EPFO ਤੋਂ ਆਈ ਵੱਡੀ ਖ਼ਬਰ, ਲਗਾਤਾਰ 3 ਦਿਨ ਬੰਦ ਰਹੇਗਾ ਪੋਰਟਲ

ਨਵੀਂ ਦਿੱਲੀ, 25 ਜੂਨ – ਇੰਪਲਾਈਜ਼ ਪ੍ਰੋਵੀਡੈਂਟ ਫੰਡ ਆਰਗੇਨਾਈਜ਼ੇਸ਼ਨ (EPFO) ਵੱਲੋਂ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਅਸਲ ਵਿੱਚ, ਜੇਕਰ ਤੁਸੀਂ ਪੀਐੱਫ (PF) ਕਢਵਾਉਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਅਗਲੇ 3 ਦਿਨਾਂ ਤੱਕ ਤੁਹਾਨੂੰ ਮੁਸ਼ਕਿਲ ਆ ਸਕਦੀ ਹੈ। ਕਿਉਂਕਿ ਰਿਟਾਇਰਮੈਂਟ ਸੇਵਿੰਗਜ਼ ਬਾਡੀ, ਇੰਪਲਾਈਜ਼ ਪ੍ਰੋਵੀਡੈਂਟ ਫੰਡ ਆਰਗੇਨਾਈਜ਼ੇਸ਼ਨ (EPFO) ਨੇ ਆਪਣੇ ਆਨਲਾਈਨ ਕਲੇਮ ਪ੍ਰੋਸੈਸਿੰਗ ਪੋਰਟਲ ਨੂੰ ਤਿੰਨ ਦਿਨਾਂ ਲਈ ਬੰਦ (EPFO online claims portal) ਕਰਨ ਦਾ ਐਲਾਨ ਕੀਤਾ ਹੈ। ਦਰਅਸਲ, ਈਪੀਐੱਫਓ ਇੱਕ ਵੱਡੇ ਡਾਟਾਬੇਸ ਕੰਸੋਲੀਡੇਸ਼ਨ ਅਤੇ ਸਾਫਟਵੇਅਰ ਅਪਗ੍ਰੇਡ ਪ੍ਰੋਗਰਾਮ ਨੂੰ ਅਪਡੇਟ ਕਰੇਗਾ। ਇਹੀ ਕਾਰਨ ਹੈ ਕਿ ਤਿੰਨ ਦਿਨਾਂ ਤੱਕ ਪੋਰਟਲ ਬੰਦ ਰਹੇਗਾ। ਅਜਿਹਾ ਇੱਕ ਵੱਡੇ ਸਿਸਟਮ ਮਾਈਗ੍ਰੇਸ਼ਨ ਕਾਰਨ ਕੀਤਾ ਜਾ ਰਿਹਾ ਹੈ। ਇਸ ਕਦਮ ਨਾਲ ਪ੍ਰੋਵੀਡੈਂਟ ਫੰਡ ‘ਚੋਂ ਪੈਸੇ ਕਢਵਾਉਣ, ਟ੍ਰਾਂਸਫਰ ਕਰਨ ਅਤੇ ਮੈਂਬਰਾਂ ਲਈ ਹੋਰ ਸੇਵਾਵਾਂ ਵਿੱਚ ਕੁਝ ਸਮੇਂ ਲਈ ਦੇਰੀ ਹੋ ਸਕਦੀ ਹੈ।