ਨਵੀਂ ਦਿੱਲੀ, 24 ਸਤੰਬਰ – ਅਗਨੀਵੀਰ ਭਰਤੀ ਪ੍ਰੀਖਿਆ ਭਾਰਤੀ ਫੌਜ ਦੁਆਰਾ 22 ਅਪ੍ਰੈਲ ਤੋਂ 3 ਮਈ ਤੱਕ ਅਤੇ ਏਆਰਓ ਮੁਜ਼ੱਫਰਪੁਰ ਲਈ 10 ਤੋਂ 19 ਜੁਲਾਈ ਤੱਕ ਆਯੋਜਿਤ ਕੀਤੀ ਗਈ ਸੀ। ਪ੍ਰੀਖਿਆ ਪੂਰੀ ਹੋਣ ਤੋਂ ਬਾਅਦ ਹੁਣ ਭਾਰਤੀ ਫੌਜ ਵੱਲੋਂ ਅਗਨੀਵੀਰ ਭਰਤੀ ਦਾ ਅੰਤਿਮ ਨਤੀਜਾ ਘੋਸ਼ਿਤ ਕਰ ਦਿੱਤਾ ਗਿਆ ਹੈ। ਨਤੀਜੇ ਆਧਿਕਾਰਿਕ ਵੈੱਬਸਾਈਟ joinindianarmy.nic.in ‘ਤੇ PDF ਫਾਰਮੈਟ ਵਿੱਚ ਆਨਲਾਈਨ ਜਾਰੀ ਕੀਤੇ ਗਏ ਹਨ। ਪ੍ਰੀਖਿਆ ਵਿੱਚ ਭਾਗ ਲੈਣ ਵਾਲੇ ਉਮੀਦਵਾਰ ਤੁਰੰਤ ਵੈਬਸਾਈਟ ‘ਤੇ ਜਾਂ ਇਸ ਪੰਨੇ ‘ਤੇ ਦਿੱਤੇ ਸਿੱਧੇ ਲਿੰਕ ਤੋਂ ਮੈਰਿਟ ਸੂਚੀ ਨੂੰ
ਡਾਊਨਲੋਡ ਕਰ ਸਕਦੇ ਹਨ।
ਰੀਜਨ ਵਾਈਜ਼ ਮੈਰਿਟ ਲਿਸਟ ਕਰੋ ਡਾਊਨਲੋਡ। ਭਾਰਤੀ ਫੌਜ ਅਗਨੀਵੀਰ ਭਰਤੀ ਮੈਰਿਟ ਸੂਚੀ ਨੂੰ ਡਾਊਨਲੋਡ ਕਰਨ ਲਈ, ਪਹਿਲਾਂ ਅਧਿਕਾਰਤ ਪੋਰਟਲ ‘ਤੇ ਜਾਓ। ਹੁਣ ਤੁਸੀਂ ਸਕਰੀਨ ‘ਤੇ ਰੀਜਨ ਵਾਈਜ਼ ਮੈਰਿਟ ਲਿਸਟ ਦਾ ਲਿੰਕ ਦੇਖੋਗੇ। ਇਸ ਤੋਂ ਬਾਅਦ, ਕਿਸੇ ਵੀ ਖੇਤਰ ਦੀ ਮੈਰਿਟ ਸੂਚੀ ਦੇ ਅੱਗੇ ਦਿੱਤੇ PDF ਲਿੰਕ ‘ਤੇ ਕਲਿੱਕ ਕਰੋ ਜਿਸ ਲਈ ਤੁਸੀਂ ਡਾਊਨਲੋਡ ਕਰਨਾ ਚਾਹੁੰਦੇ ਹੋ। ਹੁਣ ਸਕਰੀਨ ‘ਤੇ PDF ਓਪਨ ਹੋਵੇਗੀ ਜਿੱਥੋਂ ਤੁਸੀਂ ਇਸਨੂੰ ਡਾਊਨਲੋਡ ਕਰ ਸਕਦੇ ਹੋ। ਹੁਣ ਉਮੀਦਵਾਰ ਇਸ ਵਿੱਚ ਆਪਣਾ ਰੋਲ ਨੰਬਰ ਚੈੱਕ ਕਰ ਸਕਦੇ ਹਨ। ਉਮੀਦਵਾਰਾਂ ਨੂੰ ਦੱਸ ਦੇਈਏ ਕਿ ਭਾਰਤੀ ਫੌਜ ਵੱਲੋਂ ਜਨਰਲ ਡਿਊਟੀ (ਜੀ.ਡੀ.), ਟੈਕਨੀਕਲ (ਟੈਕ), ਟਰੇਡਸਮੈਨ (8ਵੀਂ ਅਤੇ 10ਵੀਂ ਕਲਾਸ), ਆਫਿਸ ਅਸਿਸਟੈਂਟ, ਮਹਿਲਾ ਮਿਲਟਰੀ ਪੁਲਸ (ਐੱਮ.ਪੀ.), ਸਿਪਾਹੀ ਫਾਰਮਾ ਦੀਆਂ ਅਸਾਮੀਆਂ ਲਈ ਮੈਰਿਟ ਸੂਚੀ ਜਾਰੀ ਕੀਤੀ ਗਈ ਹੈ। ਅਤੇ ਸੋਲਜਰ ਟੈਕਨੀਕਲ ਨਰਸਿੰਗ ਅਸਿਸਟੈਂਟ ਲਈ ਜਾਰੀ ਕੀਤਾ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਭਰਤੀ ਲਈ ਅਰਜ਼ੀ ਪ੍ਰਕਿਰਿਆ 13 ਫਰਵਰੀ 2024 ਤੋਂ 22 ਮਾਰਚ 2024 ਤੱਕ ਪੂਰੀ ਕੀਤੀ ਗਈ ਸੀ। ਭਰਤੀ ਨਾਲ ਸਬੰਧਤ ਵਿਸਤ੍ਰਿਤ ਵੇਰਵਿਆਂ ਲਈ, ਉਮੀਦਵਾਰ ਅਧਿਕਾਰਤ ਵੈੱਬਸਾਈਟ ‘ਤੇ ਜਾ ਸਕਦੇ ਹਨ।
