ਗ਼ਜ਼ਲ/”ਬੁੱਢਾ ਆਦਮੀ”/ਇੰਦਰਜੀਤ ਸਿੰਘ
ਬੁੱਢਾ ਆਦਮੀ ਹੈ, ਪਰ ਹੌਸਲਾ ਅਜੇ ਵੀ ਜਵਾਨ ਰੱਖਦਾ,
ਤੂਫ਼ਾਨਾਂ ਵਿੱਚ ਵੀ ਆਪਣੇ ਸਬਰ ਦੀ ਪਛਾਣ ਰੱਖਦਾ।
ਚਿਹਰੇ ਦੀਆਂ ਝੁਰੜੀਆਂ ਸਾਲਾਂ ਦਾ ਹਿਸਾਬ ਲਿਖਦੀਆਂ,
ਦਿਲ ਵਿੱਚ ਅੱਜ ਵੀ ਸੁਪਨਿਆਂ ਦਾ ਆਸਮਾਨ ਰੱਖਦਾ।
ਵੇਲੇ ਨੇ ਭਾਵੇਂ ਖੋਹ ਲਈ ਚਾਲ ਦੀ ਉਹ ਰਫ਼ਤਾਰ,
ਪਰ ਤਜਰਬਿਆਂ ਦਾ ਹਰ ਵੇਲੇ ਖ਼ਜ਼ਾਨਾ ਰੱਖਦਾ।
ਜਿਨ੍ਹਾਂ ਲਈ ਸਾਰੀ ਉਮਰ ਆਪਣਾ ਆਪ ਵਾਰ ਦਿੱਤਾ,
ਉਨ੍ਹਾਂ ਦੀ ਖ਼ੁਸ਼ੀ ਨੂੰ ਹੀ ਆਪਣਾ ਅਰਮਾਨ ਰੱਖਦਾ।
ਚੁੱਪ ਰਹਿੰਦਾ ਹੈ, ਸ਼ਿਕਵਿਆਂ ਦੀ ਕਿਤਾਬ ਨਹੀਂ ਖੋਲ੍ਹਦਾ,
ਅੱਖਾਂ ਵਿੱਚ ਫਿਰ ਵੀ ਕਈ ਅਣਕਹੇ ਬਿਆਨ ਰੱਖਦਾ।
ਸਫ਼ੈਦ ਵਾਲਾਂ ਨੂੰ ਕਦੇ ਕਮਜ਼ੋਰੀ ਨਾ ਸਮਝੀਂ,
ਇਹ ਹਰ ਇੱਕ ਵਾਲ ਵਿੱਚ ਇੱਕ ਪੂਰਾ ਜਹਾਨ ਰੱਖਦਾ।
ਜਦ ਤੱਕ ਸਾਹਾਂ ਦਾ ਦੀਵਾ ਰੌਸ਼ਨ ਹੈ ਸੀਨੇ ਅੰਦਰ,
ਬੁੱਢਾ ਆਦਮੀ ਵੀ ਜੀਣ ਦਾ ਅਰਮਾਨ ਰੱਖਦਾ।
– ਇੰਦਰਜੀਤ ਸਿੰਘ
-7508267274
Share this content:
Post Comment