CBSE ਦਾ ਵੱਡਾ ਐਲਾਨ, ਅਗਲੇ ਸਾਲ ਤੋਂ 2 ਵਾਰ ਹੋਵੇਗੀ 10ਵੀਂ ਬੋਰਡ ਦੀ ਪ੍ਰੀਖਿਆ
ਨਵੀਂ ਦਿੱਲੀ, 25 ਜੂਨ – ਕੇਂਦਰੀ ਸੈਕੰਡਰੀ ਸਿੱਖਿਆ ਬੋਰਡ ਦੀ ਵਰ੍ਹਾ 2026 ਤੋਂ ਦਸਵੀਂ ਕਲਾਸ ਦੀ ਬੋਰਡ ਪ੍ਰੀਖਿਆ ਸਾਲ ਵਿਚ ਦੋ ਵਾਰੀ ਲੈਣ ਦਾ ਫੈਸਲਾ ਕੀਤਾ ਗਿਆ ਹੈ। ਪਹਿਲੀ ਪ੍ਰੀਖਿਆ ਫਰਵਰੀ-ਮਾਰਚ ‘ਚ ਹੋਵੇਗੀ ਅਤੇ ਦੂਜੀ ਪਰੀਖਿਆ ਮਈ ‘ਚ ਹੋਵੇਗੀ। ਪਹਿਲੀ ਪ੍ਰੀਖਿਆ ਮੁੱਖ ਪ੍ਰੀਖਿਆ ਹੋਵੇਗੀ ਅਤੇ ਦੂਜੀ ਪ੍ਰੀਖਿਆ ਸੁਧਾਰ ਪ੍ਰੀਖਿਆ ਦੇ ਨਾਂ ਨਾਲ ਜਾਣੀ ਜਾਵੇਗੀ। ਦੋਹਾਂ ਬੋਰਡ ਪ੍ਰੀਖਿਆਵਾਂ ‘ਚ ਵਿਸ਼ਿਆਂ ਨੂੰ ਬਦਲਣ ਦੀ ਇਜਾਜ਼ਤ ਨਹੀਂ ਹੋਵੇਗੀ। ਮੈਰਿਟ ਸਰਟੀਫਿਕੇਟ ਦੂਜੀ ਪ੍ਰੀਖਿਆ ਤੋਂ ਬਾਅਦ ਹੀ ਜਾਰੀ ਕੀਤਾ ਜਾਵੇਗਾ। ਪ੍ਰੀਖਿਆ ਦੀ ਕਾਪੀ ਦੀ ਫੋਟੋਕਾਪੀ ਤੇ ਦੁਬਾਰਾ ਮੁਲਾਂਕਣ ਦੀ ਸਹੂਲਤ ਵੀ ਦੂਜੀ ਪ੍ਰੀਖਿਆ ਦੇ ਬਾਅਦ ਹੀ ਉਪਲਬਧ ਹੋਵੇਗੀ।
ਬੋਰਡ ਦੀ ਦੋ ਵਾਰੀ ਪ੍ਰੀਖਿਆ ਕਰਨ ਦੀ ਸਹੂਲਤ ਵਿਕਲਪਿਕ ਤੌਰ ‘ਤੇ ਸ਼ੁਰੂ ਕੀਤੀ ਜਾਵੇਗੀ। ਇਹ ਜ਼ਰੂਰੀ ਨਹੀਂ ਕਿ ਵਿਦਿਆਰਥੀ ਦੋਨੋਂ ਵਾਰ ਬੋਰਡ ਪ੍ਰੀਖਿਆ ‘ਚ ਹਿੱਸਾ ਲੈਣ, ਪਹਿਲੀ ਪ੍ਰੀਖਿਆ ਮੁੱਖ ਪ੍ਰੀਖਿਆ ਹੋਵੇਗੀ। ਵਿਦਿਆਰਥੀ ਦੂਜੀ ਪ੍ਰੀਖਿਆ ਸੁਧਾਰ ਲਈ ਦੇ ਸਕਦੇ ਹਨ। ਕੌਮੀ ਸੁਰੱਖਿਆ ਨੀਤੀ 2020 ਤਹਿਤ ਬੋਰਡ ਪ੍ਰੀਖਿਆਵਾਂ ਦੀ ਪ੍ਰਣਾਲੀ ‘ਚ ਇਹ ਬਦਲਾਅ ਕੀਤਾ ਗਿਆ ਹੈ। ਇਹ ਬਦਲਾਅ ਸਿੱਖਿਆ ਨੂੰ ਘੱਟ ਤਣਾਅ ਵਾਲਾ ਤੇ ਵਧੇਰੇ ਸਮਾਵੇਸ਼ੀ ਬਣਾਉਣ ਦੀ ਦਿਸ਼ਾ ‘ਚ ਮਹੱਤਵਪੂਰਨ ਕਦਮ ਮੰਨਿਆ ਜਾ ਰਿਹਾ ਹੈ। ਪ੍ਰੀਖਿਆਵਾਂ ਨੂੰ ਵਧੇਰੇ ਲਚਕੀਲਾ, ਵਿਦਿਆਰਥੀ-ਕੇਂਦਰਿਤ ਤੇ ਦੋ ਮੌਕਿਆਂ ਦੀ ਵਿਵਸਥਾ ਤਹਿਤ ਡਿਜ਼ਾਈਨ ਕੀਤਾ ਗਿਆ ਹੈ। ਬੋਰਡ ਪ੍ਰੀਖਿਆਵਾਂ ਨੂੰ ਇਸ ਤਰ੍ਹਾਂ ਵਿਕਸਤ ਕੀਤਾ ਗਿਆ ਹੈ ਕਿ ਉਹ ਸਿਰਫ਼ ਰਟਣ ਬਜਾਏ ਵਿਦਿਆਰਥੀਆਂ ਦੀਆਂ ਮੂਲ ਯੋਗਤਾਵਾਂ ਦਾ ਮੁਲਾਂਕਣ ਕਰ ਸਕਣ।
ਪਹਿਲੀ ਪ੍ਰੀਖਿਆ ਦਾ ਸ਼ਡਿਊਲ
ਸ਼ੁਰੂ: 17 ਫਰਵਰੀ 2026
ਸਮਾਪਤ: 7 ਮਾਰਚ 2026
ਨਤੀਜਾ ਸੰਭਾਵੀ : 20 ਅਪ੍ਰੈਲ 2026
ਦੂਜੀ ਪ੍ਰੀਖਿਆ ਦਾ ਸ਼ੈਡਿਊਲ
ਸ਼ੁਰੂ: 5 ਮਈ 2026
ਸਮਾਪਤ: 20 ਮਈ 2026
ਨਤੀਜਾ ਸੰਭਾਵੀ: 30 ਜੂਨ 2026
Share this content:
Post Comment