ਪੰਜਾਬੀ ਸਾਹਿਤ ਜਗਤ ਦੀ ਮਹਿਕ ਸ਼ਾਇਰਾ ਦਿਓਲ ਪਰਮਜੀਤ

ਮਹਿਕ ਪੰਜਾਬ ਦੀ ( مہک پنجاب دی۔ )

ਚਰਚਿਤ ਪੰਜਾਬੀ ਪੁਸਤਕ ‘ ਕੁੰਜਾਂ ਦੇ ਰੂਬਰੂ ‘ ਦੀ ਰਚੇਤਾ ਪੰਜਾਬ ਤੋਂ ਕਨੇਡਾ ਦੀ ਵਸਨੀਕ ਹੈ। ਆਪਜੀ ਅਸੀਸ ਮੰਚ, ਟਰਾਂਟੋ ਕਨੇਡਾ ਦੇ ਸਰਗਰਮ ਮੈਂਬਰ ਹਨ। ਉਹਨਾ ਦੀਆਂ ਰਚਨਾਵਾਂ ਪੰਜਾਬੀ ਅਖ਼ਬਾਰਾਂ ਅਤੇ ਮੈਗਜ਼ੀਨਾਂ ਤੇ ਛਪਦੀਆਂ ਰਹਿੰਦੀਆਂ ਹਨ। ਉਹ ਪੰਜਾਬੀ ਭਾਸ਼ਾ ਦੇ ਮਕਬੂਲ ਐਂਕਰ ਹਨ ਜੋ ਦਰਸ਼ਕ ਬਹੁਤ ਪਸੰਦ ਕਰਦੇ ਹਨ। ਉਹਨਾਂ ਦੀ ਕਾਵਿ ਪੁਸਤਕ ‘ ਕੂੰਜਾਂ ਦੇ ਰੂਬਰੂ ‘ ਪਾਠਕ ਵਰਗ ਪਸੰਦ ਕਰ ਰਿਹਾ ਹੈ। ਉਹ ਹਮੇਸ਼ਾ ਨਾਰੀਵਾਦ, ਮਨੁੱਖੀ ਰਿਸ਼ਤੇ ਅਤੇ ਸਮਾਜਿਕ ਰਚਨਾਵਾਂ ‘ਤੇ ਹੀ ਲਿਖਦੇ ਹਨ ਜੋ ਪੰਜਾਬੀ ਸਾਹਿਤ ਅਤੇ ਸੱਭਿਆਚਾਰ ਨੂੰ ਸਮਰਪਿਤ ਹੁੰਦੀਆਂ ਹਨ। ਉਹ ਮਿਹਨਤੀ ਅਤੇ ਮਿਲਣਸਾਰ ਇਨਸਾਨ ਹਨ। ਪੰਜਾਬੀ ਸਾਹਿਤ ਜਗਤ ਨੂੰ ਆਪਜੀ ਤੇ ਬਹੁਤ ਮਾਣ ਹੈ। ਪਰਮਜੀਤ ਨੂੰ ਕਈ ਸਾਹਿਤਕ ਸਭਾਵਾਂ ਵੱਲੋਂ ਸਨਮਾਨਿਤ ਕੀਤਾ ਗਿਆ ਹੈ ਅਤੇ ਪੰਜਾਬੀ ਮਾਂ ਬੋਲੀ ਦੀ ਅੰਤਰ ਰਾਸ਼ਟਰੀ ਪੱਧਰ ‘ਤੇ ਨਿਰੰਤਰ ਸੇਵਾ ਕਰ ਰਹੇ ਹਨ।)