ਲਿਖਤੀ ਪ੍ਰੀਖਿਆ ਦਾ ਟਾਪਰ ਇੰਟਰਵਿਊ ਵਿੱਚ ਵੱਧ ਅੰਕਾਂ ਦੀ ਮੰਗ ਨਹੀਂ ਕਰ ਸਕਦਾ – ਹਾਈ ਕੋਰਟ

ਅਦਾਲਤ ਨੇ ਚੋਣ ਕਮੇਟੀ ਦੇ ਕਿਸੇ ਵੀ ਮੈਂਬਰ ਵਿਰੁੱਧ ਕੋਈ ਖਾਸ ਦੋਸ਼ ਨਾ ਹੋਣ ਕਾਰਨ ਇਸ ਦੋਸ਼ ਨੂੰ ਰੱਦ ਕਰ ਦਿੱਤਾ। ਬੈਂਚ ਨੇ ਕਿਹਾ, “ਚੋਣ ਕਮੇਟੀ ਵਿੱਚ ਨਾਮਵਰ ਲੋਕ ਸ਼ਾਮਲ ਸਨ। ਇਸ ਲਈ, ਕਿਸੇ ਵਿਸ਼ੇਸ਼ ਵਿਅਕਤੀ ਵਿਰੁੱਧ ਕੋਈ ਖਾਸ ਦੋਸ਼ ਲਾਏ ਬਿਨਾਂ, ਇਹ ਆਮ ਦੋਸ਼ ਸਵੀਕਾਰ ਨਹੀਂ ਕੀਤੇ ਜਾ ਸਕਦੇ ਕਿ ਕਿਸੇ ਹੋਰ ਨੂੰ ਨਿਯੁਕਤ ਕਰਨ ਲਈ ਅਪੀਲਕਰਤਾ ਨੂੰ ਘੱਟ ਅੰਕ ਦਿੱਤੇ ਗਏ ਸਨ। ਬੈਂਚ ਨੇ ਅੱਗੇ ਕਿਹਾ ਕਿ ਸਿਰਫ਼ ਇਸ ਆਧਾਰ ’ਤੇ ਇੰਟਰਵਿਊ ਦੀ ਕਾਰਗੁਜ਼ਾਰੀ ਵਿੱਚ ਹੇਰਾਫੇਰੀ ਹੋਣ ਦਾ ਅਨੁਮਾਨ ਨਹੀਂ ਲਗਾਇਆ ਜਾ ਸਕਦਾ ਕਿ ਉਮੀਦਵਾਰ ਨੇ ਲਿਖਤੀ ਪ੍ਰੀਖਿਆ ਵਿੱਚ ਬਿਹਤਰ ਪ੍ਰਦਰਸ਼ਨ ਕੀਤਾ ਸੀ। ਬੈਂਚ ਨੇ ਕਿਹਾ, “ਜਦੋਂ ਤੱਕ ਇਹ ਸਾਬਤ ਨਹੀਂ ਹੋ ਜਾਂਦਾ ਕਿ ਅਜਿਹੇ ਉਮੀਦਵਾਰ ਦੀ ਇੰਟਰਵਿਊ ਦੀ ਕਾਰਗੁਜ਼ਾਰੀ ਵਿੱਚ ਹੇਰਾਫੇਰੀ ਕੀਤੀ ਗਈ ਹੈ, ਉਦੋਂ ਤੱਕ ਨਾਮਵਰ ਲੋਕਾਂ ਵੱਲੋਂ ਇੰਟਰਵਿਊ ਵਿੱਚ ਦਿੱਤੇ ਗਏ ਅੰਕਾਂ ਨੂੰ ਹੀ ਸਹੀ ਮੰਨਣਾ ਪਵੇਗਾ।

ਇਨ੍ਹਾਂ ਅਪੀਲਾਂ ਵਿੱਚ ਓ.ਐੱਮ.ਆਰ. ਸ਼ੀਟਾਂ ਉੱਤੇ ਸਿਆਹੀ ਫੈਲਣ (ਸਮੱਜਿੰਗ) ਉੱਤੇ ਵੀ ਸਵਾਲ ਚੁੱਕੇ ਗਏ ਸਨ। ਅਦਾਲਤ ਨੇ ਨੋਟ ਕੀਤਾ ਕਿ ਇਹ ਸਮੱਜਿੰਗ ਉਨ੍ਹਾਂ ਉਮੀਦਵਾਰਾਂ ਵਿੱਚ ਵੀ ਪਾਈ ਗਈ ਸੀ ਜੋ ਚੁਣੇ ਨਹੀਂ ਗਏ ਸਨ ਅਤੇ ਇਸ ਆਧਾਰ ਉੱਤੇ ਅਯੋਗ ਕਰਾਰ ਦੇਣ ਵਾਲਾ ਕੋਈ ਨਿਯਮ ਨਹੀਂ ਸੀ। ਧੋਖਾਧੜੀ ਦੇ ਸਬੂਤ ਦੀ ਅਣਹੋਂਦ ਵਿੱਚ, ਅਦਾਲਤ ਨੇ ਫ਼ੈਸਲਾ ਸੁਣਾਇਆ ਕਿ ਇਸ ਸਮੱਜਿੰਗ ਨੂੰ ਚੁਣੇ ਗਏ ਉਮੀਦਵਾਰਾਂ ਦੇ ਖ਼ਿਲਾਫ਼ ਨਹੀਂ ਵਰਤਿਆ ਜਾ ਸਕਦਾ। ਪ੍ਰੀਖਿਆ ਦੇ ਦੋਵਾਂ ਪੇਪਰਾਂ ਉੱਤੇ ਦਸਤਖਤਾਂ ਵਿੱਚ ਫ਼ਰਕ ਬਾਰੇ ਬੈਂਚ ਨੇ ਕਿਹਾ ਕਿ ਘਬਰਾਹਟ ਕਾਰਨ ਦਸਤਖਤਾਂ ਵਿੱਚ ਅਜਿਹਾ ਫ਼ਰਕ ਆ ਸਕਦਾ ਹੈ ਅਤੇ ਬਿਨਾਂ ਵਿਗਿਆਨਕ ਸਬੂਤਾਂ ਦੇ ਕਿਸੇ ਦੂਜੇ ਦੀ ਜਗ੍ਹਾ ਪੇਪਰ ਦੇਣ (ਜਾਅਲਸਾਜ਼ੀ) ਦਾ ਸਿੱਟਾ ਨਹੀਂ ਕੱਢਿਆ ਜਾ ਸਕਦਾ।