ਹੱਜ ਯਾਤਰੀਆਂ ਦੀ ਲਾਈਨ ਨੇੜੇ ਡਿੱਗੀ ਹੂਤੀ ਬਾਗੀਆਂ ਦੀ ਮਿਸਾਈਲ

ਰਿਆਦ, 12 ਅਕਤੂਬਰ – ਸਾਊਦੀ ਅਰਬ ਨੇ ਐਤਵਾਰ ਨੂੰ ਆਪਣੇ ਮੁੱਖ ਕੌਮਾਂਤਰੀ ਹਵਾਈ ਅੱਡੇ ਨੂੰ ਬੰਦ ਰੱਖਣ ਦੀ ਮਿਆਦ ਹੋਰ ਵਧਾ ਦਿੱਤੀ ਹੈ। ਇਹ ਕਦਮ ਇੱਕ ਮਿਜ਼ਾਈਲ ਹਮਲੇ ਵਿੱਚ 12 ਲੋਕਾਂ ਦੇ ਮਾਰੇ ਜਾਣ ਅਤੇ 300 ਤੋਂ ਵੱਧ ਦੇ ਜ਼ਖ਼ਮੀ ਹੋਣ ਦੇ ਇੱਕ ਦਿਨ ਬਾਅਦ ਚੁੱਕਿਆ ਗਿਆ ਹੈ। ਉੱਥੇ ਹੀ ਹੂਤੀ ਬਾਗੀਆਂ ਨੇ ਪੂਰੇ ਦੇਸ਼ ਵਿੱਚ ਹੋਰ ਹਮਲੇ ਕਰਨ ਦੀ ਧਮਕੀ ਦਿੱਤੀ ਹੈ। ਫਲਾਈਟਰਡਾਰ 24 (Flightradar24) ਮੁਤਾਬਕ ਸਾਊਦੀ ਅਧਿਕਾਰੀਆਂ ਨੇ ਸ਼ਨਿੱਚਰਵਾਰ ਨੂੰ ਹਵਾਈ ਅੱਡੇ ਨੂੰ ਬੰਦ ਰੱਖਣ ਦੀ ਮਿਆਦ ਐਤਵਾਰ ਰਾਤ ਘੱਟੋ-ਘੱਟ 9 ਵਜੇ ਤੱਕ ਵਧਾ ਦਿੱਤੀ ਹੈ। ਉੱਥੇ ਹੀ ਹੂਤੀਆਂ ਨੇ ਕਿਹਾ ਕਿ ਸਾਊਦੀ ਦੇ ਹੋਰ ਹਵਾਈ ਅੱਡੇ ਉਨ੍ਹਾਂ ਦੇ ਨਿਸ਼ਾਨੇ ‘ਤੇ ਹਨ। ਰਿਆਧ ਹਵਾਈ ਅੱਡੇ ‘ਤੇ ਸ਼ਨਿੱਚਰਵਾਰ ਨੂੰ ਹੋਇਆ ਇਹ ਹਮਲਾ ਯਮਨ ਦੇ ਇਰਾਨ-ਸਮਰਥਿਤ ਹੂਤੀਆਂ ਅਤੇ ਸਾਊਦੀ ਬਾਦਸ਼ਾਹੀ ਵਿਚਕਾਰ ਜੰਗ ਦੇ ਇੱਕ ਵੱਡੇ ਵਾਧੇ ਨੂੰ ਦਰਸਾਉਂਦਾ ਹੈ।

ਇਸ ਹਮਲੇ ਉੱਤੇ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਕਿਹਾ ਕਿ ਉਹ ਇਸ ਗੱਲ ‘ਤੇ ਵਿਚਾਰ ਕਰ ਰਹੇ ਹਨ ਕਿ ਕੀ ਬਾਗੀਆਂ ਵਿਰੁੱਧ ਸਾਊਦੀ ਹਮਲਿਆਂ ਵਿੱਚ ਸ਼ਾਮਲ ਹੋਣਾ ਹੈ ਜਾਂ ਨਹੀਂ। ਜਿਵੇਂ ਹੀ ਕੌਮਾਂਤਰੀ ਆਗੂਆਂ ਨੇ ਐਤਵਾਰ ਨੂੰ ਇਸ ਹਮਲੇ ਦੀ ਨਿਖੇਧੀ ਕੀਤੀ, ਹੂਤੀਆਂ ਨੇ ਦਾਅਵਾ ਕੀਤਾ ਕਿ ਯਮਨ ਦੀ ਰਾਜਧਾਨੀ ਸਨਾ ‘ਤੇ ਦੋ ਹਵਾਈ ਹਮਲੇ ਹੋਏ ਹਨ ਅਤੇ ਇਸ ਦਾ ਦੋਸ਼ ਸਾਊਦੀ ਅਰਬ ‘ਤੇ ਲਗਾਇਆ। ਸਾਊਦੀ ਅਧਿਕਾਰੀਆਂ ਵੱਲੋਂ ਇਸ ‘ਤੇ ਤੁਰੰਤ ਕੋਈ ਟਿੱਪਣੀ ਨਹੀਂ ਆਈ ਅਤੇ ਨਾ ਹੀ ਕਿਸੇ ਜਾਨੀ ਨੁਕਸਾਨ ਦੀ ਰਿਪੋਰਟ ਮਿਲੀ ਹੈ। ਹੂਤੀਆਂ ਦੇ ਪ੍ਰਬੰਧ ਹੇਠਲੇ ਸਿਹਤ ਮੰਤਰਾਲੇ ਦਾ ਕਹਿਣਾ ਹੈ ਕਿ ਪੰਜ ਹਫ਼ਤਿਆਂ ਵਿੱਚ ਸਾਊਦੀ ਦੀ ਅਗਵਾਈ ਵਾਲੇ ਗੱਠਜੋੜ ਦੁਆਰਾ 91 ਯਮਨੀ ਮਾਰੇ ਗਏ ਹਨ ਅਤੇ 168 ਜ਼ਖ਼ਮੀ ਹੋਏ ਹਨ।