Netflix ਤੋਂ OTT ਪਲੇਟਫਾਰਮਾਂ ਤਕ, Premium Auto Pay ‘ਤੇ ਵੀ ਲੱਗੇਗਾ ਚਾਰਜ

ਨਵੀਂ ਦਿੱਲੀ, 16 ਸਤੰਬਰ – ਅੱਜ ਦੇ ਡਿਜੀਟਲ ਦੌਰ ‘ਚ ਹਰ ਪੇਮੈਂਟ ਦੀ ਤਰੀਕ ਯਾਦ ਰੱਖਣਾ ਕਾਫ਼ੀ ਮੁਸ਼ਕਲ ਹੈ। OTT ਦਾ ਪੇਮੈਂਟ ਹੋਵੇ, SIP ਦਾ ਟ੍ਰਾਂਜ਼ੈਕਸ਼ਨ ਹੋਵੇ ਜਾਂ ਫਿਰ ਇੰਸ਼ੋਰੈਂਸ ਦਾ ਭੁਗਤਾਨ, ਹਰ ਚੀਜ਼ ਲਈ ਅਸੀਂ ਪੇਮੈਂਟ ਐਪ ‘ਤੇ Auto Pay ਸੈੱਟ ਕਰ ਦਿੰਦੇ ਹਾਂ। ਇਸ ਨਾਲ ਮਹੀਨੇ ਦੀ ਤੈਅ ਤਾਰੀਖ ‘ਤੇ ਪੈਸਾ ਆਪਣੇ ਆਪ ਟ੍ਰਾਂਸਫਰ ਹੋ ਜਾਂਦਾ ਹੈ। ਹੁਣ ਲੋਕਾਂ ਦੇ ਮਨ ‘ਚ ਸਵਾਲ ਹੈ ਕਿ ਕੀ 15 ਅਕਤੂਬਰ ਤੋਂ UPI ‘ਤੇ ਲੱਗਣ ਵਾਲਾ MDR ਇਸ ਤਰ੍ਹਾਂ ਦੇ Auto Pay ਪੇਮੈਂਟਸ ‘ਤੇ ਵੀ ਲਾਗੂ ਹੋਵੇਗਾ ਜਾਂ ਨਹੀਂ? ਆਓ ਇਸ ਬਾਰੇ ਵਿਸਥਾਰ ਨਾਲ ਜਾਣਦੇ ਹਾਂ।

ਦੱਸ ਦੇਈਏ ਕਿ 15 ਅਕਤੂਬਰ ਤੋਂ ₹2,000 ਤੋਂ ਜ਼ਿਆਦਾ ਦੇ ਹਰ UPI ਪੇਮੈਂਟ ‘ਤੇ MDR ਲੱਗੇਗਾ। ਹਾਲਾਂਕਿ ਛੋਟੇ-ਮੋਟੇ ਖਰਚਿਆਂ ‘ਤੇ ਇਹ ਲਾਗੂ ਨਹੀਂ ਹੋਵੇਗਾ। ਇਸ ਦਾ ਅਸਰ ਗਾਹਕਾਂ ‘ਤੇ ਨਹੀਂ, ਸਗੋਂ ਮਰਚੈਂਟ ‘ਤੇ ਪਵੇਗਾ। ਜੇਕਰ ਤੁਸੀਂ ਕਿਸੇ ਮਰਚੈਂਟ ਜਾਂ ਬਿਜ਼ਨੈੱਸ ਅਕਾਊਂਟ ‘ਤੇ ₹2,000 ਤੋਂ ਜ਼ਿਆਦਾ ਦਾ ਪੇਮੈਂਟ ਕਰੋਗੇ ਤਾਂ 0.4 ਫੀਸਦੀ MDR ਲੱਗੇਗਾ। ਉੱਥੇ ਹੀ ₹75,000 ਤੋਂ ਜ਼ਿਆਦਾ ਦੇ ਪੇਮੈਂਟ ਜਾਂ ਟ੍ਰਾਂਜ਼ੈਕਸ਼ਨ ‘ਤੇ ਇਸ ਦੀ ਵੱਧ ਤੋਂ ਵੱਧ ਸੀਮਾ ₹300 ਰੱਖੀ ਗਈ ਹੈ। ਯਾਨੀ ਜੇਕਰ ਤੁਸੀਂ ਕਿਸੇ ਦੋਸਤ ਨੂੰ ਪੈਸੇ ਭੇਜੋਗੇ ਤਾਂ MDR ਲਾਗੂ ਨਹੀਂ ਹੋਵੇਗਾ। ਪਰ ਜੇਕਰ ਤੁਸੀਂ ਕਿਸੇ ਬਿਜ਼ਨੈੱਸ ਅਕਾਊਂਟ ‘ਤੇ ਪੈਸੇ ਭੇਜੋਗੇ ਤਾਂ ਇਹ ਲਾਗੂ ਹੋਵੇਗਾ। ਇਸ ਤੋਂ ਇਲਾਵਾ ਇਹ ਗਾਹਕਾਂ ਤੋਂ ਨਹੀਂ ਵਸੂਲਿਆ ਜਾਵੇਗਾ, ਸਗੋਂ ਇਹ ਮਰਚੈਂਟ ਪੇਮੈਂਟ ਸਿਸਟਮ ਦੇ ਅੰਦਰ ਲਗਾਇਆ ਜਾਣ ਵਾਲਾ ਚਾਰਜ ਹੈ।

