UPSC CS Exam 2025 ਦੇ ਨਤੀਜੇ ਹੋਏ ਜਾਰੀ, ਅਨੁਜ ਅਗਨੀਹੋਤਰੀ ਨੇ ਪ੍ਰਾਪਤ ਕੀਤਾ AIR 1
ਨਵੀਂ ਦਿੱਲੀ, 6 ਮਾਰਚ – ਸੰਘ ਲੋਕ ਸੇਵਾ ਕਮਿਸ਼ਨ (UPSC) ਨੇ ਸਿਵਲ ਸੇਵਾ ਪ੍ਰੀਖਿਆ ਦਾ ਫਾਈਨਲ ਨਤੀਜਾ ਜਾਰੀ ਕਰ ਦਿੱਤਾ ਹੈ। ਇਸ ਪ੍ਰੀਖਿਆ ‘ਚ ਰਾਜਸਥਾਨ ਦੇ ਰਾਵਤਭਾਟਾ ਦੇ ਰਹਿਣ ਵਾਲੇ ਅਨੁਜ ਅਗਨੀਹੋਤਰੀ ਨੇ AIR -1 ਹਾਸਲ ਕੀਤਾ ਹੈ। ਪ੍ਰੀਖਿਆ ‘ਚ ਸ਼ਾਮਲ ਹੋਏ ਉਮੀਦਵਾਰ ਹੁਣ UPSC ਦੀ ਆਫੀਸ਼ੀਅਲ ਵੈੱਬਸਾਈਟ upsc.gov.in ਜਾਂ upsconline.nic.in ‘ਤੇ ਜਾ ਕੇ ਫਾਈਨਲ ਨਤੀਜਾ ਡਾਊਨਲੋਡ ਕਰ ਸਕਦੇ ਹਨ। ਦੱਸ ਦੇਈਏ ਕਿ ਮੁੱਖ ਪ੍ਰੀਖਿਆ ‘ਚ ਸਫਲ ਹੋਏ ਉਮੀਦਵਾਰਾਂ ਲਈ ਫਰਵਰੀ ਮਹੀਨੇ ਇੰਟਰਵਿਊ ਕਰਵਾਇਆ ਗਿਆ ਸੀ। ਇਸ ਪ੍ਰੀਖਿਆ ‘ਚ ਅਨੁਜ ਅਗਨੀਹੋਤਰੀ ਨੇ ਪਹਿਲਾ ਰੈਂਕ, ਰਾਜੇਸ਼ਵਰੀ ਸੁਵੇ ਨੇ ਦੂਜਾ ਰੈਂਕ ਤੇ ਇਕਾਂਸ਼ ਢੁੱਲ ਨੇ ਤੀਜਾ ਰੈਂਕ ਹਾਸਲ ਕੀਤਾ ਹੈ।
ਕੌਣ ਹਨ ਅਨੁਜ ਅਗਨੀਹੋਤਰੀ
ਅਨੁਜ ਅਗਨੀਹੋਤਰੀ ਨੇ UPSC ਦੀ ਸਿਵਲ ਸੇਵਾ ਪ੍ਰੀਖਿਆ ‘ਚ AIR ਰੈਂਕ-1 ਹਾਸਲ ਕੀਤਾ ਹੈ। ਉਹ ਰਾਜਸਥਾਨ ਦੇ ਰਾਵਤਭਾਟਾ ਦੇ ਰਹਿਣ ਵਾਲੇ ਹਨ। ਸਿਵਲ ਸੇਵਾ ਪ੍ਰੀਖਿਆ ਦੀ ਤਿਆਰੀ ਤੋਂ ਪਹਿਲਾਂ ਉਨ੍ਹਾਂ ਨੇ ਸਾਲ 2023 ‘ਚ ਏਮਜ਼ (AIIMS) ਤੋਂ MBBS ਦੀ ਪੜ੍ਹਾਈ ਕੀਤੀ ਸੀ। MBBS ਦੀ ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਉਨ੍ਹਾਂ ਦਾ ਰੁਝਾਨ ਸਿਵਲ ਸੇਵਾ ਪ੍ਰੀਖਿਆ ਵੱਲ ਵਧਿਆ, ਜਿਸ ਤੋਂ ਬਾਅਦ ਉਨ੍ਹਾਂ ਭਾਰਤ ਦੀ ਸਭ ਤੋਂ ਵੱਕਾਰੀ ਸਿਵਲ ਸੇਵਾ ਪ੍ਰੀਖਿਆ ਦੀ ਤਿਆਰੀ ਕੀਤੀ। ਤੁਹਾਨੂੰ ਦੱਸ ਦੇਈਏ ਕਿ ਮੌਜੂਦਾ ਸਮੇਂ ਵਿੱਚ ਉਹ (DANICS) ਵਿੱਚ ਕੰਮ ਕਰ ਰਹੇ ਹਨ।
ਮੁੱਢਲੀ ਸਿੱਖਿਆ
UPSC ਦੀ ਸਿਵਲ ਸੇਵਾ ਪ੍ਰੀਖਿਆ ‘ਚ ਪਹਿਲਾ ਸਥਾਨ ਪ੍ਰਾਪਤ ਕਰਨ ਵਾਲੇ ਅਨੁਜ ਅਗਨੀਹੋਤਰੀ ਨੇ ਆਪਣੀ ਮੁੱਢਲੀ ਸਿੱਖਿਆ ਰਾਜਸਥਾਨ ਦੇ ਰਾਵਤਭਾਟਾ ਤੋਂ ਹੀ ਪੂਰੀ ਕੀਤੀ ਹੈ। ਇਸ ਤੋਂ ਬਾਅਦ ਉਹ ਉਚੇਰੀ ਸਿੱਖਿਆ ਯਾਨੀ ਗ੍ਰੈਜੂਏਸ਼ਨ ਪੂਰੀ ਕਰਨ ਲਈ ਜੋਧਪੁਰ ਆਏ। ਇੱਥੇ ਉਨ੍ਹਾਂ ਨੇ ਏਮਜ਼ (AIIMS) ਜੋਧਪੁਰ ਤੋਂ MBBS ਦੀ ਡਿਗਰੀ ਪੂਰੀ ਕੀਤੀ।
ਕਿੰਨੇ ਉਮੀਦਵਾਰਾਂ ਦੀ ਹੋਈ ਚੋਣ
UPSC ਵੱਲੋਂ ਜਾਰੀ ਅਧਿਕਾਰਤ ਨੋਟੀਫਿਕੇਸ਼ਨ ਮੁਤਾਬਕ UPSC ਸਿਵਲ ਸੇਵਾ ਦੀ ਪ੍ਰੀਖਿਆ ‘ਚ ਕੁੱਲ 958 ਉਮੀਦਵਾਰਾਂ ਦੀ ਚੋਣ ਕੀਤੀ ਗਈ ਹੈ। ਨੋਟੀਫਿਕੇਸ਼ਨ ਅਨੁਸਾਰ ਜਨਰਲ ਕੈਟੇਗਰੀ ਦੇ 317 ਉਮੀਦਵਾਰ, EWS ਦੇ 104 ਉਮੀਦਵਾਰ, OBC ਦੇ ਕੁੱਲ 306 ਉਮੀਦਵਾਰ, SC ਦੇ 158 ਉਮੀਦਵਾਰ ਅਤੇ ST ਦੇ 73 ਉਮੀਦਵਾਰਾਂ ਨੂੰ ਇਸ ਪ੍ਰੀਖਿਆ ਲਈ ਸਫਲ ਐਲਾਨਿਆ ਗਿਆ ਹੈ।
Share this content:
Post Comment