ਕਵਿਤਾ/ਮੈਂ ਝੂਠ ਹਾਂ/ਇੰਦਰਜੀਤ ਸਿੰਘ

ਕਾਵਿ ਜਗਤ ਖ਼ਬਰਾਂ ਦੇਸ਼ ਮੁੱਖ ਖ਼ਬਰਾਂ ਵਿਦੇਸ਼ August 21, 2026

ਮੈਂ ਝੂਠ ਹਾਂ,
ਤੇ ਰੱਬ ਦੀ ਦੁਨੀਆ ਸੱਚੀ,
ਤੇ ਉਹ ਆਪ ਸੱਚ ਦਾ ਸਰੂਪ।
ਮੈਂ ਪਲਾਂ ਦਾ ਭਰਮ ਹਾਂ,
ਉਹ ਸਦੀਆਂ ਦਾ ਯਕੀਨ।
ਮੈਂ ਸਮੇਂ ਨਾਲ ਬਦਲ ਜਾਂਦਾ ਹਾਂ,
ਉਹ ਕਾਲ ਤੋਂ ਪਰੇ ਅਟੱਲ ਹੈ।
ਮੇਰੇ ਸ਼ਬਦ ਇੱਕ ਦਿਨ ਚੁੱਪ ਹੋ ਜਾਂਦੇ ਹਨ,
ਉਸਦੀ ਖਾਮੋਸ਼ੀ ਵੀ ਸੱਚ ਬਿਆਨ ਕਰਦੀ ਹੈ।
ਮੇਰਾ ਅਹੰਕਾਰ ਧੂੜ ਬਣ ਕੇ ਉੱਡ ਜਾਂਦਾ ਹੈ,
ਉਸਦੀ ਰਹਿਮਤ ਸਦਾ ਅਟੱਲ ਰਹਿੰਦੀ ਹੈ।
ਮੈਂ ਆਪਣੇ ਆਪ ਨੂੰ ਲੱਭਦਾ ਫਿਰਦਾ ਹਾਂ,
ਉਹ ਹਰ ਸਾਹ ਵਿੱਚ ਵੱਸਦਾ ਹੈ।
ਮੈਂ ਝੂਠ ਦਾ ਪਰਛਾਂਵਾਂ ਹਾਂ,
ਉਹ ਸੱਚ ਦੀ ਰੌਸ਼ਨੀ।
ਅੰਤ ਵਿੱਚ ਸਭ ਕੁਝ ਮਿਟ ਜਾਂਦਾ ਹੈ,
ਪਰ ਉਹੀ ਸੱਚ ਸਦੀਵੀਂ ਰਹਿੰਦਾ ਹੈ।