Auto Pay ‘ਤੇ ਲਾਗੂ ਹੋਵੇਗਾ MDR?

ਸਭ ਤੋਂ ਪਹਿਲਾਂ ਗੱਲ ਕਰੀਏ SIP ਦੀ। ਜੇਕਰ ਤੁਹਾਡੀ SIP UPI Auto Pay ਜਾਂ UPI Mandate ਰਾਹੀਂ ਚੱਲ ਰਹੀ ਹੈ ਤਾਂ ਉਸ ਪੇਮੈਂਟ ‘ਤੇ MDR ਲਾਗੂ ਨਹੀਂ ਹੋਵੇਗਾ। ਪਰ ਜੇਕਰ ਤੁਸੀਂ ਮਿਊਚੁਅਲ ਫੰਡ ‘ਚ ਨਿਵੇਸ਼ ਲਈ ਹਰ ਵਾਰ ਕਿਸੇ ਨਵੀਂ UPI ID ਰਾਹੀਂ ਪੇਮੈਂਟ ਕਰਦੇ ਹੋ ਤਾਂ ਉੱਥੇ MDR ਲਾਗੂ ਹੋਵੇਗਾ। ਕੈਪੀਟਲ ਮਾਰਕੀਟ ਨਾਲ ਜੁੜੇ ਯੋਗ ਪੇਮੈਂਟ, ਜਿਵੇਂ ਮਿਊਚੁਅਲ ਫੰਡ, ਸਕਿਓਰਿਟੀਜ਼ ਅਤੇ ਸਟਾਕ ਬ੍ਰੋਕਰ ਨਾਲ ਜੁੜੇ ਟ੍ਰਾਂਜ਼ੈਕਸ਼ਨ ‘ਤੇ 0.02 ਫੀਸਦੀ MDR ਤੈਅ ਕੀਤਾ ਗਿਆ ਹੈ। ਇਸ ਦੀ ਵੱਧ ਤੋਂ ਵੱਧ ਸੀਮਾ ₹300 ਪ੍ਰਤੀ ਟ੍ਰਾਂਜ਼ੈਕਸ਼ਨ ਹੈ।

ਇੰਸ਼ੋਰੈਂਸ ‘ਤੇ ਲਾਗੂ ਹੋਵੇਗਾ MDR?

• • ਜੇਕਰ ਤੁਸੀਂ ਆਪਣੇ ਇੰਸ਼ੋਰੈਂਸ ਪ੍ਰੀਮੀਅਮ ਲਈ Auto Pay ਸੈੱਟ ਕੀਤਾ ਹੈ ਤਾਂ ਇਸ ਲਈ ਕੁਝ ਵੱਖਰੇ ਪ੍ਰਬੰਧ ਰੱਖੇ ਗਏ ਹਨ।
  • ₹2,000 ਤੋਂ ਜ਼ਿਆਦਾ ਦੇ ਕੁਝ ਤੈਅ ਇੰਸ਼ੋਰੈਂਸ ਪੇਮੈਂਟਸ ‘ਤੇ 0.4 ਫੀਸਦੀ ਦੀ ਬਜਾਏ ₹5 ਪ੍ਰਤੀ ਟ੍ਰਾਂਜ਼ੈਕਸ਼ਨ MDR ਲੱਗੇਗਾ।

OTT Auto Pay ਲਈ ਕੀ ਹੈ ਨਿਯਮ?

ਇਸ ਦਾ ਸਿੱਧਾ ਜਵਾਬ ਹੈ—ਨਹੀਂ। Netflix, Amazon Prime, Hotstar ਜਾਂ ਕਿਸੇ ਹੋਰ OTT ਪਲੇਟਫਾਰਮ ਲਈ ਸੈੱਟ ਕੀਤੇ ਗਏ Auto Pay ‘ਤੇ MDR ਲਾਗੂ ਨਹੀਂ ਹੋਵੇਗਾ।