ਏਸ਼ੀਆ ਕੱਪ ਜਿੱਤਣ ਤੋਂ ਬਾਅਦ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦਿੱਲੀ ਪਰਤੀ

ਨਵੀਂ ਦਿੱਲੀ, 15 ਸਤੰਬਰ – ਦੁਬਈ ਵਿਚ ਏਸ਼ੀਆ ਕੱਪ ਦਾ ਖਿਤਾਬ ਆਪਣੇ ਨਾਂ ਕਰਨ ਵਾਲੀ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਅੱਜ ਰਾਤ ਦਿੱਲੀ ਪਰਤ ਆਈ ਹੈ। ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ’ਤੇ ਸਮ੍ਰਿਤੀ ਮੰਧਾਨਾ, ਸ਼ਿਫਾਲੀ ਵਰਮਾ, ਤੇਜ਼ ਗੇਂਦਬਾਜ਼ ਰੇਣੁਕਾ ਠਾਕੁਰ, ਭਾਰਤੀ ਅਤੇ ਨੰਦਨੀ ਸ਼ਰਮਾ ਸਮੇਤ ਕਈ ਖਿਡਾਰਨਾਂ ਦੇਖੀਆਂ ਗਈਆਂ। ਸ੍ਰੀ ਚਰਨੀ ਨੇ 4 ਦੌੜਾਂ ਦੇ ਕੇ 4 ਵਿਕਟਾਂ ਹਾਸਲ ਕੀਤੀਆਂ। ਭਾਰਤ ਦੀ ਬੱਲੇਬਾਜ਼ੀ ਵਿੱਚ ਓਪਨਰ ਸ਼ਿਫਾਲੀ ਵਰਮਾ (39 ਗੇਂਦਾਂ ਵਿੱਚ 68 ਦੌੜਾਂ) ਅਤੇ ਸਮ੍ਰਿਤੀ ਮੰਧਾਨਾ (39 ਗੇਂਦਾਂ ਵਿੱਚ 59 ਦੌੜਾਂ) ਨੇ ਪਹਿਲੀ ਵਿਕਟ ਲਈ ਰਿਕਾਰਡ 129 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਸ਼ਿਫਾਲੀ ਇਸ ਟੂਰਨਾਮੈਂਟ ਵਿੱਚ 236 ਦੌੜਾਂ ਬਣਾ ਕੇ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੀ ਖਿਡਾਰਨ ਰਹੀ, ਜਦਕਿ ਸਮ੍ਰਿਤੀ ਨੇ 213 ਦੌੜਾਂ ਬਣਾਈਆਂ। ਇਸ ਤੋਂ ਇਲਾਵਾ ਦੀਪਤੀ ਸ਼ਰਮਾ (14 ਵਿਕਟਾਂ) ਅਤੇ ਸ੍ਰੀ ਚਰਨੀ (12 ਵਿਕਟਾਂ) ਟੂਰਨਾਮੈਂਟ ਦੀਆਂ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੀਆਂ ਗੇਂਦਬਾਜ਼ਾਂ ਵਿੱਚ ਸ਼ਾਮਲ ਰਹੀਆਂ।