ਪਹਿਲਾਂ ਤੁਹਾਨੂੰ ਕਈ ਮਹੱਤਵਪੂਰਨ ਪਹਿਲੂਆਂ ਜਿਵੇਂ ਕਿ ਮਾਰਕੀਟ ਦਾ ਟ੍ਰੈਡ,ਪ੍ਰੋਪਟੀ ਦੀ ਲੋਕੇਸ਼ਨ ਤੇ ਤੁਹਾਡੀ ਆਪਣੀ ਵਿੱਤੀ ਸਥਿਰਤਾ ‘ਤੇ ਵਿਚਾਰ ਕਰਨਾ ਚਾਹੀਦਾ ਹੈ।

ਹੋਮ ਲੋਨ ਰੀਫਾਈਨੈਂਸ ਆਪਸ਼ਨ

ਕਈ ਵਾਰ ਹੋ ਸਕਦਾ ਹੈ ਕਿ ਹੋਮ ਲੋਨ ਲੈਣ ਵਾਲਿਆਂ ਨੂੰ ਲੱਗੇ ਕਿ ਉਨ੍ਹਾਂ ਦਾ ਮਹੀਨੇ ਦੀ EMI ਵਿੱਚ ਥੋੜ੍ਹੀ ਜਿਹੀ ਕਮੀ ਆਈ ਹੈ ਪਰ ਇਹ ਛੋਟੀ ਜਿਹੀ ਕਟੌਤੀ ਵੀ ਉਨ੍ਹਾਂ ਨੂੰ ਲੰਬੇ ਸਮੇਂ ਵਿੱਚ ਵੱਡੀ ਬੱਚਤ ਦਾ ਲਾਭ ਦੇਵੇਗੀ। ਜੇ ਤੁਹਾਡਾ ਕ੍ਰੈਡਿਟ ਸਕੋਰ ਚੰਗਾ ਹੈ ਤਾਂ ਤੁਸੀਂ ਹੋਰ ਵੀ ਵਧੀਆ ਵਿਆਜ ਦਰ ‘ਤੇ ਰੀਫਾਈਨੈਂਸ ਦਾ ਆਪਸ਼ਨ ਪ੍ਰਾਪਤ ਕਰ ਸਕਦੇ ਹੋ। ਬੈਂਕ ਤੇ ਵਿੱਤੀ ਸੰਸਥਾਵਾਂ ਨੂੰ ਵੀ ਘੱਟ ਰਿਸਕ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਲੋਨ ਦਿੰਦੀਆਂ ਹਨ।

ਹਾਊਸਿੰਗ ਸੈਕਟਰ ਦੀ ਵਧੇਗੀ ਰਫ਼ਤਾਰ

ਆਰਬੀਆਈ ਰਿਹਾਇਸ਼ ਨੂੰ ਵਧੇਰੇ ਪਹੁੰਚਯੋਗ ਬਣਾ ਕੇ ਆਰਥਿਕ ਵਿਕਾਸ ਨੂੰ ਹੁਲਾਰਾ ਦੇਣਾ ਚਾਹੁੰਦੇ ਹਨ। ਇਸ ਨਾਲ ਰਿਹਾਇਸ਼ੀ ਪ੍ਰੋਪਟੀ ਦੀ ਮੰਗ ਵਧੇਗੀ ਖਾਸ ਕਰਕੇ ਉਨ੍ਹਾਂ ਖੇਤਰਾਂ ਵਿੱਚ ਜਿੱਥੇ ਮੁੱਢਲੀਆਂ ਸਹੂਲਤਾਂ ਉਪਲਬਧ ਹਨ ਤੇ ਬਿਹਤਰ ਸਹੂਲਤਾਂ ਕਾਰਨ ਪ੍ਰੋਪਟੀ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਇਆ ਹੈ। ਅਜਿਹੀ ਸਥਿਤੀ ਵਿੱਚ ਘੱਟ ਵਿਆਜ ਦਰ ‘ਤੇ ਲੋਨ ਪ੍ਰਾਪਤ ਕਰਨ ਨਾਲ ਖਾਸ ਕਰਕੇ ਮਹਾਨਗਰਾਂ ਵਿੱਚ ਪ੍ਰੋਪਟੀ ਦੀਆਂ ਉੱਚੀਆਂ ਕੀਮਤਾਂ ਕਾਰਨ ਪੈਦਾ ਹੋਣ ਵਾਲਾ ਦਬਾਅ ਘੱਟ ਜਾਵੇਗਾ।

ਹੋਮ ਲੋਨ ‘ਤੇ ਲਾਭ

ਸਰਕਾਰ ਘਰ ਖਰੀਦਦਾਰਾਂ ਦੀ ਮਦਦ ਲਈ ਯੋਜਨਾਵਾਂ ਵੀ ਚਲਾਉਂਦੀ ਹੈ। ਉਦਾਹਰਣ ਵਜੋਂ ਜੇ ਤੁਸੀਂ ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ (PMAY) ਯੋਜਨਾ ਤਹਿਤ ਪਹਿਲੀ ਵਾਰ ਘਰ ਖਰੀਦਦੇ ਹੋ ਤਾਂ ਤੁਹਾਨੂੰ ਸਬਸਿਡੀ ਦਾ ਲਾਭ ਮਿਲੇਗਾ। ਤੁਸੀਂ ਪੁਰਾਣੀ ਟੈਕਸ ਪ੍ਰਣਾਲੀ ਵਿੱਚ ਧਾਰਾ 80C ਅਤੇ 24(b) ਦੇ ਤਹਿਤ ਹੋਮ ਲੋਨ ‘ਤੇ ਟੈਕਸ ਲਾਭ ਵੀ ਪ੍ਰਾਪਤ ਕਰ ਸਕਦੇ ਹੋ। ਜੇ ਤੁਸੀਂ ਆਪਣੀ ਪਤਨੀ ਜਾਂ ਮਾਂ ਨਾਲ ਸਾਂਝਾ ਹੋਮ ਲੋਨ ਲੈਂਦੇ ਹੋ ਤਾਂ ਤੁਹਾਨੂੰ ਵਿਆਜ ਦਰ ‘ਤੇ ਕੁਝ ਵਾਧੂ ਛੋਟ ਮਿਲ ਸਕਦੀ ਹੈ।

ਹੋਮ ਲੋਨ ਸਮੇਂ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ

ਹੋਮ ਲੋਨ ਲੈਂਦੇ ਸਮੇਂ ਤੁਹਾਡੀ ਵਿੱਤੀ ਸਥਿਤੀ ਸਭ ਤੋਂ ਮਹੱਤਵਪੂਰਨ ਹੁੰਦੀ ਹੈ। ਤੁਹਾਨੂੰ ਆਪਣੇ ਆਪ ਤੋਂ ਕੁਝ ਸਵਾਲ ਪੁੱਛਣੇ ਚਾਹੀਦੇ ਹਨ।

ਕੀ ਤੁਹਾਡੀ ਮਾਸਿਕ ਆਮਦਨ ਸਥਿਰ ਹੈ?

ਕੀ ਤੁਹਾਡੇ ਕੋਲ ਐਮਰਜੈਂਸੀ ਫੰਡ ਹੈ?

ਕੀ ਤੁਸੀਂ EMI ਦਾ ਭਾਰ ਚੁੱਕਣ ਲਈ ਤਿਆਰ ਹੋ?

ਕੀ ਤੁਸੀਂ ਡਾਊਨ ਪੇਮੈਂਟ ਲਈ ਕਾਫ਼ੀ ਬਚਤ ਕੀਤੀ ਹੈ?