ਨਵੀਂ ਦਿੱਲੀ, 14 ਜਨਵਰੀ – ਸੈਮਸੰਗ 22 ਜਨਵਰੀ ਨੂੰ Unpacked ਈਵੈਂਟ ਵਿੱਚ ਆਪਣੀ Galaxy S25 S25 ਸੀਰੀਜ਼ ਨੂੰ ਲਾਂਚ ਕਰੇਗਾ। ਇਸ ਫਲੈਗਸ਼ਿਪ ਸੀਰੀਜ਼ ‘ਚ Samsung Galaxy S25, Galaxy S25 + ਤੇ Galaxy S25 Ultra ਨੂੰ ਲਾਂਚ ਕੀਤਾ ਜਾਵੇਗਾ ਪਰ ਫਲੈਗਸ਼ਿਪ ਸੀਰੀਜ਼ ਤੋਂ ਪਹਿਲਾਂ ਕੰਪਨੀ ਦੋ ਹੋਰ ਸਸਤੇ ਫੋਨਾਂ ‘ਤੇ ਕੰਮ ਕਰ ਰਹੀ ਹੈ। ਕੰਪਨੀ ਇਨ੍ਹਾਂ ਨੂੰ ਅਗਲੇ ਕੁਝ ਦਿਨਾਂ ‘ਚ ਕਿਫਾਇਤੀ 5ਜੀ ਸੈਗਮੈਂਟ ‘ਚ ਲਾਂਚ ਕਰ ਸਕਦੀ ਹੈ। ਸੈਮਸੰਗ ਇੰਨੀ ਦਿਨੀ Galaxy F06 5G ਤੇ Galaxy M06 5G ‘ਤੇ ਕੰਮ ਕਰ ਰਿਹਾ ਹੈ। ਇਨ੍ਹਾਂ ਦੇ ਲਾਂਚ ਤੋਂ ਪਹਿਲਾਂ ਕਈ ਤਰ੍ਹਾਂ ਜਾਣਕਾਰੀਆਂ ਸਾਹਮਣੇ ਆ ਚੁੱਕੀਆਂ ਹਨ। ਜਿਸ ‘ਚ ਇਨ੍ਹਾਂ ਦੇ ਭਾਰਤ ਲਾਂਚ ਦਾ ਸੰਕੇਤ ਮਿਲਿਆ ਹੈ।
Galaxy F06 5G ਤੇ Galaxy M06 5G BIS ਸਰਟੀਫਿਕੇਸ਼ਨ
ਸੈਮਸੰਗ ਦੇ ਦੋਵੇੇਂ ਸਮਾਰਟਫ਼ੋਨਾਂ ਨੂੰ BIS ਸਰਟੀਫਿਕੇਸ਼ਨ ‘ਤੇ SM-E066B/DS ਤੇ SM-M066B/DS ਮਾਡਲ ਨੰਬਰ ਨਾਲ ਲਿਸਟ ਕੀਤਾ ਗਿਆ ਹੈ। ਇਹ ਮਾਡਲ ਨੰਬਰ Galaxy F06 5G ਤੇ Galaxy M06 5G ਦੇ ਲਾਂਚ ਦਾ ਸੰਕੇਤ ਦਿੰਦੇ ਹਨ। ਇਨ੍ਹਾਂ ਨੂੰ ਹਾਲ ਹੀ ਵਿੱਚ Y-Y ਨਾਲ ਵੀ ਲਿਸਟ ਕੀਤਾ ਗਿਆ ਸੀ। ਮਾਡਲ ਨੰਬਰ ਦੇ ਨਾਲ DS ਵੀ ਦੱਸਿਆ ਗਿਆ ਹੈ, ਜੋ ਕਿ ਡਿਊਲ ਸਿਮ ਵੱਲ ਇਸ਼ਾਰਾ ਕਰਦਾ ਹੈ।
ਸਰਟੀਫਿਕੇਸ਼ਨ ‘ਚ ਇਨ੍ਹਾਂ ਬਾਰੇ ਜ਼ਿਆਦਾ ਡਿਟੇਲ ਨਹੀਂ ਮਿਲੀ ਹੈ ਪਰ ਭਾਰਤ ਵਿੱਚ ਲਾਂਚ ਬਾਰੇ ਸੰਕੇਤ ਮਿਲ ਗਿਆ ਹੈ। ਸੈਮਸੰਗ ਇਨ੍ਹਾਂ ਦੋ ਸਮਾਰਟਫੋਨਾਂ ਨੂੰ Galaxy F05 5G ਤੇ Galaxy M05 5G ਦੇ ਨਵੇਂ ਰੂਪ ਵਜੋਂ ਲਿਆ ਰਿਹਾ ਹੈ। ਜਿਨ੍ਹਾਂ ਨੂੰ ਪਿਛਲੇ ਸਾਲ ਸਤੰਬਰ ‘ਚ ਲਾਂਚ ਕੀਤਾ ਗਿਆ ਸੀ। ਇਨ੍ਹਾਂ ਬਜਟ ਫੋਨਾਂ ‘ਚ 6.7 ਇੰਚ ਦੀ HD ਪਲੱਸ ਡਿਸਪਲੇਅ ਹੈ। ਪਰਫਾਰਮੈਂਸ ਲਈ MediaTek Helio G85 ਪ੍ਰੋਸੈੱਸਰ ਦਿੱਤਾ ਗਿਆ ਹੈ। ਇਸ ਵਿੱਚ ਪਾਵਰ ਲਈ 25W ਵਾਇਰਡ ਚਾਰਜਿੰਗ ਲਈ ਸਪੋਰਟ ਵਾਲੀ 5,000 mAh ਦੀ ਬੈਟਰੀ ਦਿੱਤੀ ਗਈ ਹੈ।
Samsung Galaxy F05 ਦੇ ਸਪੈਸੀਫਿਕੇਸ਼ਨ
ਪ੍ਰੋਸੈੱਸਰ- ਫਾਸਟ ਮਲਟੀਟਾਸਕਿੰਗ ਤੇ ਸ਼ਾਨਦਾਰ ਪਰਫਾਰਮੈਂਸ ਲਈ ਸੈਮਸੰਗ ਦੀ ਇਹ ਫੋਨ MediaTek Helio G85 ਪ੍ਰੋਸੈੱਸਰ ਨਾਲ ਲਿਆਇਆ ਜਾਂ ਸਕਦੈ । ਰੈਮ ਤੇ ਰੋਮ- ਫੋਨ ਰੈਮ ਪਲੱਸ ਫੀਚਰ ਨਾਲ 8GB ਤਕ ਰੈਮ ਨਾਲ ਆਉਂਦਾ ਹੈ। ਸਟੋਰੇਜ ਲਈ ਫ਼ੋਨ 64GB ਸਟੋਰੇਜ ਨਾਲ ਲੈਸ ਹੈ, ਜਿਸ ਨੂੰ 1TB ਤਕ ਵਧਾਇਆ ਜਾ ਸਕਦਾ ਹੈ। ਡਿਸਪਲੇਅ- Galaxy F05 ਫੋਨ 6.7 ਇੰਚ ਦੀ HD+ ਡਿਸਪਲੇਅ ਨਾਲ ਆਉਂਦੀ ਹੈ। ਯੂਜ਼ਰਜ਼ ਵੱਡੀ ਸਕਰੀਨ ਨਾਲ ਆਪਣੇ ਸੋਸ਼ਲ ਮੀਡੀਆ ਫੀਡ ਨੂੰ ਆਸਾਨੀ ਨਾਲ ਚੈੱਕ ਕਰ ਸਕਣਗੇ।
