ਨਵੀਂ ਦਿੱਲੀ, 11 ਫਰਵਰੀ – ਭਾਰਤ ਦੇ ਤਜਰਬੇਕਾਰ ਤੇ ਸਟਾਰ ਕਿਊ ਖਿਡਾਰੀ ਪੰਕਜ ਅਡਵਾਨੀ ਨੇ ਇੱਕ ਹੋਰ ਖਾਸ ਉਪਲਬਧੀ ਆਪਣੇ ਨਾਂ ਦਰਜ ਕਰਵਾਈ ਹੈ। ਉਸ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਇੰਦੌਰ ਦੇ ਯਸ਼ਵੰਤ ਕਲੱਬ ਵਿਖੇ ਆਪਣਾ 36ਵਾਂ ਰਾਸ਼ਟਰੀ ਖ਼ਿਤਾਬ ਤੇ 10ਵਾਂ ਪੁਰਸ਼ ਸਨੂਕਰ ਖਿਤਾਬ ਹਾਸਲ ਕੀਤਾ।
ਸ਼ੁਰੂਆਤੀ ਝਟਕੇ ਤੋਂ ਉਭਰਦੇ ਹੋਏ ਫਾਈਨਲ ‘ਚ ਪੰਕਜ ਨੇ ਬ੍ਰਿਜੇਸ਼ ਦਾਮਾਨੀ ਨੂੰ ਹਰਾਇਆ, ਜਿੱਥੇ ਬ੍ਰਿਜੇਸ਼ ਦਾਮਾਨੀ ਸ਼ੁਰੂਆਤ ‘ਚ ਕਾਮਯਾਬੀ ਰਹੀ ਪਰ ਉਸ ਨੇ ਪੂਰੇ ਮੈਚ ਦੌਰਾਨ ਲਗਾਤਾਰ ਕੋਸ਼ਿਸ਼ਾਂ ਕੀਤੀਆਂ। ਜ਼ਿਕਰਯੋਗ ਹੈ ਕਿ ਏਸ਼ਿਆਈ ਤੇ ਵਿਸ਼ਵ ਚੈਂਪੀਅਨਸ਼ਿਪ ਲਈ ਚੋਣ ਕੀਤੀ ਜਾਂਦੀ ਹੈ।
ਭਾਰਤੀ ਸਨੂਕਰ ਚੈਂਪੀਅਨ ਬਣੇ
ਦਰਅਸਲ ਫਾਈਨਲ ਮੈਚ ‘ਚ ਅਡਵਾਨੀ ਨੇ ਆਖਰੀ ਫਰੇਮ ‘ਚ 84 ਦਾ ਸ਼ਾਨਦਾਰ ਬ੍ਰੇਕ ਲਗਾਈ ਤੇ ਇਸ ਫਰੇਮ ਨਾਲ ਮੈਚ ਤੇ ਚੈਂਪੀਅਨਸ਼ਿਪ ‘ਤੇ ਕਬਜ਼ਾ ਕਰ ਲਿਆ।
ਅਡਵਾਨੀ ਨੇ ਚੈਂਪੀਅਨਸ਼ਿਪ ਜਿੱਤਣ ਤੋਂ ਬਾਅਦ ਕਿਹਾ ਕਿ ਇਹ ਇੱਕਲੌਤਾ ਮੁਕਾਬਲਾ ਸੀ ਜਿਸ ਦੇ ਪ੍ਰਦਰਸ਼ਨ ਦੇ ਆਧਾਰ ‘ਤੇ ਅੰਤਰਰਾਸ਼ਟਰੀ ਮੁਕਾਬਲਿਆਂ ਵਿੱਚ ਹਿੱਸਾ ਲੈਣ ਲਈ ਭਾਰਤੀ ਪ੍ਰਤੀਨਿਧਾਂ ਦੀ ਚੋਣ ਕੀਤੀ ਜਾਵੇ। ਇਸ ਲਈ ਇਸ ਮੁਕਾਬਲੇ ‘ਚ ਬਹੁਤ ਕੁਝ ਦਾਅ ‘ਤੇ ਲੱਗਿਆ ਹੋਇਆ ਸੀ।
ਗਰੁੱਪ ਸਟੇਜ ਮੈਚ ‘ਚ ਮਿਲੀ ਹਾਰ
ਜ਼ਿਕਰਯੋਗ ਹੈ ਕਿ ਦਾਮਾਨੀ ਨੇ ਗਰੁੱਪ ਪੜਾਅ ‘ਚ ਅਡਵਾਨੀ ਨੂੰ ਹਰਾਇਆ ਸੀ ਪਰ ਫਾਈਨਲ ‘ਚ ਉਹ ਇਸ ਤਜਰਬੇਕਾਰ ਖਿਡਾਰੀ ਖ਼ਿਲਾਫ਼ ਆਪਣੀ ਲੈਅ ਨੂੰ ਬਰਕਰਾਰ ਨਹੀਂ ਰੱਖ ਸਕਿਆ। ਦਮਾਨੀ ਖ਼ਿਲਾਫ਼ ਗਰੁੱਪ ਪੜਾਅ ਦੇ ਮੈਚ ‘ਚ ਅਡਵਾਨੀ ਸਿਰਫ਼ ਇਕ ਫਰੇਮ ਜਿੱਤਣ ‘ਚ ਕਾਮਯਾਬ ਰਿਹਾ ਸੀ।
ਪੰਕਜ ਅਡਵਾਨੀ ਨੇ ਅੱਗੇ ਕਿਹਾ ਕਿ ਉਹ ਗੋਲਡ ਮੈਡਲ ਜਿੱਤਣ ਤੋਂ ਬਾਅਦ ਕਾਫੀ ਚੰਗਾ ਮਹਿਸੂਸ ਕਰ ਰਿਹਾ ਹੈ। ਜਦੋਂ 48ਵਾਂ ਮੈਚ ਰਾਊਂਡ ਚੱਲ ਰਿਹਾ ਸੀ ਤਾਂ ਮੈਂ ਇਕ ਵਾਰ ਮੁਕਾਬਲੇ ਤੋਂ ਬਾਹਰ ਹੋਣ ਦੀ ਕਗਾਰ ‘ਤੇ ਸੀ ਫਿਰ ਮੈਨੂੰ ਪਤਾ ਸੀ ਕਿ ਇਸ ਮਹੱਤਵਪੂਰਨ ਪਲ ਦਾ ਮਤਲਬ ਕੁਝ ਵੱਡਾ ਹੋਣਾ ਚਾਹੀਦਾ ਹੈ। ਬਿਲੀਅਰਡਸ ਤੇ ਸਨੂਕਰ ਦੋਵਾਂ ਵਿੱਚ ਦੁਬਾਰਾ ਭਾਰਤ ਦੀ ਪ੍ਰਤੀਨਿਧਤਾ ਕਰਨ ਦਾ ਮੌਕਾ ਮਿਲਣ ‘ਤੇ ਖੁਸ਼ ਹਾਂ।
